هدية إلى سيدى الدكتور محمود صبيح

النيل الخالد · **مرسل:** السبت مايو 10, 2014 2:07 pm

وكان زمان
وكان زمان عبد لله يحب آل البيت
ويروح عند الست يعقد على الأرض يبكى وينوح
ويشتكى من هنا لحدميروح
ويقولها والله مانا ماشى والله مانا ماشى
إلا لما تقوليلى أمتى حتتفرج وافرح
ويقعد حتى لو طال بيه القعاد لساعات
ولا يقف بكاءه ولا يمل من القعاد
ولما يسمع صوت وتجيله بشرايه
والله ياأم هاشم لإيدلك شمعية
ويزعق مدد مدد مدد يآل البيت
وفى الحسين يدعى ويدعى ويتمتم
بجاه الحسين شئ لله يا مهون
وبرضه نفس القعدة يقعدها
والله مانا ماشى إلا لما أنولها
أشوف ضى كدة يظهر لى
أوصوت اسمعه يبشرنى
وتيجى البشارة من آل الكرام
من حلوتها تبهتنى تحرمنى المنام
وفى السيد البدوى والله أنا دوبت خلاص
وقلت نفس القولة والله مانا ماشى
حقعدهنا حارس مع الحراس
وإن مفكوش كربى طب أروح لمين يا ناس
وتيجى البشارة وتتفتح الحجرة
أشوف فيها حاجاته والمسها وأبوسها
وأبكى على نفسى والله مستاهل
لولا نظرولى وجبروا الخاطر
انا ضايع ضايع لولا محبة الرحمن
واللى فيها تهت ومعرفتش نفسى
وانا واقف عند الروضة فاقد حسى
ودموعى نازلة مش عارف أحوشها
وقلبى نقصله دقة ويتخلع منى
آه آه آه أقولها لآخر عمرى
والله ياحبيبى ميتشبع منك
ويروح عمرى كله وافضل جنبك
مش عارف أقول إية ولا إية لحبايبى
حساس بالأمان طول ماهوما جنبى
ولما أقصر أكلمهم من بعيد
أكنى عندهم شيفهم من ورا الحديد
وبرضوا أبكى وأقول والله مانا ساكت
إلا لما أحس بسكينة على قلبى فاتت
بحبكم ودة عشمى فيكم
يارب ترضينى بحبى ليكم
ودة حكايه عبدلله من أيام زمان بيحب آل البيت

سكينة · **مرسل:** السبت مايو 10, 2014 4:09 pm

ربنا بكرمك ويبخته العبد لله بحب حضرة النبي وال بيت النبي
هو احنا لينا غيرهم
مددددددد يال البيت مدددددددد

فراج يعقوب · **مرسل:** السبت مايو 10, 2014 5:02 pm

يا اللـــــــــــــــــــــــــــــــه
أجريت الدموع يا عبد الله
والله يكرمك يا أمة الله
جزاك الله خيرا
وصلى الله على سيدنا محمد وآله وسلم

النيل الخالد · **مرسل:** السبت مايو 10, 2014 11:37 pm

الله يكرمك شيخى الفاضل الشيخ فراج يعقوب
ويباركلنا فى عمرك اللهم أمين
شكرا على مرورك العطر وجزاك الله خيرا
وشكرا لك أختى سكينة
بارك الله فيكى

خلف الظلال · **مرسل:** الأحد مايو 11, 2014 12:33 pm

ونعم السادة سادتنا آل البيت
ونعم العبد الملازم لهم بقلبه وروحه وجسده
عن بابكم لن نبرح لأننا بغيركم لا نفرح
اللهم لا تحرمنا يارب
سلمت يداكي ولسانك يا النيل الخالد وسلمتي وأهلك ومن تحبين يارب

Akram300 · **مرسل:** الأحد مايو 11, 2014 1:51 pm

النيل الخالد كتب:

وكان زمان عبد لله يحب آل البيت
ويروح عند الست يعقد على الأرض يبكى وينوح
ويشتكى من هنا لحدميروح
ويقولها والله مانا ماشى والله مانا ماشى
إلا لما تقوليلى أمتى حتتفرج وافرح
ويقعد حتى لو طال بيه القعاد لساعات
ولا يقف بكاءه ولا يمل من القعاد
ولما يسمع صوت وتجيله بشرايه
والله ياأم هاشم لإيدلك شمعية

والله لا أبرح حتى تصلحوا عوجي وتكملوا نقصي وتفرجوا همي
مدد يا ستنا السيدة الرئيسة المشيرة الكريمة ستنا زينب قرة كل عين
شكرا على النفحة الطيبة أختنا الفاضلة النيل لخالد
اللهم صل على سيدنا رسول الله صلى الله عليه وسلم وآل بيته الأطهار وصحبه الكرام وسلم تسليما كثيرا

النيل الخالد · **مرسل:** الأحد مايو 11, 2014 2:46 pm

أشكرك أختى خلف الظلال
على مرورك ودعاءك ولكى بمثل وزيادة
أكرمك الله
وشكرا للأخ الفاضل أكرم300
جزاك الله خيرا وأفاض عليك من رحماته وبركاته أمين

msobieh · **مرسل:** الأحد مايو 11, 2014 3:27 pm

هدية مقبولة

منفوحة

مجبورة

Akram300 · **مرسل:** الأحد مايو 11, 2014 3:34 pm

النيل الخالد كتب:

أشكرك أختى خلف الظلال
على مرورك ودعاءك ولكى بمثل وزيادة
أكرمك الله
وشكرا للأخ الفاضل أكرم300
جزاك الله خيرا وأفاض عليك من رحماته وبركاته أمين

اللهم آمين أختنا الفاضلة الكريمة والقارئين من هذا المنتدى المبارك وأحباب آل بيت المصطفى جميعا صلى الله على سيدنا محمد صاحب لواء الحمد الأسمى حشرنا الله تحت لوائه وكنفه

موقع د. محمود صبيح

هدية إلى سيدى الدكتور محمود صبيح

الموجودون الآن