استفسار عن القطط يا مولانا

النيل الخالد · **مرسل:** الجمعة سبتمبر 26, 2014 10:42 am

سيدى حدثت حاجة غريبة جدا عندنا ولا أجد لها تفسير
وجدت قطة فوق سطح جيرانينا صغيرة جدا تنونو بصوت مرتفع
جدالا يناسب حجمها ورأتنى بنت الجيران وسألتنى عنها هل هى قطتنا
فأخبرتها لا أحنا لا نربى قطط فى منزلنا وإنى أخاف منهم
فقالت لى إنها ازعجتها من صوت ننوتنها العالى جدا طول الليل
ولا تسكت أبدا وإنها وضعت لها طعام علها جائعة فتركته
وهى لا تدرى ماذا تفعل!!!!!
المهم أشارت عليها أن تسربها فى الشارع وتتركها! !!!
المهم استيقظنا امس على صوت نونوة رهيب تخيلت أن اولادى تركوا البلكونة
مفتوحة فالقطة دخلت المنزل وبحثنا فوجدناها فى بلكونة الأولاد الصغيرة
ففى الشقة بلكونتين واحدة كبيرة جدا فى الخارج
وأخرى صغيرة فى حجرة الاولاد
المهم كيف جاءت البلكونة وبيي البلكونة وبين سطح الجيران حوالى مترين
وهى صغيرة لا تستطيع القفز من هذه المسافة
بصراحة ظنيت أن الخيران بدل ميسربوها على الشارع
سربوها علينا

دخل زوجى يحاول إخراجها استخبت ورا دولاب فى البلكونة به كراكيب
حاول أن يخرجها وزحزح الدولاب
أخذت تنظر إليه وفتحت فاها وظهرت أنيابها
خرج وهو يقول شكلها مسعورة
أصابنى الفزع
ولم تفلح محاولة إخراجها
تركناها وفى أخر النهار عندما رجع زوجى سمع صوتها العالى مازالت تنونو
فقال لعلها جائعة ألم تضعوا لها طعام قلنا لا إننا خائفين
فدخل ووضع لها تونة على جرنال
وهى مازالت مستخبية وتنونو
فى المساء نظرنا عليها وجدناها أكلت التونة ولكنها لا تكف عن النونوة بصوت مرتفع
جدا لا يناسب حجمها
محاولة أخرى لإخراجها لم تفلح تنط من هنالهناك فى ثانية ولا تراها من سرعتها
يأسنا وتركناها حتى نرى ماذا سنفعله اليوم معها وكيف نخرجها
قبل النوم سمعت تنخبش بأظافرها على باب البلكونة
ومازالت تعوى
استيقظنا اليوم لنراها لم نجدها!!!
والله اندهشنا جدا فهى صغيرة قد حجم اليد كيف جاءت وكيف ذهبت
العلم عند الله
زوجى يقول إنها ليست قطة وإنها بسم الله الرحمن الرحين جن
لا أدرى سيدى ما هذا الزائر ولماذا نحن! !!!!

خلف الظلال · **مرسل:** الجمعة سبتمبر 26, 2014 12:39 pm

الغريب إن لسة حاصل معايا موقف مشابه!!
بس احنا بنحب القطط لأنهم من زمان بيجبروا نفسهم علينا (نفس حكاية القطة الزائرة عندكم)
فاتعودنا على ان يجيلنا قطط ويمشوا
واحنا اشترينا بعد كدة قط وعندنا مجموعة

بس أول أمس لقيت قط صغير (مش رضيع مفطوم من شهر تقريبا) وقاعد قدام بابنا وكأن البيت بيته واحنا في الدور السادس
وما بقاش يطلع لنا قطط اصلاا من سنين كفاية اللي عندنا
ورافض يمشي...وماما ترش عليه ماية (وهم بيكرهوا الماية اصلا) ومش راضي يمشي ونزل وطلع تاني

والقطة عندي خرجت له وفضلوا يتكلموا بلغة غريبة (ليست مواء ولا أصوات الزئير) استغربت جدا

افتكرت زمان لما كنا في المدرسة جالنا قط وكان بيدخل عندنا ينام وخيرج للشارع تاني
مرة ماما قالت له ما تجيش تاني انت بتعطلهم عن المذاكرة من فضلك بطل تيجي
مشي وماجاش ولا شفناه حتى في الشارع كأنه فص ملح وداب

سبحان الله
القطط عالم غريب
ولله في خلقه شئون
ربنا يكفينا ويكفيكي أختي النيل الخالد أنتي واسرتك شر كل ذي شر
آمين وكل القارئين والمسلمين

النيل الخالد · **مرسل:** السبت سبتمبر 27, 2014 12:59 am

اللهم امين أختى الفاضلة
جزاكى الله خيرا وبعد عنكى كل شر بحوله وقوته اللهم امين

msobieh · **مرسل:** السبت سبتمبر 27, 2014 8:22 am

هل من الممكن تقفز من شئ لشئ عن طريق الكراكيب والدولاب ؟

أما عن القطط فأحوالها كثيرة .... الطوافون عليكم والطوافات

ولهم لغة على ما أذكر 3 حروف

وكانت أحد معارف جدتي عندها قطط لو ضربت إحداها وجدت أثر الضرب على ابنتها في نفس المكان؟

