موقع د. محمود صبيح

منقول

قلت لصديقي محدود الدخل: ما تيجي عندي التجمع تقعد يومين، ولا اقولك، كفاية يوم واحد، علشان يا بخت من زار وخفف، سألني: يعني فطار، غدا، عشا؟
قلت له: أنت في بيتكوا بتاكل تلات وجبات؟!! قال: لا غالبا مش بتعشى، قلت:طيب اشمعنى عندي ح تتعشى، خلينا فطار وغدا، وعلى حسب قعدتك ويومك ماشي ازاي مش ممكن تغير رأيك وتسافر قبل صلاة المغرب علشان تلحق العشا في بيتكم قال:بس الواحد كده مش يبقى تقيل، قلت له: أكيد ظبط نفسك وبلغني .

من يومين جالي التجمع وروحنا نفطر في كافية في شارع التسعين الشمالي، وقلت له: سيب نفسك وخليني اطلبلك فطار عمرك ما سمعت عنه، حاجه كده من بتوع سكان التجمع، بس لو الفطار عجبك تعترف لكل معارفك في اسكندرية بالواجب اللي عملته معاك، قال: من غير اي حاجه بعترف، و أفضالك عليا، بس خلصني علشان جعان والفطار وجبة اساسيةعندي.
ناديت الجرسون وقلت له: صباح الفل، عايز طبق جرين برجر، وطبقين فافا بينز، وطبق ابريجن، وطبق وايت بريمز.
الجرسون سألني: والجرين برجر عايز كام قطعة ؟ فسألت صديقي: عايز اتنين ولا تلاته ؟ قال: هو ايه ده؟! قلت: خلاص، تاخد اتنين ولو عجبتك نجيب تاني، فكرر سؤاله: ايوه، ايه ده اللي حاخد منه اتنين ولا تلاتة ؟
جاوبته: مش مهم، وكملت حديثي مع الجرسون، وقلت له: طبق فيه ٤ قطع جرين برجر ، والعيش يكون سخن محمص.
أول ما مشي الجرسون، لقيت صديقي بيقول لي : ايه ياعمنا اللي أنت طالبه ده ؟!! ده فطار ولا غدا !! قلت: انسى، حتاكل وتدعيلي .
بعد ربع ساعة جاء الجرسون ومعه صينية الأكل، وبدأ ينزل الأطباق، وأنا مع كل طبق ابص لصديقي محدود الدخل علشان أعرف رد فعله.
قال لي:ايه ده ؟!قلت: زي ما أنت شايف؛ فول وطعمية وبرينجان وبابا غنوج
راح بص للجرسون وقال له: ايه اللي أنت جايبه ده؟ رد وقال: زي ما حضراتكم طلبتوا؛ جرين برجر وشاور على الطعمية، وفافا بينز وشاور على الفول، وابريجن وشاور على البتنجان، ووايت بريمز وشاور على طبق بابا غنوج، تأمر بحاجة حضرتك؟ قال: بس أنا كنت عايز الفافا بينز بالزبدة والجرين برجر محشية

كانت ردود أفعال صديقي محدود الدخل ، بعد ما شاف على الطاولة إن الفطار فول وطعمية، تهلك من الضحك و قال: يعني أناسايب أم الفول والطعمية، اجي الاقيها ورايا، قلت له: بس ايه رأيك في طريقة الطلب وعوجة اللسان، وشياكة ولباقة بتوع التجمع وبعدين أنت زعلان ليه ؟!! مش ده الفطار بتاعك في بحري!! ماهو نفس فطرنا في التجمع، بس بطعم العوجان أمال لما تشوف النهارده حا اغديك ايه، أكل تاريخي على نار الفحم، لا تقول مشويات ولا محمر ولا مشمر ، ح تدعيلي إني جبتك المحل ده، أكل نضيف، طازة، معمول على نار هاديه " نار الفحم " ، متسوي كويس.
قال: وإن شاء الله ح تغديني ايه ؟قلت: أنت عايز تتغدى ايه؟ قال:رز وملوخية وفراخ وشوربة، قلت له:مجتش في جمل، أمري لله .

