بمناسبة القنبلة اللي انفجرت في المترو
انا كنت هاركب المترو اللي فيه القنبلة ومالحقتوش وده من حسن حظي
وركبت اللي وراه
القنبلة كانت في العربية اللي ورا السواق على طول
انا شوفت راجل ايده فيه خروم وكأنه متصاب ببلي وخرطوش
وطبعا ناس نايمة وواقعة بسبب التدافع
الاعلام بدا يروج ان بس القنبلة كانت صوتية والاصابات من التدافع
عذر اقبح من ذنب وحتى ولو صوت انهاردة صوت وبكرة بجد
مع العلم انها ماكانتش صوت والتبرير كذب والدولة بجد بقت شوربة
دلوقتي مش المفروض ان الداخلية تأمن مداخل ومخارج المترو
على الاقل في كل محطة بوابة الكترونية الناس قبل ماتدخل المحطة تعدي عليها علشان تمنع دخول حد بأي قنبلة
بدل مايقعدوا يغيروا سراميك المحطة ويصرفوا الفلوس على الفاضي يجيبوا البوابات دية
المهم
الناس في المترو قعدوا يختلفوا ويتناقشوا مين السبب في اللي بيحصل
مبارك ولامرسي
واحد قام وطلع بصوت عالي وقال السبب السادات
انا قلت ياواد خليك_شلاتيني وفكك بقى من الوش ده
المشكلة بقى بجدوقمة الكوميديا اني لقيت واحد كان من ضمن الناس اللي كانت موجود في الحادثة بيقول الناس بتبالغ وقلبها ضعف ماكانتش حتة قنبلة عبيطة بتعور بس
آه وربنا بتعور بس