موقع د. محمود صبيح

بسم الله و الحمد لله و الصلاة و السلام على سيدنا مولانا رسول الله صلى الله عليه و آله و صحبه و من والاه

هذه تجربة مع علوم التنمية البشرية دخلت فيها و حبيت أتشاركها مع حضراتكم
لعل يكون فيها اى فايدة من اى نوع و الله أعلم
و لو مافيهاش مش مشكلة برده

كنت من أكثر من 7 سينين بدأت ادخل فى موضوع التنمية البشرية

جبت كتب ابراهيم الفقى و شفت حلقات ليه و سمعت له شرائط
و ايضا صلاح الراشد و كنت متابع اصدارتهم و عرفت مقرهم و مركز الراشد اللى كان الموزع الوحيد ساعتها لكتب المذكرورين سابقا
بس كان يعجبنى كلام ابراهيم الفقى اكثر و كنت باتبعه قبل ما يطلع على الفضائيات اساسا و بعد اما طلع برده دائما و حاولت أحط كلامه "فى الفعل" على حد تعبيره

بس كنت كل شوية ببعد عن السكة دى, مش عارف ليه

المهم الكلام جميل , الكلام سلس, بالنسبة لى تحقيقه ليس كذلك,

القوانين اللى حاطينها مش عارف جايبنها منين, بس مش ماشية مع طبيعتى


المهم لم اكتف بكتبهم و دخلت فى كتب المؤلفين الأجانب نفسهم و كتب من نوعية “SOCIAL INTERACTIONS”

بعد قراءتى لكتاب كيف مش عارف تكسب صديق فى 5 دقائق و كيف مش عارف تنال حب من امامك فى 6 خطوات و الكلام ده


فى اخر تلك القراءات وجدت أنى لو مشيت على كلامهم سأتحول الى شخصية عديمة الشخصية

كل اما حد يسيء ليا احول الطاقة السلبية الى ايجابية

كل اما واحد ييجى يدينى بالشلوت , ابص له و ابتسم و احول طاقة الشلوت لطاقة ايجابية تدينى دفعة للأمام

لو فيه باطل امامى حاضطر لغض الطرف عنه جزئيا حتى لا اخسر من أمامى , و ابقى اصلح الأمر بعدين
"و بعدين" دى عمرها ما تيجى و كل سنة و انا طيب, و الباطل كسب منى جولة

استغربت و بصيت فى كتاب تلك الكتب وجدتهم "يهود" و الله أعلم , اسماميهم اسامى يهود

قلت فى نفسى يا اما هما بيتكلموا من منطلق يخلوا الإنسان يدمر نفسيا أكتر و أكتر, يخلوه يحتقر نفسه , و يكون ضمن منظومة الدجال فى تحطيم كل بنى آدم نفسيا و روحيا و صحيا و جسديا

يا إما من منطلق ذواتهم و دواخلهم اللى ربنا قال عليها " و ضربت عليهم الذلة و المسكنة"

بعد كده شفت انه الناس بتوع التنمية البشرية مثار سخرية دائما فى الأفلام الأمريكية
و بيتريقوا عليهم,
مرة فى فيلم بيتريقوا على واحد زوجته بتخونه , و هو عمال بيطبق معاها اساليب التنمية البشرية و يشوف الحاجة اللى تجمعهم و متفرقمهش و يحاول يعدى على مشاعره السلبية الى آخره (نسأل الله العفو و العافية)

يتبع ان شاء المولى عز و جل

_________________
ومن دخل حصن النبي صلى الله عليه وآله وسلم لا يضام

دخلت فى نوعية اخرى من الكتب اللى هى "لغة الجسد"

"لغة الجسد" اللى هى ازاى تفهم اللى قدامك بيفكر فى ايه و عايز ايه من طريقة حركته و وقفته و حركات وجهه
عجبتنى و حاولت استخدمها و اتعامل بيها

المهم لقيت ان مش انا وحدى اللى بفهم اللغة دى, لأ ده فيه ناس بتعرفها و تتقنها اكثر منى بكثييييير و اكتر من الكتب بكتير

الناس دى اللى هما ولاد السوق, و الناس اللى لفت كتير و الناس اللى ليها فى المخدرات, و طايفة المقاولين و المعمار, و ...