قعدنا بعد الفطار نتكلم في الظروف والأحوال المعيشيه، وبعدين روحنا مطعم تاني نتغدى فيه ، وكان زحمة جدًا، بس الحمد الله كنت حاجز ترابيزة باسم صديقي ، قعدنا وجالي الجرسون، قلت له:مساء الخير ، صديقي من اسكندرية وعايز ندوقه المطبخ القاهري، قال له: اهلا وسهلا نورت التجمع، رد صديقي وقال: منور بناسه.
التفت الجرسون ليا وسأل: تأمر بأيه؟ قلت: عايز طاجن جرين سوب ، وطبقين تشيكن تندوري، واتنين تنجي بيرد، وشكرا.
الجرسون: تحب مشروب مع الأكل؟
بصيت لصديقي لكن مردش عليا وكان بيبصلي بأرف، بصيت للجرسون وقلت: اه نسيت، هات مع الأكل طبق رز علشان صاحبي بيحب الرز مع الجرين سوب، و ازازتين مايه حجم صغير، بصيت لصديقي وسألته :مالك لاوي بوزك ليه ؟ قال: ما قلتلك عايز أم ملوخية وفراخ وشوربة ورز ، تطلبلي الجرين بتاع الصبح برضة، قلت؛ يا اخي لا، بتاع الصبح جرين برجر، لكن في الغدا أنا طالب جرين سوب ، حاجه تانية خالص، ولما الاكل ح ينزل ح تشوف بنفسك
بعد شويه جه الجرسون ونزل الأكل الملوخية والفراخ والشوربة والرز ، بصلي صاحبي و هو ميت من الضحك ، وقال: دا إنتوا هنا مسخرة، قلت له: يا ابني الموضوع فرق ثقافة بس الجرين سوب يعني الملوخية ، وتيشكن تندوري اللي هي الفراخ بتوابل هندية.
قال: انت بتتكلم جد؟!!! هي دي اللغة المتداوله هنا ؟!!قلت: ايوه، بس بين الشباب الصغير في السن، لكن الشباب الكبير لسانه مش معووج.

قال: لسان ايه و معووج ايه ؟، إنتوا عارفين بتعملوا ايه في الجيل اللي جاي، جيل الجرين سوب، إنتوا بتضيعوا لغته وهويته، انتوا بتدمروا جيل مش عارف هو مين، هل هو جرين سوب ولا جرين برجر ؟ ولا ملوخية في طعمية في خيبة قوية؟!! هو أنت لما تروح مطعم برة ، " المنيو " بيكون عربي ولا بلغتهم ؟
قلت: باللغة الانجليزية ، لكن المانيا واليابان وروسيا والصين وغيرهم بيكون بلغتهم ، قال: ليه أحنا بنعمل في نفسنا كده ، قلت: بنعمل ايه ؟ رد: أنا واحد مصري، قاعد في مصر وداخل مطعم مصري ، ليه يكلمني بالانجليزي ؟!!! ما يكلمني مصري، بدل ما يضيع وقتي ووقته في شرح كل أكلة، قلت: بقولك ايه بلاش نرفزة ، و هدي أعصابك بشوية جرين سوب وبعدين نبقى نتكلم قال: بقولك ايه غير الموضوع علشان متعصبش عليك وسك على العشا ، قلت: انسى لا يمكن ابدا، سيب العشا عليا، ح تشوف أكل وفكر تاني على نار هادية ،
دا أنت ضيفي ، ومنور التجمع
قال:يلا بينا ، سألته: على فين؟!! قال: على محطه مصر ، قلت: والعشا ؟!!قال: معايا سندوتش جرين برجر من الفطار ح ابقى أكله في الطريق

