موقع د. محمود صبيح

منتدى موقع د. محمود صبيح

جميع الأوقات تستخدم GMT + ساعتين



إرسال موضوع جديد الرد على الموضوع  [ 6 مشاركة ] 
الكاتب رسالة
 عنوان المشاركة: فيلم The Social Dilemma
مشاركة غير مقروءةمرسل: الأربعاء سبتمبر 23, 2020 6:24 pm 
غير متصل

اشترك في: السبت فبراير 06, 2010 8:26 pm
مشاركات: 13609
مكان: مصر
من كام يوم نتفليكس نشرت وثائقي بعنوان The social Dilemma أي "المُعضلة الاجتماعية"، وهو عنوان لفيلم مُرعب .. وصادم. عامل ضجة كبيرة في المجتمع الأمريكي والأوروبي. أبطال الفيلم أشخاص مش عاديين، بل أشخاص كانوا ماسكين مناصب مهمة جدا في جوجل وفيسبوك وتويتر وانستجرام ورئيس بنترست ومخترع زر Like و مبتكر فكرة الصفحة Page على فيسبوك وآخرين.

الفيلم بيشرح بشكل جديد ومبتكر ازاي خوارزميات Algorithms السوشيال ميديا بتخدعنا وبتتحكم في أفعالنا/سلوكياتنا/ آراءنا! والضجة اللي عملها الفيلم، إنه الأول من نوعه اللي ابتعد عن الطرح التقليدي الخاص بروشتة النصائح الخاصة بضرورة الابتعاد عن الموبايل، واغلق هاتفك! واستمتع مع الأسرة بعيدا عن السوشيال ميديا!

بل الفيلم عن طريق أبطاله الخبراء اللي ليهم دور كبير في إنشاء وتأسيس المنصات اللي احنا أدمناها بيقلولنا باختصار: إننا مش هنقدر نبعد! وإن الأمر تجاوز الطبيعة الإنسانية، لدرجة أن مدير بنترست واللي كان متقلد أحد أهم 10 مناصب في فيسبوك سابقاً قال نصاً جملة مرعبة في الفيلم: "إنه لأمر مذهل أن أرى ما يحدث وراء الكواليس، ومع ذلك لم تكن لديّ القدرة على التخلي عن هذا الإدمان" ووقتها كان بيعلق على الطريقة اللي بيستعملها الـ AI الذكاء الاصطناعي عشان يخليك ترجع تاني للسوشيال ميديا لو فكرت تبعد عنها! ودي لوحدها كارثة هسبهالكم تشوفوها بنفسكم جوة الفيلم!

جوة الفيلم في مقولة برده مهمة جدا بتتقال: "ان الصناعتين الوحيديتين اللي بتطلق لفظ User أو مستخدم على الزباين/العملاء Consumers هما صناعتي "المخدرات"، و الـ Software البرامج، بمعنى أصح إننا مبقناش مستهلكين بندفع تمن سلعة أو منتتج، بل بقينا احنا السلع/ المنتج نفسه، وانتباهنا ومشاعرنا وآراءنا وأفكارنا هي اللي بتتباع للمعلنين ولإثراء أصحاب المنصات دي لضمان إبقائنا أطول وقت ممكن داخلها!

جورج مارتين علق على الفيلم وقال: "بمجرد مشاهدتي لفيلم The Social Dilemma وجدته مُخيفاً أكثر من أي فيل رعب شاهدته في العشرين سنة الأخيرة"، حتى إن جريدة Daily Mirror الإنجليزية الشهيرة قالت عن الفيلم بمانشت عريض: "الأكثر رعباً من أي فيلم رعب آخر!"