الناس اللى ليها احتكاك بالبشر , من كتر الخبرة بتبقى عندهم قوة ملاحظة و يقدر يفهم اللى قدامه من نظرة و من كلمة و يفهم تفكيره رايح فين و ناوى على ايه


بالعكس وجدت ان الكتب دى كانت بتحصر فكرى فى اللى مذكور فى الكتاب , لو اتعملت مجموعة من الحركات مش موجودة فى الكتاب مفهماش و يحصل عندى تضارب, , اكيد , ما هى بره المنهج

زعلت و قلت انا ايه اللى مخلينى اتخبط مع علوم الله اعلم بيها و باللى واضعها

مع ان العلوم دى بتدرس فى المخابرات باسلوب اعلى بكثير

بس ييجى ايه أكتر واحد متدرب فى العالم مع طفل من سادتنا آل البيت له من البصيرة ما يعجز العقل عن استوعابه او تخيله


زعلت أكتر و أكتر و أكتر و أكتر , اما كنت قاعد مع واحد من أهل الله الممكنين و بدأت قوانين لغة الجسد الشيطان يبثها فى دماغى قال يعنى عشان اطبقها على أهل الله و خاصته (حاشا لله و العياذ بالله من نفسى و من شر الشيطان و نفخه و نفثه )

أهل الله اللى لا يعلم سرهم إلا الله

اللى هما فى حضرة الله و رسوله اللهم صل عيله

اللى هما مكشوف لهم مشارق الأرض و مغاربها بل الملكوت بأسره,

اللى هما أهل التصريف,

اللى بيديروا شئون و بيتصرفوا فى شئون الله بها عليم

اللى هما يقوموا ب100 الف حاجة فى لا زمن

زعلت و حزنت و اسأل الله انه ينجينى و يسامحنى و يعافينى و يعفو عنى و يطهرنى ان شاء الله, و أملى فيك يا رب كبير

يتبع ان شاء الله

_________________
ومن دخل حصن النبي صلى الله عليه وآله وسلم لا يضام

دخلت أيضا فى علوم مش هينفع اتكلم عليها, أشهر واحد بيتكلم فيها اسمه "ديفيد"

العلوم دى محصلتها ان الإنسان يفضل يلهث و يجرى لحد اما يموت عشان يحقق اللى فى الكتاب

يعنى الواحد بدل أما يبدأ ينتبه لربنا لأ يفضل يلهث ورا سراب, و يكون العمر عدا و لا حول ولا قوة إلا بالله

و فيه فى تلك العلوم أبواب منفدة على MEDETATION و علوم الطاقة
و فيه ناس هنا فى المنتدى يفهموا فيها اكتر منى بكتير و عارفين العلوم دى آخرتها ايه


خلاصة الرغى الكتير ده:

-ان العلوم دى زى الفزدقة, الدجال رمالنا القشرة و احتفظ هو بالثمرة

-ان وقفة عند حضرة النبى فى روضته الشريفة
أو عند سيدنا الحسين فى حضن سيدنا الحسين أو ستنا زينب أو أى حد من سادتنا أبرك لك من مليون سنة دراسة و تعلم فى علوم التنمية البشرية اللى الله أعلم مين حاطط قواعدها و منبعها منين

-تقيبل أعتاب سادتنا نعمة ما بعدها نعمة

-لو عايز خير الدنيا و الآخرة
روح لحضرة النبى (اللهم صل عليه و آله) و قول:

يا إمام الرسل يا سندى

أنت باب الله و معتمدى

فى دنياى و آخرتى

يا رسول الله خذ بيدى

أنت سر الكون سيده

روحه مولاه أوحده

عبدكم مدت لكم يده

مددا يا صاحب المدد


و روح لستنا أم العواجز و قولها :

