انتخابات برلمان مصر 2015

ذا النون · **مرسل:** الأحد أكتوبر 18, 2015 11:04 pm

الشيخ فراج يعقوب يراعى فترة الصمت الإنتخابى :

قبل الإنتخابات بيومين وخلال أيام سير العملية الإنتخابية

https://web.facebook.com/khaledrefatsaleh.official

حامد الديب · **مرسل:** الأحد أكتوبر 18, 2015 11:09 pm

شوفوا باسم يوسف بيقول ايه ؟؟؟

باسم يوسف ساخرًا من عزوف الناخبين: «أثبتنا إن مصر مش زحمة»

سخر الإعلامي باسم يوسف، من عدم إقبال الناخبين على لجان انتخابات مجلس النواب 2015، في أول أيامها.

وكتب «يوسف»، على صفحته الشخصية بموقع التواصل الاجتماعي «تويتر»: «عدم الإقبال على اللجان سببه إستراتيجية عبقرية، إننا نثبت للعالم إننا بلد مش زحمة وإننا حلينا مشاكل المرور والتلوث إلخ.. السياحة أولا».

وأضاف الإعلامي الساخر: «المذيعين كالعادة بيقطموا في الشعب ويشخطوا فيهم عشان منزلوش، تقولش ماسكين عليهم ذلة».

وتابع: «للسنة الرابعة على التوالي يتم التهويش بفرض غرامة ٥٠٠ جنيه على من يتخلف عن التصويت،ده مصدر الدخل الوحيد اللي فاضل».
http://www.vetogate.com/1861723

النيل الخالد · **مرسل:** الأحد أكتوبر 18, 2015 11:10 pm

يانور سيدنا النبى · **مرسل:** الأحد أكتوبر 18, 2015 11:26 pm

الفاضل محب مولانا الحسين كتب:

و الله يا جماعه الوضع سخيف جدا, و انا عن نفسى مستاء جدا

هناك ائتلاف اللى انشأه توفيق عكاشه و هو ائتلاف 30 يونيو, المفروض انه الائتلاف ده ليه مرشحين فردى مغطيين معظم انحاء الجمهورية, و الراجل توفيق عكاشة مموت نفسه, بس الناس اللى وراه معرفش بيعملوا ايه؟؟؟!!!!!!!!!!

بحثت على النت عن أسماء هؤلاء المرشحين , فلم أجد

دخلت على موقع الإئتلاف لم أجد شيئا

كلمتهم على الموبايل اللى ناشرينه على موقعهم, مرات عديدة لم يرد أحد
بعتلهم رسائل موبايل, محدش رد

بعتهلم أنا و كثيييييييييييييييير جدا من الناس على صفحتهم على الفيس بوك, و لا حد عبرنا

جبنا واسطة و حاولنا نوصل لراجل مسؤول كبير نسأله عن اسماء الناس الوطنيين فى القاهرة و الجيزة, و لا حياة لمن تنادى

ناس كتيييييييرررررررةةةةةة جدا عايزة تنزل تنتخب و لحد دلوقتى متحيرة و مش عارفة تنتخب مين فى المقاعد الفردى., و خايفين ينتخبوا حد مؤذى او طابور خامس او اخوان مستتر

بجد مستاء جدا من عدم النظام, مفيش حد , بنى آدم ينزل جدول تعبان فيه اسماء الناس اللى ننزل ننتخبهم

النهارده محدش نزل, و خايف يحصل تنييم للناس و نفاجىء فى نهاية الانتخابات ان السلفيين و الاخوان نزلوا فى الخفاء و انتخبوا و احنا عمالين نتفرج

انا عن نفسى نازل انتخب مش عشان البرلمان, على اد ما الواحد نازل عشان يقول يا رب انا عملت اللى عليا لآخر لحظة, لعل الله ينظر لنا نظرة رحمة

لثقتى فى د توفيق عكاشة

كنت ناوى أعمل كده تماما

أتصل بيه ويدلنى على الفردى لانى لايص بصراحة

كنت هشوفه مدعم مين فى الفردى وانتخبه

أو قائمة فى حب مصر مدعمة مين فى الفردى وأخدمة

اتارينى كنت غلبان

والظاهر ان لازم ادعبس من دلوقتى والحمد لله قدامى وقت

على مين الكويس ومين ..........

