موقع د. محمود صبيح

منتدى موقع د. محمود صبيح

جميع الأوقات تستخدم GMT + ساعتين



إرسال موضوع جديد الرد على الموضوع  [ 67 مشاركة ]  الانتقال إلى صفحة السابق  1, 2, 3, 4, 5  التالي
الكاتب رسالة
 عنوان المشاركة: Re: مولانا شيخ الأزهر والمفتي والعلماء أين أنتم من سعد الهلا
مشاركة غير مقروءةمرسل: الأحد أكتوبر 23, 2016 1:09 am 
غير متصل

اشترك في: الخميس مارس 29, 2012 9:53 pm
مشاركات: 45603

سعد الهلالى يفتح باب الفتنه من جديد ؟؟؟؟؟؟؟؟؟؟؟؟؟

فى حلقته امس على قناه ال on tv من حلقات برنامجه الجديد برنامج «وإن أفتوك»، المذاع عبر فضائية «ON E»:-

الهلالي: الله لم يقل إن «ختان الإناث» واجب.. وجميع الأحاديث ضعيفة!

قال الشيخ سعد الدين الهلالي، إن الله سبحانه وتعالى لم يقل إن ختان الإناث واجب، ومن أوجب الختان هم الشافعية والحنابلة عند جمهورهم، في حين جمهور الفقهاء يقولون إن الختان سنة أو مكرمة، مؤكدًا أن كلا الرأيين يستندون إلى أحاديث نبوية ضعيفة.

وأضاف الهلالي، خلال برنامج «وإن أفتوك»، المذاع عبر فضائية «ON E»: -

«حكم ختان الذكور عن المذهب الحنفي والمالكي سنة، أما الحنابلة والشافعية قالوا أنه واجب».

وقال فى الفيديو المرفق بالحرف الواحد :-

" انتو فاكرين ان ختان الذكور واجب مثل الصلاه والصوم ؟؟ لا لا

لأن بعض الفقهاء قالوا ان ختان الذكور سنه وليس فرض - يعنى ممكن الراجل يعيش كده عادى من غير ختان

ولك أن تختار ولاتوجد حرمانيه ان لم تختتن "




http://webcache.googleusercontent.com/s ... =firefox-a
===================

كان سعد الهلالى يتكلم عن " التجديد فى الاسلام "

وأنا أسأل بدورى : هل التجديد فى الاسلام وتجديد الخطاب الدينى هو أن نلغى ختان الذكور ؟؟؟؟


!!!!!!!!!!!!!!!!!!!!!!!!!!

وما القول فى الحديث الشريف : جاء في صحيح البخاري في باب الختان من كتاب الاستئذان "عن النبي صلى الله عليه و سلم قال :
الفطرة خمس، الختان و الاستحداد و نتف الإبط و قص الشارب و تقليم الأظافر"

صدق رسول الله صل الله عليه وسلم

انها الفطره التى فطر الله الناس عليها

فلماذا يتم فتح باب من ابواب الفتنه بعله التجديد فى الدين ؟؟؟؟

فتنه تسلب الناس فطرتها كما اشار الرسول الكريم صل الله عليه وسلم

اللهم قنا شر الفتن ماظهر منها ومابطن

ولا حول ولاقوه الا بالله العلى العظيم





_________________
أستغفر الله العلى العظيم الذى لا اله الاّ هو الحى القيوم وأتوب اليه
أستغفر الله العلى العظيم الذى لا اله الاّ هو الحى القيوم وأتوب اليه
أستغفر الله العلى العظيم الذى لا اله الاّ هو الحى القيوم وأتوب اليه


أعلى
 يشاهد الملف الشخصي  
 
 عنوان المشاركة: Re: مولانا شيخ الأزهر والمفتي والعلماء أين أنتم من سعد الهلا
مشاركة غير مقروءةمرسل: الأحد أكتوبر 23, 2016 10:21 am 
غير متصل

اشترك في: الخميس مارس 15, 2012 3:01 pm
مشاركات: 765
[font=Tahoma][/font]
اخي وحبيبي د حامد الجامد
مولانا قال حكمه وعباره شديده ااهميه في هذا الموضوع غلي صفحه حضرته
قال هلل التجديد ان نغير شريعه؟ فهذا يستلزم دين جديد ينسخ شرع الاسلام وحكم هذا اتركه لحضرتك >الكلام بعد الاستفهام كلامي
وقال حضرته ام تغيير حقيقه؟
فما يفعلونه هومنهج ابن تيميه >تلبيس وتدسيس ولعب بعقول البسطاء


أعلى
 يشاهد الملف الشخصي  
 
 عنوان المشاركة: Re: مولانا شيخ الأزهر والمفتي والعلماء أين أنتم من سعد الهلا
مشاركة غير مقروءةمرسل: الأحد أكتوبر 23, 2016 11:27 am 
غير متصل

اشترك في: الأحد ديسمبر 15, 2013 5:39 pm
مشاركات: 7973
هشام احمد كتب:
[font=Tahoma][/font]
اخي وحبيبي د حامد الجامد
مولانا قال حكمه وعباره شديده ااهميه في هذا الموضوع غلي صفحه حضرته
قال هلل التجديد ان نغير شريعه؟ فهذا يستلزم دين جديد ينسخ شرع الاسلام وحكم هذا اتركه لحضرتك >الكلام بعد الاستفهام كلامي
وقال حضرته ام تغيير حقيقه؟
فما يفعلونه هومنهج ابن تيميه >تلبيس وتدسيس ولعب بعقول البسطاء

لا حول ولا قوة الا بالله

_________________
وابيض يستسقى الغمامُ بوجههِ...ُثمال اليتامى ِعصم الأراملِ


أعلى
 يشاهد الملف الشخصي  
 
 عنوان المشاركة: Re: مولانا شيخ الأزهر والمفتي والعلماء أين أنتم من سعد الهلا
مشاركة غير مقروءةمرسل: الأحد أكتوبر 23, 2016 2:36 pm 
غير متصل

اشترك في: الثلاثاء مارس 22, 2011 2:18 am
مشاركات: 2031
ختان الاناث سنة
ختان الذكور فرض

فلما قال الازهر ان ختان الاناث جريمة ووافق مجلس حقوق المرأة في ذلك

كانت الخطوة التالية ان ختان الذكور سنة وليس فرض
ثم غدا الختان عامة جريمة وليس من الدين


المشكلة في علماء الازهر وفي نصب الكمائن لهم
وهم ماشاء الله واخدين جايزة اوسكار في السقوط في الحفر

وآسف لو تجاوزت
بس الموضوع بقى سخيف قوي




_________________
صورة

الفقير(AHMED SALEM)


أعلى
 يشاهد الملف الشخصي  
 
 عنوان المشاركة: Re: مولانا شيخ الأزهر والمفتي والعلماء أين أنتم من سعد الهلا
مشاركة غير مقروءةمرسل: الأحد أكتوبر 23, 2016 11:29 pm 
غير متصل

اشترك في: الخميس مارس 29, 2012 9:53 pm
مشاركات: 45603
شكرا لمرور الساده الأفاضل الكرام

ونسأل الله العلى العظيم أن يقينا شر الفتن وأن يهدى ولاه الأمور لما فيه جاده الصواب

_________________
أستغفر الله العلى العظيم الذى لا اله الاّ هو الحى القيوم وأتوب اليه
أستغفر الله العلى العظيم الذى لا اله الاّ هو الحى القيوم وأتوب اليه
أستغفر الله العلى العظيم الذى لا اله الاّ هو الحى القيوم وأتوب اليه


أعلى
 يشاهد الملف الشخصي  
 
 عنوان المشاركة: Re: مولانا شيخ الأزهر والمفتي والعلماء أين أنتم من سعد الهلا
مشاركة غير مقروءةمرسل: الأحد أكتوبر 23, 2016 11:35 pm 
غير متصل
Site Admin

اشترك في: الاثنين فبراير 16, 2004 6:05 pm
مشاركات: 23553

وشكرا لك د. حامد على هذه المتابعات والانتباه

بارك الله فيك .. وأكثر من أمثالك .

_________________
عَنْ عَلِيٍّ قَالَ كُنَّا إِذَا احْمَرَّ الْبَأْسُ وَلَقِيَ الْقَوْمُ الْقَوْمَ اتَّقَيْنَا بِرَسُولِ اللهِ صلى الله عليه وسلم فَمَا يَكُونُ مِنَّا أَحَدٌ أَدْنَى إِلَى الْعَدُوِّ مِنْهُ


أعلى
 يشاهد الملف الشخصي  
 
 عنوان المشاركة: Re: مولانا شيخ الأزهر والمفتي والعلماء أين أنتم من سعد الهلا
مشاركة غير مقروءةمرسل: الأحد أكتوبر 23, 2016 11:38 pm 
غير متصل

اشترك في: الخميس مايو 30, 2013 5:51 am
مشاركات: 35038
msobieh كتب:

وشكرا لك د. حامد على هذه المتابعات والانتباه

بارك الله فيك .. وأكثر من أمثالك .