أنا ضيف زينب بنت بنت محمد

و الضيف من عاداته الإكرام

إنى التجأت إلى حماك على هدى

و من إلتجأ لحماك كيف يضام


و روح لسادتنا و قول لهم:

كملونا كلنا نقص و عيب

إنه بكم كمال الكاملين


-إن الصلاة على سيدنا النبى اللهم صل عليه شيخ من لا شيخ له


اسأل الله أن يتعطف و يتكرم و يتحنن و يجود و يأذن و يشاء أن يجعلنا من أهل التربية المحمدية , اللهم آمين آمين آمين آمين يا رب العالمين

و صلى الله على سيدنا محمد و على آله و صحبه و سلم

_________________
ومن دخل حصن النبي صلى الله عليه وآله وسلم لا يضام

تجربة حضرتك في منتهى الأهمية على الأقل بالنسبة لي
استفدت منها كتير وهزّت فيّ حاجات
ربنا يحفظني ويحفظك ويزيدك محبة وأدبا وشوقا وطاعة للسادة الكرام الطيبين الطاهرين
وجزاكم الله خيرا

ويا إمام الرسل يا سندى

أنت باب الله و معتمدى

فى دنياى و آخرتى

يا رسول الله خذ بيدى

أنت سر الكون سيده

روحه مولاه أوحده

عبدكم مدت لكم يده

مددا يا صاحب المدد

نرجوكِ يا بنت المُطهَّر نظرة .. منها يزول عن العليلِ سقامُ

محب مولانا الحسين حتما ولابد لازم يكتب ما تقر به العين
جزاك الله خيرا
وصلى الله على سيدنا محمد وآله وسلم

