فضيحة تسريب امتحانات الثانوية العامة

النيل الخالد · **مرسل:** الثلاثاء يونيو 10, 2014 1:19 pm

فضيحة الثانوية العامة وتسريب الأمتحان عبر الموبيل وقت الأمتحان عبر الفيس بوك
اتسرب أول يوم امتحان العربى ونزلوا الأمتحان البديل ، وانهاردة اتسرب امتحان الإنجليزى
بس دة بقى ،لم ينزلوا له امتحان بديل لإنه أتسرب أثناء الإمتحان هو والإجابة
والله معرفتش أقول إية لبنتى وهية قاعدة تتشال وتنهبد من كتر زعلاها
على إنها تتساوى فى النهاية باللى مذاكرش وتعب
وعايزين حال البلد ينعدل
طب أزاى!!!
لما رسولنا الكريم صلى الله عليه وسلم يقول من غشنا فليس منا
ونلاقى نشأ صغير بيغش وبينجح ويوصل لأعلى المراكز بالغش
يبقى حينصلح حالنا أزاى
اللى غش دة لا يفقه شئ ولما يبقى دكتور ولا مهندس
حيتسبب فى خراب كبير بسبب عدم إلمامه بأى شئ لإن كله
حصله بالغش! !!
وهوة دة اللى واستها به إنها فى النهاية حتبقى فاهمة اللى درساه
ومتمكنة منه أما الأخر فيا عالم
ولا نقول إلا لا حول ولا قوة إلا بالله

النيل الخالد · **مرسل:** الثلاثاء يونيو 10, 2014 2:29 pm

واللى بجد يغيث هؤلاء المراقبين اللى بيراقبوا
كيف سمحوا بدخول الموبايل أثناء الإمتحان وأين التفتيش قبل دخول الإمتحان
لابد من عقاب رادع لهؤلاء لا أقل من الحرمان من التدريس لمدة
عام عالى الأقل عقابا لهم على إسهامهم فى تسريب الإمتحان وتشجيع الطلبة على الغش
ليتساوى الجميع فى النهاية من جد وتعب ومن لعب ونام؟؟؟؟
أين أنت يا وزير التعليم¡¡¡

خلف الظلال · **مرسل:** الثلاثاء يونيو 10, 2014 3:51 pm

لا حول ولا قوة إلا بالله
إيه الأهمال والفوضى دي!!!!

حامد الديب · **مرسل:** الثلاثاء يونيو 10, 2014 10:24 pm

طالما لاتوجد رقابه

وطالما العمليه سبهلله ان نترك الطالب يصور براحته ويرسل وبعدين يرسل له الحل السليم

يبقى لانستغرب مقوله الطلاب المتداوله

(( من نام وارتاح ضمن النجاح ..........ومن سهر الليالى بات للعام التالى ))

ولمن يهمه الامر

نقول ((يؤتى الحذر من مكمنه ))

ابوبكر٢ · **مرسل:** الثلاثاء يونيو 10, 2014 10:53 pm

القاعدة العسكرية التى تقول :
" السيئة تعم والحسنة تخص "
واجبة التطبيق فورا فى الحياة المدنية
علشان كله يرفض الخطأ من كله
ويقاومه دفعا لما يصيبه من آذى بسبب تعميم الجزاء
موش حقول اضرب يا سيسي
ذى بتوع مرسي ما كانوا بيقولوله
ولكن حقوله .. ابدأ ياسيسي
ابدأ فورا فى مكافحة كل صور الفساد والتسيب
والشعب معك .
وإلا لا تلومن الا نفسك .

النيل الخالد · **مرسل:** الثلاثاء يونيو 10, 2014 10:53 pm

النيل الخالد كتب:

واللى بجد يغيث هؤلاء المراقبين اللى بيراقبوا
كيف سمحوا بدخول الموبايل أثناء الإمتحان وأين التفتيش قبل دخول الإمتحان
لابد من عقاب رادع لهؤلاء لا أقل من الحرمان من التدريس لمدة
عام عالى الأقل عقابا لهم على إسهامهم فى تسريب الإمتحان وتشجيع الطلبة على الغش
ليتساوى الجميع فى النهاية من جد وتعب ومن لعب ونام؟؟؟؟
أين أنت يا وزير التعليم¡¡¡

يظهر يا جماعة وزير التعليم قرأ المشاركة :lol:

لأ وفية أشاعة قوية كمان إن السؤال اللى أشتكى منه الطلا ب سوف توزع درجته على باقى الأمتحان
وزير التعليم: استبعاد مراقبين ساعدوا الطلاب فى الغش عن طريق الموبايل

الثلاثاء، 10 يونيو 2014 - 23:03الدكتور محمود أبوالنصر وزير التربية والتعليم كتب علاء عصام أكد محمود أبوالنصر وزير التربية والتعليم، أن غرفة عمليات الوزارة ضبطت 11 طالبا قاموا بالغش من الموبيلات، بمساعدة الملاحظين، لافتا إلى أن الوزارة استبعدت هؤلاء الملاحظين وجار محاسبتهم.وأضاف أبوالنصر خلال مداخلة ببرنامج العاشرة مساء الذى يذاع على قناة دريم 2، أنهم ضبطوا 50 طالبا بحوزتهم موبيلات داخل اللجان بالدقهلية، موضحا أن الوزارة وفرت أجهزة لكشف الموبيلات، لافتاً إلى أن غرفة عمليات الوزارة بها موظفون من وزارة الداخلية ووزارة التربية والتعليم .
جزاكم الله خيرا دكتور حامد الديب وأختى خلف الظلال
http://www1.youm7.com/News.asp?NewsID=1717542

