موقع د. محمود صبيح

كليب ابله فاهيتا وحسن الشافعى و افلام العيد

ترسيخ لرموز وافكار الماسونيه - وتسفيه من نظرية المؤامره

وتعرف على سبب اختيار المانيا الشرقيه لتصوير الكليب



كليب فاهيتا وحسن الشافعى
رسايل عماله تيجى بخصوص الكليب دا
انا ليا تعليق سريع مبدأيا

1- ناس كتير بتسأل حسن الشافعى ايه اللى
يدخله مع فاهيتا؟
انا بإختصار ليا رد بسيط
مش كل الناس تقدر تحدد اذا كانوا بيدخلوا الحاجة الغلط ولا بيشاركوا فيها بجهل منهمواظن اتكلمنا قبل كده عن المطربين والفنانين فى مصر لما قلت ان الفنان اللى بتشوف فى اعماله رمز ماسونى مثلا
دا بيكون له 3 تقسيمات

النوع الاول : انه فنان فعلا عارف الماسونيه وداخل فيها وبيحط الرموز فى افلامه او اغانيه متعمد عشان هو دا المقابل اللى بيدفعه فى مقابل ان الماسونيه بتلمعه زى صاحبنا بتاع القرد والباندا اللى فجأة
بقى بيعمل اعلانات مع ميسى !

النوع التانى :
دا بيكون عارف يعنى ايه ماسونيه بس مش فى دماغه وبيدور ورا الفلوس وخلاص .. يعنى مثلا مطرب يسمع عن الماسونيه
ورموزها من باب المعرفه فبيروح يجيب مخرج يعمله كليب.. يلاقى المخرج عمل كليب جميل بس فيه رمز ماسونى .. الفنان
دا عشان بيحب الفلوس بيسكت وخلاص مش حباً فى الماسونيه انما عشان شكل الكليب حلو ودى سبوبه وهو مالوش فيه
ماسونيه ولا اى داهيه تانيه

النوع التالت : ودا النوع الغالب فى مصر الجهل ... الفنانين فى مصر عالميين على مستوى الفن لكن ثقافيا مفيــــــــــــــــــــش
فتلاقى مطرب او ممثل كبير بيجيب مخرج اجنبى يعمله كليب او فيلم وتلاقى الكليب دا كله رموز ماسونيه اللى حطها المخرج الامريكانى ولا الفرنسى اللى اخرج الكليب والنجم بتاعنا ولا هوا فاهم يعنى ايه ماسونيه ولا يعرف عنها ولا اصلا سمع عنها
بس المخرج اللى جاى من برا متأثر بثقافته وانتماءاته لان معظم المخرجين والفنانين برا اعضاء فى المحافل الماسونيه .. بييجى
المخرج دا يضرب عصفورين بحجر..الاول بياخد فلوس وبعمل كليب..والتانى بينشر رموزه جوا الكليب ومحدش فاهم حاجه
دا بإختصار قصة هو حسن الشافعى ايه
دخله الموضوع دا لانى مقدرش لحد الان احدد اهواءه او
انتماءاته وعشان ماقولش كلام فى الهوا


** ولكن استمرار فى نقطة حسن الشافعى
خلينا نقول شوية نقاط مربوطة ببعض
نشوف هل فعلا دى صدف .. ولا حسن الشافعى مايعرفش
ولا هل دايما لما بيتم تلميع حد ؟ بيتم تلميعه لانه اشترك معاهم !!



حسن الشافعى موزع موسيقى.. دا حسن زمان


** حسن كان شغل زى اى موزع موسيقى
بس تعالوا نربط شوية حاجات مع بعض !

1- حسن هو اللى عمل اعلانات بيبسى فى رمضان اللى فات
طبعا مش محتاجين نتكلم كتير عن شركة بيبسى !!!!!!!
وكمان الجميل فى الامر .. ان اعلانات رمضان اللى فات كان استخدام للاعلانات اللى فيها استعادة الناس المتوفيه زى فؤاد المهندس ..؟ اللى هى فكرة الهولوجرام اللى اتكلمنا عنها من فترة ..
ودا الموضوع للى حابب يقرا لو مش متابع


http://eslamelbahrawy.blogspot.com/2014 ... quake.html

2- بعد كده ... نلاقى حسن بقى نجم برنامج فنى اسمه
arab idol
البرنامج اللى كان بيهزأ العرب وبيسخر منه
وناس كتير كرهت احلام وحسن الشافعى وراغب علامه بسبب سخريتهم المستمره من المشتركين وضحكهم عليهم خاصة المصريين !

3- اه ماننساش ان عرب ايدول كان بيتذاع فين ؟؟؟ ايووة على قناة ام بى سى !!

4- قناة ام بى سى اللى شنت الهجوم على جيش مصر والمشير السيسي عن طريق برنامج باسم يوسف !