وربنا يوفق

محب مولانا الحسين · **مرسل:** الأحد أكتوبر 18, 2015 11:28 pm

ذا النون كتب:

الشيخ فراج يعقوب يراعى فترة الصمت الإنتخابى :

قبل الإنتخابات بيومين وخلال أيام سير العملية الإنتخابية

https://web.facebook.com/khaledrefatsaleh.official

سيدى ذا النون أضحك الله سن حضرتك

شكر جدا جدا جدا على الصفحة , حلوة أويييييييييي, تسلم ايد حضرتك

يا جماعه افتحوا الصفحة اللى تفضل بها الفاضل ذا النون, و ادخلوا على الصور بتاعت الصفحة )photos( و هتلاقوا أسماء المرشحين اللى ينصح صاحب الصفحة بانتخابهم فى 14 محافظة
طبعا العهدة على صاحب الصفحة و ربنا يوفقنا أجمعين لما يحبه و يرضاه

المداح الرفاعي · **مرسل:** الأحد أكتوبر 18, 2015 11:52 pm

تسلم ايد حضرتك سيد ذا النون
كده مفيش حجة بقه

ربنا يبارك في حضرتك

يانور سيدنا النبى · **مرسل:** الأحد أكتوبر 18, 2015 11:58 pm

الفاضل المداح الرفاعي كتب:

تسلم ايد حضرتك سيد ذا النون
كده مفيش حجة بقه

ربنا يبارك في حضرتك

طب والقاهرة

ياريت يتعمل حاجة للقاهرة الكتلة التصويتية الكبيرة

عاشقةالحبيب · **مرسل:** الاثنين أكتوبر 19, 2015 12:06 am

جزاكم الله خيرا سيدى الشيخ فراج يعقوب والاخ الفاضل ذا النون يارب يحفظ مصرنا

فراج يعقوب كتب:

عاشقةالحبيب كتب:

حد يدلنا ياجماعة اسكندرية مين فردى كويس
ربنا يستر المتسلفة كتير عندنا فى كل الدواير
ربنا يصلح لمصر الاحوال يارب

سالت لك احد الاحباب الموثوق فيهم وارسل لي قائمة بالمرشحين الكويسين نسبيا فلو امكن ابعتها لك عالخاص في الفيس لو كان لك صفحة هناك
صفحتي : https://www.facebook.com/profile.php?id=100000788799491
اللهم اصلح امة سيدنا محمد وآله وسلم

تسلم الايادى :oops:

محب مولانا الحسين · **مرسل:** الاثنين أكتوبر 19, 2015 12:27 am

طيب:
1- الصفحة اللى تفضل بها الفاضل ذا النون التى فيها أسماء المرشحين بتاعت رفعت السعيد , رفعت السعيد واخد الأسماء دى من صفحة الدكتور طارق حجى
طارق حجى بيؤيد ناس منهم وطنيين و لكن فى حين آخر بيؤيد فاطمة ناعوت و فلان و علان

المهم نخلى بالنا

2- فيه صفحة فيس بوك لواحدة وطنية جدا اسمها maha gaafar بس للأسف مش عارف اوصل ليها لضعفى فى موضوع الفيس بوك
اللى يعرف يوصلها يبقى 10 على 10

3- توفيق عكاشة قال فى حلقته الآن انه تقدم الى ائتلاف 30 يونيو ما يقارب 200 مرشح, هو اللى متأكد من وطنيتهم هم المجموعه القليلة اللى ذكرها فى حلقته اللى فى اول المشاركة
و بيناشد الناس تنزل تتنتخب, و بيطمن الناس انه حتى لو انتخبت حد و طلع مش كويس, ميهمكش لأنه هيقف بالمرصاد لو أكرمه الله بالفوز بمقعد رئيس البرلمان بالتصدى لكل فاسد او طابور خامس داخل البرلمان

محب مولانا الحسين · **مرسل:** الاثنين أكتوبر 19, 2015 12:32 am

محب مولانا الحسين كتب:

- الصفحة اللى تفضل بها الفاضل ذا النون التى فيها أسماء المرشحين بتاعت رفعت السعيد , رفعت السعيد واخد الأسماء دى من صفحة الدكتور طارق حجى
......

عفوا خالد رفعت و ليس رفعت السعيد

محب مولانا الحسين · **مرسل:** الاثنين أكتوبر 19, 2015 12:36 am

من هو طارق حجى:

https://ar.wikipedia.org/wiki/%D8%B7%D8 ... 8%AC%D9%8A

اقتباس:
المشروع الفكري الذي يروج له طارق حجي في كتاباته يقوم على الركائز السبع التالية:

1- الإيمان بأن التقدم "ظاهرة إنسانية" قبل أية صفة أخرى.