اللهم آمين اللهم آمين
جزاكم الله خيرا كثيرا

_________________



مولاي صل وسلم دائما أبداعلى حبيبك خير الخلق كلهم
اللهم صل على هذا النبى الأمين وأجعلنا من خاصة المقربين لديه السعداء وعلى آله وسلم حق قدره ومقداره العظيم




أعلى
 يشاهد الملف الشخصي  
 
 عنوان المشاركة: Re: مولانا شيخ الأزهر والمفتي والعلماء أين أنتم من سعد الهلا
مشاركة غير مقروءةمرسل: الأحد أكتوبر 23, 2016 11:42 pm 
غير متصل

اشترك في: الخميس مارس 29, 2012 9:53 pm
مشاركات: 45603
العفو يا مولانا الشريف

وشرفنىتعقيبكم الكريم

جزاكم الله خيرا

_________________
أستغفر الله العلى العظيم الذى لا اله الاّ هو الحى القيوم وأتوب اليه
أستغفر الله العلى العظيم الذى لا اله الاّ هو الحى القيوم وأتوب اليه
أستغفر الله العلى العظيم الذى لا اله الاّ هو الحى القيوم وأتوب اليه


أعلى
 يشاهد الملف الشخصي  
 
 عنوان المشاركة: Re: مولانا شيخ الأزهر والمفتي والعلماء أين أنتم من سعد الهلا
مشاركة غير مقروءةمرسل: الاثنين أكتوبر 24, 2016 12:30 am 
غير متصل

اشترك في: الجمعة فبراير 27, 2004 4:45 am
مشاركات: 18672
molhma كتب:
msobieh كتب:

وشكرا لك د. حامد على هذه المتابعات والانتباه

بارك الله فيك .. وأكثر من أمثالك .

اللهم آمين اللهم آمين
جزاكم الله خيرا كثيرا


أعلى
 يشاهد الملف الشخصي  
 
 عنوان المشاركة: مصيبة أخرى من مصائب سعد الدين هلالى - ينكر الحجاب
مشاركة غير مقروءةمرسل: الثلاثاء أكتوبر 25, 2016 11:47 pm 
غير متصل

اشترك في: الأحد سبتمبر 18, 2011 10:41 am
مشاركات: 2778
أزمة "الحجاب" تشتعل بين الإسلاميين.. سعد الدين هلالى ينكره.. أستاذ فقه مقارن: دعوة للسفور.. أستاذ عقيدة يطالب مجمع البحوث الإسلامية بالتدخل.. وداعية سلفى يطالب بلجنة أزهرية للرد على الفتوى

الثلاثاء، 25 أكتوبر 2016 09:35 م


صورة

أثارت تصريحات الدكتور سعد الدين هلالى، أستاذ الفقه المقارن فى كلية الشريعة والقانون بجامعة الأزهر، حول إنكار الحجاب، انتفاضة إسلاميين وسلفيين، مؤكدين أن الإسلام نص على فرضية الحجاب، وأن ما يذكره هلالى غير صحيح، واصفين ما قاله ببث السموم.



وظهرت الأزمة بعدما قال الدكتور سعد الدين هلالى فى تصريحات إعلامية إن الله لم يحسم قضية الحجاب، لافتًا إلى أن الآية التى وردت فى سورة النور وتقول: "وَقُلْ لِلْمُؤْمِنَاتِ يَغْضُضْنَ مِنْ أَبْصَارِ‌هِنَّ وَيَحْفَظْنَ فُرُ‌وجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ‌ مِنْهَا وَلْيَضْرِ‌بْنَ بِخُمُرِ‌هِنَّ عَلَى جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ"، موضحًا أن كلمة "إلا ما ظهر منها"، غير محددة ومجهولة والقرآن لم ينص على شىء معين، أما الآية التى وردت فى سورة الأحزاب والتى تقول: "يَا أَيُّهَا النَّبِيُّ قُل لأَزْوَاجِكَ وَبَنَاتِكَ وَنِسَاءِ المُؤْمِنِينَ يُدْنِينَ عَلَيْهِنَّ مِن جَلابِيبِهِنَّ ذَلِكَ أَدْنَى أَن يُعْرَفْنَ فَلاَ يُؤْذَيْنَ وَكَانَ اللَّهُ غَفُوراً رَّحِيماً" لافتًا إلى أن هذه الآية أيضًا غير محددة.



من جانبه قال الدكتور عبد الفتاح إدريس، أستاذ الفقه المقارن بجامعة الأزهر، إن هناك ضرورة لأن يرد الأزهر على مثل هذه التصريحات، المخالفة للشرع، حيث إن هذه الفتاوى تنقض الدين عروة عروة.



وأضاف أستاذ الفقه المقارن بجامعة الأزهر، لـ"اليوم السابع" أن نصوص الشرع أكدت على فرضية ستر العورة بالنسبة للرجل والمرأة، وذكر القرآن الكريم فى آياته :" وقل للمؤمنات يغضضن من أبصارهن ويحفظن فروجهن ولا يبدين زينتهن إلا ما ظهر منها وليضربن بخمرهن على جيوبهن ولا يبدين زينتهن إلا لبعولتهن أو آبائهن".

وأوضح إدريس أن هذه الآية تؤكد فرضية الحجاب، وما يجوز للمرأة أن تظهره عليه خلاف بين العلماء بالزينة الظاهرة فمن العلماء من قال الوجه والكفان ومنهم من قال إنها ظاهر الثياب، ولكن ستر المرأة لعورتها هو أمر فرض على كل مسلمة.



وتابع إدريس :"نساء المسلمات بعد نزول الحجاب كن يرتدين النقاب الساتر لوجههن فضلا عن ستر جميع البدن بالثياب السميكة التى تغطى جميع البدن"، واصفا دعوة سعد الدين الهلالى بالسفور.



من جانبه، قال الشيخ السيد البشبيشى، الداعية السلفى، إن ما قاله الدكتور سعد الدين هلالى سموم، مدعيا أنه يحارب الوصاية على الناس فى الدين، مع أنه هو من يقوم بذلك ويوجه الناس توجيها مباشرا لاعتناق الفكر العلمانى، واتباع الأهواء تحت باب الحرية.



وأضاف فى بيان له أن ما ذكره الهلالى حول إنكار فرضية الحجاب هو لوى لنصوص القرآن والسنة ليًا فى قضية الحجاب وخلص فى النهاية إلى ترك الحرية الكاملة للمرأة لتلبس ما تشاء.



وطالب البشبيشى بلجنة أزهرية للرد على فتاوى الدكتور سعد الدين الهلالى ، موضحا أن هذا الأمر قد يحدث فتنة بين المسلمين.



ونشرت حركة دافع للدفاع عن العلماء، تصريحات للدكتور عبد المنعم فؤاد، الداعية الأزهرى، أستاذ العقيدة والفلسفة بجامعة الأزهر، قال فيها إن ما قاله الدكتور سعد الدين الهلالي عن إنكاره لفرضية حجاب المرأة حسب رؤيته فى تفسير القرآن الكريم لم يستطع أى مستشرق مهما بلغ من الغلو الفكرى، ما بلغ أن يقوله عن هذه الفريضة أو أن يجعل الناس يتناولون القرآن بأى تفسير يرضونه وتشتهيه أنفسهم وترضى به أهواؤهم.



وأضاف أن القرآن ليس عرضة لكل رأي حتى وإن كان قائله أو مفسره سمكرى أو بائع بطاطا مع احترامى للجميع، والمرأة ليس من حقها أن تفسر الآيات المتعلقة بالحجاب حسب ما تراه هى وترتدي ثيابها وزينتها حسب ما يرضيها ويناسبها وإن لم يرض عنها أوصياء الدين .



وتابع :"هذا بلاغ لمجمع البحوث الإسلامية لكى يحدد موقفه من هذا الفكر والذى بين صاحبه من أين استمده من خﻻل ثنائه على سعيد العشماوى وترحمه المستمر عليه وهذا حقه ، ثم ثنائه على قاسم أمين وفى المقابل بين موقفه من علماء الشرع الذين تجلهم الأمة من عهد الفقهاء إلى يومنا هذا واتهامهم فى أكثر من عبارة بأنهم أوصياء الدين".



