| موقع د. محمود صبيح https://www.msobieh.com:443/akhtaa/ |
|
| العالم المتحضر طلع فالصو!!! https://www.msobieh.com:443/akhtaa/viewtopic.php?f=40&t=33319 |
صفحة 1 من 1 |
| الكاتب: | molhma [ الجمعة مارس 27, 2020 12:45 am ] |
| عنوان المشاركة: | العالم المتحضر طلع فالصو!!! |
العالم المتحضر طلع فالصو !! - الرئيس الفرنسي ماكرون طلع هزأ رئيس وزار بريطانيا بوريس جونسون وهدده بغلق الحدود ووقف السفر من وإلى بريطانيا ، لأن ماكرون شايف ان جونسون لم يتخذ اجراءات كافية لمواجهة تفشي فيروس كورونا في بريطانيا ولأن أغلب الحالات المصابة اللي دخلت فرنسا قادمة من بريطانيا !! - وجونسون كل شوية يقول تصريحات مرعبة اتسببت في حالة هلع للمواطنين وبسببها اتزاحموا على المحلات والسوبر ماركت لتخزين السلع ، وبسبب التزاحم ده انتشر الفيروس أكتر بين عدد كبير من الناس - والسلطات الصحية في بريطانيا بتقول للناس : اللي يحس انه مصاب بالكورونا يقعد في بيته وما يجيش المستشفى إلا لو حالته خطيرة !! - ومش بس كده ، دي سفارة بريطانيا في الكويت قالت لرعاياها اللي فلوسه تخلص منكم ويفلس ، يروح يشحت من اصحابه أو يتسول من بيت الزكاة الكويتي يعني بيقولولهم بالبلدي كده : مع نفسك يا حمار وما تصدعش دماغنا ، احنا مش ناقصينك !! - وجمهورية التشيك بقى سرقت شحنة الكمامات وأجهزة التنفس اللي كان المفروض تروح لايطاليا - وكمان ألمانيا عملت نفس الحركة واستولت على شحنة كمامات وأجهزة كانت رايحة برضه لايطاليا . - والايطاليين من غضبهم من اللي بتعمله معاهم باقي دول أوروبا قاموا بانزال علم الاتحاد الأوروبي ورفعوا مكانه علم الصين . - إيطاليا هي كمان ما سكتتش ، وقامت بالقرصنة على سفينة تجارية وهي في عرض البحر بعد أن كانت متجهة إلى تونس وعلى متنها شحنة كحول طبي ، بحسب ما صرح به وزير التجارةالتونسي محمد المسيليني لبرنامج تونس اليوم المذاع على قناة الحوار التونسي . - النمسا بقى منعت توريد أي مساعدات سواء قفازات أو كمامات لايطاليا ، وقالك أصل احنا ربما نحتاجها !! - ألكسندر فوتشيتش رئيس صربيـا طلع هزأ أوروبا كلها وقال من هنا ورايح انا ماليش غير الصين هي اللي وقفت جنبي ، وقام بزيارة لجمهورية الصين ، وبمجرد وصوله للمطار بتقبيل العلم الصيني علنا أمام الجميع . - الأسبان شايفين ان الاتحاد الاوروبي أكذوبة كبرى واتفضحت ، بعد رفض توريد كمامات لأسبانيا . - تركيـا أخدت فلوس من ايطاليا مقابل شحنة كمامات ولم ترسلها وبتساومها عليها !! - اليونان طافحة الدم بسبب اللاجئين اللي أردوغان شحنهم على حدودها وخايفين تفشي الفيروس يخرج عن السيطرة ، وهما ظروفهم الاقتصادية أصلا صعبة وعارفين ان محدش هيساندهم .. - أما أمريكا فالمعارضة شايفة ان ترامب بيتعامل مع تفشي الفيروس باستخفاف ، وان كل اللي يهمه حصد مكاسب سياسية فقط ، وفي نفس الوقت بيقولوا انه اتأخر جدا في اخذ الاجراءات الاحترازية . - وسفارة أمريكا في المغرب بتقول لرعاياها اللي عايز يرجع أمريكا لازم يمضي على تعهد بسداد مبلغ ١٤٨٠ دولار تقريبا ، وبين البايع والشاري يفتح الله . منقول وأعجبني |
|
| الكاتب: | حتى لا أحرم [ الجمعة مارس 27, 2020 3:16 pm ] |
| عنوان المشاركة: | Re: العالم المتحضر طلع فالصو!!! |
مدد يا سيدنا الحسين |
|
| الكاتب: | msobieh [ الجمعة مارس 27, 2020 10:11 pm ] |
| عنوان المشاركة: | Re: العالم المتحضر طلع فالصو!!! |
حقا حقا ... نسأل الله العفو والعافية ... molhma كتب: العالم المتحضر طلع فالصو !!
|
|
| الكاتب: | النيل الخالد [ الجمعة مارس 27, 2020 10:19 pm ] |
| عنوان المشاركة: | Re: العالم المتحضر طلع فالصو!!! |
msobieh كتب: حقا حقا ... نسأل الله العفو والعافية ... molhma كتب: العالم المتحضر طلع فالصو !! اللهم آمين يا رب العالمين . |
|
| الكاتب: | المهاجرة [ الجمعة مارس 27, 2020 10:48 pm ] |
| عنوان المشاركة: | Re: العالم المتحضر طلع فالصو!!! |
حتى لا أحرم كتب: مدد يا سيدنا الحسين |
|
| الكاتب: | molhma [ الأحد مارس 29, 2020 12:43 am ] |
| عنوان المشاركة: | Re: العالم المتحضر طلع فالصو!!! |
msobieh كتب: حقا حقا ... نسأل الله العفو والعافية ... molhma كتب: العالم المتحضر طلع فالصو !! اللهم آمين اللهم آمين يارب العالمين ربنا يحفظكم ويحفظ أحبتكم مولانا الكريم ولا يحرمنا من حضرتك أبدا جزاكم الله عنا خيرا كثيرا |
|
| الكاتب: | مريد السنة [ الأحد مارس 29, 2020 1:10 am ] |
| عنوان المشاركة: | Re: العالم المتحضر طلع فالصو!!! |
دا كدا كمان من أول قلم ولو الأزمة اشتدت أكثر ينفرط العقد أسرع نسأل الله العفو والعافية وإن قالوا: إيه دا كل ده بنقول: مدد ياسيدة |
|
| صفحة 1 من 1 | جميع الأوقات تستخدم GMT + ساعتين |
| Powered by phpBB © 2000, 2002, 2005, 2007 phpBB Group http://www.phpbb.com/ |
|