منقول..... ويعجبني!!

molhma · **مرسل:** الخميس أغسطس 27, 2020 12:57 am

اغلق عليك باب الفتنة ولا تختبر قوتك فيها .. !

منحاوطش نفسنا بدايرة كل اللي فيها بعيد عن ربنا و نقول بس احنا ملتزمين..
متبقاش كل اللي بتشوفه عنينا تصرفات حرام و نقول بس احنا مش هنعمل كده..
متطاوعش حد يقولك هنخرج في مكان و انت عارف ان فيه عُري و شُرب و تقول انا مليش دعوة.. الدنيا مضاقتش بيكو خلاص!
متصاحبش ناس مش بتصلي و بيستحلّو الحرام و تقول مليش دعوة بيهم.. لإن مسيرك هتستحل زيهم حاجات و هتتأثر أو هتكسل في صلاتك او هتأخرها في يوم، و ممكن تقطعها خالص
و الا مكانش نبهنا الرسول ﷺ حين قال: الرجل على دين خليله، فلينظر أحدكم من يخالل..
مفيش كلام بعد كلام سيدنا محمد ﷺ

اللي بتستنكره انهارده ممكن من كتر ما بتشوفه حوليك تألفه..
متسمعش لحد عايز يشكك في فروض ربنا و يدخل معاك في نقاشات بلا جدوي.. اقفل الباب من الأول..
الزّن علي الودان أمرّ من السحر..
قلبك اللي كان بيقولك لأ اوعي تعمل كده، ممكن يضعف و يزّن عليك تجرّب..
و حتي لو معملتش المعصية هتستصغرها و تستهتر بيها ..
لا تستهين بدقيق الذنوب
ولا تستخف بصغائر المعاصي
فمعظم النار من مستصغر الشرر
ولا تحقرن صغيرة إن الجبال من الحصي...

لو مقفلتش باب الفتن هتفتح مدخل للشيطان انه يقولك ما كلهم ما بيصلوش... ما كلهم بيقلعوا الحجاب.. الايمان في القلب مش لازم تصوم .. اللي بتعمله ده مش زنا ، فيها ايه لما تاخد فلوس حرام بس تصرفها في الخير .... !!

اوعي تتكسف و انت بتبعد عن ناس هتبعدك عن ربنا..
مش هينفعوك ..دول هيسحبوك..
يبقي أي باب فيه مجال للحرمانية نقفله..
لا تختبر قوتك في الفتن عشان محدش كبير عليها الا من رحم ربي...

https://m.facebook.com/story.php?story_ ... 9257380189

حامد الديب · **مرسل:** الخميس أغسطس 27, 2020 12:40 pm

وأعجبنى ايضا - ...بوركتم

molhma · **مرسل:** الأحد أغسطس 30, 2020 2:20 am

جزاكم الله خيرا كثيرا أخي الكريم الفاضل د /حامد الديب وأسعدني مروركم الطيب

**************
والله صدق.....!!

molhma · **مرسل:** الثلاثاء سبتمبر 01, 2020 9:36 pm

مافيش ضمان غير ربنا !!

كان فيه أزمة شديدة جدا اتعرض ليها .. الدكتور مصطفي محمود و هو في طرابلس .. جاله نوع غريب من الإسهال درس طب سنين عُمره .. النوع ده ما مرش عليه قبل كده بيقول كنت باكل الأكل ينزل زي ماهو " آكل طماطم آجي اعمل حمام تنزل زي ماهي ! .. آكل جزر ينزل زي ماهو .. خيار ينزل زي ماهو " إتفزغ .. عنده عدم امتصاص للأكل بطريقه عجيبة.. بيقول : جالي حالة ذهول وخوف .. خسيت عشره كيلو في عشر أيام ! .. بيقول بنفس الوصف بقيت عامل زي الرنجايه .. هروح لمين في ليبيا !! .. حتي ولو روحت ما أنا دكتور وممرش عليا الحاله دي .. جالي إحساس بقلة الحيله والانهيار والضعف والألم .. تقطعت بيا الاسباب .. لجأت لربنا سبحانه وتعالي بالدُعاء .. بعد الصلاة قعدت علي السجادة ادعي واقول بشكل متواصل .. لا اله الا الله .. لا اله الا الله .. حوالي٣ ساعات .. جالي حاله هدوء وكأني أغمي عليا .. نمت للصبح .. ماحستش بنفسي .. قومت لقيت اني رجعت طبيعي زي ما كنت .. مافيش اي شعور بالالم ورجعت عملية الامتصاص الغذائي زي ما كانت .. وقتها افتكرت كلمة لدكتوره فرنسيه اسلمت لما كنا في المغرب " إن لديكم يا مسملين جوهره لا تعرفون قيمتها .. قال : هي إيه ؟! قالت الدُعاء يا دكتور مصطفي !! ⁦