5- بعد كده يظهر حسن الشافعى مع فاهيتا

وطبعا مش محتاجين نتكلم عن فاهيتا

6- لحد هنا ؟؟ الله اعلم هل يعرف؟ مايعرفش؟ بيتلمع؟ ولا ماتلمعش؟
انا بقول اللى بيدور فى بالى !!!!!!!!



بالنسبه للكليب

** نسأل بقى.. ليه تم تصوير الكليب فى الجزء الخاص بألمانيا الشرقيه
ايام ما كانت المانيا متقسمه لمعسكر شرقى ومعسكر غربى ........؟
تعالوا نشوف شويه حاجات وهاتبقى صدفه برضو يا اخى !

1- المعسكر الغربى فى المانيا كان بيحكمه امريكا وانجلترا وفرنسا

بينما المعسكر الشرقى كان بيحكمه مين .. الاتحاد السوفييتى
وفى الكليب جايبين شوية حاجات تبين ان المعسكر الشرقى كان معسكر وحشى
وكان قمعى زى الالمان ما بيقولوا
منهم مثلا
صورة حائط برلين اللى تم بناءه لتقسيم المانيا واللى من الجانب الشرقى كانوا حاطين يافطه
فيها تحذير ان محدش يمر لان دا خطر وكانوا بيسموا المنطقة Dead Zone او حيز الموت
ف ايه فايدة ان انت تجيب الجزء الخاص بعنف الاتحاد السوفييتى؟
على الرغم ان الناحيه التانية الامريكان كانوا مسيطرين على الجزء الاخر وكانوا بيعملوا عنف برضو؟
غريبه معرفش ليه افتكرت مصر وروسيا ( الله يمسيك بالخير يا بوتين ) !!!!!!

ايوة موجودة الصورة فى الكليب شوفوا كده
دى صورة الكليب



دى صورة السور نفسه



انا وقف قصادى صورة فى الكليب
صورة حد بزى عسكرى ومكتوب قصادها ... no !!!
الصورة دى معناها ايه انها تطلع فى الكليب ؟
وفاهيتا فى الكليب وقفت وبصت للصورة

الزى العسكرى؟ وكلمة no ??
لا للعسكر مثلا .. او لا للانقلاب مثلاااااااااااااااااااااااا !!




** لافت نظرى اللون الاصفر طول الكليب
ملابس ابله فاهيتا
اليافطات اللى بتتعلق
اختيار الاماكن اللى فيها مترو او قطار باللون الاصفر فقط !!!!
وكلهم موجودين فى الجانب الشرقى من برلين
واسماء المحطات اللى ظاهرة باللون الاصفر اللى هيا :
Alexanderplatz, Rosenthaler , Straße, and Bernauer Straße

كانوا بيتسموا مدن او محطات الاشباح نظرا لان السوفييت العسكريين كانوا بيحكموها وكان اللى بيعدى منها كان بيتقتل !!!!!!!!!!!!!!!!

تعالوا نشوف الصور كده اللى باللون الاصفر
جايز تفكرنا بحاجه










وانا بتفرج على الكليب من كتر اللون الاصفر حسيت ان محمد مرسى هو مخرج الكليب

بس جميل اختيار اللون
وبالصدفه المكان اللى يتعلق فيه البوسترات يكون فيه اعلانات بالاصفر وفيها رقم 4
سبحان الله




** نيجى للصورة دى



** عندنا كلمتين
Lido
IKE

** ليدو دى السينما الوحيدة اللى كانت مفتوحه على الحدود لان المعسكر الشرقى اللى بيحكمه السوفييت !! كان قافل كل الميديا والتلفزيون والسينما وكانت دى المتنفس الوحيد !
معرفش ايه علاقته بالاغنيه .. ولا احنا عشان فى علاقات بيننا وبين روسيا دلوقتى
بتشبهونا اننا قمعيين مثلا وبنقفل القنوات بتاعت الاخوان
ولا يمكن يافطة ليدو دى المتنفس الوحيد للناس ضد قهر العسكر السوفييت
تشبه مثلا يافطة مسرح راديو اللى كان بيقدم فيه باسم يوسف برنامجه اللى اتووووقف !!!!!!!

وكانوا برضو بيقولوا عليه المتنفس الوحيد للناس ضد النظام !!!!!




** الكلمة التانيه
كلمة IKE
دى اشارة لمين بقى؟ الكلمة اللى طالعه بيها فى الكليب يا سيدى

نقولك ان الكلمة اختصار للقب رئيس امريكا




دوايت ديفيد أيزنهاور (14 أكتوبر 1890 - 28 مارس 1969)، سياسي وعسكري أمريكي والرئيس رقم 34 تولى حكم الولايات المتحدة في الفترة من 1953 إلى 1961.
خلال الحرب العالمية الثانية، شغل منصب القائد الأعلى لقوات الحلفاء في أوروبا، المسؤولة عن التخطيط والإشراف على نجاح غزو فرنسا وألمانيا. في عام 1951، أصبح أول قائد أعلى لقوات حلف الناتو.