2- أن "التعددية" هي أروع حقائق الحياة.

3- أن التعصب الديني والقومي والوطني والعرقي والأيديولوجي كلها ظواهر "ضد التقدم" و"ضد الإنسانية".

4- "الغيرية" هي من أهم القيم الإنسانية في عصر "ما بعد الأيديولوجيات".

5- "عالمية المعرفة" و"عالمية العلم" هما من أهم معالم التطور المعاصر للإنسانية.

6- الديموقراطية (وما يواكبها من حقوق الإنسان وحقوق المرأة والحريات العامة) هي من أهم منجزات القرنين الماضيين قبل (وأهم من) كل إنجازات العلوم التطبيقية.

7- الأديان هي شأن خاص لا علاقة لها إطلاقاً بإدارة المجتمعات والحياة، كما أنها ليست أساس أو مصدر القيم والأخلاق (كشأن خاص).

وهو أحد أبناء قبيله الهواره وحجى من الهماميه

انت فين يا شيخ فرااااااااااااااااااااج

الطارق · **مرسل:** الاثنين أكتوبر 19, 2015 1:25 pm

كلمة الرئيس عبد الفتاح السيسي

لانتخابات برلمان مصر 2015

17\10\2015

يانور سيدنا النبى · **مرسل:** الاثنين أكتوبر 19, 2015 1:37 pm

الحاجة صيصة تدلى بصوتها بالأقصر وتؤكد: رحت أنتخب بعد خطاب السيسى

وقالت الحاجة صيصة، فى تصريحات خاصة لـ"اليوم السابع" عقب الإدلاء بصوتها، "أنا ذهبت للإدلاء بصوتى بعد أن استمعت لخطاب الرئيس عبد الفتاح السيسى"، مشيرة إلى أن قاضى اللجنة طلب التقاط صورة تذكارية معها.

https://www.youm7.com/story/2015/10/19/ ... iTV6X4rKUk

يانور سيدنا النبى · **مرسل:** الاثنين أكتوبر 19, 2015 1:49 pm

صحافة المواطن.. قطة تصوت بلجنة فى منشأة القناطر بالجيزة

استمرارًا لتفاعل قراء "اليوم السابع" مع الخدمة التى أطلقها الموقع تحت عنوان "صحافة المواطن"، للمساهمة فى تحرير المواد الصحفية، وتوثيقها بالصور والفيديو، أرسلت القارئة "ضحى الجعار" صورًا من داخل لجان مدرسة الصحوة لغات قطاع أبو غالب ووردان إدارة منشأة القناطر محافظة الجيزة، كما أرسلت صورة طريفة لقطة وعلى أحد أطرافها حبر فسفورى، مشيرة إلى أن القطة ترددت على اللجنة كثيرًا فلجأوا إلى وضع حبر فسفورى عليها لكى لا تعود مرة أخرى. شاركونا فى تحرير المواد الصحفية المنشورة على الموقع بإرسال الصور والفيديوهات والأخبار الموثقة لنشرها بالموقع والجريدة المطبوعة، ليتم نشر الأخبار المصورة والفيديوهات باسم القراء، وذلك عبر البريد الإلكترونى send@youm7.com، أو عبر رسائل فيس بوك، على أن يتم نشر الأخبار المصورة والفيديوهات باسم القراء.

https://www.youm7.com/story/2015/10/19/ ... iTYEX4rKUk

هل وصل الهراء الى هذا الحد

خبر مزعج عن الانتخابات

والاستهزاء بقلة المنتخبين

ما هذا الجمود من الشعب المصرى

يارب سلم سلم

الطارق · **مرسل:** الاثنين أكتوبر 19, 2015 2:16 pm

الشباب واقف طابور علشان ياكل دونتس..!!
اصلنا طول عمرنا متربيين عليه و اللجان فاضية..!!
دوول اللي حيبنوا البلد..!!؟؟
خيبة بالويبة..!!
يا شباب مصر ياللى عايزنها
عيش وحرية وعدالة اجتماعية وكرامة إنسانية ..!!

موقع د. محمود صبيح

انتخابات برلمان مصر 2015

الموجودون الآن