تعرف لما ربنا حب ينجي سيدنا إبراهيم من النار ، مبعتش مطر تتطفيها ، لكن خلي النار نفسها تبقي برداً وسلاماً علي جسد إبراهيم.

ولما حب ينجي سيدنا يونس من ظلمات البحر وبطن الحوت ، حول الحوت نفسه لمركب ينقل يونس من قاع المحيط للشاطئ وعطل للحوت أسنانه ومعدته وسخر ليونس كل شئ.

وقميص يوسف اللي كان سبب ف إن يعقوب يبكي ويتعمي بعد فتره بقي هو سبب إنه يرجع بصره تاني ويفرح.

وعيسي لما إتولد خلي مريم تشيل الهم وتتمني الموت بس بعدها بفتره عرفت إنه نبي وإن بسببه أصبحت سيده من سيدات الجنه يذكر اسمها الي قيام الساعه وسبب سعادتها وسعاده البشر !!

يعني
‏‏‏‏‏‏‏‏‏‏‏ حين يأذن الله بالفرج ...
يأمر حزنك..مرضك..فقرك..خوفك..أن يتحول إلى فرح ..

وأسباب ألمك تتحول لاسباب أملك ، والمحنه لمنحه ، ويهديلك العاصي ويرجعلك الغايب .

"خليها على الله "
منقول
ورحم الله الدكتور مصطفى محمود

المهاجرة · **مرسل:** الثلاثاء سبتمبر 01, 2020 9:47 pm

الله الله الله بجد حلو أوووووى

تسلم ايدك ياحبيبتى يارب

عجبنى النقل دا جدا جدا أنا كمان

برافو

وجزاكى الله كل خير

molhma · **مرسل:** الثلاثاء سبتمبر 01, 2020 9:53 pm

المهاجرة كتب:

الله الله الله بجد حلو أوووووى

تسلم ايدك ياحبيبتى يارب

عجبنى النقل دا جدا جدا أنا كمان

برافو

وجزاكى الله كل خير

أكرمكي الله حبيبتي الغالية المهاجرة وحشتيني لا حرمني الله من الصحبة الطيبة حفظكِ الله وأسعدني مرورك حبيبتي الغالية

المهاجرة · **مرسل:** الثلاثاء سبتمبر 01, 2020 10:03 pm

molhma كتب:

المهاجرة كتب:

الله الله الله بجد حلو أوووووى

تسلم ايدك ياحبيبتى يارب

عجبنى النقل دا جدا جدا أنا كمان

برافو

وجزاكى الله كل خير

أكرمكي الله حبيبتي الغالية المهاجرة وحشتيني لا حرمني الله من الصحبة الطيبة حفظكِ الله وأسعدني مرورك حبيبتي الغالية

والله وحشانى اكتر ياملهمة بجد والله ربنا يخليكى ليا يارب ياحبيبتى ويجمعنا على الخير دايما ويزيدنا ولاينقصنا يارب ابدا

msobieh · **مرسل:** الثلاثاء سبتمبر 01, 2020 10:08 pm

الله .. الله ..

بارك الله فيك الفاضلة ملهمة

molhma · **مرسل:** الثلاثاء سبتمبر 01, 2020 10:11 pm

msobieh كتب:

الله .. الله ..

