ما بين العدوان الثلاثي 1956 سلسلة و الحرب العالميه الثالثه

عمرو أبوشادى · **مرسل:** الاثنين نوفمبر 17, 2014 11:30 pm

[img]
سلسلة المقالات دي مهمه جدا .... و معلش استحملوني لانها طويله .... و ياريت تحتفظوا بيها عشان كمان اقل من سنة تفتكرونا بالخير .... و معلش تعالي على نفسك و إقراه على رواقه و واحده واحده مع كوبايه شاي لانه حيفرق معاك كتير جدا ....... و زي ما اتعودنا اننا بنبص على الصوره من فوق و بــ نجمع الامور مع بعض زي البازل علشان الصوره كلها تبان لينا .... التفاصيل كتير لكن حــ حاول اختصر في النقاط على قد ما اقدر......

و لاننا لازم نتعلم من التاريخ ..... فإن مشروع حفر قناة السويس الثانيه اللى تم الاعلان عنه هو ثالث حدث قومي سيغير مجري التاريخ المصري السياسي و العسكري و الاقتصادي بعد تاميم القناة في عام 1956 و بناء السد العالي ..... و اللي كان سبب مباشر في تحالف دولي عسكري و قيام العدوان الثلاثي في توجيه ضربه عسكريه ضد مصر .....

و لازم نعرف ان المشروع ده ضربة في مقتل للاقتصاد الاسرائيلي لانه قضي تماما و للابد على مشروعها القومي لانشاء خط بري او بحري بديل و منافس قوي لقناة السويس و اللى كانت اسرائيل تضع عليه امل كبير في نقل اعتمادها على المعونات الامريكيه الى مصدر دخل ثابت حقيقي و في نفس الوقت ضرب قناة السويس و اقتصاد عدوتها اللدوده مصر في مقتل و الى الابد ....

و ايضا توقيت الاعلان عن المشروع قاتل لانه قبل مؤتمر الدول المانحه لمصر الذي سيعقد في اكتوبر القادم .... و اللى حـ يخاللي دول كبيره تتسابق عشان تحط استثمارات كبيره في مشروع واعد زي ده و في بلد مستقبله الاقتصادي مبشر جدا .... و حيجعل مصر هي الممر و المخزن الرئيسي للبضائع و التجاره العالميه ..... و اللى حــ ينقل مصر نقله هاااائله اقتصاديا في المستقبل القريب و هو ما يعني ترسيخ استقلاليه القرار المصري السياسي و الاقتصادي.

طب هل اسرائيل و امريكا و الغرب حـ يسيبوا مصر في حالها ..... و هل سيوجهوا ضربه لمصر تصل الى ضربه عسكريه لاجهاض كل التحركات الاقتصاديه و السياسيه لارجاعنا عشرات السنين للوراء زي ما عملوا مع عبد الناصر في الخمسينات و بعدها في الستينات ؟؟؟؟

و لازم نضع في اعتبارنا استخدام الرئيس السيسي لمصطلح "معركة بقاء" بدلا من مصطلح "حالة حرب" .... يعني احنا في معادلة صفريه .... فلا وجود لمصر بوجود العدو .... و بقاء مصر يعتمد على القضاء تماما عليه و ليس فقط النصر عليه.

طيب عشان نعرف احنا رايحين على فين لازم نعيد شوية معلومات اتكلمنا عليها كتير قبل كده و بـ التفصيل في مقالات سابقه ..... لان تأصيل الامور هو اهم شيء في معرفه الحلول .... و لان مهم جدا نربطها مع اللى الجاي علشان الصوره توضح و تعرفوا كان مصيرنا ايه و حيبقي ايه....

• بصوا بقي ..... اتكلمنا قبل كده ان اصل الموضوع هو التقاء مصالح امريكا – اسرائيل من جهه مع اوروبا من جهه اخرى في الاصرار على تفتيت المنطقه .... امريكا – اسرائيل ايدولوجيا في القضاء على العرب و روسيا في ضربه واحده اما بالنسبه الى اوروبا فهي في الاستيلاء على مصادر الطاقه (الغاز) و استبدال المصدر الروسي المحتكر للطاقه الى اوروبا بالغاز القطري و مخزون غاز البحر المتوسط الواعد ( المصري – الاسرائيلي ) .... و بكده تستفاد ايضا امريكا بسقوط الاقتصاد الروسي المعتمد على تصدير مصادر الطاقه ...

• و اتفقنا ان ماسورة الغاز الام اللى بتغذي اوروبا حاليا جايه من روسيا .... و الحاج بوتين لو زعل بس و حط ايده على محبس الغاز .... تترعب الحكومات الاوروبيه لان المواطن الاوروبي حــ يموت متجمد من البرد في الشتا و المصانع هناك حتقف.

• فكان البديل ان يتم استبدال روسيا كمصدَر للطاقه و مد خط غاز من قطر عبر العراق و سوريا الى تركيا .... و من البحر المتوسط (مصر و اسرائيل) الى سوريا ثم تركيا ..... عشان كده كان التركيز على سوريا كبير جدا لانها متحالفه مع روسيا و مش حتسمح بالخطه دي .... فكان لازم تدميرها و تغير النظام فيها الى نظام مفكك لكن حليف ... و ده سبب استماتة روسيا في الدفاع عن سوريا و دعم بشار و النظام السوري .... لان ما يحدث لسوريا موجه اصلا الى روسيا .....

• و زي مهو باين من الخريطه كده ان الخط ده بيتجمع في تركيا و ينتقل عبر شبه جزيره القرم الى اوكرانيا ثم الى اوروبا .....