_________________
صلوات الله تعالى تترى دوما تتوالى ترضي طه والآلا مع صحب رسول الله

اخي محب مولانا الامام الحسين
السلام عليكم ورحمة الله تعالى وبركاته
اسمح لي يااخي ان اختلف معك في رؤيتك لهذه العلوم فانك نظرت اليها من تصور انها علوم الدجال وبدأت تجربها على انها كذلك والنتيجة الضيق وعدم الرغبة فيها وكما قالوا قديما الحكم فرع من تصوره
هذه العلوم يااخي هي في الاساس من علوم اهل الله اليهود اخذوها وطوروها ونشروها بما يتوافق مع افكارهم ومبادئهم
وكل جزء في هذا العلم تراه كان مطبقا قديما ولكن بطريقة وبصورة مختلفة
مثلا هناك مايعرف بمولد السلوك وهو ليه كذا صورة منها انك لو عاوز تتخلص من عادة سلبية بتبتدي تتخيل نفسك وانت مستمر في العادة تبدأ تتخيل نفسك وانت مستمر في عادتك وتشوف المشاكل اللي بتحصلك بسببها وتعيش الالم الناتج عن استمرارك فيها وتبدأ تربط العادة دية بالالم طاب وبعدين تخرج من الحالة دية بخطوات محددة وتبدأ تدخل في تخيل تاني بس وانت متخلص من هذه العادة وبدأت تكتسب العادة الايجابية المضادة للسلبية وتشوف نفسك وانت بيها وتشوف الفوائد اللي هاتجيلك منها وتربطها بالمعنى والسعادة والمتعة
لما تقرأ كتاب التوهم للامام المحاسبي وباقي كتبه تجده بيستخدمم نفس الطريقة بس العادة السلبية عنده هي المعصية والالم عذاب جهنم والعادة الايجابية هي الطاعة والمتعة نعيم الجنة وكان بيجعل مريديه بيغمضوا عينهم ويتخيلوا مشاهد الاخرة ويربطها بالاوامر والنواهي فيترسخ في العقل الباطن المعنى المطلوب وينشأ في القلب العلم بسطوات الحق والرغبة والرهبة منه سبحانه تدفع للطاعة وتحجز عن المعصية
مثال اخرهناك يااخي مايعرف بالخيال الخلاق او التصور الابداعي وهي رياضة ذهنية بيصل فيها الممارس ليها لمرحلة ذهنية تعرف بالالفا عندها بيكون الشخص قادر على الابداع والرؤية بصورة افضل للمواضيع والاحداث وبالتالي اتخاذ القرار بيكون افضل واحسن وفيها استراتجيات كتيرة جدا الرياضيون العالميون والساسة الكبار والقادة في العالم كله بيستخدموه بس في كل دولة ليها استراتجيتها الخاصة يعني مثلا في اليابان بيفضلوا استراتجية تعرف بالاوتو جينك وهي استراتجية كوب الماء ممكن تقول عليه علوم الدجال بس فيه نظرة تانية بتقول انه علم لازم المفتي يدرسه
تصدق بكدة
ده كلام قاله فضيلة الامام العلامة الدكتور علي جمعة في كتابه البيان الجزء الثاني في شروط المفتي
الشرط الثامن
جودة القريحة وهي حسن تصور المسألة
وقال فضيلته بعد شرحها ان هذا المعنى يقابله في العلوم الحديثة الخيال الخلاق او التصور الابداعي وليه خطوات تجعل الانسان قادر على حسن التصور واوصى بضرورة تدريسه في الكليات والمعاهد الشرعية ونقل عن الائمة ضرورة توفر صفة جودة القريحة وقالوا انه لاتصلح فتيا الغبي
فضيلة الدكتور علي جمعة وهو صوفي ولي مطلع وجد ان علوم التنمية والادارة من العلوم الهامة واللي لازم ناخد بيها وماقالش انها من علوم الدجال
وفيه امثلة كتير على كدة
طاب هو انا عاوز اقول ايه من كلامي دوة
مش كل علم حديث انتجه عقل غير مسلم يكون شر او من علوم الدجال
ممكن ناخده ونقول بضاعتنا ردت الينا
بس لو غيرنا نظرتنا ليها وغيرنا تركيزنا ونفس الكلام في علوم الطاقة والتأمل وغيرها كلها في الاصل من علوم اهل الله نستفيد من اللي وصل اليه اليهود ونطور فيه اما ان احنا نحكم على علوم كاملة بانها من علوم الدجال ونسسيبها ونقول في علوم اهل الله غنى وهي اصلا من علوم اهل الله يعنني اسيب الموبايل واقول في كشف اهل الله غنى انا هاكلم اصحابي بالكشف او اسيب النت لانها شبكة الدجال لانك لازم علشان تخش في اي مكان في النت لازم تكتبwww وده رمز الدجال يعني علشان اخش موقع فضيلة الدكتور المحمود لازم اكتب رمز الدجال ولو ماكتبتش هو هايكتب لوحده يعني كدة كدة كلنا على تصورك بنستعين بالدجال
طاب ده يفيد مين
اكيد الدجال لانه عاوزنا نفضل دايما بعيد وورا خاااااااااااالص
ارجوا اني اكون وضحت فكرتي
وجزاكم الله خيرا

_________________
اللهم صل وسلم وبارك على سيدنا محمد وعلى آل سيدنا محمد قد ضاقت حيلتي ادركني اغثني يا رسول الله

الساده الافاضل رجاءا اسمحوا لى ان ادلى بدلوى فى هذا الموضوع من يومين اهدى لى احد الشخاص كتاب اسمه السر لسيده تدعى روندا بايرن الكتب يقول ولقد شرعت فى قرائته وان لم انهيه الى الان الكتاب يتحدث عن قوى جذب الافكار ويقول ان ما نفكر فيه هو ما نجذبه هذا باختصار ,, الا ان الكتاب له تفسيرات وشروحات كثيره منها طريقه التفكير وكيفيته حتى نحصل على النتائج المطلوبه النهم الكتاب على غرابته فكرته الا انى تأثرت به بسبب انى لى تجارب سابقه مثل هذا ولذلك تذكرت قول سيدنا ورسولنا صلى الله عليه وسلم تفائلوا بالخير تجدوه ,,ولعل سيدنا الدكتور صبيح يفيدنا فى ذلك ..[/size]