بارك الله فيك الفاضلة ملهمة

الله يعز حضرتك ويجبر بخاطرك ولا يحرمني من حضرتك أبدا مولانا الكريم أسعدكم الله بحق جاه سيدنا النبى صلى الله عليه وآله وسلّم

المهاجرة · **مرسل:** الثلاثاء سبتمبر 01, 2020 10:14 pm

msobieh كتب:

الله .. الله ..

بارك الله فيك الفاضلة ملهمة

آمين آمين آمين يارب

حليمة · **مرسل:** الثلاثاء سبتمبر 01, 2020 10:18 pm

المهاجرة كتب:

msobieh كتب:

الله .. الله ..

بارك الله فيك الفاضلة ملهمة

آمين آمين آمين يارب

molhma · **مرسل:** الاثنين سبتمبر 07, 2020 3:41 am

ربنا ابتلاني فالسكن الجديد بجار علي طول سكران وطول الليل يفضل يتكلم ويزعق بصوت عالي جدا... وأول ما الصبح يطلع يروح فاتح الشباك وينادي علي اسمين بالتحديد ويقعد يعيط ويقع من كتر السكر ويغمي عليه... كل يوم علي الحال ده... طب اعمل معاه ايه ده... وكل ما امسك التليفون واقول اتصل بالبوليس ضميري يقولي السكران في ذمة الواعي ودي قاعدة فقهية سمعتها زمان وانا في السودان لأنه غير مدرك باللي بيعمله من سكره والمفروض الواعي هو اللي يحتويه.. ومراتي تقولي البوليس هيجي وهيقعدوا يرغوا واحنا عندنا شغل

اخر الاسبوع اللي فات قابلت جارنا التاني وبالصدفة الكلام جاب بعضه وبقوله هو بولكر ده ماله سكران علي طول كده دا مابيخلناش ننام... وفين الاتنين اللي بيفضل ينادي عليهم دول... قالي معلش احنا كمان كده بس دا كان دكتور كويس و محترم جدا وبعدين مراته وبنته راحوا اجازة لبولندا وهما هناك عملوا حادثة بالعربية وماتوا هما الاتنين... ومن ساعتها وهو علي الحالة دي يسكر ويفضل ينادي عليهم طول الليل

الحقيقة اتاثرت جدا وصعب عليا وحسيت ايه الفيلم العربي المأساوي ده... وبحكي لمراتي زعلت اوي وعنيها دمعت وقالتلي تعاله نحاول نخفف عنه ونحسسه انه مش لوحده... وقررت تعمله spekkoek كيك ياباني كده بس تحفة الصراحة... ورحنا مخبطين عليه وفتحلنا وحالته ما يعلم بيها إلا ربنا... سلمنا عليه وعرفناه أننا جيرانه الجدد واديناله الكيك و كان فرحان بيه جدا وعنيه دمعت وقعد يحكلنا علي اللي حصل مع مراته وبنته وان محدش بقي بيسال عليه... قعدنا نخفف عنه ونقوله احنا معاك واعتبرنا زي اخواتك الصغيرين ولو احتجت أي حاجه خبط علينا بس وابقي تعاله زورنا

النهاردة عدي اسبوع من ساعة ما نزناله وما سمعناش صوته نهائي ...لدرجة أننا خفنا ليكون عمل في نفسه حاجه... وأنا نازل خبطت عليه اشوفه ولما فتحلي شوفت انسان تاني خالص.. فرق السماء والارض حالق وفايق ومظبط اتبسطت اوي وقولتله انا حبيت بس اطمن عليك.. قعد يشكرني ويقولي انتوا ماتعرفوش زيارتكم دي أثرت فيا بإيجابية ازاي... انا متشكر ليكم جدا

رفقا بالمذنبين والمبتليين يا جماعة... بلاش تبقوا قضاة وجلادين علي اللي حوليكم... احنا مش ربنا علشان نعاقب ونحاسب... كلنا مبتليين ومذنبيين ولكننا مستورين... خاطبوا قلوب الناس وليس افعالهم واياك تعاير حد أنه مش قادر يبطل ذنب.. علشان ربنا ببساطة جدا وهو قادر يتوب عليه ويبتليك بنفس الذنب وتتحول حياتك لجحيم في غمضة عين لأننا للأسف مش معصومين