• و عشان الموضوع يكمل كان لازم يتم تغير النظام في اوكرانيا ايضا .... فقاموا هناك بتطبيق خطة التخريف العربي و ثورة مزعومه علشان تيجي حكومه حليفه للغرب .... و تدخل اوكرانيا حلف الناتو ..... و بكده يضربوا عصفورين بحجر .... منها ان الناتو يقوم بحماية خط الغاز رسميا و منها انه يكون فيه قوات امريكيه على الحدود الروسيه فهمي نظمي رسمي لاول مره في التاريخ .....

• و لو بصيتوا على الخريطه ..... حتلاقوا ان بالاستيلاء على اوكرانيا و خصوصا اقليم القرم ..... حيتم غلق المخرج الوحيد لروسيا بحريا من البحر الاسود على الشرق الاوسط .... يعني يقطعوا رجل روسيا تماما من التواجد في البحر المتوسط و الشرق الاوسط كله .

• طيب مين اللى حينفذ ده على الارض ؟؟؟ ..... و بفكر شيطاني استكملوا استثمار بريطانيا الشريره اللى زرعت محمد بن عبد الوهاب و الخوميني و حسن البنا في المنطقه اللى كان دورهم يتمثل في الايه " يحرفون الكلم عن مواضعه" و اتفقوا مع الاخوان و الاسلاميين و الشيعه كمقاولين انفار من الباطن لتوريد المقاتلين اللى حيخلصوا على الارض ...... حـ نساعدكم و حـ نسيبكم تحكموا و نعترف بيكم و نديكم سلاح .... في مقابل انكم تدونا الغاز و النفط و تنفذوا اللى احنا عايزينه ... و تمويل الموضوع ده كله حيكون منكم فيكم .... يعني من قطر..... و علي فكره .... بدا بالفعل توريد البترول السوري و العراقي للغرب عبر تركيا من خلال تنظيم داعش.

• و طبعا المخطط كان تنفيذ النموذج الافغاني في الدول العربيه .... افتكروا كده لما طالبان مسكت الحكم هناك قامت الحروب الاهليه هناك و دبحوا في بعض ..... فــ الاول يتم تفكيك الجيوش النظاميه و تحويلها الى ميلشيات مسلحه .... و بعدين كله يدَبح في بعضه زي مهو حاصل دلوقتي في العراق و سوريا و ليبيا .... داعش بتضرب في النصره و الاتنين بيضربوا في الشيعه و المسيحيين .... و الشيعه بتضرب في الاتنين .... و المسلمين كلهم يخلصوا على بعض .... و لاحظوا ان قادة كل التنظيمات دي يا اما كانوا ظباط مخابرات او عملاء سابقين للغرب .... او اتخرجوا من مدارس جوانتانموا لاعداد الارهابيين الغربيين ..... " كلهم اولادي "

• كده اسرائيل و امريكا استفادت بتنفيذ هدفهم الايدولوجي ايا كان المسمي بتاعه زي الماسونيه او غيره بتدمير العرب..... و اوروبا اخدت الغاز و البترول برخص التراب و لعشرات السنين قدام

• الخطه كانت ماشيه زي الحلاوه و تم تدمير العراق و سوريا .... و تم تدمير ليبيا لتطويق مصر اللى تم الاستيلاء عليها بوصول مرسي العياط للحكم لتحييد اقوي دولة في المنطقه و تفكيكها و طبعا السعوديه و الخليج كانوا مرعوبين لانهم بسقوط مصر كانوا مش حياخدوا في اديهم غلوه ....

• كل ده يوضح ليكم ليه قطر بتستميت في دعم المشروع الاخواني لان المفروض كانت الاسره الحاكمه هناك تاخد الجايزه بتاعتها انهم يحكموا الخليج العربي كله بعد تفتيت السعوديه و الامارات و الكويت .... و يبقي البغل بتاعهم هو ملك الجزيره العربيه.

• و اللى يأكد ده ان قطر كسَبوها اقامة كاس العالم 2022 و تعهدت قطر باقامة البطوله على 12 استاد ..... و بعد 30 يونيو و لما لقوا ان الحكايه باظت ...... بعتوا خطاب للفيفا يترجوهم انهم يعملوا البطوله على 8 استادات فقط بحجة ان مساحة دولة قطر الحاليه لا تستوعب غير بناء 8 استادات فقط...... و ده يأكد انهم كانوا بيخططوا ان على ما يجي عام 2022 المفروض ان مساحة قطر كانت مش حتكون على المساحه الحاليه و ان البطوله كانت حتقام على استادات في بلاد اخري في المنطقة تحت اسم قطر

• وكل ده معناه ان روسيا كانت حتواجه مصيرها لوحدها مع الصين و كوريا الشماليه ..... و افتكروا كده لما اوباما قال حيضرب سوريا عسكريا علشان الموضوع طول و الوقت بيداهمه و عايز يخلص قبل ما روسيا تفوق ... قام بوتين خلَا الواد المجنون بتاع كوريا الشماليه يوجه صواريخه النوويه الى امريكا و طله و هدد بمحو امريكا من الخريطه .... فامريكا جابت المرشدير العظيم و تراجعت عن ضرب سوريا.....

• الخلاصه ..... ان الموضوع كان حينتهي بمواجهه عسكريه حتميه ما بين روسيا و حلفاؤها من جهه .... و امريكا و الغرب من جهه اخري ..... يعني فناء العالم في حرب عالميه قد تكون نوويه .... لانها حتكون حرب بقاء بين قوي عظمي.

مين بقي اللى غير المعادله دي كلها و حمي العالم من مصير كارثي بسبب حروب عسكريه ...... و خلا روسيا تتنفس من جديد .... ؟؟

هو تحالف الجيش و الشعب المصري في 30-6 و اللى بسببه تم تدمير المخطط ده بالكااااامل ..... و بدون حرب عسكريه مباشره و لا حاجه ..... و هو اللى فرض اسلوب و شكل جديد في الحرب الدائره ..... و التحرك الفجائي ده ضرب 100 عصفور بحجر واحد :-

• القضاء على المخطط الشيطاني الغربي للمنطقه.

