بوست على فيسبوك نكد علية جداً...
بيقولوا في البوست:
(اذكر سبب واحد يجعلك تبقى فى مصر غير عصير القصب )
قد يبدو في الظاهر إن الأمر سطحي ومافيهوش حاجة تضايق
لكن لما يتداوله ناس من محبي سادتنا آل البيت وليل نهار بيقولوا على الفيسبوك انهم النهاردة عند سيدنا الحسين والصور كلها سبح وأذكار....ويطلع منهم الكلام دة.....
يعني فكرة إن مصر مستمدة جمالها وعراقتها وكل مميزاتها على مر الدهور منذ الأزل ببرركات وجود ونظر سادتنا آل البيت
هل الفكرة دي مش عقيدة بسيطة ثابتة في قلب كل محب؟...أي محب ولو على حياء
المشكلة إن لما كان الرد على البوست ما معناه إن مصر منورة ومحفوظة لأن فيها سادتنا آل البيت كان الرد:
طبعا دي اول حاجة بعد القصب والله 
يعني دي قلة أدب وتريقة ولا إيه اللي حصل (للمحبين)
اذا كان الكلام دة طلع من ناس المفروض انهم متصوفة ومتربيين وبيزوروا سيدنا الحسين ....الناس التانية تقول ايه؟
ومع كل سطر كتبته في ذهني كلام دكتور محمود عن ضياع الآمانات....فهل هذا جزء منه؟
وآه والف آه...أشعر بحسرة وقلق وربنا يسامحنا ويغفر لنا