واستطرد: "لابد لمجمع البحوث أن يدلى بدلوه فى توضيح ما قيل من هراء فكرى، وهل يمكن لمن يروج لهذا الفكر أن يؤتمن على عقول أبناء الأزهر الذين جاءوا من العالم كله ومن قرى ونجوع مصر ليتعلموا صحيح الدين هل يمكن أن يدرس لهم هذا الفكر ويؤتمن صاحبه على عقولهم ؟ ".



http://www.youm7.com/story/2016/10/25/% ... B0/2937526

_________________
مددك يا سيدي يا رسول الله صلى الله عليك و على آلك و سلم

الغوث يا سيدي رسول الله صلى الله عليك و على آلك و سلم

الشفاعة يا سيدي يا رسول الله صلى الله عليك و على آلك و سلم


أعلى
 يشاهد الملف الشخصي  
 
 عنوان المشاركة: Re: مولانا شيخ الأزهر والمفتي والعلماء أين أنتم من سعد الهلا
مشاركة غير مقروءةمرسل: الجمعة أكتوبر 28, 2016 6:54 pm 
غير متصل

اشترك في: الثلاثاء مارس 22, 2011 2:18 am
مشاركات: 2031

مقال مهم في نقد كلام دزسعد الهلالي هداه الله


الدكتور سعد الدين الهلالي ........... غير ضابط:
معلش استحمل واقرأ بالراحة علشان الموضوع كبير شوية:
بص يا سيدي:
علشان نفهم كويس أول حاجة (صل على حبيبك النبي وآله وصحبه):
فيه مصطلح مهم جدا جدا جدا عند علماء العلماء وعند علماء الحديث خاصة هذا المصطلح اسمه (الضبط) وينقسم الضبط لقسمين:
1- ضبط صدر.
2- ضبط كتاب.
صحصح شوية وحياة النبي.
يعني إيه ضبط وضبط كتاب وضبط صدر؟
بلغة سهلة وبسيطة : العالم يوثق العلم بطريقتين إما إنه يحفظ النص عن ظهر قلب فيؤديه كما سمعه من شيخه من غير زيادة حرف ولا نقصان حرف.
وإما أنه يكتب النص في (كراسته) يعني في الورق وطبعا يكتب كل النص من غير زيادة ولا نقصان.
فمن حفظ النص كما هو بنسمية (ضبط صدر).
ومن كتب النص في كراسته بنسميه (ضبط كتاب).
وطيب وإيه يعني الكلام ده؟
دا يا سيدي أعظم ما توصل له العلماء وخاصة علماء الحديث في حفظ العلم وتدوينه حتى يصل لنا كلام سيدي وسيدك النبي -صلى الله عليه وآله وسلم- من غير زيادة ولا نقصان.
صحصح شوية علشان هدخل في الموضوع:
من سمع حديثا من شيخه وحفظه بقلبه لكن عند اختبار حفظه وجدنا أنه زود أو نقص ولو حرف واحد بنسميه على طول (غير ضابط ضبط صدر) يعني إنه مش حافظ، ودا طبعا يجعل العلماء يضعون كلامه تحت (المجهر) لأنه غير أمين في نقل النص.
ونفس الكلام لو كتب الحديث وزاد ولا نقص هنقول على طول (غير ضابط ضبط كتاب).
فالعلماء إذا وجدوا هذا من الشخص على طول يضعوه في قائمة (التحذير) لأنه غير ضابط لنقل العلم.
ماشي يا عم:
وايه علاقة ده بسعادة الدكتور سعد الدين الهلالي -حفظه الله-.
علاقته أنه ذكر حديثا في الحلقة المشهورة عن غطاء شعر المرأة، مع عمر أديب، ولم ينقل الحديث بنصه وفصه كما هو في البخاري ومسلم.
فطبعا نسي كلمات في النص مهمة جدا جدا جدا وهذه الكلمات التي لم يذكرها الدكتور تهدم استشهاده بهذا الحديث تماما وتنسفه نسفا.
لأنه استشهد بهذا الحديث بالذات على أن المرأة لا يجب عليها تغطية شعرها أمام الأجنبي عنها.
ذكر الدكتور سعد الدين الهلالي حديثا عن سيدنا سعد بن أبي وقاص رضي الله عنه.
أخرجه البخاري ومسلم في صحيحيهما، وأنا سأذكر الحديث وأنقله نصا من رواية البخاري وبعد ذلك أنقل لك نص كلام الدكتور سعد الدين الهلالي الذي أسقط من الحديث ما يكر على كلامه بالبطلان والتهافت:
أخرج البخاري في صحيح بسنده إلى:
مُحَمَّدَ بْنَ سَعْدِ بْنِ أَبِي وَقَّاصٍ، أَخْبَرَهُ أَنَّ أَبَاهُ سَعْدَ بْنَ أَبِي وَقَّاصٍ، قَالَ: اسْتَأْذَنَ عُمَرُ عَلَى رَسُولِ اللَّهِ صَلَّى اللهُ عَلَيْهِ وَسَلَّمَ وَعِنْدَهُ نِسَاءٌ مِنْ قُرَيْشٍ يُكَلِّمْنَهُ وَيَسْتَكْثِرْنَهُ، عَالِيَةً أَصْوَاتُهُنَّ، فَلَمَّا اسْتَأْذَنَ عُمَرُ قُمْنَ يَبْتَدِرْنَ الحِجَابَ، فَأَذِنَ لَهُ رَسُولُ اللَّهِ -صَلَّى اللهُ عَلَيْهِ وَسَلَّمَ- وَرَسُولُ اللَّهِ -صَلَّى اللهُ عَلَيْهِ وَسَلَّمَ- يَضْحَكُ، فَقَالَ عُمَرُ: أَضْحَكَ اللَّهُ سِنَّكَ يَا رَسُولَ اللَّهِ، قَالَ: «عَجِبْتُ مِنْ هَؤُلاَءِ اللَّاتِي كُنَّ عِنْدِي، فَلَمَّا سَمِعْنَ صَوْتَكَ ابْتَدَرْنَ الحِجَابَ» قَالَ عُمَرُ: فَأَنْتَ يَا رَسُولَ اللَّهِ كُنْتَ أَحَقَّ أَنْ يَهَبْنَ، ثُمَّ قَالَ: أَيْ عَدُوَّاتِ أَنْفُسِهِنَّ، أَتَهَبْنَنِي وَلاَ تَهَبْنَ رَسُولَ اللَّهِ صَلَّى اللهُ عَلَيْهِ وَسَلَّمَ؟ قُلْنَ: نَعَمْ، أَنْتَ أَفَظُّ وَأَغْلَظُ مِنْ رَسُولِ اللَّهِ صَلَّى اللهُ عَلَيْهِ وَسَلَّمَ، قَالَ رَسُولُ اللَّهِ صَلَّى اللهُ عَلَيْهِ وَسَلَّمَ: «وَالَّذِي نَفْسِي بِيَدِهِ، مَا لَقِيَكَ الشَّيْطَانُ قَطُّ سَالِكًا فَجًّا إِلَّا سَلَكَ فَجًّا غَيْرَ فَجِّكَ»
صحيح البخاري (4/ 126).
هذا الحديث السابق الذكر نقلته بنصه وفصه.
فالدكتور سعد لما ذكر هذه الرواية وأنا سأذكر من كلامه موطن الشاهد، قال:
(جاء عمر يستئذن على رسول الله وكان عنده نسوة من قريش يسألنه ويستكثرنه عالية أصواتهن فلما سمعن صوت عمر وقد أذن له رسول الله، قمن يبتدرن الحجاب).
هنا قاطعه عمرو أديب وقال له: يعني دا معناه مكنوش محجبات.
فقال له الدكتور سعد الدين الهلالي: النص اللي بقول كدا.
وأكد عليه عمرو أديب مرة ثانية أن النسوة كن يجلسن مع رسول الله بلا حجاب.
فال الدكتور سعد: أيوه.
وبعد كلام –مش مهم هنا- بين المذيع عمرو والدكتور سعد أكمل كلامه وقال:
فدخل عمر –رضي الله عنه- فوجد رسول الله يضحك، فقال عمر : يا رسول الله ما أضحكك أضحك الله سنك؟ فقال له: عجبت من هؤلاء النسوة لما سمعن صوتك قمن يبتدرن الحجاب، فنظر إليهن عمر وقال: يا عدوات أنفسهن أتهبنني ولا تهبن رسول الله –صلى الله عليه وآله وسلم- قلن نعم لأنك أغلظ.
وهنا أكتفي بالنقل عن الدكتور سعد الدين الهلالي.
فبالله تركز معاي قوي ومعلش المقال طويل فاتعب نفسك شوية واصبر معاي:
علشان نفهم سأضع نص الحديث في البخاري ونص نقل الدكتور سعد الدين تحت بعض علشان تكتشف معاي الاختلاف بين النصين:
فنص الدكتور سعد كالآتي:
((جاء عمر يستئذن على رسول الله وكان عنده نسوة من قريش يسألنه ويستكثرنه عالية أصواتهن فلما سمعن صوت عمر وقد أذن له رسول الله، قمن يبتدرن الحجاب فدخل عمر –رضي الله عنه- فوجد رسول الله يضحك، فقال عمر : يا رسول الله ما أضحكك أضحك الله سنك؟ فقال له: عجبت من هؤلاء النسوة لما سمعن صوتك قمن يبتدرن الحجاب، فنظر إليهن عمر وقال: يا عدوات أنفسهن أتهبنني ولا تهبن رسول الله –صلى الله عليه وآله وسلم- قلن نعم لأنك أغلظ)).
ونص صحيح البخاري:
((اسْتَأْذَنَ عُمَرُ عَلَى رَسُولِ اللَّهِ -صَلَّى اللهُ عَلَيْهِ وَسَلَّمَ- وَعِنْدَهُ نِسَاءٌ مِنْ قُرَيْشٍ يُكَلِّمْنَهُ وَيَسْتَكْثِرْنَهُ، عَالِيَةً أَصْوَاتُهُنَّ، فَلَمَّا اسْتَأْذَنَ عُمَرُ قُمْنَ يَبْتَدِرْنَ الحِجَابَ، فَأَذِنَ لَهُ رَسُولُ اللَّهِ -صَلَّى اللهُ عَلَيْهِ وَسَلَّمَ- وَرَسُولُ اللَّهِ -صَلَّى اللهُ عَلَيْهِ وَسَلَّمَ- يَضْحَكُ، فَقَالَ عُمَرُ: أَضْحَكَ اللَّهُ سِنَّكَ يَا رَسُولَ اللَّهِ، قَالَ: «عَجِبْتُ مِنْ هَؤُلاَءِ اللَّاتِي كُنَّ عِنْدِي، فَلَمَّا سَمِعْنَ صَوْتَكَ ابْتَدَرْنَ الحِجَابَ» قَالَ عُمَرُ: فَأَنْتَ يَا رَسُولَ اللَّهِ كُنْتَ أَحَقَّ أَنْ يَهَبْنَ، ثُمَّ قَالَ: أَيْ عَدُوَّاتِ أَنْفُسِهِنَّ، أَتَهَبْنَنِي وَلاَ تَهَبْنَ رَسُولَ اللَّهِ صَلَّى اللهُ عَلَيْهِ وَسَلَّمَ؟ قُلْنَ: نَعَمْ، أَنْتَ أَفَظُّ وَأَغْلَظُ)).
طبعا بالمقارنه بين النصين ستجد أن الدكتور سعد الدين زاد ونقص في النص.
وستدرك ذلك تماما بالمقارنة بين نص صحيح البخاري وبين النص الذي نقله الدكتور.
فالدكتور هنا يسمى عند علماء الحديث، افهم عند علماء الحديث أنه غير ضابط يعني أنه غير حافظ للحديث.
المصيبة بقا في نفل الدكتور وعدم حفظه ودا طبعا على أحسن الأحوال أنه لم يذكر كلمة مهمة جدا في الحديث الشريف وهي التي (عكت الدنيا في الفهم) أقصد عدم ذكرها.
الدكتور نقل وقال:
((فقال له: عجبت من هؤلاء النسوة لما سمعن صوتك قمن يبتدرن الحجاب))
والنص في البخاري:
قَالَ: ((عَجِبْتُ مِنْ هَؤُلاَءِ اللَّاتِي كُنَّ عِنْدِي، فَلَمَّا سَمِعْنَ صَوْتَكَ ابْتَدَرْنَ الحِجَابَ))
فنص كلام الدكتور خلا من جملة (كن عندي) وهي التي أحدثت الخلل في الفهم عند الدكتور سعد الدين الهلالي.
ففهم الدكتور الذي فهمه وأوصله للمشاهدين له: أن النسوة كن لا يغطين شعورهن وهن جلوس مع سيدنا رسول الله –صلى الله عليه وآله وسلم- فلما دخل سيدنا عمر ابتدرن الحجاب يعني غطين شعورهن بالحجاب.
طيب من غير قسم هذا الكلام لا يفهمه طالب علم درس مباديء اللغة العربية ومباديء علوم الشريعة.
ليه كده بس يا دكتور هداك الله؟
بص يا سيدي:
كلمة (كن عندي) اللي حذفها الدكتور من النص تبين لكل ذي عقل أن النسوة بمجرد سماع صوت سيدنا عمر تركن مكانهن وذهبن مسرعات لمكان آخر غير المكان الذي فيه رسول الله.
طيب وماذا في ذلك.
الدكتور فهم جملة (ابتدرن الحجاب) يعني لبسوا (الطرحة على رؤسهن).
مع أن الكلام كلام واضح وضوح الشمس:
يا جماعة الفهم السليم كالاتي:
(كن معي) دليل على أن ساعة دخول سيدنا عمر غير النسوة مكانهن وتركن مجلس رسول الله، طيب راحوا وين احتجبن بحجاب ، والحجاب هنا ليس معناه الطرحة بل معناه ما يحجب النسوة من حائط أو ستارة عن مجلس رسول الله –صلى الله عليه وآله وسلم-.
وإلا لم يكن لكلمة سيدنا رسول الله هنا (كن معي) كبير فائدة، لأن لبس الطرحة لا يستلزم ترك المكان.
الدكتور سامحه الله فهم من كلمة الحجاب الفهم الدارج عند العوام وهو (الطرحة أو الخمار) يعني ما يستر الشعر فقط، وهذا والله ما أوقع الدكتور في ما توصل إليه من فهم بعيد كل البعد عن كلام السادة الفقهاء.
فغطاء الشعر يعبر عنه القرآن والفقهاء (بالخمار) وليس بالحجاب، أما الحجاب فتعني الحاجز أو المانع بين شيئين سواء كان الحجاب معنويا أم حسيا واقرأ معي كلمة هذه الآيات القرآنية وافهم معنى الحجاب:
{وَبَيْنَهُمَا حِجَابٌ وَعَلَى الْأَعْرَافِ رِجَالٌ يَعْرِفُونَ كُلًّا بِسِيمَاهُمْ} [الأعراف: 46]
{وَإِذَا قَرَأْتَ الْقُرْآنَ جَعَلْنَا بَيْنَكَ وَبَيْنَ الَّذِينَ لَا يُؤْمِنُونَ بِالْآخِرَةِ حِجَابًا مَسْتُورًا} [الإسراء: 45]
{ فَاتَّخَذَتْ مِنْ دُونِهِمْ حِجَابًا فَأَرْسَلْنَا إِلَيْهَا رُوحَنَا فَتَمَثَّلَ لَهَا بَشَرًا سَوِيًّا} [مريم: 17]
{وَإِذَا سَأَلْتُمُوهُنَّ مَتَاعًا فَاسْأَلُوهُنَّ مِنْ وَرَاءِ حِجَابٍ } [الأحزاب: 53]
{وَقَالُوا قُلُوبُنَا فِي أَكِنَّةٍ مِمَّا تَدْعُونَا إِلَيْهِ وَفِي آذَانِنَا وَقْرٌ وَمِنْ بَيْنِنَا وَبَيْنِكَ حِجَابٌ فَاعْمَلْ إِنَّنَا عَامِلُونَ } [فصلت: 5].
{وَمَا كَانَ لِبَشَرٍ أَنْ يُكَلِّمَهُ اللَّهُ إِلَّا وَحْيًا أَوْ مِنْ وَرَاءِ حِجَابٍ أَوْ يُرْسِلَ رَسُولًا فَيُوحِيَ بِإِذْنِهِ مَا يَشَاءُ إِنَّهُ عَلِيٌّ حَكِيمٌ } [الشورى: 51].
فعلى فهم الدكتور وجميع العوام أول ما يقرؤون قول الله تعالى:
{ فَاتَّخَذَتْ مِنْ دُونِهِمْ حِجَابًا فَأَرْسَلْنَا إِلَيْهَا رُوحَنَا فَتَمَثَّلَ لَهَا بَشَرًا سَوِيًّا} [مريم: 17]
فهل يعني أن الله تعالى قال لسيدتنا مريم البسي (الطرحة) طبعا لا وإنما أن تذهب في مكان لا يراها فيه أحد من الناس.
فيا جماعة الخير قول النبي المعصوم : ابتدرن الحجاب يعني أسرعن لترك المكان واللاستتار بحاجز من حائط أو ستارة.
وهذا معنى قول الله تعالى:
{وَإِذَا سَأَلْتُمُوهُنَّ مَتَاعًا فَاسْأَلُوهُنَّ مِنْ وَرَاءِ حِجَابٍ } [الأحزاب: 53].
يعني أن الله تعالى يأمر المسلمين إذا سألن أزواج النبي –صلى الله عليه وآله وسلم- فلا بد من وجود ساتر بينه وبينهن لا معناه أنه يسألهن من وراء طرحة ولا خمار.
وشراح الحديث منهم الحافظ الكبير سيدنا ابن حجر العسقلاني لما فسر الحديث رجح أن هؤلاء النسوة هن أزواج سيدنا رسول الله فقال:
ففي "فتح الباري لابن حجر" (7/ 47): ( وَعِنْدَهُ نِسْوَةٌ مِنْ قُرَيْشٍ هُنَّ مِنْ أَزْوَاجِهِ وَيَحْتَمِلُ أَنْ يَكُونَ مَعَهُنَّ مِنْ غَيْرِهِنَّ لَكِنْ قَرِينَةُ قَوْلُهُ يَسْتَكْثِرْنَهُ يُؤَيِّدُ الْأَوَّلَ وَالْمُرَادُ أَنَّهُنَّ يَطْلُبْنَ مِنْهُ أَكثر مِمَّا يُعْطِيهِنَّ وَزَعَمَ الدَّاوُدِيُّ أَنَّ الْمُرَادَ أَنَّهُنَّ يُكْثِرْنَ الْكَلَامَ عِنْدَهُ وَهُوَ مَرْدُودٌ بِمَا وَقَعَ التَّصْرِيحُ بِهِ فِي حَدِيثِ جَابِرٍ عِنْدَ مُسْلِمٍ أَنَّهُنَّ يَطْلُبْنَ النَّفَقَةَ).
وسواء كن نساء النبي أو غيرهن أو نساء النبي ومعهن غيرهن فلن يؤثر في تغيير الفهم.
في الختام نستنتج مما سبق:
1- معنى الكلام: أنه أن نساء سيدنا رسول الله كن يطلبن زيادة النفقة من رسول الله، فجاء سيدنا عمر فلما سمعن صوت عمر سارعن إلى الدخول في مكان آخر وتركن مجلس رسول الله، ولم يرد قط شوف كلمة (قط) أن معنى الكلام أن النسوة كن كاشفات عن شعورهن أمام رسول الله ثم أسرعن لتغطية شعورهن.
2- أن الدكتور سعد الدين الهلالي في نقله نص الحديث زاد ونقص وحذف كلمات تبطل تماما فهمه من النص.
3- أن الدكتور سعد الدين الهلالي في نقله لهذا النص خاصة غير ضابط في النقل.
ومن كان غير ضابط للنص وخاصة في حذفه لكلمات تودي به لفهم سقيم، واستنباط حكم شرعي غير مستقيم على موازين القواعد فهذا يجب النظر في كل ما يطرحه على الناس من علم.
4- ارتكب الدكتور شنيعة كبرى وطامة من الطوام وكذب على رسول الله في كلامه أن رسول الله السيد الخلوق سيد الخلق وإمام الأنبياء والمرسلين أنه كان يجلس مع نسوة أجانب عنه وهن حاسرات عن شعورهن ، فبئس الفهم وبئس الفقه فقهك ومعلش في الكلام لأن هذا يتعلق بالجناب النبوي الشريف فالذي لا يتأدب مع السيد الجليل مولانا محمد -صلى الله على حضرته- لا كرامة له عندنا ووالله لو حفظ علوم الأولين والآخرين، فتبا له ولعلمه.
5- كلمة الحجاب في الاستعمال القرآني لا تعني ما يستر الشعر بل معناها الحاجز أو المانع سواء أكان معنويا أم حسيا.
6- غطاء الرأس للمرأة اسمه (خمار خمار خمار) وقد جاء النص القرآني بهذا فقال تعالى: {وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ } [النور: 31].
وهناك فرق كبير بين الحجاب وخمار الرأس ولا يجهل الدكتور سعد هذا فقد جاء في :
الموسوعة الفقهية الكويتية (17/ 5):
((الْحِجَابُ فِي اللُّغَةِ: السَّتْرُ، وَهُوَ مَصْدَرٌ يُقَال حَجَبَ الشَّيْءَ يَحْجُبُهُ حَجْبًا وَحِجَابًا: أَيْ سَتَرَهُ، وَقَدِ احْتَجَبَ وَتَحَجَّبَ إِذَا اكْتَنَّ مِنْ وَرَاءِ حِجَابٍ.
وَالْحِجَابُ اسْمُ مَا احْتُجِبَ بِهِ، وَكُل مَا حَال بَيْنَ شَيْئَيْنِ فَهُوَ حِجَابٌ.
وَالْحِجَابُ كُل مَا يَسْتُرُ الْمَطْلُوبَ وَيَمْنَعُ مِنَ الْوُصُول إِلَيْهِ كَالسِّتْرِ وَالْبَوَّابِ وَالْجِسْمِ وَالْعَجْزِ وَالْمَعْصِيَةِ.
: وقَوْله تَعَالَى {وَمِنْ بَيْنِنَا وَبَيْنِكَ حِجَابٌ} ، مَعْنَاهُ: وَمِنْ بَيْنِنَا وَبَيْنِكَ حَاجِزٌ فِي النِّحْلَةِ وَالدِّينِ.
وَالأَْصْل فِي الْحِجَابِ أَنَّهُ جِسْمٌ حَائِلٌ بَيْنَ جَسَدَيْنِ.
وَقَدِ اسْتُعْمِل فِي الْمَعَانِي، فَقِيل: الْعَجْزُ حِجَابٌ بَيْنَ الإِْنْسَانِ وَمُرَادِهِ، وَالْمَعْصِيَةُ حِجَابٌ بَيْنَ الْعَبْدِ وَرَبِّهِ .
وَلاَ يَخْرُجُ اسْتِعْمَال الْفُقَهَاءِ لِهَذَا اللَّفْظِ عَنْ مَعْنَاهُ اللُّغَوِيِّ الَّذِي هُوَ السَّتْرُ وَالْحَيْلُولَةُ)).
أما الخمار يا أيها السادة فمعناه كما جاء في :
الموسوعة الفقهية الكويتية (17/ 5)
الْخِمَارُ:
((الْخِمَارُ مِنَ الْخَمْرِ وَأَصْلُهُ السَّتْرُ، وَمِنْهُ قَوْل النَّبِيِّ صَلَّى اللَّهُ عَلَيْهِ وَسَلَّمَ: (خَمِّرُوا آنِيَتَكُمْ) وَكُل مَا يَسْتُرُ شَيْئًا فَهُوَ خِمَارُهُ.
لَكِنَّ الْخِمَارَ صَارَ فِي التَّعَارُفِ اسْمًا لِمَا تُغَطِّي بِهِ الْمَرْأَةُ رَأْسَهَا.
وَلاَ يَخْرُجُ الْمَعْنَى الاِصْطِلاَحِيُّ لِلْخِمَارِ فِي بَعْضِ الإِْطْلاَقَاتِ عَنِ الْمَعْنَى اللُّغَوِيِّ، وَيُعَرِّفُهُ
بَعْضُ الْفُقَهَاءِ بِأَنَّهُ مَا يَسْتُرُ الرَّأْسَ وَالصُّدْغَيْنِ أَوِ الْعُنُقَ.
وَالْفَرْقُ بَيْنَ الْحِجَابِ وَالْخِمَارِ أَنَّ الْحِجَابَ سَاتِرٌ عَامٌّ لِجِسْمِ الْمَرْأَةِ، أَمَّا الْخِمَارُ فَهُوَ فِي الْجُمْلَةِ مَا تَسْتُرُ بِهِ الْمَرْأَةُ رَأْسَهَا.))
إذن الحجاب شيء يا دكتور سعد وخمار الرأس اللي هو الطرحة شيئ آخر.
((وَالْفَرْقُ بَيْنَ الْحِجَابِ وَالْخِمَارِ أَنَّ الْحِجَابَ سَاتِرٌ عَامٌّ لِجِسْمِ الْمَرْأَةِ، أَمَّا الْخِمَارُ فَهُوَ فِي الْجُمْلَةِ مَا تَسْتُرُ بِهِ الْمَرْأَةُ رَأْسَهَا))
7- لو أطلق الفقهاء والعلماء كلمة حجاب المرأة فيقصد به (الثوب الذي يستر جسدها كله) ولا يقصدون به غطاء الرأس فقط، أو يقصد احتجابها عن الناس بحاجز من حائط أو ساتر.
وياليت السادة المشايخ لما يطلعوا على التلفزيون لا يرددون ما اصطلح عليه عامة الناس من ذكر مصطلح (الحجاب) بمعنى غطاء الرأس، بل يصححون للناس أن الحجاب هو ثوب المرأة الساتر لها.
علشان لخبطة وعك المصطلحات التي فهمت على غير ما يقصده الفقهاء الأعلام.
أسأل الله تعالى أن يفقهنا في ديننا ويجنبنا فتن آخر الزمان.
وكتبه : أبو صهيب فتحي بن سعيد عمر الحجيري
إن استفدت وفهمت هذا المقال الطويل (معلش) انشره حتى تعم الفائدة ويصل هذا الكلام لجميع الناس وخاصة نساء المسلمين أمي وأمك وأختي وأختك وزوجتي وزوجتك وابنتي وابنتك.
وأضاف أخي الفاضل كرم محمد علي فراج إضافة هامة فقال :
خلاصة المقال: (كن) فعل ماضى (عندى) ظرف مكان يبتدرن الحجاب يسارعن ترك مكانهن والاستتار بحجاب او حاجب او ستر. وزيادة من عندى بعد اذنكم قول سيدنا عمر أَتَهَبْنَنِي وَلاَ تَهَبْنَ رَسُولَ اللَّهِ صَلَّى اللهُ عَلَيْهِ وَسَلَّمَ؟ قُلْنَ: نَعَمْ، أَنْتَ أَفَظُّ وَأَغْلَظُ)). لاتدل على تغطية الشعر بعد كشفه لان تغطية الشعر لم تكن من علامات الهيبة عند نساء العرب بل ترك المكان هو الذى يدل على الهيبة وحتى فى زمننا هذا. والله أعلم وجزاكم الله خيرا مولانا.



