قميص بـ12 ألف جنيه من مميزاته "بيديك طاقة إيجابية"

يانور سيدنا النبى · **مرسل:** الأحد أغسطس 27, 2017 11:10 am

قميص بـ12 ألف جنيه من مميزاته "بيديك طاقة إيجابية"

يقبل الناس على شراء الملابس مع اقتراب عيد الأضحى المبارك، وتنشر محال الملابس عروضها مع تخفيضات في الأسعار وغيرها لجذب الزبائن، إلا أن هناك محل قدم عرض قميص أثار الجدل على مواقع التواصل الاجتماعي.

طرحت شركة ملابس، قميص اعتبره البعض على مواقع التواصل الاجتماعي أنه يعتبر أغلى قميص في مصر، حيث يصل سعره إلى 12 ألف جنيه، وأوضحت الشركة التي تقدم منتجات مصرية، أن ثمن القميص المرتفع يعود إلى عدة مزايا.

وقالت الشركة على حسابها على "فيسبوك"، "قبل ما تسأل السعر دا ليه اعرف الأول عن القميص، عدد خطوط الكاروهات الي في القميص هي نفس عدد خطوط، الطول والعرض إلي في الكرة الارضية ودا بيديك طاقة إيجابية عالية جدًا.

وأضافت "اللون الابيض إلي في القميص درجة لونه بتعمل على الراحة النفسية والخطوط اللي بالرمادي بتنفذ قانون تضاد العناصر مع الخلفية، غير أن القميص ده معالج حراريًا بألياف صناعية بتدفي جسمك في الشتاء وتسقع جسمك في الصيف".

وتابعت الشركة في "البوست"، "القميص مغسول أكتر من 46 مرة لعدم الانكماش أو التمدد.. استمتعوا بمنتجنا الجديد بسعر "12.000" ألف فقط ولفتره محدودة جدًا".

وانهال على هذا "البوست" الألاف من التعليقات ما بين معجب بالقميص ومميزاته وبين من يسخر من سعره المرتفع وأخر بسبب مميزاته".

قال أحد المعلقين، " أنا لو معايا ١٢ ألف هبقي مرتاح نفسيًا ومش هحتاج لقميص أصلًا"، وأضاف أخر "يا عم اديني ربع تمنه وأنا تبقى مش مرتاح نفسيًا بس لا ده أنا أبقى في قمة الانشكاح"، وعلق متابع أخر "مفيش منو ايجار قديم؟".

وتواصلت التعليقات، بطرح أسئلة حول القميص فقال أحد الأشخاص "حضرتك الأقساط على كام سنه ؟!"، وكتب أخر "واحد معاه ١٢ ألف إيه اللي يخليه مهموم ومش مرتاح نفسيًا أصلًا؟".

وأبدى البعض اهتمامه بالقميص حيث كتب شخص حول كيفية معاينة القميص وسأل أخر عن عنوان المحل لشراء القميص.

http://www.msn.com/ar-eg/news/offbeat/% ... ar-AAqGUR7

شريف عليان · **مرسل:** الأحد أغسطس 27, 2017 1:07 pm

يانور سيدنا النبى كتب:

وقالت الشركة على حسابها على "فيسبوك"، "قبل ما تسأل السعر دا ليه اعرف الأول عن القميص، عدد خطوط الكاروهات الي في القميص هي نفس عدد خطوط، الطول والعرض إلي في الكرة الارضية ودا بيديك طاقة إيجابية عالية جدًا.

وأضافت "اللون الابيض إلي في القميص درجة لونه بتعمل على الراحة النفسية والخطوط اللي بالرمادي بتنفذ قانون تضاد العناصر مع الخلفية، غير أن القميص ده معالج حراريًا بألياف صناعية بتدفي جسمك في الشتاء وتسقع جسمك في الصيف".

http://www.msn.com/ar-eg/news/offbeat/% ... ar-AAqGUR7

سؤال بس...بغض النظر عن لامنطقية الموضوع كله بس سؤال تاعبنى

يعنى ايه خطوط الطول والعرض الى فى الكرة الارضية؟

اصلا اسمها خطوط الطول ودوائر العرض مش خطوط الطول والعرض دا اولا....ثانيا خطوط الطول ودوائر العرض دى احداثيات وهمية بتتعمل علشان يتم تحديد النقاط الجغرافية على سطح الارض ودا ملوش اى علاقة بطاقة او غيره...دا علم جغرافيا علشان تحديد المواقع بدقة وتقسيمها علشان يستدل عليها بسرعة وبدقة بعد كدا...

