|
الأخ الفاضل الخلوتى
كلامك يؤلمنى جدا
وتأثيره على نفسى شديد
ووقعه عندى عظيم
وحالك بيتعبنى
وكلامك عن حدوث خناقه حدثت بالخطأ
كنت أنت سببها لسوء ظن
أدت لأنهيار فى حالك وأضطراب
وهذا السلوك منك مستغرب
وخاصه أنك صوفى وخلوتى
حاول أن تبحث عن هذا الشخص وتسترضيه
وتحسن اليه
ذكرتنى بموقف حدث معى منذ سنوات
لعلك تأخذ منه عبرة مقدما
منذ سنوات
مع شدة التقصير وصلت الى ما قاله مولانا
إن فقدت قدرتك على المواجهة فلا تفقد حبك وقلبك
إن فقدت القدرة على ترك المعاصي فلا تفقد حبك للعفو الغفور الرحمن الرحيم
إن فقدت القدرة على ترك المعاصي فلا تنسى القادر المقتدر الرقيب
فأصابنى حال شديد من القهر
فكنت لا أرى الا قهر القهار فى العبد الفقير
كل حاجه شايف فيها قهر
فا ستسلمت للأراده الالهيه ونحيت أرادتى جانبا
وأشتد الحال بالليل فكنت أستيقظ من النوم مذعورا
المهم ذهبت الى عملى
وكنت وقتها أعمل فى مكة المكرمة
بعد صلاة العشاء كان فيه زحمة فى المكان
جاء رجل شايب وطلب من العامل المشغول مع شخص آخر طلب
فقال العامل دقيقه ياشيخ
فما كان من الشايب الا أن صاح فيه وسبه وشتمه
طبعا أنا واقف ومش شايف غير أيه ؟
غير مشهد القهر
تدخلت بلطف وقلتله ياشيخ حرام عليك العامل مسكين
فصاح الرجل وهاج وماج
وفجأة ظهر رجل من الخلف ظن أننا بنتخانق مع الراجل
وللعصبيه
فوجئت به يصفعنى على وجهى
طبعا أنا مكنتش شايف الراجل
فقلت وأنا فى غير وعى
مخاطبا الأسم القهار
يعنى أنت بتضربنى أدام الناس
ها يبقى ليل وصبح
ما عندكوش غير الضرب والمرمطه
ما عندكوش غير كسر الخواطر
طب مش عاجبك حالى غيره .. مش تضربنى
هو أن زعلتك أوى كده ؟
وبعدين قلت .. لو أنت مبسوط كده خلاص أنا مبسوط
أنا أستاهل أكتر من كده بس المره اللى جايه خليها بينى وبينك
طبعا على ما فوقت لاقيت الناس تدخلت وأبعدت الراجل
كنت شايف اللى ضربنى مجرد عصايه
وبعدين أستغفرت من كلامى
ومن معصيتى
ومشى الشغل
تانى يوم كان عندنا أجتماع فى الشركه
كنا حوالى 100 فرد
فى آخر الاجتماع
وجدتهم بينادوا على أسمى
وبيقولوا أحنا عملنا قرعه عشوائيه
وصاحبها هاياخد هديه
وشويه بوس وشوية أحضان
وشوية صور
وطبعا كان الحال بيقول
بتخاصمنى حبه وتصالحنى حبه
ها تجننونى ولا أيه
مش عايز هدايا ولا حاجه
عايز تصلحوا حالى وبس
ممكن تكون كسرت بخاطر شخص قلبه مكسور بزياده
وأنت مش واخد بالك
وفى نفس الوقت لو أنت صادق
خليك مع الساقى
مش مع الشراب
وهذه دعوى عريضه
تفتح باب أختبار عريض
_________________
عبيد هيثمى مستجير ۩۞۩ بمن حطت بساحته الحمول
|
المنتدى
التسجيل
الأسئلة المتكررة
بحث
