موقع د. محمود صبيح

كان يا مكان
في قريب من الزمان
ولا يحلى الكلام
إلا بذكر النبي عليه الصلاة والسلام

في يوم ما لقيتني عايزة أربي كتاكيت في البيت
مع علمي انها مش بتعيش
ماما اشتريت لي كتاكيت بلدي ريشها جميل جدا مزركش وشقية وصغيرة في حجم العصافير
وفي يوم من الأيام رحت عند سيدنا الامام الحسين وكان وقت صلاة الجمعة والمسجد زحمة ومفيش مكان فوقفت برة قلت أسمع الخطبة على الأقل وأمشي أصلي في البيت


فكان موضوع الخطبة عن التوسل بسيدنا النبي وآل البيت فمما قال أن التوسل بحضرة سيدنا النبي وآل بيته لا يرد البتة ...لجاه حضرته العظيم عند ربنا...وتكلم كلام بديع دخل القلب زاستقر وقفلت عليه بالمفتاح والحمد لله...

ومرت الأيام وإذا بأخي يناديني لأرى ماذا أصاب أحد الكتاكيت -وهو أكثرهم نشاطا- انقطع فكه الأسفل وبه لسانه عالق في مشهد حزين...

قلبي تأثر جدا من منظره وهوة بيحاول ياكل ومش عارف فيقف على جنب مستني يموت
ربنا قدرني على مناجاة صامتة لكن بكياني....
يارب قلبي فيه رحمة شديدة على كتكوت...لكن رحمة سيدنا النبي أكبر
افتكرت مشهد في فيلم أجنبي كانوا بيدفنوا الدجاج حي شكاةفي انه يكون سبب عدوى
فقلبي رفرف تاني وقلت له يارب احنا تبع سيدنا النبي احنا مش تبع بتوع القتل الرحيم والكلام دة...
يارب ارحمه انت بترحم النملة وبترزقها في الحجر....
لو رحت بكتكوت لدكتور بيطري هيضحك علية وممكن يموته ويقولي أهو كدة ارتاح
وهنا افتكرت التوسل بسيدنا النبي وال البيت بتاع خطبة الجمعة في سيدنا الحسين...
وفتحت قلبي بالمفتاح وطلعت كنزي واعتذرت لربنا كتير اني بستخدم كنز التوسل بالمقام العالي الرفيع عشان خاطر كتكوت لكن مالهاش حل غير كدة ودة ملكه وكلنا عبيده...
وسألت ربنا أن يقضي في أمره وأمري برحمته كما يرى...

اختصرت عليكم مناجاة طويلة امتدت ساعات الى ان غلبني النوم من غير ما احس
صحيت على أخوية بيصحيني بجنون تعالي بسرعة
جريت وراه
قالي الكتاكيت عددها كامل بس فين الكتكوت اللي كان بيموت ومنقاره مقطوع...
لقيته
مسكته
لقيت المنقار الأسفل موجود لا يدل على انه كان مقطوع الا خط رفيع جدا وكأن اتعملت له عملية متقدمة جدا جدا....سبحان الله والحمد لله
اخواتي فضلوا يسألوني عملتي ايه عملتي ايه
قلت لهم دعيت وقلت يارب عشان خاطر سيدنا النبي
أختي قالت لي كنتي تدعي لي أنجح
ومن هنا طلع علية لقب (المشعوذة) في البيت
والحمد لله رب العالمين

اللهم اتوسل اليك بحضرة سيدنا النبي وال بيته من لا ترد بهم دعاء ان تصلي وتسلم وتبارك على حضرته واله والا تحرمنا منهم أبدا قبل القبل ولا بعد البعد وأسألك أن تعيذنا من شرور أنفسنا ومن سيئات أعمالنا اللهم بدد ظلمات أنفسنا باشراق ذاته الشريفة علينا فتنقشع عنا كل الظلمات اللهم اجعل حياتنا به أجمعين نحيا به ومعه وفيه حياة الأبد يارب وأنعم علينا بطيب النفس اجعل نفوسنا طيبة به صلى الله عليه واله وسلم