انهى حرب كورية وحافظ على الضغط على الإتحاد السوووووفيتي خلال الحرب الباردة.

ومن اقواله
«أن كل بندقية تصنع وكل سفينة حربية تدشن، وكل صاروخ يطلق هو في الحسابات الأخيرة عملية سرقة للقمة العيش من فم الجياع ومن أجساد الذين يرتجفون من شدة البرد ويحتاجون إلى الكساء». الرئيس أيزنهاور

تحس ان اقواله ثورجيه كده قالبه على عيش حريه عداله اجتماعيه !!!!!!!!!!

جميل ان الكليب يتصور فى الجزء الشرقى اللى بيصور بشاعة السوفييت اللى مصر للاسف حاليا يا اخى متحالفه مع واحد منهم اللى هى روسيا.. ياااه على الصدف
وجميل انك تجيب ايزنهاور الرجل الامريكانى اللى وقف فى وش السوفييت !!


** بالمناسبه
الشركة اللى شاركت فى انتاج الاغنية هى شركة JWT
وهى نفس الشركة اللى بتعمل اعلانات
كوكاكولاوالمشروبات الغازيه اللى بيكون فيها كل الرسايل اللى بنتكلم عنها !!!!
وهى نفس الشركة اللى شغال فيها تميم يونس واحد من الناس اللى لمعت ابله فاهيتا



** نقطة اخيرة
الاغنية والفيلم وبوست الفيس بوك اللى بنقول ان فيه رسايل
لازم الناس تعرف ان الرسايل مش بس تفجير او رسايل قتل
الرسايل دى كذا نوع

- فى رسايل او شفره عشان تفجر او تقتل زى رسالة ابله فاهيتا اللى نزلتها وبعدها اتفجرت طيارة هليكوبتر فى سيناء وحتى والدة احد الشهداء قالت بنفسها فى التلفزيون ان البوست بتاع فاهيتا له علاقه بالتفجير







- وفى رسايل او شفره الغرض منها انك تتعود على رموز الدجال فى حياتك زى الافلام اللى بتلاقيها كلها صور للعين
الواحده وتدعوك للالحاد وتدعوك للتمرد
على طبيعة خلق الله زى مسلسل كرتون اباظه اللى شرحناه قبل كده
وتقدروا تشوفوا الشرح من الرابط دا
http://eslamelbahrawy.blogspot.com/2014 ... eries.html

وزى الفيلم اللى نازل فى العيد بتاع الحرب العالميه التالته




وزى فيلم هاتولى راجل اللى عاوز يغير المنظومة ويخلى الرجل يحمل ويرضع اطفال والست هى اللى تشتغل ضابط وتنزل
تعلق رجاله من الشارع !!





- وفى نوع تالت بقى من الرسايل ودا اللى بتستخدمه فاهيتا مؤخرا وكان داخل معاها على الخط باسم يوسف وهو التشويه والتسفيه من الامور الخطيرة عشان الشعب مايهتمش وياخد باله
زى ما شوفنا التسفيه من حكاية الشفرات والتسفيه من اى اعلامى او اى حد بيجيب سيرة شفرات او رسائل مشفره عن طريق السخريه والضحك وزى التسفيه من المؤامرة وان مصر فى مؤامرات عليها زى باسم يوسم ما خصص موسم كامل عشان
يسفه من المؤامرة على مصر ودا النوع المستخدم فى اغنية فاهيتا وحسن الشافعى
التقليل من كل حاجه اسمعوا كلمات الاغنيه
وهى بتقلل من اللى بيتابعوها وبيحللوا كلامها عشان تخلى الشباب ياخد الامر بتهريج ومايهتمش


** اخيرا وصدقونى وبقول كلام متأكد منه
لما تلاقى قرد بيتكلم وبيعمل عمليات للبوليس
العمليه ميسى
http://eslamelbahrawy.blogspot.com/2014 ... sages.html


وبعدها حيوان باندا بيتكلم وبيعيش زينا




وتلاقى دميه عروسه لعبه زى فاهيتا بتعمل اغانى وتتكلم
والله صدقونى
لو الصبح بتفتح التلفزيون وشوفت الاخبار
بتقول حيوان ناطق او مخلوق غريب يشبه
البشر يتحدث وتم العثور عليه فى منطقة نائيه مثلا ...؟
صدقنى الخبر ولا هايفرق معاك ولا هاتندهش
لانك خلاص..اتبرمجت انك تتعود على الحاجت دى !!
والايام بيننا

** يلا مستنى التهكم والضحك والتهريج من الجهلاء
اتعودت على كده ومستنيكم لان تهكمكم هو اللى بيخلينى استمر

Research By E.E
Eslam Elbahrawy