امرأه مثل الملاك..فى العزبة البيضاء بالمرج..هبة تحمل زوجها المريض على ظهرها منذ 6 سنوات للمستشفى رايح جاى..وتدبر أمور بيتها ومصاريف العلاج بـ450 جنيها..والزوج:أمى شالتنى 9 شهور وأنا جنين ومراتى شالتنى6 سنين مريض





تقول هبة: "زوجى مصاب بفشل كلوى وفيروس بى وتضخم فى الكبد وهشاشة فى العظام وضعف فى عضلة القلب، كان تعبان من 2012 ولكنه بدأ جلسات الغسيل الكلوى والعلاج فى شهر واحد 2013، من وقتها كل يوم كنت بشيله أوديه مستشفى الحياة فى الجبل الأصفر وأرجع البيت اعمل أكل للأولاد وبعدين أروحله يكون خد الجلسة وارجع بيه على البيت".



تضيف هبة: "أحيانا مش بقدر أمشى المشوار كله بشيله شوية وانزله علشان ارتاح وبعدين بكمل، ولما بيبقى معايا فلوس باخد توك توك بـ5 جنيهات وفى ناس أولاد حلال مش بيرضوا ياخدوا منى فلوس"، تتابع هبة حديثها: "زوجى بياخد 3 جلسات فى الأسبوع وأنا اللى بوديه وأجيبه محدش من اخواته فكر فى يوم يروح معايا أو بدالى مرة، ولو مكنتش أنا هشيله مين هيشيله، ودلوقتى أحنا بنروح مركز خاص بنتابع فيه الجلسات علشان الجهاز اللى كان بيغسل عليه فى مستشفى الحياة باظ وبندفع 200 جنيه كل 15 يوما، يعنى 400 جنيه فى الشهر".

http://www.youm7.com/story/2018/3/15/%D ... A7/3694704