وكنت قبل غزو متنطعين لمسجد أصلى الفجر أنا ورجل عجوز فقط

كنت أخرج من منزلي تأتيني قطة تتمسح توصلني لباب المسجد ولا تتدخل

فإذا ما صليت توصلني لباب المنزل مرة أخرى

كل يوم؟

وقد تروهم في المقامات بالذات

وهم عالم خطير فعلا .. ألا ترون عدائهم للفئران ؟

وما أدراكم ما الفئران ؟

غير أن عندهم نفس وحب لذاتهم عالي .... لذا قد يكون عندهم غدر

في جميع الأحوال عند رؤية من يُظن أن به روحانية معينة عاملوهم بالإحسان والإكرام حتى ينصرفوا

وكنتم وضعتم لهم اللبن

وقد تكون رماها أحد الأطفال من أحد البلكونات أو الأسطح وتكون جائعة جدا وخائفة فتبدوا كالمسعورة

اتعجب ممن يربون القطط والكلاب كيف يربونها ؟

طبعا أتفهم تربية الكلاب للحراسة خاصة بعد أحداث يناير

لكن القطط .... لا أدري ؟

وإن كان مرة كنت عند بعض المعارف وكان عندهم قطة سيامي لا تتعامل مع أحد

وكنت أجلس معهم فأتت وقفزت وجلست على رجلي ... جسمي اقشعر

صاحبة المنزل قالت أنها تحتفي بك

وقالت لها تعالي

القطة رفضت بشكل غريب جدا وجلست حوالي نصف ساعة في حجري

صاحبة المنزل حزنت جدا من أن القطة المرتبطة بها جدا وهي أيضا مرتبطة جدا بها لم تسمع كلامها ولم ترضى أن تحملها ؟

ومع ذلك فعندي حساسية من القطط فقد عضت أختى ونحن أطفال وأخذت 21 حقنة

وأخيرا : بسم الله الرحمن الرحيم

حكاوي القهاوي ؟

النيل الخالد · **مرسل:** السبت سبتمبر 27, 2014 9:59 am

msobieh كتب:

هل من الممكن تقفز من شئ لشئ عن طريق الكراكيب والدولاب ؟

أما عن القطط فأحوالها
في جميع الأحوال عند رؤية من يُظن أن به روحانية معينة عاملوهم بالإحسان والإكرام حتى ينصرفوا[/light]

وكنتم وضعتم لهم اللبن

وقد تكون رماها أحد الأطفال من أحد البلكونات أو الأسطح وتكون جائعة جدا وخائفة فتبدوا كالمسعورة

اتعجب ممن يربون القطط والكلاب كيف يربونها ؟

وأخيرا : بسم الله الرحمن الرحيم

حكاوي القهاوي ؟

لأ يا سيدى هية كانت مستخبية وراء الدولاب وعندما نهشها تقفز خلف الشيش
نهشها تقفز مرة أخرى وراء الدولاب وهكذا فتركناها

المهم إنها رجعتلنا تانى :oops:

مضررين نسلم أمرنا لله لحد متزهق وتتركنا وهية مقتنعة تماما بتركنا
والحمد لله رب العالمين

محب مولانا الحسين · **مرسل:** السبت سبتمبر 27, 2014 12:08 pm

سيدى الشريف

ربنا يحبب في حضرتك خلقه كمان و كمان

عندهم بصيرة و شايفين ..

الموضوع بيفكرنى بالجن اما كانوا اسرع استجابة لسيدنا رسول الله صلى الله عليه و آله و سلم

اظن يا سيدى المجاذيب كمان لما بيشوفوا حضرتك بيعرفوا علطول

مش زينا و لا حول و لا قوة إلا بالله

ربنا يرزقنا البصيرة

سبحان الله قريب جدا من اللى حدث مع الفاضلة النيل الخالد .. حصل معايا بردك

كنت انا و والدى و وواحد تانى قاعدين بليل فى البيت عندنا , و ووالدى بيقرأ لنا من كتاب الإبريز بتاع سيدى عبد العزيز الدباغ.. احنا فى دور عالى و فيه مسافة ما بينا و بين العمارات اللى جنبنا
و بدون مقدمات لقينا فى البلكونة قطة قاعدة على السور و بتبص لنا.. سألت والدى عنها قال لى دى جاية تزورنا عشان تستمع للكلام اللى بيتقال

المهم الليلة عدت و دخلت نمت و خفت اطلع البلكونة بصراحة.. المهم تانى يوم صحيت ناسى و خرجت و رجعت بليل .. و انا نايم فى الاوضة بتاعتى لقيت نووة عالية جدا جنب شباك البلكونة اللى فى غرفتى

صحيت و كنت فاكر انها قطة فى الشارع, بس كنت مستغرب انه ازاى صوتها واصل لحد فوق كده..

محطتش فى مخى و على اخر اليوم بليل كنت قاعد مع ابن خالتى بنتفرج على التليفزيون.. و بنبص لقينا القطة على السور و بتبص لنا.. اترعبنا .. و قلت له بكره الصبح نخش نشوف ايه الحكاية .. طبعا تقريبا منمناش و جه الصبح خدنا عصيان و طلعنا عشان نشوف نعمل ايه مع القطة .. و سبحان الله فص ملح و داب و من بعدها مشفنهاش تانى

موقع د. محمود صبيح

استفسار عن القطط يا مولانا

الموجودون الآن