ايه علاقة دا بالطاقة !!!!!!!

تانى حاجة يعنى ايه اللون الابيض الدرجة دى بتعمل على الراحة النفسية؟؟ طيب انا اللون الاخضر بيريحنى نفسيا مثلا انا حر يا اخى ..

شوف بقى الكبيرة اللى جاية بيقولك الخطوط اللى بالرمادى بتنفذ قانون تضاد العناصر مع الخلفية ؟ طيب وبعدين ؟ ايه المطلوب يعنى ما المستفاد ؟ مقلش حاجة وجرى على النقطة اللى بعدها ..

لو الكلام بجد بقى وفعلا الناس عايزه تعرف عن الطاقة الايجابية ففى امور بسيطة جدا ورخيصة يمكن بها تحسين الحالة العامة زى وضع ماء الشرب فى فخار والمشى كثيرا وتنفس هواء الساعه 6 صباحا او بعد الفجر ربع ساعة..والوضوء والاغتسال ..والغسل بالملح الخشن الكيلو منه بجنيه او اتنين فقط رخيص جدا لانه لا يستخدم فى الاكل..اكل التمر يوميا ولو العسل السدر الاصلى جميل جدا...او غذاء ملكات النحل..ايضا الاحجار الكريمة مثل العقيق بانواعه عسل وجميل جدا فى هذا الامر والتختم به جميل..وهذا رأيى الشخصى..

شكرا لك اخى السلام عليكم

يانور سيدنا النبى · **مرسل:** الأحد أغسطس 27, 2017 1:35 pm

أضحك الله سنك الفاضل شريف

فعلا كما قلت بانسبة لخطوط الطول ودوائر العرض ............. وأيضا يستخدمو فى تحديد الوقت والمناخ (قبل التغيرات المناخية)

بس مواضيع الطاقة بدأت تنتشر إيه ماشاء الله

زى من كام يوم إنتشر على الفيس بوك فتاة بالبكينى تفعل حركات الصلاة صوروها على انها تصلى وأخرون قالو انها تؤدى تمرينات طاقة

الفاضل شريف مشكور على المرور الكريم

شريف عليان · **مرسل:** الأحد أغسطس 27, 2017 2:03 pm

يانور سيدنا النبى كتب:

أضحك الله سنك الفاضل شريف

فعلا كما قلت بانسبة لخطوط الطول ودوائر العرض ............. وأيضا يستخدمو فى تحديد الوقت والمناخ (قبل التغيرات المناخية)

بس مواضيع الطاقة بدأت تنتشر إيه ماشاء الله

زى من كام يوم إنتشر على الفيس بوك فتاة بالبكينى تفعل حركات الصلاة صوروها على انها تصلى وأخرون قالو انها تؤدى تمرينات طاقة

الفاضل شريف مشكور على المرور الكريم

الله يعزك اخى يانور سيدنا النبى صلى الله عليه وسلم...وكل عام وانت بألف خير ومن تحب ..

حامد الديب · **مرسل:** الأحد أغسطس 27, 2017 2:57 pm

كلامك سليم اخى شريف

واود ان اضيف ان اللبس المربعات مشكلته كبيره لمن يعانى من مرض اللانقطيه " استيجماتيزم العين"

فلا يرى المريض اى نقاط تقاطع بين المربعات خاصه لوكانت صغيره

يانور سيدنا النبى · **مرسل:** الأحد أغسطس 27, 2017 3:05 pm

الفاضل شريف وحضرتك بألف خير وصحة وسعادة وكل من تحب وجميع الاحباب

الفاضل د. حامد الديب شرفنى مرور حضرتك الكريم العطر وكل عام وحضرتك بخير وكل من تحبون

موقع د. محمود صبيح

قميص بـ12 ألف جنيه من مميزاته "بيديك طاقة إيجابية"

الموجودون الآن