النيل الخالد كتب:
كلام المصطبة
بعد السلام والمرحبه
يا ولاد بلدنا يا طيبين
نفرش كلام المصطبه
واضح لكل السامعين
مصر الحبيبه الطيبه
أم البنيه والبنين
إشحالها في عز الصبا
وسط العواصف مركبه
بين ريح شمال
وريح يمين
***
جابوا
الطبيب ابن الحلال
كشف ما خاف
وشاف وقال
أهل البصيره في البلد
جواب كل السائلين
قالوا البلد
عايزه ولد
ياخد بتار المظلومين
ولد يعوض اللي راح
و يعلا فوق كل الجراح
و يمد إيده في الضباب
يشدّ أنوار الصباح
فيكم ولد يا سامعين؟
أجدع ولد
طب هوَّ فين؟
وهو مين
إبن البلد
يا ابن البلد يا ابن
الوقت وقتك يا ولد
يا قلب مصر ونبضها يا ابن البلد
يسري بطولها وعرضها يا ابن البلد
يا صبحها يا ابن البلد
يا ربحها يا ابن البلد
يا قمحها يا ابن البلد
يا نور سماها وأرضها
يا ابن البلد يا ابن البلد
الوقت وقتك يا ولد
آدي كلام المصطبه
يا ولاد بلدنا يا طيبين
بعد السلام والمرحبه
واضح
لكل السامعين
القاهرة/ 1968
المنتدى
التسجيل
الأسئلة المتكررة
بحث
