|
داعش_عالمحور
نهار خارجي .. المحور متوقف تماما وزحام شديد
يقف ابو قحافة الداعشي معتليا عربية نص نقل مثبت عليها رشاش جرينوف ومعة رتل من المسلحين المتجهين إلي القاهرة لإحتلالها .
تقاطعة سيدة خمسينية سمراء صائحة
- النبي يابني لو رايح موقف عبود تاخدني معاك !
= إحنا داعش يا حاجة جايين نحتل مصر
- ومالوا يا اخويا طب وانتوا بتحتلوها خدني معاك ؛ امال هتحتلوا باقي المحافظات اذاي .. لازم هتركبوا من هناك ..
= يا امة روحي من هنا بدل ما اضربك بالنار.
- ضربة في قلبك .. اهما كدة الاخوان متعرفش تاخد منهم مصلحة أبدا.
= اخوان مين ياحاجة
بينما كان يهم بإطلاق النار عليها .. يرن هاتفه .. ويتفاجئ أنه أمير المؤمنين ابو بكر البغدادي.
= السلام عليكم .. اهلا بأمير المؤمنين
- اخبار الزحف نحو القاهرة إية يا قحافة !
= والله المحور واقف والدنيا زحمة وعالحال دة بقالنا اربع ساعات والكتيبة اللي معايا فرهدت.. والناس منفضة.. انا خايف نحتل مصر وماحدش ياخد باله يا عم
- ارهبهم يا قحافة وفرقع لهم كام قنبلة كدا
- فرقعنا يا عم الناس بتقف تتفرج وحاجة مسنة فاكراني سواق ميكروباص وعايزاني اوصلها
- اتصرف يا قحافة...
يبعد قحافة الموبايل عن اذنه صارخا
- امشي يااهبل من هنا منك له وىأمر رجاله "اضربوهم بالنار" لكنهم لم يستجيبوا فيلتفت ليجدهم ملتفين حول عربية كبدة لآخذ سندوتشاتهم مطالبين بالمخلل فيبكي لأمير المؤمنين..
- الحق يا عم واقفين يصورونا وياخدوا سيلفي معانا ولا كانهم بيزوروا جنينة الحيوانات والمجاهدين بياكلوا كبدة.. شوف لي بلد تانية والنبي الله يرضى عليك..
- اثبت وتثبت يا ضعيف الايمان والا صفيتك
- يا عم لا تصفيني ولا اصفيك وادي العمة والدقن بتاعتكم اهو وادي الموبايل
ويرمي به أمام السيارات ويلتفت للحجة..
- ياللا يا حجة.. عبود عبود عبود
_________________
أيا ساقيا على غرة أتى
يُحدثني وبالري يملؤني ،
فهلا ترفقت بى ،
فمازلت في دهشة الوصف
ابحث عن وصف لما ذُقته ....
|
المنتدى
التسجيل
الأسئلة المتكررة
بحث