ووصف الفيلم بالمرعب لأسباب كتير جدا ضمنها، إنك هتكتشف إننا كبشرعمرنا ما كنا مؤهلين نفسيا في أي حقبة في التاريخ إننا نهتم بآلاف الناس ونشوف هما بيعملوا اية وبيقولوا اية عننا وعن غيرنا، ولا وصلنا لمرحلة من التطور اللي تخلينا نشوف تقييم لينا عبر الآخرين كل 5 دقايق عن طريق الكومنت وزر الإعجاب ..إلخ! غير إنك هتقع في الفخ وتفتكر إن كل اللي حواليك شبهك "احنا كتير؟!"، "كنت فاكر أنا لوحدي اللي كدة طلعنا كتير" في حين إنها خدعة من خوارزميات السوشيال ميديا اللي بتجمعلك كل الناس اللي شبهك وكل الآراء اللي زي رأيك وبترشحلك كل المنشورات والفيديوهات اللي بتحمل نفس وجهة نظرك للدرجة اللي مش هيبقا عندك وقت تسأل نفسك: "هو ده طبيعي؟!"

سيناريو الفيلم مبتكر ومذهل، وماشي بنظام القطاعات المتوازية: خبراء بيتكلموا وبيحللوا وبيذكروا أسباب استقالاتهم أما اكتشفوا إنهم بيضروا البشرية+ أسرة صغيرة بتمثل إدمان السوشيال ميديا وازاي بتقرب وازاي بتبعد + مجموعة متخيلة موجودة داخل الغرف التقنية اللي بتتحكم في منصات السوشيال وبتوريك هي بتعمل اية عشان تقربك وتخليك تسمع الكلام وتقرب من فلان وتبعد عن علان وتسيب محاضرتك وشغلك ونومك عشان تتفرغ لقضاء أكبر وقت على المنصات دي! للدرجة اللي هيكتشف فيها الخبراء اللي ساهموا في إنشاء وتطور الوسائل دي إنهم مكانوش متخيلين إن الأمر يوصل للعواقب دي!

في الفيلم دراسة بحثية لجيل 1996 في أمريكا وهو أول جيل يستخدم السوشيال ميديا في المرحلة الإعدادية، واكتشفوا إنه أكثر جيل عنده هشاشة وقلق واكتئاب، ومن أكثر الأجيال -بالإضافة للأجيال التالية- اللي انخفضت معدلات مشاركتهم في أي مخاطرة ولا عندهم مبادرة كبيرة للخروج لمقابلة الأصدقاء والمواعدة ..إلخ، والأمراض دي هي اللي أصابت الشباب في مجتمعات العالم، محدش بقا بيقعد مع حد ولا يعرف إلا القليل عن أصدقائه والأهل عن أبنائهم ميعرفوش حاجة ومنصات السوشيال ميديا هي الوحيدة اللي بقت بتفهمنا بشكل أكبر من توقعاتنا وتخيلاتنا!

الفيلم موجود ومترجم على ايجي بيست وعلى Shahid4u، وأوعدكم هتكون مشاهدة ممتعة ولكنها مخيفة ومرعبة في نفس الوقت.

_________________
"يس" يا روح الفؤاد


أعلى
 يشاهد الملف الشخصي  
 
 عنوان المشاركة: Re: فيلم The Social Dilemma
مشاركة غير مقروءةمرسل: الأربعاء سبتمبر 23, 2020 11:20 pm 
غير متصل

اشترك في: الخميس مارس 29, 2012 9:53 pm
مشاركات: 45691
خلف الظلال كتب:


محدش بقا بيقعد مع حد ولا يعرف إلا القليل عن أصدقائه والأهل عن أبنائهم ميعرفوش حاجة ومنصات السوشيال ميديا هي الوحيدة اللي بقت بتفهمنا بشكل أكبر من توقعاتنا وتخيلاتنا!

.


