علشان بلبلة يوسف زيدان وخالد الجندي والهلالي وغيرهم في كثير من قضاياهم احب اقول
عصرنا عصر الفتن
تعتبر فترة انتقالية مابين سقوط الخلافة العثمانية وقيام دولة المهدي
فترة طويلة وصعبة
الزمن فيه بيتم تهيئته لنزول الدجال وتمكينه من العالم
فطبيعي جدا تلاقي انقلاب في المناخ وتغيرات في الطقس وحروب وفشل وحاجات كتيير
وكمان طبيعي تلاقي مدد وهمة وتوفيق عند اهل الباطل استدراجا وتلاقي عكسه عند اهل الحق ابتلاء وفتنة
تلاقي الواد السلفي عنده همة كبيرة في الحفظ والعبادة والشغل
وعند الشيعة وعند بتوع الطاقة البشرية وغيرهم وغيرهم
كل ماتطلع بفتنة وبلبلة تحجبك عن الله كل ماتشوف همة كبيرة وانتشار وشهرة وصيت وغنى
كل ماتلتزم بمنهج ربنا كل ماهتشوف هجوم مادي ومعنوي وتكسير وتكبيل وتعب
طيب الحل ايه
1/ الاستعانة بالله تعالى والالتجاء اليه
2/كثرة الذكر وخاصة الصلاة على النبي صلى الله عليه وسلم
3/بالنسبة للموضوعات المثارة اسأل نفسك سوءال
ياترى الائمة الاربعة وتلامذتهم رأيهم إيه؟؟؟؟؟
وقادة الاسلام اللي كل بيبجل فيهم زي صلاح الدين ونور الدين محمود وسيف الدين قطز ومحمد الفاتح بشرى رسول الله صلى الله عليه وسلم اللي ربنا نصرهم ومنع بيهم شرور الصليبين والتتار قالوا ايه؟؟؟؟؟
وبعدين اسأل نفسك سوءال
ايه اللي يخليك تمشي ورا خالد الجندي ويوسف زيدان والهلالي ومفيد فوزي ومحمد حسان ويعقوب والقرضاوي والشيعة واحمد عمارة وبن تيمية وبن القيم وغيرهم وغيرهم
وتسيب الامام ابو حنيفة وتلامذته
الامام الشافعي وتلامذته
الامام مالك وتلامذته
الامام بن حنبل وتلامذته
والامام البخاري
والامام مسلم
وبن ماجة
والترمذي
والنسائي
وقادة النصر مثل صلاح الدين وقطز ومحمد الفاتح وسليمان القانوني ونور الدين محمود
اللي الكل بيعترف بفضلهم وعلمهم وتقواهم
هانسمي مجموعة الجندي والهلالي وزيدان والشيعة وبن تيمية وبقية الاسماء مجموعة (خ) 
ومجموعة الائمة الاربعة وتلامذتهم وقادة النصر مجموعة (أ) 
ونمسك مسئلة مسئلة
مجموعة (أ) بتقول ان المسجد الاقصى بالقدس واننا لازم نحرره
مجموعة (خ) بتقول لأ مش ده المسجد الاقصى ومش لازم نحرره
اختار انت هاتمشي ورا (أ) ولا (خ)
مجموعة (أ) بتقول ان الطلاق الشفوي يقع
مجموعة(خ) بتقول لأ لايقع
هاتختار (أ) ولا (خ)
مجموعة (أ) بتقول ان زيارة الصالحين مستحبة وكذلك الاجتماع على الذكر عندهم والتوسل بهم
مجموعة(خ) بتقول لأ
هاتمشي ورا (أ) ولا (خ)
في كل نقطة بيثيروها اسأل نفسك سوءالين
مجموعة (أ) بتقول ايه
واختار لنفسك
تحب تكون مع (أ) ولا (خ)
اكتر حاجة زعلتني لما بسمع كلام بعض من مشايخنا وسادتنا
وبدون ذكر اسماء
الالقيهم بيتهاونوا في الرد ويعرضوا الموضوع على انه اختلاف ويقولوا السعة والفقه الوسيع وغيره من مصطلحات لاتخدم في النهاية غير الدجال ودولته 
عامة هكذا افهم ديني ولاعبرة لمن شذ ولو كان شيخ المشايخ
فالفتن كقطع الليل المظلم
والامر جد
وليس لنا غير الله ورسوله
اللهم صل وسلم وبارك على سيدنا محمد وعلى اله وصحبه وسلم
ورضي الله عن سيدنا الدكتور محمود فمنه تعلمنا كيف نفهم ديننا