منقول من محمود سمير
https://m.facebook.com/story.php?story_ ... 1087460137

molhma · **مرسل:** الجمعة سبتمبر 11, 2020 9:12 pm

(قصه حقيقيه)

القصة كامله

قصة المغنيه نورا الكويتيه كانت مغنيه مشهورة جدا في الكويت هي و فرقتها الغنائيه و كانت بتروح تغني في افراح و مناسبات و كده
بس في يوم وحده كلمتها طلبتها انهم هيعمله فرح في بيتهم و عايزينها تيجي تغني عندهم و قالت للفرقه بتعتها و اتفقه ع اليوم و راحو ولا لما دخلو البيت كان مزدحم جدا و مليان ناس كتير و اطفال كتير كانو بيمشو بالعافيه من كتر الناس إلى موجوده في البيت و الاطفال إلى بيجرو و يلعبو ف كل مكان المطربه نورا و فرقتها دخلو قعدو في الاوضه مع الناس عشان يجهزو و كده و بعد كده يبدأو الحفل بس في و حده من الفرقه لحظت حاجه غريبه و قالت للمغنيه نورا انا حسيت لما جم يسلمو علينا حسيت ان بشرتهم خشنه اوي و لما بيقربو بحس بحراره شديده و كأني هتخنق المغنيه نورا كان قلبها جامد شويه و قلتلها عادي عادي دا تهيوئات بس مع ان المغنيه نورا حست ب كده برضو بس مهتمتش اوي بعد كده بدأو الحفل و بدأو يغنو و الناس عاملين يرقصو و يغنو معاهم و كانو متحمسين جدا و هما بيرقصو و يغنو و بعد كده الفرقه كلها شافت حاجه غريبه و اتصدمو جدا ان الي بيرقصو لما بصو على رجليهم لقوها رجل معيز مش بني ادمين و بقت الفرقه كلها و هما بيغنو عمالين يبصو لبعض و المغنيه نورا لحظت كده برضو و بتبصلهم كأنها بتقولهم كاملو غنا اكن مفيش حاجه و الناس الي بيرقصو حماسهم عمال يزيد بشكل غريب و مرعب و في وحده من الفرقه مقدرتش و اغمى عليها قعدو يفوقوها و المغنيه نورا قلتلها لازم نكمل و منبينش اننا خايفين من أي حاجه كأننا عادي جدا و دول شكلهم جن مش بني ادمين خلينا نخلص غنا لحد الفجر عشان نخلص و نمشي عادي
بعد كده كملو غنا و كانت الساعه 10 بليل و نفس الطريقه الغريبه إلى بيرقصو بيها و نفس كل حاجه و اول ما جت الساعه 4 الفجر النور اطفا من البيت كله و مفيش اي صوت و حل الصمت المكان كله و مفيش اي حد راحة كل الفرقه قعدت تصرخ و منهرين و جريو علي باب الشقه و نزلو بسرعه من البيت و عملين يجرو ف الشارع مره وحده قبلو راجل عجوز افتكروه جن برضو بس قلهم أنا بشر عادي و حكوله على كل إلى حصل و بصو وراهم عشان يشورولو على البيت إلى كانو فيه اتصدمو من إلى شافوه لقو ان مفيش ولا بيت ولا اي حاجه لقو مكان مهجور مفهوش اي حد اتخشبو ف مكنهم من كتر الصدمه راح الراجل قلهم انتو ازاي دخلتو المكان ده
المكان دا بقالو 10 سنين محدش دخلو و كلنا عرفين انو مسكون المغنيه نورا اتصدمت لانها كانت بتغني في حنة جن فلأخر بعديها المغنيه نورا اعتزلت عن الغناء و محدش يعرف عنها حاجه بعد ما اعتزلت هل هي ماتت ولا عايشه ولا ايه ماحدش عارف لحد دلواقتي حاجه عنها بعد القصه دي

منقول
https://m.facebook.com/story.php?story_ ... 3421934266

molhma · **مرسل:** الأحد سبتمبر 13, 2020 1:04 am

حكمة الحياة يعرفها الحكماء
ومن أوتى الحكمة فقد اوتى خيرًا عظيمًا

سأل المريد شيخه: "كيف تبردُ نار النفس؟"
قال : بالاستغناء، استغنِ يا ولدي فمن تَركَ مَلَكْ .

