msobieh كتب:
رأيت من عدة أيام رؤية فيها ما فيها
رأيت كأني أسير قادما من كوبري عباس باتجاه الجيزة
وكان على يساري مستشفى الرمد ومدرسة الجيزة الثانوية بنات
معايا 3 مش فاكر من هم هل هم رجال أم نساء لكن فيهم على الأقل واحدة ست
وناس ماشية
لكن في صوت بس مش عالي
عادي
بصيت لفوق عن يميني تجاه السماء بزاوية 45 درجة مثلا
لقيت شيء شدني الإبداع اللي فيه
شيئ طويل جدا اسطواني يسير بلا تعرج
بلا صعود أو هبوط
هذا الجسم كأنه مثلا جزء من تنين
شفاف
فيه مئات والآف من الكور في حجم ما بين البرتقالة الكبيرة والبطيخة الصغيرة
كرات نار ملتهبة
وداخل الشكل ده نار وهواء أصفر
وما فيش ولا كرة وقعت أو خبطت في غيرها
شكل بديع جدا جدا
شيئ بيجر هذا الشكل من سرعته ما شفتش ايه اللي في المقدمة
وازاي ساحب ده كله بجاذبية رهيبة تمنعه من الوقوع
مرة واحدة لقيت عن يساري في السماء أيضا نفس الشكل الاسطواني لكن أرفع بكتير
حوالي عشر أو أقل
قادم من الغرب اتجاه الشرق
قلت ده أقل خطورة جدا من اللي على يدي الأيمن القادم من الشرق الى الغرب
(لأني قادم من كوبري عباس ناحية المنيل شرقا وماشي ناجية الجيزة غربا)
وقلت في نفسي
هلم الولاد ازاي وهاقول للناس ايه؟
ده حاجة مالهاش احتياطات
ربنا يستر وإنا إليه راجعون
كل ده كان في بالي في المنام
ولا أدري أفي المنام أم قبيل استيقاظي كنت باقول في بعض الآثار بتقول أنه يلتقي طرفاه حول الأرض؟
يعني الكوكب المذنب ..
منام غريب
خلاني في حالة صمت بعد استيقاظي حوال ساعة ساعة ونصف
وطبعا افتكرت فيلمين:
لا تنظر لأعلى
دع العالم خلفك
ربنا يلطف بنا أجمعين
ويصرف عنا الأذى إنه على كل شيء قدير
وطبعا لا أقل أن ذلك سيحدث أو لن يحدث
فالكوكب ذي الذنب موجود
لكن توقيت أو تحديد زمنه لا يجوز
وربنا يحفظنا أجمعين
اللهم آمين اللهم آمين يارب العالمين
المنتدى
التسجيل
الأسئلة المتكررة
بحث