النيل الخالد · **مرسل:** الثلاثاء يونيو 10, 2014 11:12 pm

شكرا لحضرتك المستشار أبو بكر
والله صدقت
والرئس السيسى سوف يفعل بإذن الله كل ما يفيد البلاد والعباد
وشخصيته العسكريه تجعله من أكبر المؤهلين فى محاربة المفسدين والفساد
جزاك الله خيرا

ابوبكر٢ · **مرسل:** الثلاثاء يونيو 10, 2014 11:46 pm

الشكر موصول لحضرتك سيدتى الكريمة
كلنا يحب السيد الرئيس ويخاف عليه
خاصة ان المتآمرين والمتربصين كثر
ولا نريد ان يمضى الوقت ومصر على ما هى عليه
نحن بحاجة الى مائة ثورة .. فى الدين والأخلاق والعمل والتعليم والصحة
ووووووووو
اللهم اصلحنا بك لك
اللهم احفظ صاحب مصر وأيده بنجباء أهلها
وافتح على يديه خزائن مصر كما فتحت له قلوب أهلها .

النيل الخالد · **مرسل:** الثلاثاء يونيو 10, 2014 11:51 pm

اللهم أمين اللهم امين

حامد الديب · **مرسل:** الأربعاء يونيو 11, 2014 1:23 am

الشكر موصول للاخت الكريمه / النيل الخالد

هل رايت الخبر ده ؟؟

النيل الخالد · **مرسل:** الأربعاء يونيو 11, 2014 10:59 am

شكرا لك دكتور حامد
اول مرة أشوف الفيديو لما حضرتك نزلته
بس بنتى قالتلى مقتطفات بسيطة منه نزلة على الفيسبوك
فى صفحة أسمها شاتو بينج تقريبا
جزاك الله خيرا وربنا مع أولادنا يوفقهم ويأخذ بأيديهم امين

حامد الديب · **مرسل:** الأربعاء يونيو 11, 2014 12:45 pm

لاشكر على واجب
بارك الله فيكى
ونؤمن على مادعوت
اللهم امين

المداح الرفاعي · **مرسل:** الأربعاء يونيو 11, 2014 4:14 pm

الأزهر يقرر إعادة امتحان مادة الميكانيكا للثانوية الأزهرية عقب تسريبه

الأربعاء، 11 يونيو 2014 - 11:10
كتب لؤى على

قرَّر الدكتور عباس شومان وكيل الأزهر الشريف إلغاء امتحان مادة الميكانيكا للشهادة الثانوية الأزهرية، وذلك نظرا لتسرب أسئلة الامتحان، على أن يحدد قطاع المعاهد موعدًا لإعادة الامتحان فى ميعاد لاحق، وبتشديد الرقابة على مراكز التوزيع فى باقى الامتحانات.

كما قرر وكيل الأزهر الشريف، إجراء تحقيق عاجل وفورى فى واقعة تسريب الامتحان ومعاقبة مَن تثبت مسئوليَّته عن التسريب أيًّا كان موقعه.
http://www1.youm7.com/News.asp?NewsID=1 ... 5hjqjcU_IU

حامد الديب · **مرسل:** السبت يونيو 14, 2014 8:14 pm

«التعليم» تتهم الإخوان بتسريب امتحانات الثانوية العامة

اتهم محمد سعد - رئيس قطاع التعليم العام - عناصر إخوانية بتسريب امتحانات الثانوية العامة لهذا العام بطريقة ممنهجة للغاية.

وأوضح سعد - خلال مداخلة هاتفية ببرنامج «الساعة السابعة»، المذاع على فضائية «سي بي سي إكسترا»، تقديم الإعلامي عمرو خليل - أنه تم التأكد من ذلك من شعارات «رابعة» المستخدمة في الحسابات الإليكترونية لمسربي الامتحانات.

وقال سعد: "نحن أمام حرب إليكترونية مع جماعة الإخوان، المتهم الأساسي بتسريب الامتحانات".

http://www.vetogate.com/1067886

المهاجرة · **مرسل:** السبت يونيو 21, 2014 5:43 am

أختى النيل الخالد

ربنا يكرم بناتنا فى الإمتحانات السنة دى ويعدّيها على خير

أنا بنتى برضوا فى الثانوية السنة دى ومنهارة من الإمتحانات

ونفس الكلمة من إنها تذاكر وتراجع المادة قبل الإمتحان مرة واتنين

وبعدين تلاقى الإمتحان متسرب وناس عارفينه أو غشينه

ده الى جانب صعوبة الإمتحانات حتى المواد الغير مضافة للمجموع

واسلوب اللف والدوران فى الأسئلة وطول الإمتحان

بجد السنة دى فى حاجة مش مظبوطة

والحال ده فى كل الإمتحانات

أكيد الإخوان لهم دخل

ربنا يسترها بفضله وكرمه معاهم ويجبر بخاطرهم

ورنا يكرمهم بمدد سيدنا النبى صلى الله عله وآله وسلم يارب

موقع د. محمود صبيح

فضيحة تسريب امتحانات الثانوية العامة

الموجودون الآن