قال المريد : "وماذا عن البشر؟"
قال : هم صنفان من أراد منهم هجرك وجد في ثقب الباب مخرجاً، ومن أراد ودك ثقب في الصخرة مدخلاً..

قال المريد : "والسّبيل إلى الله ؟ "
قال : العيش في سبيل الله أشد ألماً من الموت في سبيله ، أنت تموت للحظات أو دقائق معدودات لتنتقل إلى ملكوته فتفرح ، أما أن تعيش في سبيله وأنت تسير معاكساً للحشود السائرةً إلى هاويتها.. فذلك هو الجهاد العظيم.

منقول

molhma · **مرسل:** الأحد سبتمبر 27, 2020 5:22 pm

إلى رجال الدين:تبعات صلاة 14 مايو هو تبعات الحوار الشعائري بدأ بالصلاة المشتركة في 14 مايو 2020، ربما أستطع لفت انتباه كبار علماء الدين من خطورة هذه الصلوات.

وفي البداية أوجه سؤالي:

كيف ستتم صلاة 14 مايو؟
ستتم عبر تنظيم صلوات مشتركة مع قراءات مشتركة للكتب المقدسة للمسلمين والمسيحيين واليهود في كنائس وجوامع ومعابد، وكذا غير الموحدين وفقا لمعتقداتهم ودور عبادتهم.إذا هى صلاة مشتركة ولكن مع احتفاظ كل دين بطريقة الصلاة الخاصة به. ولكن في إطار الصلوات المشتركة هل نعلم ماذا يتم الأن بين الشباب:

الصلوات المشتركة بين الشباب: يتم الأن تدريب الشباب من اتباع الأديان الثلاثة “ما يسمى بالأديان الإبراهيمية” معا في لندن ونيورك وباريس وغيرها للوصول إلى طقوس دينية جديدة مستحدثة، بين الاديان الثلاثة للبدء في اقناع مجتمعاتهم لتطبيقها بالفعل داخل دور العبادة. أي أن الصلاة المشتركة ستمتد لتصبح شعائر موحدة.فمن منا سيقبل هذا إذا تم مخاطبة المساجد و الكنائس بها، مع العلم انها تتم الأن تحت مرمي ومسمع الفاتيكان.
هل يقف الأمر عند تغير الصلاوات؟ الإجابة بالطبع لا فلا يقف الأمر عند هذا الحد

فقد بدأت تظهر خلال صفحات التواصل الاجتماعي صفحات تنادي بالزواج الإبراهيمي عبر تطبيق المشترك الابراهيمي، كمدخل للتسامح ويتم عبر المطالبة بالزواج بين المسلمة وغير المسلم والمسيحية وغير المسيحي من حاملي الديانات الإبراهيمية.
فيتم الدعوة للزواج الإبراهيمي بين أتباع الديانات الابراهيمية. فالسؤال هنا أي مؤسسة دينية ستوافق على هذا الخبل؟

المطالبة بإيجار الارحام كي لا يتكرر العداء الأزلي بسبب تعدد الزوجات الذي تم بين السيدة هاجر ونبي الله إبراهيم عليه السلام بسبب عدم قدرة السيدة سارة على الانجاب في البداية، مما ولد مشاعر الغيرة والعداء المتوارثة. فيتم الترويج أن إذا استطاعت سارة ايجار رحم هاجر كانت حلت جميع المشكلات ولم يكن للعرب وجود.
واتذكر أنه تم مناقشه ما يسمى بـإيجار الارحام الابراهيمية في احد البرامج التليفزيونية بقناة العربي القطرية تحت مرأي ومسمع الجميع. ويطبق الامر بالفعل في الهند.

