|
بسم الله والصلاة والسلام على رسول الله سيدنا محمد وعلى اله وصحبه والتابعين وتابعى التابعين لهم باحسان الى يوم الدين
اما بعد ...
ثقافة الاختلاف... دعوة للنقاش
موضوع اريد التحدث فيه منذ فترة ولكن كنت اتردد
الى ان دفعنى مشاركة احد الافاضل الى فتح الموضوع ثقافة الاختلاف... دعوة للنقاش
اولا لست متخصص بمثل هذه المجالات كى اتحدث بأكاديمية ولا اتكلم بلسان علم
ولكن فقط مناقشة-رأى-فكر شخصى-كلام حاسه ونابع من القلب يحتمل الصواب ويحتمل الخطأ
وارجو من جميع الاحباب المشاركة.
بالنسبة لى اتحسس الطريق ابحث عن الصواب والحق اشهد ان لا اله الا الله وان سيدنا محمد رسول الله صل الله عليه واله وسلم.
اغلب المسلمين يشهدو ان لا اله الا الله وان سيدنا محمد رسول الله ولكن كل واحد يتصرف بأسلوب مختلف له ومعتقداته واولوياته
يبقى واجب عليك (لو اردت النجاة) تحاول تعرف الحق مع مين تقرا تسمع تتناقش تتعلم لكى تصل الى الحق (ارجو من الله ورسوله الوصول الى الحق وان اكون مع الحق وان يحشرنى مع اهل الحق رسول الله صل الله عليه واله وسلم واهل بيته وصحابته وتابعيه وتابعى تابعيه بأحسان الى يوم الدين).
لاحظت كثيرا ان اغلب المناقشاتدينيه او علمية او رياضية او سياسية او ...... او ...... او ...... تنتهى اما بخناقة او بقطيعة
بصراحة احنا مش عارفين نتكلم مع بعض نتناقش مع بعض نحب بعض
من وجهة نظرى السبب ان كل طرف بيتكلم على انه الصح المطلق ومفيش صح غيره ولو الطرف التانى ما اقتنعش وسمع الكلام وصدق عليه يبقى يع - مختلف - غبى - مش فاهم حاجة - جاهل - واحيانا كافر (كل واحد يقيس على نفسه كام مرة ظن فى اللى قدامه كدة ويشوف استخدم اى تعبير)
مثلا: اللى بيدخل مثلا موقع فكره ومنهجه يتبع ساداتنا الصوفية وتلاقيه يقول اراء سلفية او اخوانية ويصر ويتشبس برأيه وقافل ودانه ومبيحترمش اراء الاخرين ومش عاوز يتعلم.
طب سيادتك داخل ليه اصلا طالما حضرتك لاتملك ثقافة الاختلاف.
وتلاقى الطرف التانى(لو كان يتحسس الطريق وغير اهل ان يتكلم بلسان العالم ) يمسكه يسلخه وازاى تقول كدة وهاتك يا طحن
والنتيجة طرف اول يقولك الغى عضويتى و طرف تانى يقولك المركب اللى تودى
طرف اول حرم نفسه ونسى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ. [الحجرات:13]
طرف تانى نسى فَبِمَا رَحْمَةٍ مِنَ اللَّهِ لِنْتَ لَهُمْ وَلَوْ كُنْتَ فَظًّا غَلِيظَ الْقَلْبِ لانْفَضُّوا مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الأَمْرِ فَإِذَا عَزَمْتَ فَتَوَكَّلْ عَلَى اللَّهِ إِنَّ اللَّهَ يُحِبُّ الْمُتَوَكِّلِينَ [آل عمران:159]
الموضوع كبير وبحاجة لمشاركة كل الاحباب الافاضل بلا استثناء ( ولو بأبداء رأى لتعم الفائدة) .
كيف نختلف.؟ متى نختلف .؟ كيف نحافظ على ادب الحوار.؟ كيف نحافظ على المودة والرحمة بيننا اى كانت النتائج .؟
متى اتجنب النقاش.؟ ومع من اتجنب النقاش.؟ وبأى الموضوعات اتكلم.؟ وهل مسموح لأى شخص عادى التكلم بغرض التعلم فى اى موضوع.؟
_________________
ومَـن تَكُـن برسـولِ اللهِ نُصرَتُـهُ *** اِن تَلْقَـهُ الأُسْـدُ فــي آجامِـهَـا تَـجِـمِ
|
المنتدى
التسجيل
الأسئلة المتكررة
بحث
