اشترك في: الخميس فبراير 26, 2004 3:38 pm مشاركات: 1446
|
بسم الله , والحمد لله , والصلاة والسلام على سيدنا ومولانا رسول الله وآله ومن والاه ... وبعد
قرار وزارة الأوقاف بإقامة صلاة الجمعة فى المساجد الجامعة الكبيرة فقط .. وإغلاق الزوايا الصغيرة ... جاء ضربة قوية .. للخوارج ... لماذا ؟؟؟ سأحكى وأقول بعد الصلاة والسلام على سيدنا النبى خير رسول :
علشان نفهم الحكاية .. والمسألة مضبوط .. نرجع لأمرين رئيسيين :
الأول : معنى الدولة .. وكيف يراها الخوارج .
والثانى : طبيعة فكر الخوارج .. ونفسيتهم .
أما عن معنى الدولة .. وقيمتها فى النفوس .. واحترامها .. فأقول لحضراتكم .. الخوارج لا يعرفون .. ولا يؤمنون أصلا بمفهوم الدولة ... لذلك .. تجدهم يرددون العبارات الآتية :
1- يا أخى .. الإسلام دين عالمى .. لا يعرف الإقليمية .. " طبعا كلمة حق يراد بها باطل .. دا لو كانت حق " .
2- مفيش يا أخى حاجة اسمها " حب الوطن من الإيمان " دى كلها أحاديث موضوعة .. واحذرها يا أخى .. علشان كلمة " الوطن " .. من مصطلحات العروبة الباطلة الفاجرة ..الـ ..... الـ ... حاجات كتيرة .. كلها شتايم فى الآخر .
3- اوعى يا أخى تقوم تقف عند رفع علم بلدك .. أو تقول " بلادى بلادى لكى حبى وفؤادى " .. علشان دى كلها وثنية .. يعنى ايه تقوم تقف لخشبة .. متعلق عليها حتة قماشة .. سبحانك .. هذا بهتان عظيم . ( يا ولاد اللذين ... يعنى علم مصر كخة .. ووثنية .. وعلم القاعدة .. حلو .. وفلة .. ودين صحيح ) ؟؟!!!
4- اوعى تطبق أى قوانين تصدرها البلد .. عارف ليه يا أخى ؟؟ .. أيوه .. برافو عليك .. لأ .. مش ماشية برافو عليك دى مع الإخوة .. خليها ( بارك الله فيك يا أخى .. فتح الله عليك يا مولانا )
أى نعم ... لأنها قوانين وضعية من صنع البشر .. ولا حول ولا قوة إلا بالله العلى العظيم .. .. وطبعا الأدلة جاهزة ... " ومن لم يحكم بما أنزل الله .. فأولئك هم الكافرون .. والظالمون .. والفاسقون " .. تمام يا ريس
تقول له : يا عم الحاج .. دى إشارة مرور .. وتراخيص محلات .. ومصالح الخلق .. وعرف محترم .. واتفاقات مجتمعية .. تدخل تحت " وتعاونوا على البر والتقوى " وما رآه المسلمون حسنات فهو عند الله حسن .. وسددوا وقاربوا .. ومن دا كتير بفضل الله .. لكن تقول لمييييين .
إذن .. يا أحباب .. دا فهم الدولة عند الإخوة الخوارج .
ويتبع حالا .. بإذن الله
|
|