• تحويل المواجهه من مواجهه عسكريه الى مواجهه مخابراتيه و ده حمي مصر و الخليج و روسيا من ويلات الحروب.

• الحفاظ على دول الخليج من مصيرها .... و ده يبين لينا سبب استماته السعوديه و الامارات في دعم مصر لانها حائط الصد ليهم حاليا و مستقبلا.

• تغيرت الاستراتيجيه الروسيه من التوجه الى مواجه عسكريه الى مواجهه سياسيه و اقتصاديه ..... فقام الحاج بوتن بضم اقليم القرم ذات نفسه باللى فيه لروسيا و قطع عليهم جغرافيا سكه خط الغاز من اصله .... ( روسيا ممكن تعمل تمثال للسيسي عندهم )

• مع اني متاكد ان التنسيق الامني و المخابراتي مع روسيا كان من زمان ..... بس تم الاعلان عن التحالف ضد امريكا رسميا في زيارة السيسي لروسيا و ارتداؤه الجاكيت العسكري الروسي .... الرساله كانت الى امريكا و انجلترا الشريره .... " نشكركم على حسن تعاونكم معنا " و كان فاضل يطلعولهم لسانهم في الصوره

• توسيع التحالف ضد الغرب لم يقتصر على الشرق الاقصي فقط و لكن اصبح على الارض في الشرق الاوسط و تغيرت الاستراتيجيه من المواجهه العسكريه الى المواجهه الاقتصاديه و العسكريه ( و ده حنتكلم عليه بالتفصيل في المقالات القادمه).

من الكلام اللى فات ده يبين لينا كمان حاجه مهمه جدا ..... و هو سر مرض الحاج اردوغان بفوبيا السيسي .... و كل ما يطلع في مكان لازم يشتم في السيسي و الجيش المصري .... الراجل بيمشي يكلم نفسه و بيشد في شعره زي المجنون ..... ليه ؟؟؟

لانه بعد ما كان معشم نفسه و خلاص حتبقي الماسوره الام بتاعة غاز اوروبا عنده .... و حيبقي ليه اهميه استراتيجيه كبيره و حيكون ليه دعم غربي و لمشروعه الاخواني و حلم الخلافة العثمانيه .... طلعله السيسي و الجيش المصري فجاةً و اداله صابونه لوكس حكااااايه

*طب احنا بقي داخلين على ايه ؟؟؟؟ و هل حيسيبونا في حالنا ؟؟؟؟

*و هل ممكن يتكرر تاني تجربة العدوان الثلاثي على مصر ؟؟؟

*و ازاي بيتم مواجهة المخططات دي ؟؟

*و ايه سبب اسقاط الطائرة الماليزيه فوق اوكرانيا و بعدها الجزائريه و تأثير ده علينا ايه ؟؟؟؟

*و ايه قصة ضرب امريكا لداعش في العراق ؟؟؟؟ و مين داعش و ماعش دول اصلا ؟؟؟

*و ليه دايما حاسيين ان مصر بطيئه جدا في التعامل مع الاخوان و مش بتخلص مع عناصرهم في الداخل ؟؟؟؟ ..... و كأن مصر بتتعامل معاهم زي ماتش كوره بتقتل في الوقت و بتضيع الوقت ؟؟؟؟

*و هل وضعنا زي زمان و لا ضعيف و لا أقوي ؟؟؟؟

*و ايه اللى مطلوب مننا كشعب و كأفراد ؟؟؟؟

ده بقي حنتكلم عليه بالتفصيل علي حلقات في المقالات القادمه بإذن الله لو لينا عمر و أجل

https://www.facebook.com/kalamfelsamim

[/img]

[/img]

عمرو أبوشادى · **مرسل:** الاثنين نوفمبر 17, 2014 11:40 pm

• أصدقاؤنا الاعزاء اتكلمنا في المقال السابق علي الاسباب الحقيقيه لكل ما تواجهه المنطقه من حروب و تقسيم و دمار و قتل و ترويع و الاطماع الخارجيه فيها من وجهة نظرنا ..... و مما سردناه نتأكد ان كره الجليد قد تحركت بالفعل و لن يستطيع احد ايقافها .... و الوضع تحول بالفعل الى معركة بقاء و وجود بين القوي المتصارعه.

• و اذا قبلنا بتقسيم القصه الى فريقين ..... شرقي و غربي ..... فإحنا حنبدأ من النهارده نركز على ما تفعله القوي الشرقيه لمواجهة خطط قوي الشر و خططهم البديله للقضاء علينا.

• و بما اننا مفهمناش الاحداث الكتيره اللى عايشينها دلوقتي غير لما بصينا على الموضوع من فوق قوي و على مستوي العالم .... و اقتنعنا ان المعركه خارجيه و ليست مجرد احداث داخليه عندنا ..... فقررنا اننا نستكمل في المقال ده الاحداث من فوق شويه من وجهة النظر العالميه .... و في المقال التالت حنقرب شويه و نركز على مصر و لكن بشكل اقليمي بتحالفاتها في الشرق الاوسط. ...... و في المقال الرابع و الخامس حنركز على مصر فقط داخليا.

• بصو بقي .... اتفقنا مع بعض ان تحرك الشعب و الجيش المصري في 30 يونيو غير موازين المنطقه بالكامل و افشل مخططات دوليه كبيره جدا على المنطقه ..... و أعطي روسيا مساحه كبيره جدا و خيارات عديده اخري بعد ما كانت راشقه في الحيط وراء مصير التدخل العسكري .