https://www.facebook.com/permalink.php? ... 0598521693



_________________
صورة

الفقير(AHMED SALEM)


أعلى
 يشاهد الملف الشخصي  
 
 عنوان المشاركة: Re: مولانا شيخ الأزهر والمفتي والعلماء أين أنتم من سعد الهلا
مشاركة غير مقروءةمرسل: الجمعة ديسمبر 02, 2016 9:11 pm 
غير متصل

اشترك في: الاثنين ديسمبر 20, 2004 11:42 am
مشاركات: 12706

https://www.youtube.com/watch?v=YR2M1KhRVIs


_________________
المواجهة النبوية الشريفة

صورة


أعلى
 يشاهد الملف الشخصي  
 
 عنوان المشاركة: Re: مولانا شيخ الأزهر والمفتي والعلماء أين أنتم من سعد الهلا
مشاركة غير مقروءةمرسل: الجمعة ديسمبر 02, 2016 9:48 pm 
غير متصل

اشترك في: الاثنين ديسمبر 20, 2004 11:42 am
مشاركات: 12706

https://www.youtube.com/watch?v=yL2drRRaLp8


_________________
المواجهة النبوية الشريفة

صورة


أعلى
 يشاهد الملف الشخصي  
 
 عنوان المشاركة: Re: مولانا شيخ الأزهر والمفتي والعلماء أين أنتم من سعد الهلا
مشاركة غير مقروءةمرسل: السبت ديسمبر 03, 2016 8:11 pm 
غير متصل

اشترك في: الاثنين ديسمبر 07, 2009 12:22 am
مشاركات: 1888
مكان: سيدنا الحسين وسيدتنا زينب
أخي الفاضل ذا النون تسلم ايد حضرتك .. جزاكم الله خيرا

الفيديو الاول حلقة يوم الأربعاء السابق فتنة المهدي المنتظر !