الأخ الفاضل المداح الرفاعى و الأخ الفاضل فراج يعقوب

ربنا يجبر بخاطركم, دايما كده رافعين من روحى المعنوية

الفاضل المصرى

لم أدخل مطلقا فى تلك العلوم و أنا أنظر إليها أنها علوم الدجال, لم يجل هذا الخاطر من أصله بذهنى
هذه تجربة عشتها و توصلت فى آخرها و بعد سينين إلى أن تلك العلوم قشرة فزدقة رماهلنا الدجال

ممكن الواحد تعجبه ريحة القشرة, و يبدأ يدور على اللوزة, ساعتها هيفوق و هو فى حضن الدجال


موضوع الإمام المحاسبى, حتى و إن كان اسقاطك له صحيحا, إلا أنه هناك شيخ هو الإمام المحاسبى و هناك مريدين

أى هناك توجيه و إرشاد و مدد و متلقى للمدد

و لكن تلك العلوم الموجودة الآن , ما منبعها و من أين يأتى مدد من درسوها و يدرسوها

مين اللى درسلهم , و علمهم ايه, و زرع جواهم ايه, و بعتهم للناس بايه؟!


العلوم دى غير العلوم الحديثة المادية اللى تخضع لقوانين العقل

العلوم دى بتشتغل على روحك و دى خطورتها

العلم سلاح , فخلى بالك لا يكون السلاح فاسد , بدل ما يضرب فى عدوك, يضربك فيك انت


انت مش ملاحظ دلوقتى بقى كل من هب و دب العملية مقفلة معاه تلاقيه تانى يوم يا إما بقى

مغنى

مدرب تنمية بشرية

ناشط سياسى

إلخ...


على العموم خض تجربتك و اخبرنا بالنتائج

مع انى مش عارف الوقت هيسعفك ولا لأ


الأخ الفاضل درويش كتاب السر هو كتاب مترجم اسمه "The Secret"

فيه أخ فاضل هنا فى الموقع اسمه "الشاعر" ,و الأخ الفاضل " الحفيد" لهم تجارب مع تلك العلوم

يا ريت لو يحكولنا عنها

و انا عن نفسى مستنى كلامك فى الموضوع ده

و ربنا ينجينا من الفتن ما ظهر منها و ما بطن

_________________
ومن دخل حصن النبي صلى الله عليه وآله وسلم لا يضام

السلام عليكم و رحمة الله

ليس للانسان الا ما سعي

اليس هذه هي نظرية كتاب و فيلم "السر"؟؟؟؟؟

نعم فان الكتاب و الفيلم يقول ان الانسان اذا اراد شيء تتحول الحياة ليجد ما يطلب

بكلمات اخر

ليس للانسان الا ما سعي

لل "المصري"
انت تقول لمحب مولانا الحسين انك تختلف معاه كل الاختلاف فيما قاله

هذا يعني انك لم تستفيد من ما قرائته في التنمية البشرية

لان ببساطه في التنمية البشرية كل انسان علي حق
كل تجربة لها اثارها و صاحبها علي حق فيما يظنه

يعني انت عجبتك التنمية البشرية و اخر يراها لعب عيال

ان من الناسي التي تراها لعب عيال

و انا بفضل الله لي فيها فكر و فهم و اعرف اكثر من ما تتخيل يا استاذ المصري

و اقول لك انها لعب عيال في وجهت نظري

انا لا اقراء كتب فاكتاب حجاب

انا امارس ما اراه لا اقراءه

عندي اصدقاء في مجالات كثيرة

اعرف حد بيطير

بجد بيطير و هو جالس يعمل ميديتيشن

و مع ذلك اراه يلعب بالعب عيال

هل رايت احد يطير من اصحابك في التنمية البشرية؟؟؟؟؟؟

سوف اطرح عليك يا المصري اسئلة

و اعلم اني عندي ردود لكل سؤال سوف اسئله لك

هل تعرف من اين اتت التنمية البشرية ؟؟؟
هل تعلم منذ متي و هي تمارس؟؟؟
هل تعلم انها ماخوذه عن الهنود الحمر و الهنود و سكان امريكا الشمالية و الجنوبية؟؟؟؟