• و اتفقنا ان مصر هي من حددت شكل المعركه و المواجهه ..... و ده اللى روسيا و الصين تحركوا على اساسه في موجهتهم مع امريكا و حلفاؤها ..... ازاي ؟؟؟؟

• امريكا قوة خطتها و خططتها البديله تكمن في نقطتين .... اول نقطه هي دفع دول الهدف الى مواجهة خطتها بالحلول العسكريه المباشره .... و لان هما خططوا جيدا و استثمروا من زمن بعيد و ليهم عملاؤهم اللى موجودين على الارض و داخل المجتمعات المستهدفه جاهزين لتنفيذ اي شئ يطلب منهم .... فأكيد النصر حيكون حليفهم زي ما حصل في سوريا و ليبيا .... و لو تطلب الامر اي مساعده عسكريه مباشره فامريكا مش حتتاخر.

• النقطه التانيه هي ان منطقة الصراع بعيده عنهم و عن شعوبهم ..... هما قاعدين يخططوا في التكييف و المكاتب و شعوبهم آمنه .... و احنا هنا اللى بنموت .... فإحنا بالنسبه ليهم مجرد ارقام بيتم ذكرها في وسائل الاعلام. يبقي من العقل اننا لا ننجرف لشكل و توقيت و مكان المعركه المخططه لها .

• و الصح اننا نفرض شكل و مكان و توقيت الحرب .... و نقلها داخل الدول دي .... و بكده تصبح خططهم كلها عامله زي الرمال المتحركه .... سواء اوقفوها او كملوا فيها حيغرقوا و ينتهوا.

• ازاي ؟؟؟؟؟؟ .... قوة امريكا لا تكمن فقط في القوة العسكريه ..... و لكن قوة امريكا الحقيقه تكمن في الدولار امريكا تحتل بالفعل العالم اجمع لان اقتصاديات العالم كله مرتبطه بالدولار ..... و لو افتكرنا عام 2008 في الازمه الاقتصادية الامريكيه ..... العالم كله دفع الفاتوره و تسابق انه يدفع الفاتوره لانقاذ اقتصاد امريكا لانها لو وقعت ..... وقع معاها اقتصاد العالم كله ..... و ده السبب الحقيقي لقوة امريكا .

• الحاج بوتين بدأ اللعب على الموضوع ده في تحالفات عالميه كبيره .... و الهدف ليس قتل مباشر للدولار لان ده حيكون خراب على الجميع .... و لكن في خلق كيانات اقتصاديه ضخمه بديله و قتل بطييييييييئ له و سحب البساط بالتدريج من تحت امريكا .... و لان الاقتصاد الامريكي متلصم بالعافيه .... فمجرد الاعلان عن التحركات دي .... فستنتقل الازمه الاقتصاديه داخل المجتمع الامريكي .... و حتتلهي امريكا في مشاكلها الاقتصاديه مع شعبها حتي لا تنهار .... و بالتدريج حيبعد عنها حلفاؤها لانهم مش حيستحملوا فاتورة اسناد اقتصادها لفتره طويله .... و في المقال القادم حيكون فيه مثال صريح و مباشر للدور السعودي في ده طب ازاي ؟؟؟؟؟

• حنذكر مثالين فقط عشان الناس بتشتكي من طول المقالات لكن نعمل ايه بس .... الموضوع فعلا كبير جدا و التفاصيل كتير

• اول حاجه بدأ بيها بوتين و الصين هي اتفاقيه التجاره الحره .... و نصت على ان يتم التبادل التجاري ما بينهم بالعمله المحليه و ليس الدولار .

• و كمان كانت فيه مباحثات ما بين روسيا و الصين لمده عشر سنوات لتصدير الغاز الروسي للصين .... و عشان تعرفوا قيمة اللى حصل في 30 يونيو و انه غير المعادله على الارض .... فالصين تشجعت و نقلت مصالحها التجاريه المستقبليه من امريكا الى روسيا و مضوا اتفاقيه لتصدير الغاز الروسي بقيمة 400 مليار دولار و ايضا بالعمله المحليه و هو ما يفتح الباب لاعتماد اقتصاد بلاد المشرق ذاتيا على مواردهم .... يعني لو اوروبا وجدت بديل للغاز الروسي يبقي بالف سلامه

• الموضوع التاني بقي ده حدوته و هو موضوع الخريطه اللى في المقال و هي اتفاقيه البريكس (BRICS) و الخمس حروف دول هم اول حرف من حروف الخمس دول المشتركه في الاتفاقيه دي. و هم بالترتيب :- البرازيل - روسيا - الهند - الصين - جنوب افريقيا .

• التحالف الاقتصادي ده الهدف المعلن ليه هو تعاون اقتصادي لمواجهة مجموعة السبعه الكبار الاقتصاديه و اللى مشتركه فيها الصين و روسيا اللى اتعلقت عضويتها بعد احداث اوكرانيا. و تم انشاء بنك برأس مال 200 مليار دولار للتنميه الاقتصاديه و تمويل المشاريع المشتركه و مكافحة المخاطر الاقتصاديه على الدول الخمس من اي تحالفات اقتصاديه تانيه.

• الاتفاقيه دي بقي حدوته .... ازاي ؟؟؟؟؟ بما ان المعلن هو اتفاقيات اقتصاديه لكن لازم يكون فيه اتفاقيات تحت الترابيزه عسكريه و امنيه و سياسيه لحماية التحالف الاقتصادي ده و مصالحه و اكيد احنا عارفين حيكون موجه ضد مين.

• كمان التوزيع الجغرافي للدول دول يبان على الخريطه كانه حزام يبدأ من اقصي الشرق الى اقص الغرب مرورا باسيا و افريقيا و قارة امريكا.

