يا الله على جمال روضة ستنا سكينة عليها السلام !!

القطه دي في مقام ستنا عائشه فضلت قاعده كده أكتر من ساعه ونص متحركتش وباصه للمقام ، الناس تعدي من جمبها وهي ولا اتحركت ، لدرجة إن ولد صغير ذو خمس أعوام مثلا كان مع أبوه ، أبوه واقف بيقرأ الفاتحه فالولد استغل أن بباه مش واخد باله منه ف راح ناحية القطه وبيرخم عليها واتضايق لما لقى القطه متحركتش فقام دايس على ديلها والقطه فضلت برضوا واقفه متحركتش خالص
بسأل أحد العمّال في المسجد بقوله القطه دي واقفه بقالها كتير كده
قالي تلاقيها بتشكي لستنا عائشه من اللي حصل ، أصل لسه ولادها ميّتين من شويه بسبب سواق بن حرام الله يسامحه

- وتلك الأمثال نضربها للناس لعلهم يتفكرون -

منقووول

في مدح ستنا السيدة زينب للشاعر والمداح الجليل عباس الديب

يا ست ايه ده كل ده
يا أم المكارم والفدا
أوصاف جمال متجددة
لا هي يوم كده ولا يوم كده

وان قالوا ايه ده كل ده
بنقول مدد يا سيدة
يا أم البشاير والمدد
يا أغلى م الروح والولد


يا ست يا حارسه البلد
من كل من عادى وحسد
ده انتي الأمان وانتي السند
يا محصاننا بالمدد


يا ستي يا أم الكرم
دي الروضة عندك والحرم
ولافيش محب الا انكرم
ولا ينظلم ولا ينحرم


يا ستي يا أم الصفا
يا بنت طه المصطفى
بنت البتول أم الوفا
دي المروة عندك والصفا


يا ستي يا نور ربنا
ده انتي طبيبنا وطبنا
سيدنا النبي بيحبنا
لاجل ان بنته عندنا


يا ستي يوم جتلك صبي
والحب ديني ومذهبي
نلت اللي كان فوق مطلبي
وصبحت مداح النبي