ابتسامة اليوم !!

الحفيد · **مرسل:** السبت مارس 20, 2010 9:31 pm

ذهب رجل لاحد قراء الكف

فقراء له الكف و قال له:

هتعيش 20 سنة فقري

قال له و بعدين

قال قارء الفنجان :

و بعديها هتتعود

sara · **مرسل:** الثلاثاء مارس 23, 2010 10:30 pm

مره واحدة عجوزة عندها 80 سنه لقت مصباح علاء الدين طلع لها الجنى طلبت منه تصغر 30 سنه بقى عندها 50 سنه وطلبت منه يصغرها 20 سنه كمان بقى عندها 30 سنه طلبت منه يصغرها 10 سنين بقى عندها 20سنه طلبت منه يصغرها 10 سنين ـــ جلها الحصبه ماتت
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
واحد و هو بيموت بص لمراتة بصه رومانسيه و قالها لما اترفدت كونتي معايا و لما عييت وقفتي جنبي ولما فلست برضوا كونتي معايا و دلوقتى لسا جنبي مسك ايدها بحنيه و قالها مش عارف ليه حاسيس انك نحس

سلافة الروح · **مرسل:** الثلاثاء إبريل 06, 2010 4:06 am

قدمه له موزة
اكلها بقشرها
قاله انت اكلت الموزة بقشرها
قال ما انا عارف اللى جواها[font=Tahoma] [/font][font=Tahoma] [/font]

sara · **مرسل:** الأربعاء إبريل 14, 2010 8:36 pm

واحد كان عنده كتكوت مفترس ، كل ما يدخله قفص الفراخ يقوم الكتكوت ياكلهم ، وفي قفص القرود ياكلهم ، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد 3 أيام ، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوظت الكمين

سلافة الروح · **مرسل:** السبت إبريل 17, 2010 6:10 am

[font=Tahoma]الدكتور قاله
عندك ورم فى المخ
قاله والمخ ده جالى منين[/font]

سلافة الروح · **مرسل:** الخميس مايو 06, 2010 9:22 pm

[font=Tahoma]اتجوز ، مراته خلفت بعد شهر واحد من الجواز ..
واحد قاله ازاى كده ؟؟!!!
قاله اعوذ بالله يا أخى حتى الحسد فى دى كمان[/font]

سلافة الروح · **مرسل:** الثلاثاء نوفمبر 01, 2011 9:40 am

بلدياتنا نام وحب يصحى بدرى حط تحت المخدة قنبلة عشان يصحى بدرى

سلافة الروح · **مرسل:** الثلاثاء ديسمبر 06, 2011 3:46 am

بعد ما بلع ربع جنيه
تفتكروا عمل ايه؟
اتكلم ربع دقيقة
اوعى حد ميضحكش كفاية اللى احنا فيه
منوع الضحك كمان
ربع جنيه يعنى ربع جنيه

الطارق · **مرسل:** الأحد مايو 20, 2012 12:51 am

بمناسبة حرقة الدم والعكننة والاستفزاز وارتفاع الضغط اللي بنشوفه كل يوم
نرجع لابتسامة اليوم
يمكن ننسى شوية

واحد اتصل بمراته قالها :حضري المية السخنة
صاحبه قاله انت باين عليك حمش قوي
قالو امال هاغسل المواعين بميه بارده
ـــــــــــــــــــــــــ
واحد بخيل اوى حب يدهن شقته دهن حيطة ابيض وكتب على باقى الحيطان(نفس اللون)
ــــــــــــــــــــــــ
سواق توك توك دخل محطة البنزين يمول ف لاقى مقطورة بتمول 200 لتر وميكروباص بيمول 50 لتر
بص لعامل البنزينه بكسوف وقاله امبووو ..
ــــــــــــــــــــــ
غبى مسكوه بيزور فلوس فقال للضابط
أموت واعرف عرفتوا أزاي ؟
الضابط قاله يا ابن ..... هو في ورقة ب65 جنيه

حامد الديب · **مرسل:** الأحد مايو 20, 2012 2:55 am

ياااااااااااااه لم أضحك منذ زمن؟؟؟؟
أضحك الله سنك....
ولكن نريد ابتسامات ممتده المفعول فى هذه الايام العصيبه
-----------------------------
وقى الله مصر شر الحادثات

الطارق · **مرسل:** الاثنين مايو 21, 2012 1:35 am

فوائد الزوجة النكدية
1/تجعل لسان الزوج رطبا بذكر الله - طول اليوم يقول حسبي الله ونعم الوكيل
2/ تساعد الزوج على غض البصر لأنه سيكره صنف الستات
3/ تساعد الزوج على صلة الرحم لأنه على طول الوقت عند أمه
4/ تساعده على المحافظة على وزنه لأنها بتسد نفسه عن الأكل
5/ وبسبب قرفه منها سوف يقضي وقتاً أطول في العمل مما سيجعله ناجحاً في عمله محققاً المثل القائل
وراء كل رجل عظيم امرأة نكدية!

حامد الديب · **مرسل:** الاثنين مايو 21, 2012 1:43 am

اقتباس:
فوائد الزوجة النكدية

كده سوف تزعل كل ستات الموقع

الطارق · **مرسل:** الاثنين مايو 21, 2012 9:59 pm

لا تخف يا حامد سيدات الموقع نحسبهم على خير ونظنهن غير ذلك ..
الحاجة /سلافة أين أنت ع الموقع ؟؟
فين قفشاتك المرحة .. ؟؟
نفتقدمشاركاتك القيمة !!
وفين الربع جنيه اللي عليك ؟؟

sara · **مرسل:** الثلاثاء مايو 22, 2012 4:13 pm

واحد راكب عربيته هو ومراته وسايق على 180، عربية البوليس وقفته ونزل الظابط يكلمه.
الرجل: ايه المشكلة؟
الظابط: انت كنت سايق على 180 والسرعة المسموحة هنا 60 بس.
الرجل:لا معلش انا كنت معدي الـ 60 بشوية.
مراته: لا أنت كنت ماشي على اكتر من 200.
...الرجل بص لمراته بحقد
الظابط: كمان الفانوس اللي ورا مكسور.
الرجل: مكسور! والله ما شفته.
مراته: حرام عليك .. انت كنت عارف انه مكسور من كام أسبوع.
الرجل بص لمراته بحقد.
الظابط: كمان مكنتش رابط حزام الأمان.
الرجل: لأ كنت رابطه بس فكيته لما وقفت.
مراته: لا لا انت عمرك ما ربطت حزام الامان.
الرجل التفت لمراته وزعق فيها: انتي ماتعرفيش تسكتي ابدا؟
الظابط سأل مراته: لو سمحتي يا مدام هو دايما يصرخ كده؟
مراته: لأ لما بيكون سكران بس

حبيبة · **مرسل:** الاثنين مايو 28, 2012 7:30 am

الطالب المصرى دايماً على حق

س: مفاتيح الغيب خمسة لا يعلمها الا الله اذكر واحده منها ؟
الطالب : كيف لا يعلمها الا الله وتقول لى ان اذكرها

موقع د. محمود صبيح

ابتسامة اليوم !!

الموجودون الآن