• كمان لاحظ ان عدد سكان الخمس دول دول مجتمعين يمثلون ما يقرب من حوالي ثلث سكان العالم اجمع ده غير القوه النوعيه سواء الاقتصاديه او العسكريا او التكنولوجيه للدول دي و كل ده موجه لحبيبتنا امريكا نور عنينا

بعض الاخبار السريعه:-
-----------------------

• اسقاط الطائرة الماليزيه كانت ضربة معلم من امريكا لروسيا .... لان روسيا كانت حتستولي على شرق اوكرانيا بالكامل زي ما ضمت اقليم القرم .... و كان لازم يتم فرملة روسيا بخلق وضع دولي متوتر .... و اتهام روسيا بالباطل عسكريا بانها اسقطت طائره مدنيه بها مدنيين اوروبيين حتي يعطوا القوات الاوكرانيه الغطاء و الوقت الكافي لاستعادة الاقاليم الشرقيه عسكريا وسط تعتيم اعلامي رهيب .... و فيه دلوقتي مدابح للمدنيين من الاصول الروسيه في شرق اوكرانيا ..... لكن بشكل عام القصه كلها رايحه في مصلحه روسيا.

• امريكا مرعوبه من التطوير العسكري الروسي و بالذات بعد وصول بوتين للحكم اللى طور و غير كتير في المنظومة العسكريه الروسيه ..... . و فيه مناوشات عسكريه لاختبار قدرات روسيا و كانت كلها في صالح روسيا ..... و لعل ما حدث في العاشر من ابريل الماضي في البحر الاسود خير دليل على كده ..... امريكا حبت تستعرض قوتها علي روسيا و ادخلت المدمره "دونالد كوك" بالقرب من اقليم القرم .... و هي مدمره من الجيل الرابع الحديثه جدا و تحمل ترسانه رهيبه من نظم الدفاع الجوي و العشرات من الصواريخ المضاده للطائرات و اكتر من 96 صاروخ توماهوك يحملوا رؤوس نوويه و قدرات هائله في الحرب الالكترونيه ....

المهم روسيا بعتت طائره سوخوي 24 لا تحمل اي اسلحه او اي صواريخ غير حاويه صغيره مخصصه للحرب الالكترونيه .... و فجأه تم اطفاء نظم المدمرة بالكامل .... و خرجت تماما من الخدمه و كأن النور قطع .... و اصبحت المدمره صماء عمياء و لا حول لها و لا قوه .... و قامت الطائره بعدد 12 مناوره هجوم وهميه فوق سرعه الصوت وسط رعب و صريخ و عويل ضباط المدمره لانهم شافوا الموت بعنيهم و هم لا حول و لا قوه .... و لما مشت الطائره .... رجعت نظم المدمره و رادارتها للعمل مره اخري .... و ده ادي الى سحب المدمره من المنطقه بعد ما طلب البحاره العرض على طبيب نفسي بعد ما شعروا بالرعب و قدم ٢٧ ضابط استقالتهم من الخدمه على المدمره لعدم ثقتهم في نظم الامان عليها بعد شعورهم انهم كانوا حيموتوا كلهم. و كل ده اذيع رسميا سواء من روسيا او في بيان للبنتاجون الامريكي ساعتها.

• كان فيه خبر مقتضب تم اذاعته بدون تفاصيل من اسبوع عن انتهاء اجتماع الشراكه الاستراتيجيه بين مصر و الصين في القاهره .... و محدش يعرف اي تفاصيل

• كان فيه خبر مقتضب عن بدء اجتماعات الشراكه الاستراتيجيه العسكريه ما بين روسيا و الارجنتين و برده محدش يعرف اي تفاصيل

الخلاصه ان الحرب الان على اشدها عالميا .... و احنا جزء منها .... و مصدر قوتنا الان انهم كانوا بيصدروا الحرب بشكل عسكري لمنطقتنا .... و كانت الخطه المضاده هي اطفاء الحروب العسكريه و تمويتها على قد ما نقدر على ارضنا و اشعال حرب اخري من نوع اخر اقتصاديا و لكن على ارضهم و في دوائر مصالحهم العالميه تطال نتائجها مواطنيهم في عقر دارهم ....

حد عرف بقي احنا ليه دائما لا نصعد الامور عندنا و لا ننجرف لاي استفزازات مهما كانت لتحويلها لمواجهات عسكريه كما يريدون رغم ارادتنا .... يعني الناس تصرخ و تقول طلبة الاخوان بيحرقوا .... بيقتلوا الظباط ..... المظاهرات ...... و ده لان الناس مركزه فقط في اللى بتشوفوا قدامها فقط ..... لكن المعركه لها شكل و مكان اخر تفرضه مصر و حلفاؤها على امريكا .

تم ذكر رؤوس مواضيع فقط لان فيه تفاصيل كتيييييير و الناس بتشتكي من طول المقالات ..... و بصراحه معاكم حق ... و بعتذر ليكم لكن حقيقي الموضوع كبير و تفاصيله اكبر مما نتخيل.

https://www.facebook.com/kalamfelsamim/ ... =1&theater

حامد الديب · **مرسل:** الخميس نوفمبر 20, 2014 2:33 pm

اختيار موفق وتحليل اعمق

نتابع , بارك الله فيك

msobieh · **مرسل:** الجمعة نوفمبر 21, 2014 9:43 am

الفاضل عمرو أبو شادي

انتقاءك دائما ممتع ( الله أعلم في الحياة الدنيا يبقى عامل ايه )