في الفترة الماضية فتنة تسمى فتنة المهدي المنتظر .. ودي فتنة متككرة وهتتكرر تاني .. واعتقد لو الوعي العام اخد حقه في المعلومة هيتحصن من هذه الفتنة .. فانا باراهن في مقاومة الفتن على الوعي .. لو هناك وعي صح ومعلومة امينة مش معلومة احادية .. بكل ما ورد في التاريخ السابق .. الرأي والرأي الآخر
ما اقدمه من التعددية الفقهية .. من التعددية العلمية ..
هو فيه علم اتجاه واحد.. كل علم قائم على ابداء الرأي من النظرية والنظرية الاخرى
فالمهدي المنتظر لم يرد في البخاري ومسلم ... الفقهاء والعلماء اختلفوا حقيقة ام لا ..
على اتجاهين.. يعني فيه رأيين عند علماء المسلمين .. اتجاه بيقول لا دي خرافة مفيش حاجة اسمها مهدي منتظر استدلالا بحديث اخرجه ابن ماجه عن أنس أن النبي صلى الله عليه وسلم قال لا مهدي الا عيسى ابن مريم .. الحديث كده واضح .. الحديث ده سنده فيه مقال .. لكن استند إليه اتنين من كباار العلماء السابقين واحد أشار اليه ابن تيمية.. ابو محمد الوليد البغدادي .. جاء من بعده مين .. عبد الرحمن بن خلدون.. المؤرخ الشهير
أنكر ما يعرف بالمهدي المنتظر
تعالى بقه شوف اكثر العلماء .. او أكثر اهل الدراسات الشرعية .. قالوا لا فيه مهدي منتظر استدلالا باحاديث اخرى في سندها مقال .. وبعض حسن .. لكن الشوكاني يقول كثرتها روي عن اكثر من 50 صحابي او 50 رواية .. تعطي له حق التواتر ..ابن باز قال ده تواتر حكمي مش تواتر حقيقي
........ فاصبح فيه اتجاهين احنا كمتلقين يجب علينا ان نتلقى الاتجاه ده باحتمالية .. ولا ننصر احدهما على الاخر .. لو احنا ناس منصفين ناخد الامور باحتماليات .. مادام اخدناها باحتمالات هتلاقي فيه حنّية في تلقي الخبر .. أما النصرة والشدة لأحدهما تخلي فيه دايما ناقر ونقير

تعقيب :
ولكن .. الهلالي نفسه يؤيد وينصر الاتجاه المنكر لوجود الإمام المهدي !!! .. على كلامه أنه اتجاه
ويحتج ويعارض ويسفّه الاتجاه القائل بوجود الإمام المهدي !!!
بل ويتهجّم على أحاديث حضرة النبي صلى الله عليه وآله وسلم ...


المهم .. ثم تكلم الهلالي عن مهدي السنة والشيعة
وبعدين قال على فكرة ده حلم كل انسان .. يقولك ايه .. الدنيا بقت سوده مين هيبيضها
كأن سيدنا النبي لم يقم بالعدل ..
كإن احنا لم نحقق العدل .. كل انسان مطلوب منه رسالته في الدنيا انه يحقق العدل
هل يعقل بني آدم هيقيم العدل في مجتمع رافض العدل .. عشان كده لازم نقول ان العدل ده جماعي .. النجاح جماعي عمر النجاح ماهيبقى فردي .. لو جبت الفردي الفرد ده هيموت والجماعة الباقية .. الشعب باقي .. فلما الشعب هو الباقي مش عاوز يقيم العدل وجاله واحد اقام العدل .. الراجل هيموت والشعب ظالم .. اذن العدل عشان يبقى لازم المجتمع كله..

اجابات الهلالي على المتصلين.. واحد يسأل انه حلف يمين الا ياكل اكل معين ودلوقتي عاوز ياكله
اجاب: حصل من سيدنا النبي انه حلف مياكلش العسل .. وإن تظاهرا عليه فإن الله هو مولاه ....
فليكفر عن يمينه وليأت بالذي هو خير
فهو ياكل الشيء اللي حرمه وبعدين يكفر عن يمينه .. او العكس


اتصل أحمد من أوهايو بيقول لعمرو: انت بتتكلم في موضوع مهم جدا ألا وهو تجديد الخطاب الديني .. وبتستضيف الدكتور الهلالي عشان تجديد الخطاب الديني في مصر .. وده موضوع مهم جدا.. أنا باسأل سؤالين وعاوز إجابة ..
في الإسلام في الدين الإسلامي في العقيدة الإسلامية .. يقتل المرتد.. والجزية من غير المسلم عن يد وهم صاغرون ..
حضرتك هتحل المشكلة دي ازاي عشان أطياف المجتمع المختلفة .. إذا كان الإسلام شايف نفسه أفضل من غيره..
السؤال الثاني هل الناس بالأمية الموجودة بنسبة 30% هتتقبل انك تجدد أو تغير في الدين ..
والدين إذا كان من عند الله إزاي هتغير فيه ده انت كده بتشكك في صحته ..
الحاجة التانية أغلب المتصلين عشان حلف يمين مياكلش ..
العالم الخارجي برة .. أغلب الشعب المصري ميعرفوش .. بيدور ازاي الكون نشأ ..
مش حلف اليمين وللا ادخل الحمام باليمين وللا بالشمال
احنا لازم نبص للعلم ولازم نفصل الدين عن الدولة

اجاب الهلالي: انا شاكر جدا لاحمد انه بيتكلم كده .. بس مش عاوزه ينظر للمسائل الكلية وينسى المسائل الفرعية اللي غرق فيها المسلمون بسبب اصحاب الخطاب الديني ...
الموسيقى الاغاني للنساء والرجال صوت المرأة النقاب .. من اول ما طلعت الجمعية الشرعية 1912 مساجدنا شرعية والتانية بدعية
مفيش حاجة اسمها رأي واحد .. لو شيخ قال راي واحد اتمنى من واحد متنور يقول له: فيه رأي تاني ولا لأ ..
لو قال مفيش يبقى بيكذب ومينفعش يتولى خطاب ديني .. ولو طلع صادق هيقول اه فيه رأي تاني بس انا مش معاه ... قل له: قل لنا بيقول ايه
هيحصل تنوير ووعي عام في الشعب وهو ده بداية الخطاب الديني وتجديده
الشعب يتنور بالرأيين
لكن هو بيقول هتعمل ايه في مشكلتين مشكلة الجزية ومشكلة الردة
هتجدد خطاب ديني ازاي في شعب فيه 30% أمية
الأمية علاجها بالتعددية الفقهية بالرأي والراي الأخر هيحصل تنوير للشعب
حلق اللحية والأغاني ..... انت صح وانا صح ..
الأمية المقصودة أمية ثقافية أمية في الدين ..
كبار كبار الاساتذة عندهم أمية في الدين .. ظانين ان الشيخ يعرف حكم ربنا اقسم بالله مافي مخلوق على وجه الأرض ليس نبيا عن طريق وحي يعرف حكم ربنا
اجتهادنا نظن انه صح في قلوبنا لكن صح مطلق .. فلا تنزلهم على حكم الله ولكن على حكمك
المعاصرين سرقوا علم السابقين ونسبوه لأنفسهم .. خيانة أمانة علمية.. يذكر الراي .. ولا ينسب القول لقائله .. كما كتب الدكتوراه في الازهر .. مراجع بالهامش

قضية الحدود محلولة
هو قال جملة عاوز اصححهاله .. هو قال ازاي تغير النص .. هو فاته ان مش بنغير النص بنغير الفهم .. النص تاريخ مين يغير التاريخ .. النص لا يمكن يتغير وإلا تزوير .. فانت لو حرفت النص زورت فيه .. امال المطلوب منك ايه .. تفهمه على الوجه الأحسن
قال تعالى واتبعوا أحسن ما أنزل إليكم من ربكم
بالله عليك تظن ان ربنا نزل حسن وأحسن ونقعد ننقي
لا ف نفس السورة الزمر .. الله نزل أحسن الحديث كتابا متشابها .. يعني كل اللي نزل من عند الله .. احسن الحديث
امال لما يقول لنا واتبعوا أحسن ما أنزل إليكم من ربكم
يعني اتبعوا احسن التفاسير.. احسن الاجتهادات .. احسن الفهم.. ونافسوا بعض .. ماتخلوش حد ريس عليكم .. ماتخلوش حد سيد عليكم
اصحاب الخطاب الديني فتحوا عليكم الفهم .. وانتو يا شعب كلكم مسئولين عن اختيار الاحسن اللي تظنوه فيّ اني اقوله
اتباع أحسن الفهوم .. فاحنا بنجدد الفهم مش بنجدد النص
مشكلة الجزية والردة والحدود .. اجمالا كل هذا له حل بالفقه .. واقرا الفقه هتلاقي الراي والراي الاخر .. خد اللي فيه رحمة وسيب اللي كان معمول به ويعمل تصادم مع الدولة..
وعملت كتاب سميته الاسلام وانسانية الدولة وكان اساتذة كبار كتبوا فيه تقارير يعيبوا فيه
وعارف العيب كان فيه ايه .. هذا الكتاب حاول ان يزيل الصدام بين الدولة وبين الدين .. بالله عليك ده عيب
عمرو : اساس الدين وفايدة الدين ان الدولة تستمر
كتب في التقرير الذي نشر على مدار شهور انه بينتقي من الاراء الفقهية اللي بيحاول يزيل فيها التصادم بين الدين والدولة .. امال هو عاوز ايه عاوز يبقي التصادم بين الدين والدولة