_________________



مولاي صل وسلم دائما أبداعلى حبيبك خير الخلق كلهم
اللهم صل على هذا النبى الأمين وأجعلنا من خاصة المقربين لديه السعداء وعلى آله وسلم حق قدره ومقداره العظيم

شئ يدعو للحزن ان يتم هدم الهويه بدعوى التفرنج

تغيير اللسان وعوجه هو ارتداد عن الفطره السليمه

اللسان العربى هو افصح الالسنه والعربيه هى اصل كل اللغات

لكن يجب البحث عن السبب

ما الذى يدعو الناس الى تغيير السنتهم وهم فى مصر

هم لايفكرون انهم يفقدون هويتهم هم يقلدون الغرب فى الشكل واللبس والسلوك و.....

قال يعنى اصبحوا متحضرين

بيفكرنى هذا بافلام زمان لما كان الابطل بيتكلموا بالغرنسيه والايطاليه واليونانيه

وكانوا يتهكمون على ولاد البلد ويظهروهم انهم غير متحضرين

طبعا كان يوجد جاليات اوربيه يتحدثون بلغتهم وكانت عموم الناس بتتعلم بعض الالفاظ تشبها

الاّن فات 100 سنه والجاليات خرجت والبلد بلدنا ومازالت عقد الخواجه متأصله

الحل فى يد وزاره التربيه والتعليم

الاراده والنيه والتخطيط السليم يحقق المعجزات

بارك الله فيكم

_________________
أستغفر الله العلى العظيم الذى لا اله الاّ هو الحى القيوم وأتوب اليه
أستغفر الله العلى العظيم الذى لا اله الاّ هو الحى القيوم وأتوب اليه
أستغفر الله العلى العظيم الذى لا اله الاّ هو الحى القيوم وأتوب اليه

المشكلة الكبرى إنو دي إشارات على النخر في نخبة المجتمع.

والمعروف إنو النخبة هية إلي بتكون عندها مقومات رقي المجتمع وتقدمه سواء من جودة التعليم أو الإمكانيات المادية والثقافة.

والنخبة كمان هية المفروض إلي بتقود المجتمع وتوجهه.

فسلخ النخبة عن جذورها خطورته كبيرة جداً.

وأبرز مثال لده أثناء الغزو الفرنسي لمصر أيام نابليون ، النخبة هية الي قادت الثورات والمقاومة وأنفقت أموالها في سبيل كده وتقدمت الصفوف وحملت السلاح.

ولكن بعد أقي من 80 سنة وفي وقت الاحتلال الإنجليزي وبعد هزيمة عرابي رحمه الله النخبة كانت على خلاف ماسبق في لقاء المحتل الإنجليزي.

وده طبعاً تم بعد عقود من النخر في المجتمع وفي صفوف النخبة من قبل القابعين في الظلام من أيام "محمد علي" باشا ومن اجتمع حوله من السانسيمونيين ، وبعد كده خلفاؤه من الماسون أمثال الخديوي إسماعيل وأمراء بارزين كبار في الأسرة العلوية.

ونسأل الله العفو والعافية وحفظ البلاد والعباد.

_________________
رضينا يا بني الزهرا رضينا
بحبٍ فيكمو يرضي نبينــــا


يا رب

إِن كَانَ لاَ يَرجُوكَ إِلاَّ مُحسِــــنٌ
فَمَن الَّذِى يَدعُو وَيرجو المُجرِمُ

جزاكم الله خيرا كثيرا
أخي الكريم الفاضل د /حامد الديب
وأخي الكريم الفاضل سهم النور
أعزكم الله وأسعدني مروركم الطيب والتعليق القيم علي الموضوع
أكرمكم الله

_________________



مولاي صل وسلم دائما أبداعلى حبيبك خير الخلق كلهم
اللهم صل على هذا النبى الأمين وأجعلنا من خاصة المقربين لديه السعداء وعلى آله وسلم حق قدره ومقداره العظيم