رابعة مش اشاره
و مش حارة
ومش ميدان ..
لأه..
ديه حالة و خط فاصل
بين العقل و بين التوهان
بين جندي ع الحدود شجاع
و (فار) م المجاري هربان
*
رابعة دي أمي الحزينة
رافعة للمولى ايديها
تشكي حالي و حالها
و تبكي
و هي بتطمني عليها
*
رابعة ده جاري المسيحي
كبرنا مع بعض يلاقونا
في الجامع يجري و يلاعبني
و ف الكنيسة
يخبيني ابونا
*
رابعة مش خطبة تكفير
و لا زعيق و لا جعير
رابعة ده صوت رباني
ع الأخلاق رباني
*
رابعة زرعة زرعناها
ليل من بعد نهار
مش حرقة و ولعة
يا كلاب النار
*
رابعة
أول صفحة قرآن حفظتها
أول ركعة تراويح تعبت فيها
مش خيمة و دشمة
و سترة
الله اعلم باللي عايش تحتيها
*
رابعة م الآخر كانت نِدا
من رب العباد
(مقصود)
لكل حاسد حقير حقود
قطري باكستاني
(حجازي )
أو م الأفغان
أو فلسطيني عميل
تاجر بوطنه خوّان
رابعة لمت بإيديها
كل خسيس ناقص رجولة
جبان
و داست عليه برجليها
*
رابعة
ست الزهاد و الولاية
حكايتها في الحب و العشق حكاية
رابعة شاهدة على خيبتكم
و من كرامتها
قامت عندها قيامتكم