كما في معظم مشاركاتك بدءا من لوحة الفسيفساء

أي مشاركة بواسطة عمرو أدخل وأقرأها على طول لأنها قيمة

بارك الله فيك

خلف الظلال · **مرسل:** الجمعة نوفمبر 21, 2014 2:24 pm

مقالات رائعة تثلج الصدر والحمد لله لى وجود ناس مخلصين بارك الله فيهم
شكرا للفاضل عمرو ابو شادي على المشاركة الرائعة
وشكرا لدكتور محمود صبيح لأن تعليق حضرته أثار فضولي فتشجعت لقراءة المقالات وأعدت قراءتها وبالفعل استمتعت
جزاكم الله كل خير
جمعة مباركة
وتحيا مصر
والحمد لله رب العالمين

الآمنة · **مرسل:** الجمعة نوفمبر 21, 2014 2:51 pm

خلف الظلال كتب:

مقالات رائعة تثلج الصدر والحمد لله لى وجود ناس مخلصين بارك الله فيهم
شكرا للفاضل عمرو ابو شادي على المشاركة الرائعة
وشكرا لدكتور محمود صبيح لأن تعليق حضرته أثار فضولي فتشجعت لقراءة المقالات وأعدت قراءتها وبالفعل استمتعت
جزاكم الله كل خير
جمعة مباركة
وتحيا مصر
والحمد لله رب العالمين

بارك الله فى أخى الفاضل عمروأبوشادى ........

نتابع مقالاتك فى شغف .......

إكتب براحتك تماما ......

حتى لوأضعاف ذلك ........

عمرو أبوشادى · **مرسل:** السبت نوفمبر 22, 2014 4:32 am

جناب مولانا الشريف كلامكم شرف ووسام غالى جدا

أسال المولى عز و جل أن أكون دائما عند حسن ظنكم الكريم

وشكرا لدكتور حامد على مروركم الكريم وبارك الله فيك

الفضليات الكريمات خلف الظلال والآمنة أشكركم كثيرا وبارك الله فيكم

حتى لا أحرم · **مرسل:** السبت نوفمبر 22, 2014 11:05 pm

تسجيل إعجاااااااااااااااب

الفاضل عمرو أبو شادي جزاك الله خيراً على هذا الموضوع الرائع

زادك الله من فضله وربنا يجعله في ميزان حسناتك

المصري · **مرسل:** الأحد نوفمبر 23, 2014 2:29 pm

استاذ عمرو ابو شادي
السلام عليكم ورحمة الله وبركاته
بارك الله فيكم وزادكم من فضله
استفسار بسيط
هو حضرتك أدمن صفحة كلام في الصميم؟؟؟؟؟؟؟

سهم النور · **مرسل:** الأحد نوفمبر 23, 2014 3:29 pm

أخي الفاضل الكريم (عمرو أبوشادى) :

حقاً استمتع بكل ما تنقله وتكتبه ههنا فبارك الله فيك وجزاك الله خيراً .

وفي انتظار المزيد إن شاء الله .

عمرو أبوشادى · **مرسل:** الأحد نوفمبر 23, 2014 9:15 pm

شكرا الفاضل حتى لا أحرم جزاك الله خيراً

الأستاذ الفاضل المصرى وعليكم السلام ورحمة الله وبركاته

شكرا لك و أنا لست أدمن صفحة كلام فى الصميم .... أنا مجرد ناقل

أخى الفاضل والعزيز سهم النور

مروركم يسعدنى يشدة فعلا

دعواتكم يا مولانا

عمرو أبوشادى · **مرسل:** الأربعاء نوفمبر 26, 2014 2:32 pm

الناتو يعلن عدم اعترافه بتحالف روسيا وأبخازيا

تعهدت روسيا بتوفير الدعم اللازم لجمهورية أبخازيا بموجب اتفاق التحالف والشراكة الاستراتيجية

وقع الرئيس الروسي فلاديمير بوتين ورئيس جمهورية أبخازيا رؤول خادجيمبا، في 24 نوفمبر/ تشرين الثاني 2014، اتفاق التحالف والشراكة الاستراتيجية.
ويُلزم هذا الاتفاق روسيا بتوفير دعم مالي قدره 4 مليارات روبل سنوياً لتنمية أبخازيا في المجالين الاقتصادي والاجتماعي، ويُلزم الدولتين بتشكيل مجموعة مشتركة من القوات لصد العدوان الخارجي.
وقال بوتين إن فحوى الاتفاق أن يتم تأمين وجود أبخازيا، وتتهيأ الظروف لتطوير العلاقات الاقتصادية.
وكانت أبخازيا جزءا من جمهورية جورجيا السوفيتية، وأعلنت استقلالها حين سار اتحاد الجمهوريات السوفيتية إلى التفكك. وحاولت جمهورية جورجيا استعادة السيطرة على أبخازيا من خلال شن الحرب.
واعترفت روسيا باستقلال أبخازيا رسمياً في عام 2008.
ولم ترحب جمهورية جورجيا باتفاق تحالف روسيا وأبخازيا. وحسب الرئيس الجورجي غيورغي مارغفيلاشفيلي، فإن هذا الاتفاق يعد "خطوة نحو ضمّ المنطقة الأبخازية إلى روسيا".
وخص حلف شمال الأطلسي (الناتو) أيضا توقيع اتفاق تحالف روسيا وأبخازيا باهتمامه، حيث أصدر أمينه العام ينس ستولتنبرغ بياناً، قال فيه "يؤيد الناتو سيادة جورجيا وسلامة أراضيها ضمن الحدود المعترف بها دولياً. لهذا لا نعترف باتفاق التحالف والشراكة الاستراتيجية الذي وقعته منطقة أبخازيا الجورجية وروسيا في 24 نوفمبر".
...المزيد: http://arabic.ruvr.ru/news/2014_11_25/280468441/