من الأسئلة
حكم الاحتفال بمولد النبي هل الصحابة احتفلوا او الجيل اللي بعدهم او ازواجه
والاحتفال بالموالد اللي بتتعمل على مستوى مصر والمقامات والكلام ده كله

عمرو: اسئلة هامة كلها وحضرتك يعني كلها من الاسئلة اللي حضرتك بتحبها .. اللي فيها العلم وكده والغوص في بحر الفقه

اجابة سؤال حول درجات الصلاة: الصلاة ودرجاتها حسب الخشوع ممكن تبقى 25 وممكن 26 وممكن 27 .. وبتختلف باختلاف الجماعة مع فرد غير اتنين غير جماعة الحرم المكي غير جماعة الحرم النبوي مثلا
100 الف في الحرم المكي والف في النبوي و500 في المسجد الاقصى والمساجد الاخرى حسب النوايا

سؤال : هل السحر ذكر ف القران الكريم .. مش عارفة تبيع عقار وارض .. هل ده سحر وقف حال
عمرو : السحر موضوع عاوز حلقة

ذكر السحر في كتاب الله هل ورد انه قائم ومؤثر أم لا ..
ذكر لكن على أي وجه .. وما هم بضارين به من أحد إلا بإذن الله
وإلا السحر نتعلمه عشان نحارب به اعداءنا او غيرنا
ولكن ذكر عشان يقول انه لا يضر احد الا باذن الله بغير تاثير
يخيل إليه من سحرهم أنها تسعى
ولا يفلح الساحر حيث أتى
ذكر في القران .. لكن على اي وجه
الحسد برده .. قل أعوذ برب الفلق ...
النفاثات اللي بيعقدوا اللي هم بيسحروا .. بالله عليك لما تسمع السورة دي اسمها سورة الفلق .. فهمت منها انك بتستعيذ بالله من هذا ولا بقول ان ده فاعل ومؤثر .. هل اخبرنا الله بتاثير ذلك ام اخبرنا ان ده مش هيأثر واستعيذ بالله واقوى يابن ادم قول يارب .. انت هتبقى قوي بربنا

عمرو: يعني يامولانا مفيش حاجة اسمها سحر ولا حسد

مهو شوف هنعيش في الخرافات .. اشمعنى احنا بنقول الكلام ده واليابانيين لا واوروبا .. طيب احنا في القران الكريم فيه يا ايها الذين امنوا ..

عمرو: العين بتفلق الحجر والحاجات دي .. قصة سيدنا الحسن والحسين اللي بيتداولها كل المصريين .. عارف القصة طبعا

الحديث بيقول العين حق ولو سبق شيء القدر لسبقته العين .. هو انا هانكر وجود رأي والراي الاخر .. انا بس عايز اقول ان فيه رايين .. اتجاهين اتجاه بيقول اه فيه حسد وخلي بالك .. وحافظوا على قضاء حوائجكم بالكتمان .. وان فيه سحر وممكن السحر يضرك واستعيذ بالله

عمرو: انما حضرتك بتتكلم ان في القران

كل المواضيع جايه تقولك جايه ذكر السحر على انه مش هيضرك يابن ادم

عمرو: وإلا كلنا سحرنا لبعض

طب وقف حال القرى السياحية ايه .. في الخمس سنين دول

عمرو: نشغل فيها قرآن

طب والناس اللي مش مؤمنة بالقران تعمل ايه .. انت ظانن ان العالم كله انت والعالم غيرك اكبر منك .. والعالم ده له رب
مش للمسلمين اسلحة سحر وحسد .. ولغير المسلمين معندهمش الاسلحة .. لا لا
لازم الفكر يكبر .. عشان كده بنشكر الاخ احمد ع الاسئلة بتاعته .. احنا لازم نخرج عن العباءة دي

عمرو:يعني يامولانا مفيش سحر وحسد

فيه اتجاهين.. اتجاه بيقولك اه فيه واتجاه بيقولك مفيش .. انت عاوز تؤمن باتجاه انهون

عمرو: انا مش عايز احس ان فيه حاجة خارجة عن ارادتي

الانسان العاقل هيقول كده.. كل انسان عنده ثقة في الله

عمرو: انا عاوز اتحاسب عن اللي عملته بارادتي .. مانا ممكن دلوقتي اقوم قاتل حضرتك واقولك اصل انا مسحور

وللاسف في كتب فقه كاتبه كده .. وقالوا هل يعاقب ام لا والساحر يقتل ام لا .. بعض الشافعية او بعض الحنابلة قالوا ان الساحر يقتل
يعني تخيل كده القاضي لما يحكم على فلان انه ساحر .. هوب ناخده ونقتله .. ويعتبروه هذا حد وبعدين فيه اجتنبوا السبع الموبقات .. وذكر من ضمنها السحر

عمرو: بس هو قال ان الرسول عليه الصلاة والسلام ايضا سحر له

ده في البخاري.. امال ايه حديث في البخاري وراح شال الماشطة او المشط من البئر .. رواية
البخاري ولد 193 هـ .. والنبي مات 11 هـ .. بعد أكتر من 180 سنة
مات البخاري 256 هـ .. قعد يجمع احاديثه 16 سنة
كتب الكلام ده اقروا كده مقدمة صحيح البخاري .. قال ان انا قمت.. سبب جمعه .. ان انا كنت قاعد في مجلس في الكوفة في البصرة.. وبعدين سمعت الكبار القراء يقولون لبعضهم.. مفيش فيكو شاب كده جدع يجمع المرويات من رؤوس الحافظين .. فانا قلت والله انا اقوم بالدور ده .. وقمت بالدور ده في 16 سنة .. وجمعت عدد كبير.. وبعدين جلست في الروضة الشريفة .. وقلت يارب انا جمعت عدد كبير من الاحاديث.. بس منهم احاديث عن.. انا شايف اصحابها .. مش مطمن ان انا اكتبها.. انا هاكتب كتاب دلوقت وصحيح .. واسيبه لمن بعدي انا هشيل مسئولية دول .. فبيقول عملت بقه استخارة وصليت ركعتين لله في كل حديث .. وبعدين كتبت

عمرو: يعني كل حديث بييجي يسجله يصلي عليه استخارة ويقرر ..

ويغتسل ويتوضى ويصلي ركعتين لله
ويقرر اذا كان الحديث ده هيحطه ولا لأ
عارف حط لنا كم حديث
حط لنا 3500
بعد التكرار هيبقوا 6000 تقريبا

ورمى كام حديث .. استبعد كم حديث
استبعد كم .. 600 الف
انا لم اقل 60 .. قلت كم .. 600 الف .. استبعدهم
يعني كان ممكن يستبعد هذا الحديث ام لا .. حديث سحر سيدنا النبي

عمرو: وارد ان من ال6 الاف ميكونوش كلهم ..

وبعدين لما ربنا يقول على سيدنا النبي: وما ينطق عن الهوى إن هو إلا وحي يوحى .. على احد التفاسير لان فيه تفسير تاني ان سيدنا جبريل .. المراد بذلك
ولما ربنا يذكر سيدنا النبي ويقول: ولو تقوَّل علينا بعض الاقاويل ....
ده الحديث في البخاري بيقول .. حتى إنه كان ليخيل له أنه يأتيه الوحي ولا يأتيه .. فهتاخد بهذه المروية ولا هتقول ان سيدنا النبي ربنا عصمه عشان يبلغ الرسالة صح

احمد بيسال المولد النبوي الاحتفال به بدأ امتى

هو سيدنا النبي ولد امتى ؟ ولد في ارجح الاقوال يوم 12 ربيع سنة عام الفيل .. كان يحسب السنوات بالاحداث الكبيرة فيها
عام الفيل ده لو تفتكروا هتلاقي عجب
عام الفيل كان أبرهة في اليمن وهو يرى نفسه ارقى دينيا من اهل مكة .. ليه .. مسيحي .. نصراني .. يؤمن بالانجيل .. واهل مكة كانوا مشركين بيعبدوا الاصنام
ما اقوله هذا قاله ابن القيم في زاد المعاد

عمرو: واحنا النهارده بننظر لأبرهة كشخص يعني سيء أو ظالم اوي

بس شوف العجب .. هو دينه سماوي وأهل مكة مشركين بيعبدوا الاصنام .. جاء عشان يهدم الكعبة لانه شايف عندهم حجاج كتير .. فالتجارة.. مسالة اقتصادية
فهو بنى الكعبة عنده ولم يأته احد .. فقال اروح اهدم الكعبة في مكة عشان الناس تيجي اجباري
فربنا نصر اهل مكة .. هل نصرهم لانهم اهل شرك .. أم لانهم اصحاب حق في الارض ..
الدين هنا ملوش دخل ..

