موقع د. محمود صبيح

صل الله عليه وسلم

من معجزات النبي باض اليمام على العز

والورد فتَّح كرامة للنبي المختار

وابو حلاوة ينادي كل دار بدار

من كان ضمينه النبي لم شق جسمه نار

صل الله عليه وسلم

صل الله عليه وسلم


ياللي رأيتوا النبي وازاي وصفاته

وكيف علم النبوة بين كتافاته

أنا بامدح اللي ولدته آمنة وبصت فيه

كامل مُكمَّل وعلامة النبوة فيه

خدي حبيبي يا حليمة وضنايا ونور عيني

خدي النبي غطيه

واوعي يا حليمة من عيون الحاسدين توريه

إزاي نور النبي أوريه وانا اللي قصدي

ومرادي … وشوقي فيه؟!

وحق من أوجد علامة النبوة فيه

أنا بروحي وجسمي ومالي واولادي

للنبي أفديه


صل الله عليه وسلم

صل الله عليه وسلم




قالت حليمة أنا شفت النبي في النوم

بعيون كحيلة وخدود نداها عوم

كشفت حليمة على خد النبي نور

لقيت عمود نور لسابع سما نور

فرحت حليمة وقالت:

آدي اللي عليه الناس بتدور

ولولاك يا زين ما كان القمر نور

دي آمنة أم النبي تقول:

يا حليمة خدي النبي واوعيه

اسقيه لبن الرضاعة يا حليمة

إوعي تفرطي فيه

واحنا الجماعة كلنا أمة النبي

يوم القيامة نلنا الشفاعة بيه




صل الله عليه وسلم

صل الله عليه وسلم




•••
يا اهل بيت النبي دا انا خدام في واديكم

طمعان في نظرة رضى ليا العشم فيكم

إنتو رجال الحمى طالت أياديكم

تاخدُمْ بيد العيان اللي احتمى فيكم

•••



صل الله عليه وسلم