عمرو أبوشادى · **مرسل:** الخميس نوفمبر 27, 2014 2:13 am

اقتراح: طرد الولايات المتحدة من الناتو

لكي يعم الأمن والأمان أوروبا يجب أن يتخلى حلف شمال الأطلسي المنوط به حفظ أمن أوروبا، عن الولايات المتحدة الأمريكية، في رأي سيرغي ناريشكين رئيس مجلس النواب الروسي

تمنى رئيس الدوما (مجلس النواب الروسي) على الأوروبيين أن "يطردوا الولايات المتحدة الأمريكية من الناتو" (حلف شمال الأطلسي).
وأبلغ سيرغي ناريشكين، رئيس الدوما، المشاركين في طاولة مستديرة دولية تمحورت حول سبل خروج أوروبا من أزمة الثقة، في موسكو في 25 نوفمبر/ تشرين الثاني، أنه يود أن يقترح طرد الولايات المتحدة الأمريكية من الناتو.
وعن الدوافع وراء اقتراحه، قال ناريشكين إن خروج الولايات المتحدة الأمريكية من الناتو سيمهد لعودة الأمن الأوروبي إلى مستواه الطبيعي.
وفي الحقيقة يصعب أن يتخيل المرء أن يطرد الأوروبيون الأمريكيين من الحلف ما دام يدين قادة الاتحاد الأوروبي لحكام الولايات المتحدة الأمريكية بالطاعة والولاء.
وكان ناريشكين قد عبر في وقت سابق عن استنكاره لإقدام الولايات المتحدة على حث الدول الأخرى على ممارسة "عمليات ابتزاز وضغط" ضد روسيا.
وقال ناريشكين، خلال لقائه بـ"ماساهيكو كومورا" نائب رئيس الحزب الليبرالي الديمقراطي الحاكم في اليابان، في 7 نوفمبر، "تمادت واشنطن في وقاحتها، حتى أنها لم تعد تتستر على قيادتها لعمليات الابتزاز والضغط ضد روسيا".

http://arabic.ruvr.ru/news/2014_11_26/280513520/

عمرو أبوشادى · **مرسل:** الخميس نوفمبر 27, 2014 2:15 am

دلتا النيل عائمة على بحر من الغاز

منذ أكتشاف حقل أبو ماضي مطلع الستينيات من القرن الماضي في دلتا النيل وتتجه الانظار الى تلك المنطقة الواعدة ، خصوصاَ وان دلتا النيل تحتوي على كميات هائلة من الغاز تثير شهية المستثمرين لما لها من مردود اقتصادي مجزي لتلك الشركات.
من المعروف ان النيل ينقسم الى فرعين هما فرع دمياط وفرع رشيد وتقع بينهما منطقة دلتا النيل والتي يبلغ مساحتها نحو 25000 كيلو متر مربع والتي بدأت في الظهور في العصر الميوسيني، ومنذ هذا العصر وجغرافية دلتا النيل لازالت قيد التحقيقات والابحاث لما تتميز به من حالة ترسيب ممزوجة بمعالم صخرية ومغناطيسية جوية بدأت معها شركات البترول من مائة عام البحث عن الزيت الخام بتلك المنطقة الثرية.

وكشفت جميعة المساحة الجيولوجية الأمريكية مؤخرا عن تقرير لها يوحي بأن منطقة دلتا النيل بالبحر المتوسط تحتوي على احتياطيات للغاز الطبيعي لم تكتشف بعد تقدر بحوالي 223 تريليون قدم مكعب.

وكان الجيولوجي رفعت خفاجى وكيل أول وزارة البترول للاتفاقيات والاستكشاف قال أن تقرير جمعية المساحة الجيولوجية الامريكية ان هذه الاحتياطيات قابلة للاستخراج باستخدام التكنولوجيات الحالية ، بالاضافة الى وجود احتياطيات غير مكتشفة من الزيت والخام والمتكثفات تصل الى 7.6 مليار برميل منها 1.7 مليار برميل زيت خام.

وأضاف أن هذه الاحتياطيات تفوق كل الاحتياطيات في المناطق التي تم تقييمها في الولايات المتحدة، بما يضع منطقة دلتا النيل بالبحر المتوسط من أهم المناطق في العالم من حيث الاحتياطيات المحتملة من الغاز الطبيعي.

واوضح حمدى أبو النجا حمدى الخبير البترولى أن تقرير جمعية المساحة الجيولوجية يوضح لنا ان سبب اكتشاف مواد بترولية يرجع إلى التكوين الجيولوجى الخاص بتلك المنطقة والتي تتكون نتيجة تحليل الاجسام الحيوانية والنباتية التى يتم تحويلها إلى وقود حرارى وحيوى وتصبح موارد بترولية خالصة.

وأضاف أبو النجا أنه يجب من الان تطرح المزيد من المزيدات في منطقة دلتا النيل لاستقطاب كبريات الشركات البترولية العاملة في مجال الغاز الطبيعي لاكتشاف تلك الاحتياطيات الهائلة ومن ثم يجب توفير مناخ استثماري ملائم لتلك الشركات وحوافز تشجيعية للاستمرار في العمل بشكل منتظم ، مؤكدا ان وزارة البترول في الفترة الاخيرة تتعامل باحترافية شديدة مع الشركات الاجنبية الامر الذي يسهل اجراءات الاستثمار في مصر دون اي معوقات.

وأوضح الخبير البترولى أن عملية إقتسام الانتاج مع الشركات الاجنبية أصبحت تثيرشهية شركات البترول الكبيرة وذلك لما لها من مردود اقتصادي قوي لتلك الشركات خاصة وان مصر تتمتع بموقع جغرافي مميز يتيح لتلك الشركات تصدير منتجاتها البترولية دون أي عائق ، فضلا عن الاستقرار السياسي والتي تتميز به مصر عن بعض الدول الاخرى.