عمرو: لا العدل

العدل اذن ربنا نصر اهل الحق ولا نصر اهل الشرك .. وهزم اهل التوحيد في الدين المسيحي
الخطاب الديني الغلط بقه .. جعل دين وشرك .. وانا اسف .. الدين مش مع الشرك .. امال ايه ..
ده طالع عشان يجيب سياح اقتصاديين ويجيب اقتصاد عنده فلوس
فرايح يظلم ناس في حالهم .. الناس دول مشركين موحدين ملناش دخل .. فربنا نصر من .. اصحاب الحق اصحاب الارض

عمرو: المظلومين

ألم تر كيف فعل ربك بأصحاب الفيل ....
يوم المولد ده لو عملناله احتفال كل سنة عشان نتذكر ان النصر لم يكن للشرك .. النصر جاء لاهل الحق .. فيا اهل الحق سواء كنتم مسلمين أو غير مسلمين انتم منصورين .. لكن يااهل الباطل لو انتم موحدين بالله لو انتم بتصلوا مش خمس صلوات الخمس صلوات وطول الليل .. لو انتم بتصوموا طول السنة ..
وما كان ربك ليهلك القرى بظلم وأهلها مصلحون .. الظالم هينزل .. اني حرمت الظلم على نفسي وجعلته بينكم محرما فلا تظالموا
ثلاث دعوات لا ترد وذكر دعوة المظلوم ليس بينها وبين الله حجاب .. دعوة المظلوم سواء كان مسلم أو غير مسلم
العبرة هنا بالحق والباطل .. ربنا ينصر الحق ولو كان مع غير مسلم ...ويهدم الباطل ولو كان مع اكبر الموحدين واكبر الاخوانجية واكبر السلفية .. مفيش حاجة اسمها سلفى ولا حاجة اخواني ولا حاجة مسلم ولا حاجة ...
عمرو: فيه حق وباطل
انت مع الحق ولا مع الباطل .. هنا اللعبة الدينية .. عايزين نشيل الدين من النزاع ما بين الأفراد وبعضهم .. ونجعل الفخور بدينه يفتخر به وبين ربنا .. لا يفتخر بدينه على الاخر .. افتخاره في دينه بينه وبين الله .. يقول لربنا كده انا بصلي لك يا رب .. انا بصوملك يا رب .. دانا حجيت .. يقول .. مش عاوز يتباهى
لكن مايجيش يقولي .. الجزية اللي ربنا امر بها هنفذها عليك .. الحدود هنفذها عليك .. نفذها على نفسك .. الخطاب زي ماهو موجه لك موجه لي
فربنا لم يسلطك علي .. ولا سلطني عليك .. فمحدش فينا يصادر ع التاني في الدين .. ويكون الدين كله لله

فهنا مولد سيدنا النبي لما نعمل له احتفال .. هو النبي عمل احتفال .. لا معملش .. طيب يوم وفاته قالوا مات يوم 8ربيع في 11 هـ وقيل يوم 12 .. بس يوم الاتنين يوافق يوم 8
وعلى كل حال النبي معملش التوقيت الهجري .. مكانش هناك تاريخ .. النبي لم يستخدم التاريخ الهجري ولا الميلادي وسيدنا ابو بكر كذلك .. وسيدنا عمر بعد سنتين من خلافته بعث خطاب لاحد ولاته .... فقعدوا الصحابة وقال نعمل تاريخ .. من مولد سيدنا النبي .. من بعثة سيدنا النبي .. واحد قال نختار السنة اللي هاجر فيها.. ويبقى التاريخ اتسجل عشان الناس تعرف ازاي الشعب يشيل بعضه
عمرو: مسألة دنيوية بحتة وليست دينية
دنيوية بحتة.. اول سنة هجرية كانت سنة كام .. 15 .. اول سنة ظهرت في التاريخ الهجري سنة 15
اصحاب الخطاب الديني بيوجهوا هذا التاريخ الهجري على انه تاريخ ايه .. اسلامي
منهم لله .. هو تاريخ ايه .. انساني .. هو تاريخ ديني ده بالله عليك .. الرسول عمله .. ربنا امر به .. اذن ده اختيار انساني ..
فانت بتعمل اختيار انساني وبعدين تفاجأ ناس تشتريه وتتاجر به دينيا وتقول لك هو ده التاريخ الهجري الديني
السعودية السنة دي يوم اول محرم من شهرين بالضبط قررت تاخد بالتاريخ الميلادي
عمرو: للمرتبات
واحنا اخدنا بالتوقيت الميلادي ايام الخديو اسماعيل .. بيننا وبينهم 170 سنة
اتهمنا في 170 سنة .. ان احنا سيبنا التاريخ الاسلامي .. واخدنا التاريخ القبطي والمسيحي والروماني
السعودية النهارده لما اخدت به .. هتجيب لنا حقنا في 170 سنة ..
يبقى مين حضارته سبقت .. ومن حضارته تأخرت .. وليه اتهمنا .. عشان الناس تفوق وتعرف ان التجارة الدينية سيئة
فانا عاوز اقول .. هنعمل احتفال ب الاسراء والمعراج .. ليلة النصف من شعبان .. المولد النبوي .. ذكرى وفاة سيدنا رسول الله .. بذكرى نصر اكتوبر
قرار انساني .. الاسلام ميتدخلش فيه .. المهم ما تفعله صح أم غلط
انت عامل احتفال عشان ايه .. تاكل الحلاوة .. ايه رايك .. بالله عليك المصرين يعرفوا ميلاد سيدنا النبي الا بالحلاوة
رواج اقتصادي للتجار .. كم واحد على مستوى مصر
هي في الدولة الفاطمية عملوها صحيح .. اللي عمل الحلويات دي الدولة الفاطمية .. بس مع مضي السنين صار مكاسب مادية وارزاق ناس
فاحنا علينا ننور .. ونسيب التقاليد دي من اجل الاقتصاد يمشي والناس تتعلم والاطفال يقولوا لبابا ايه العروسة دي ايه الحصان ده

الطفل هيقول لابوه مين بقه النبي ده .... رحمة .. مش النبي كان سلفي ولا كان اخوان ولا كان صوفي ولا كان جهادي .. النبي مكانش كده كان واحد من الناس

عاطف من قنا كان سأل: هل لما يكون عندنا ناس مستنيرين زي فضيلتك وناس على قدر كبير من السماحة هنحتاج ندور على واحد مهدي عشان يوضح للناس ايه الصح وايه الغلط .. اولا .. انا مسيحي لكن من الناس المعجبين جدا بحضرتك .. هل ينفع تعمل قوافل تنويرية في الصعيد عندنا هنا وحضرتك ليك شعبية كبيرة في الصعيد
عمرو : اكيد نجيبه واجي معاه ونبقى ضيوفك ان شاء الله

فيه حديث رواه ابو داود ..يبعث الله لهذه الامه على رأس كل مئة سنة من يجدد لها دينها.. اكثر الشراح فسروا وقالوا لا يعقل ان اللي يجدد الدين واحد .. ولكن على مدار المئة سنة .. حصل حركة شعبية .. الشعب ده تطور .. بدليل .. شوف المصريين النهارده ومن 2011 .. هتلاقي المصريين اتنوروا دينيا اكتر .. ولا الظلامية اللي كانت موجودة في الفضائيات


أعلى
 يشاهد الملف الشخصي  
 
 عنوان المشاركة: Re: مولانا شيخ الأزهر والمفتي والعلماء أين أنتم من سعد الهلا
مشاركة غير مقروءةمرسل: السبت ديسمبر 03, 2016 8:41 pm 
غير متصل

اشترك في: الخميس مارس 29, 2012 9:53 pm
مشاركات: 45603
شكرا للافاضل / المداح الرفاعي , ذا النون على تنزيل الفيديوهات والكلام

حتى يعرف الناس الى اى مدى يريد ان يصل بنا الهلالى ومن يقف يسانده

ولسه ياما حنشوف

لاحول ولاقوه الا بالله العلى العظيم

_________________
أستغفر الله العلى العظيم الذى لا اله الاّ هو الحى القيوم وأتوب اليه
أستغفر الله العلى العظيم الذى لا اله الاّ هو الحى القيوم وأتوب اليه
أستغفر الله العلى العظيم الذى لا اله الاّ هو الحى القيوم وأتوب اليه


أعلى
 يشاهد الملف الشخصي  
 
عرض مشاركات سابقة منذ:  مرتبة بواسطة  
إرسال موضوع جديد الرد على الموضوع  [ 67 مشاركة ]  الانتقال إلى صفحة السابق  1, 2, 3, 4, 5  التالي

جميع الأوقات تستخدم GMT + ساعتين


الموجودون الآن

المستخدمون المتصفحون لهذا المنتدى: البتار و 3 زائر/زوار


لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع إرفاق ملف في هذا المنتدى

البحث عن:
الانتقال الى:  
© 2011 www.msobieh.com

جميع المواضيع والآراء والتعليقات والردود والصور المنشورة في المنتديات تعبر عن رأي أصحابها فقط