عذرا ع الاطالة

_________________
"يس" يا روح الفؤاد

آمين آمين آمين يارب

جميل جميل ياخلف الظلال والله أحنا عنلناها أنا وبنتى فى ولادة القطة بتاعتنا وكانت ولادة منعسرة جدا القطة كانت هتموت
فضلنا ندعى ونتوسل بحضرة النبى صلى الله عليه وآله وسلم ووالله كأن سحر ولدت الحمد لله القط الأول كان حجمه كبير جداجدا وهى كانت بتموت الحمد لله نزل و باقى القظظ وكأن حد بيشدهم وبمنتهى السهوله سبحان الله
حضرة النبى عليه الصلاة والسلام الرحمة كلها ياخلف الظلال عارفه إن ممكن حد يضحك علينا لكن أحنا ملناش غيرهم هم ملجأنا فى كل حياتنا ربنا لايحرمنا من حضرانهم ابدا يارب

مشاركة جميلة باحبيبتى تسلم ايدك يارب وجزاكى الله كل خير

اللهم صل وسلم وبارك على سيدنا محمد وعلى آله بقدر حبك فيه، وفرج اللهم بجاهه عندك ما نحن فيه

أعزكي الله حبيبتي الغالية خلف الظلال وكل عام وانتي حبيبتي بألف خير وصحة ويعيد عليكي الأيام الطيبة باليمن والبركات

_________________



مولاي صل وسلم دائما أبداعلى حبيبك خير الخلق كلهم
اللهم صل على هذا النبى الأمين وأجعلنا من خاصة المقربين لديه السعداء وعلى آله وسلم حق قدره ومقداره العظيم

بسم الله ما شاء الله اللهم صلي على سيدنا النبي
مصدقة حضرتك جداً، عسر الولادة دة صعب اوي مرة وديت قطة عملت عملية قيصرية ما كانتش عارفة تولد خالص والدكتور قال لازم عملية والا هتموت
لكن لما توسلتي حضرتك وبنوتك بسيدنا النبي وآله قطتك ولدت طبيعي بسهولة سبحان الله

_________________
"يس" يا روح الفؤاد

وحضرتك طيبة وبألف خير وحشاني جدا ربنا يخليكي يارب

_________________
"يس" يا روح الفؤاد

اللهم آمين يارب العالمين
وكل عام وانتي بخير وبركة وكل الأسرة الكريمة بخير وصحة وسلامة وعافية وستر من الله

_________________
اللهم صل على سيدنا محمد
باب الاستجابة
نبي التوبة و الإنابة
صاحب طيبة المستطابة
والرفعة المهابة
وعلى آله وسلم

يامدد ياسيدنا النبي يامدد.

_________________
رضينا يا بني الزهرا رضينا
بحبٍ فيكمو يرضي نبينــــا


يا رب

إِن كَانَ لاَ يَرجُوكَ إِلاَّ مُحسِــــنٌ
فَمَن الَّذِى يَدعُو وَيرجو المُجرِمُ

‏ذكر القاضي عياض المالكي عن الإمام مالك لمّا سألهُ أحد الخلفاء عن التوسل بالنبي صلّى الله عليه وسلّم أنَّهُ قال:
" إنّّهُ وسيلتكَ ووسيلة أبيك آدم من قبل "

_________________
إِنَّمَا يُرِيدُ اللَّهُ لِيُذْهِبَ عَنكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيراً }الأحزاب33

مدد يا سيدنا النبي

بارك الله ف الفاضلة / خلف الظلال

رائع .. ربنا يجبر بخاطرك .. آمين

_________________
إِنَّمَا يُرِيدُ اللَّهُ لِيُذْهِبَ عَنكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيراً }الأحزاب33