ومن جانبه قال مصدر مسئول بوزارة البترول ان تقرير جمعية المساحة الجيولوجية يعمل على تعزيز احتياطيات مصر من الغاز الطبيعي والتي تكفي للاستراتيجية التي تسير بها الوزارة وهي ثلث للاستهلاك المحلي وثلث للتصدير وثلث
للاجيال القادمة.

واشار الى ان وزارة البترول ستسعى الى طرح مزايدات في المناطق التي لم تكتشف بعد ووضع خطط طموحة مع الشركاء الاجانب العاملين بمنطقة دلتا النيل ، وذلك لتحقيق معدلات انتاجية غير مسبوقة في أٌقرب وقت.

وأوضح ان دلتا النيل والبحر المتوسط من المناطق التي تعول عليها الوزارة انتاج الغاز الطبيعي لسد احتياجات الطلب المحلي ، حيث قامت الوزارة في الفترة الأخيرة بالتوسع في توصيل الغاز الطبيعي الى الوحدات السكنية ، بالاضافة الى توصيل خط غاز الصعيد والذي يعتبر كما قال المهندس سامح فهمي لا يقل أهمية عن مشروع السد العالي.

وأوضح ان السياسة التي تتبعها وزارة البترول في استقطاب الشركات الأجنبية الكبرى للعمل في الغاز الطبيعي في المياه العميقة سياسة مشجعة ومحفزة ، خصوصا وان انتاج الغاز يتكلف مبالغ ضخمة وتحتاج الى مرونة في التفاوض مع الشركاء الاجانب مما لا يضر بمصلحة الطرفين.

وأشار الى ان المياه العميقة تحتاج الى تكنولوجيات متقدمة للتنقيب عن الغاز والحفاظ على معدلات انتاجية مناسبة ، موضحا ان الوزارة استطاعت في الفترة الاخيرة استقطاب شركات لها خبرات في مجال البحث في المياه العميقة وعلى رأسها شركة STATOIL النرويجية والتي حصلت مؤخرا على منطقة امتياز ، مشيرا الى ان العالم الان اصبح يوجه نشاطه في مجال الغاز الطبيعي رغم ارتفاع تكاليفه ، حيث انه طاقة نظيفة وتحافظ على البيئة.

وقال ان المشكلة تكمن الان في عدم تحديد سعر ثابت للغاز وهو ما تسعى اليه الدول المنتجة والمصدرة للغاز لوضغ الغاز في مكانه الحقيقي مثلما هو الحال عليه في الزيت الخام.

فيما قال خبير بترولي ان التقرير الذي أوردته جمعية المساحة الجيولوجية أثبت أن الدلتا تسبح على بحر من الغاز ورهن اكتشاف تلك الاحتياطيات بتسهيل الاجراءات المتبعة لاختصار الوقت الذي تستغرقه المزايدات والاتفاقيات والموافقات من
الجهات المعنية.

واوضح ان وزارة البترول تسعى الى تقليل المدة الزمنية التي تتم فيها اخذ موافقة مجلسي الشعب والشورى ومجلس الدولة على الاتفاقيات المبرمة، حيث تأخذ هذه الموافقات الكثير من الوقت ، الامر الذي يؤخر استخراج كميات الغاز الموجودة.
في حين رهن الدكتور رمضان ابوالعلا استاذ هندسة البترول بجامعة الاسكندرية انه يجب وضع تلك التقرير لمعايير علمية لكيفية الاستفادة القصوى منها ، حيث أنه لو ثبت صحته علميا فان الدور سيبقى على شركات البحث والاستكشاف لاستخراج الغاز والذي يتطلب تكنولوجيا متقدمة وبالتالي سيعمل على تحقيق قيمة مضافة سواء من الناحية الاقتصادية او من الناحية الفنية او من الناحية السياسية.

وقال ان الكميات المتوقع اكتشافها حسب التقرير ضئيلة بالنسبة لحجم احتياطيات دول مثل روسيا وقطر وايران ولكنه سيدفع مصر خطوة للامام ، كواحدة من الدول العظمى في انتاج الغاز ولكنه اشترط ترشيد استهلاك الطاقة والتي يستخدم فيها الغاز كوقود بعد حرقه لتوليد الكهرباء.

واضاف ان مصر من اكثر الدول استهلاكا للطاقة، مما يستلزم توجيه المواطنين لكيفية الحفاظ على ثروات مصر من الغاز والتي ستحقق زيادة في معدلات النمو حيث ان تصدير الغاز بسعر مناسب سيحقق لمصر فائض في النقد الاجنبي وبالتالي يدفع بعجلة التنمية.

وقال ان هناك مناطق لم تكتشف بعد تحتوي على كميات كبيرة من الغاز وهو أمر يتطلب تضافر الجهود بين جميع الاطراف القائمين على صناعة الطاقة في مصر.
وطالب بان يتم انشاء مجلس علماء لثروة مصر البترولية يضم الخبراء لتحديد كيفية الاستفادة القصوى من تلك الثروات وعلى رأسها الغاز والذي بدأت معدلات انتاجه تزيد يوما بعد يوم.
يذكر ان مصر تنتج 6.5 مليار قدم مكعب غاز يوميا ويتركز انتاج الغاز في البحر المتوسط ودلتا النيل والصحراء الغربية فيما بلغ الاحتياطي المؤكد للغاز الطبيعي نحو 77 تريليون قدم مكعب من الغاز.

كتب : تامر عبد العزيز - شادى أحمد

http://www.egyptoil-gas.com/read_articl ... php?AID=61

عمرو أبوشادى · **مرسل:** الخميس نوفمبر 27, 2014 2:20 am

موقع د. محمود صبيح

ما بين العدوان الثلاثي 1956 سلسلة و الحرب العالميه الثالثه

الموجودون الآن