هل تعلم اصولها في الهند و البوذية؟؟؟؟
هل تعلم من هم فرسان معبد الشاولين؟؟؟؟؟

هل سمعت عن مواد ال
lsd
dmt
ioaska
paioty trans
masculin
هل تعرف اتصالهم بالتنمية البشرية؟؟؟؟

في الغربي التنمية البشرية ديه لناس معاقة ذهنيا
بجد و مش هزار

انهم لا يقدروا علي التعامل مع الناس في المجتمع فيحتاجه الي تنمية بشرية ليكونوا مثل الانسان العادي في المجتمعات

يعني هي لمن كان ضعيف اجتماعيا

و قوانينها موجوده عند الانسان العادي و لا يستخدمها الا المعاقيين

و هنا اخذناها و قلنا عليها علوم

هي علوم لتنقذ المعاق زهنيا من اعاقته

اختلفت معي او وافقتني

ان التنمية البشرية مصدرها مصدر كل شيء في العالم الحديث امريكا

هل تعلم من اول انسان طور التنمية البشرية ليدخلها في المدارس و البيوت باسم الميديتيشن؟؟؟؟؟؟

انت تقراء ما يساعد المعاق ذهنيا و تريبد الاستفاده منه

انت ان كنت انسان طبيعي بسيط المفترض ان يكون عندك الاليات هذه بداخلك و لا تريد معرفتها من كتاب او فيلم

فانت ربنا فضلك بعقلك و ذهبت تقراء ما يساعد المعاق ذهنيا علي الحياة

والله انا ممكن اكتب في التنمية البشرية
و مصدرها
و افراد المجتمع الخاص بها

و عمق اصولها و تفكيرها

ممكن اكتب 3 شهور بدون توقف فيها

و والله ما قراءت كتاب واحد فيها

و مع ذلك الموضوع اتفه من ان نقول عليه علوم

و نعم هي دجالية

علوم دجالية يستخدمها الدجال ليسيطر علي ضعاف العقول

معي ما يؤهلني لان اكون استاذ فيها يعلم الناس عنها و اسرارها

و لا اراها الا مذلة لابن ادم انه يؤمن بما اتاه من الغرب و يترك ما اتاه من الله العزيز الحكينم

عقدة الخواجه

المصريب يتكلم عنها و كانها علوم
معني كلمة علوم كبير
ديه مش علوم
ديه استنساخات لما هو حق و تحويله لهبل

انشاء الله اكتب فيها ليري القارىء ان علوم تنمية بشرية

عباره عن علوم تعين المعاق ذهنيا ليكون عنده حياة طبيعية

والله كان في المدرسة في امريكا قسم للمعاقين ذهنية و مساعدتهم و يسمي بالتنمية البشرية


مش مصدق جهل الشارع العربي
اي حاجه تقال له ياخذها و هو يجهل مصدرها و يتكلم عنها و كانها علومه التي اتي بها هو

والله سوف اكتب عن بدايتها و كل ما يتعلق بها ليري من موهوم بها انها لا شيء

فيلم السر

والله لم اتفلاج عليه من تفاهته

و لا اقراء حتي الكتاب من تفاهته

لو ذهبت لمدرسة ابتدائي في امريكا و قلت لهم فيلم السر او كتاب السر

لضحك عليك اطفال المدرسة و اصبحت نكتة المدينة عندهم

سوف اتكلم عنها بعلوم و ليس اقول عنها علوم

في امريكا نسمي من يعمل بها
life coach
اي مدرب الحياة

والله انا و 2 اصدقاء امريكان لسه كنا نقول اننا ممكن نجني المال من وراء هذه
لان الناس محتاجه المساعده و ليس عندهم اليات الحياة في دول العالم الثالث