أليس هذا هو التباعد الاجتماعى الدائر الاّن بسبب فيروس كورونا المصتّع فى معامل العالم الموحد الماسودجالى

والمثل العامى بيقول : اللى مالوش كبير يشترى له كبير

وفى التباعد الاحتماعى سواء بسبب كورونا او بسبب السوشيال ميديا لايوجد كبير يوجه الناس سوى مايلقيهم عليهم الدجال

واعوانه وفق سيناريو وخطط موضوعه مسبقا بدقه وعنايه شديده

والباقى انتوا عارفينه

بارك الله فيكم

_________________
أستغفر الله العلى العظيم الذى لا اله الاّ هو الحى القيوم وأتوب اليه
أستغفر الله العلى العظيم الذى لا اله الاّ هو الحى القيوم وأتوب اليه
أستغفر الله العلى العظيم الذى لا اله الاّ هو الحى القيوم وأتوب اليه


أعلى
 يشاهد الملف الشخصي  
 
 عنوان المشاركة: Re: فيلم The Social Dilemma
مشاركة غير مقروءةمرسل: الخميس سبتمبر 24, 2020 9:44 am 
غير متصل

اشترك في: السبت فبراير 06, 2010 8:26 pm
مشاركات: 13609
مكان: مصر
فعلا يا دكتور حامد بارك الله فيك اللهم آمين

كله بقى فتن ...ربنا يستر

حضرة سيدنا النبي قال: بادروا بالأعمال فتنا كقطع الليل المظلم.....

نسأل الله النجاة والمعافاة من الفتن ما ظهر منها وما بطن والثبات


_________________
"يس" يا روح الفؤاد


أعلى
 يشاهد الملف الشخصي  
 
 عنوان المشاركة: Re: فيلم The Social Dilemma
مشاركة غير مقروءةمرسل: الجمعة سبتمبر 25, 2020 9:50 pm 
غير متصل
Site Admin

اشترك في: الاثنين فبراير 16, 2004 6:05 pm
مشاركات: 23599

حقا ... حقا ..

بارك الله فيكم ..

خلف الظلال كتب:

حضرة سيدنا النبي قال: بادروا بالأعمال فتنا كقطع الليل المظلم.....

نسأل الله النجاة والمعافاة من الفتن ما ظهر منها وما بطن والثبات


_________________
عَنْ عَلِيٍّ قَالَ كُنَّا إِذَا احْمَرَّ الْبَأْسُ وَلَقِيَ الْقَوْمُ الْقَوْمَ اتَّقَيْنَا بِرَسُولِ اللهِ صلى الله عليه وسلم فَمَا يَكُونُ مِنَّا أَحَدٌ أَدْنَى إِلَى الْعَدُوِّ مِنْهُ


أعلى
 يشاهد الملف الشخصي  
 
 عنوان المشاركة: Re: فيلم The Social Dilemma
مشاركة غير مقروءةمرسل: الجمعة سبتمبر 25, 2020 10:07 pm 
غير متصل

اشترك في: الجمعة فبراير 27, 2004 4:45 am
مشاركات: 18719
msobieh كتب:

حقا ... حقا ..

بارك الله فيكم ..

خلف الظلال كتب:

حضرة سيدنا النبي قال: بادروا بالأعمال فتنا كقطع الليل المظلم.....

نسأل الله النجاة والمعافاة من الفتن ما ظهر منها وما بطن والثبات



امين امين امين يارب

وفعلا الاوصاف دى موجودة عند مواليد ٩٦


أعلى
 يشاهد الملف الشخصي  
 
 عنوان المشاركة: Re: فيلم The Social Dilemma
مشاركة غير مقروءةمرسل: الجمعة سبتمبر 25, 2020 10:17 pm 
غير متصل

اشترك في: السبت فبراير 06, 2010 8:26 pm
مشاركات: 13609
مكان: مصر
وجعل الله لحضرتك أكبر وأخص نصيب من بركة وأمداد حضرة سيدنا النبي اللهم امين

_________________
"يس" يا روح الفؤاد


أعلى
 يشاهد الملف الشخصي  
 
عرض مشاركات سابقة منذ:  مرتبة بواسطة  
إرسال موضوع جديد الرد على الموضوع  [ 6 مشاركة ] 

جميع الأوقات تستخدم GMT + ساعتين


الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 22 زائر/زوار


لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع إرفاق ملف في هذا المنتدى

البحث عن:
الانتقال الى:  
© 2011 www.msobieh.com

جميع المواضيع والآراء والتعليقات والردود والصور المنشورة في المنتديات تعبر عن رأي أصحابها فقط