فالسؤال هنا هل ستوافق المؤسسات الدينية على إيجار الأرحام أو ما يسمى بالأرحام المشتركة أو الأرحام الإبراهيمية؟

المشترك الإبراهيمي يمتد للنصوص الدينية بالكتب المقدسة: التي تحتاج لإعادة تأويل لاستثمار المشترك واقصاء المختلف عليه لصياغة ميثاق ابراهيمي مشترك عالمي يكون له القدسية في المستقبل مع نزع القدسية من المقدس. ولن أشرح هنا الكثير فرجال الدين أعلم بما هو المقدس الذي يتحدثون عنه.
والتمهيد لهذا الفكر يتم بهدوء تحت مظلة مقبولة فيتم المطالبة بإقامة منتديات دولية للصلوات المشتركة رافعة شعارات “السلام الديني العالمي”. كما يتم الدعوة لإقامة رقصات السلام العالمي للوصول للمشترك ونزع الفرقة، كمدخل لتحقيق السلام ونزع الخلافات خاصة لو كانت أسبابها دينية. وهذه الرقصات تطبق الان في سوريا والعراق كمختبر لما يتم، وتأخذ عبارات مقدسة من جميع أديان العالم، للتمهيد لتنتشر في جميع البلاد بداية بدول الديانات الابراهيمية. كمدخل لتكريم جميع المسارات الروحية كمسار مفتوح للجميع كمظلة لجمع المؤمن وغير المؤمن حتى وإن كان ملحدا فالهدف هو التهيئة للقبول بضياع المقدس، واعادة كتابة النص الديني، واعادة كتابة التاريخ تحت دعوى التسامح والسلام الديني العالمي. هنا اتذكر بعض المهرجانات التي ترفع شعارات “سماع وطن بلا حدود” فمنذ متي كان الوطن بلا حدود؟!

كما يتم الترويج إلى أن المشترك الإبراهيمي مدخلا لصياغة “أخلاقيات عالمية”:

في إطار إلزام الديانات الثلاثة اتباعها بقيم العدل والمساواة والرحمة – والحياة الفاضلة والزواج والأسرة ورعاية الفقراء والمحرومين وخدمة الاخرين والانضباط والالتزام الذاتي وحماية البيئة والمساهمة في بناء المجتمع- يتم العمل على تأسيس لميثاق اخلاقي عالمي للتمهيد لإقامة اخلاقيات ابراهيمية والمطالبة بعد ذلك بوجود دين عالمي ابراهيمي للجميع كما ينادي القس جيروك لي بكوريا الجنوبية واعلن عنه باراك اوباما عام 2013 وذكره جون كيري بالارض المشتركة للديانة الابراهيمية العالمية.

هنا السؤال من سيقبل بوجود ديانة ابراهيمية موحدة مشتركة؟.. وهل لا نعلم ان كل دين ينفي بوجود الأخر، إلا الديانة الاسلامية التي تعترف باليهودية والمسيحية والمشترك فقط بين الثلاثة هى اليهودية، فلمن سيكون المشترك اذا.

هل يمكن اذا تفسير اختيار تاريخ 14 مايو ليكون أول بداية للصلوات المشتركة والحوار الشعائري الاول بالعالم ككل.

هل لم يلفت نظركم أن مسلسل أم هارون التطبيعي اختار عائلة حاخام يهودي وسلط عليها الضوء لأنها تمارس شعائرها اليهودية من صلوات وأدعية لتكون مقبولة ومتعارف عليها بين الجميع لنألفها كبداية للحوار الشعائري.

*بقلم د. هبة جمال الدين:مدرس العلوم السياسية- والدرسات المستقبلية- معهد التخطيط القومي- عضو المجلس المصري للشئون الخارجية

ملخص ومنقول ولمن يريد المقال كامل على الرابط

http://alahalygate.com/?p=115387

موقع د. محمود صبيح

منقول..... ويعجبني!!

الموجودون الآن