و انهم ليس علي دراية بما نحن نتكلم فيه فسيكون جمع الناس و الفلوس سهل جدا

و كنا نتكلم علي بساطة عقول البلد التي نحن فيها و كيف يمكننا ان نعمل بما تعلمنا في المدرسة الابتدائية هنا علي اناس عندهم 40 و 50 سنة و 30 كمان

يعني كنا نريد استغلال جهل الناس بهذه العلوم و نعطيها لهم بمقابل المال

يعني لسه كنا بنتكلم عن كيف علوم التنمية البشرية في دول العالم الثالث مجهولة و انهم عندهم بساطة في الفكر و يجهلون كيف يتعاملوا مع المجتمع و عن\دهم فشل بسيط في الاجتماعيات و لذلك ممكن نستغل هذا و نجني المال

هذا فكر شاب امريكي
و الضحية شباب مصري يجهله حقيقة امر ما نعلمهم

اي يجهلوا ان الانسان الطبيعي بالفطرة بداخله كل هذا

و لكن المجتمع يريد ان يتعلم كيف يكون عنده قبول اجتماعي و اجتماعيات

يعني من الاخر هنعلم الناس اذاي تعيش و نقبض ثمن تعليمنا لهم

و طبعا يصعب عليا اني البلد معظمها تجهل كيف تعيش اجتماعيا

يعني كنا هنبيع للناس التنمية البشرية التي تتكلموا عليها بمقابل المال

و بعد شهر من اليوم سوف اعطيك يا "المصري "
عنوان صفحة علي الفيس بوك
لتتعلم التنمية البشرية بمقابل فلوس

بجد مش هزار

سوف ابيع للناس تنمية بشرية لجهلهم بكيف يكونوا اجتماعيين

يتبع ان شاء الله

اخوتي الافاضل
السلام عليكم ورحمة الله تعالى وبركاته
لي تعقيب بسيط على كلامكم
اعلموا يااخوتي ان معظم مافيه العالم من علوم وتطور مأخوذ في الاصل من علوم اهل الله بعد التعديل والتطوير بما يتناسب مع مبادئهم ومعتقداتهم وايضا اهدافهم
ان رأيتها لعب عيال وعلوم دجال فلن تستفيد منه شيئا
وان رأيتها علوم لها اصول صحيحة من عندنا وانه يمكن الاستفادة منها وتطويرها واعادة صياغتها بما يتناسب مع ديننا ومبادئنا فسوف نستفيد منه استفادة كبيرة جدا يعني كل واحد حسب ادراكه وتركيزه وده مبدأ عام في العلوم التنموية ولا ايه
واعلموا ان مجال عملي وهو في الدعاية الطبية يقوم كثيرا على هذه العلوم ونتدرب من خلال شركتنا عليه ونطبقه فعذرا يااخوتي انا اطبق وامارس هذا العلم
اما بخصوص كتاب السر ففيه الكثير والكثير من علوم ساداتنا ولكنهم كما قلت عدلوها بما يتناسب مع مبادئهم واهدافهم ان رأيتها دين الدجال فهي كذلك ولن تستفيد منه وان رأيتها من علوم اهل الله هاتستفيد وتطور فيه
هذه العلوم علوم تجريبية يعني زيها زي باقي العلوم هانقعد نحذر منها ونتائجها بتتكلم عنها وزماننا فيه سمة ظاهرة اوي الا وهي الانجاز والعلم بيطبق في كل المجالات مهما اتكلمتوا لن يسمع منكم بسبب انجازات هذا العلم وفضيلة المفتي طالب بتدريس احد موضوعات هذا العلم في الكليات الشرعية طاب فضيلة المفتي هايطالب بتدريس لعب عيال ودين دجال وحاجة للمعاقين في كليات الشريعة وهو الصوفي الفقيه المطلع صاحب البصيرة والعلم ممكن الله اعلم حيث يجعل رسالته
اما قصة الخوارق وغيرها انا شوفت حاجات اشد من الطيران شوفت حد بيطول ويقصر وبيقلص حجمه شوفتوهاقبل كدة
انا شوفت بس ده ليه علاقة بكلامي
لأ
وبالنسبة لتعريف كلمة علم فانا منتظر مشاركاتكم ومشاركة بن اميرة فيها وربنا يصلح مابينا ويجمعنا على الخير
للعلم يااخوتي اختلافنا في الوسائل واسلوب التفكير ( يعني مش في الاصول والقواعد او حتى في المنهج العام فانا الحمد لله مقتنع تماما بالتصوف وطريق اهل الله وبكل ماورد في كتبهم وخاصة كتب فضيلة الدكتور محمود) و يفضي ان شاء الله دائما الى الخير اتعلم منكم واستفيد واسأل الله ان يكون نصيبكم مني الخير لا الشر كما كان نصيبي منكم الخير لا الشر امين يارب العالمين

_________________
اللهم صل وسلم وبارك على سيدنا محمد وعلى آل سيدنا محمد قد ضاقت حيلتي ادركني اغثني يا رسول الله

ان شاء الله لا نختلف علي قواعد ان كانت ما نص عليه اهل الله

لاكن يصعب عليا واحد مؤمن بالصوفية
ذلك المنبع الزكي
الفضل الاعظم
و الحضن المكرم
ان تترك هذا الفضل العظيم و العلم المتين لتاخذ من الغرب ما حوله الدجال من علوم اسيادنا الي علوم تنمية بشرية

و اختلف معاك تماما في جملة
بعد التعديل
تعديل ايه الله يجازي شيطانك

كين يقدر يعدل علي ساداتنا اصحاب الفضل علينا و علي العالم كله

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بقي الدجال هو اللي هيعدل علوم سادتنا؟؟؟؟؟
قول يسرق
ينهب
الدجال عايزك تاخد منه و لا تاخد من غيره

و لا ان نظرت للعلوم علي انها دجالية لا يمكن الاستفاده منها
و ان نظرت عليها انها مسروقة و اقوم بتعديلها
يعني ائيفها عليا لاستفيد منها

ايه اللفة ديه يا صديقي العزيز
اهل الله بالنظرة و المدد يعطوك ما هو ابرك و اعظم

حرام نترك ما هو اعلي لما هو دوني

مين يصدق؟؟؟
الشيخ علي جمعه بيتكلم عن علوم تنمية مختلفه

و هي علوم الادارة
و العمارة الهندسية المبنية علي اساس معماري

تنمية علوم اجتماعيات

ليس علوم التنمية التي يدرسوها في شركتك ما اقصدها هي

ها ما هي علوم تنمية بشرية

هذه علوم تنمية سوق مستهلك و ممول
موزع و بائع

علاقة تجارية

اتكلم علي علوم اخر

مثل اللي بيكبر و بيصغر

علي فكره

اعرف حد بيكبر وما بيصغرش علشان الصغير صغير و الكبير كبير

اعرف كثير بيكبروا
لان مقامهم لا يطوله احد

صدقني ما رايته شيء في مصر قط

لماذا علشان تركته ما حله لكم الله و جريتم وراء سراب

يعني لما الدجال يخرج علي الناس هل المفروض نهرب للمصر البعدينا و لا نقول ننظر فيما يقول؟؟؟
و نحول ما يعطيه لنا لما يفيدنا؟؟؟؟
ما هو معاه مياه و اكل ممكن شيطانك يقول لك انت خد منه الاكل و الشرب علشان تذكر الله و يعينك علي الحياة الصعبه

ولا احسن تذهب لاهل الله و هم يغذوك بنظرهم و مددهم و كل ما يرواه صح لنا؟؟؟؟؟

مانت الان ان قلت استفيد بعلوم الدجال

يبقي اكنك تقول دعني انظر ما يقول

المفروض تهرب و تجري لا تقف محاولة الترزق من الاعيبه

و علي الفحاجات اللي انت شوفتها
بكل ثقة اقول لك

والله يتعدوا علي صوابع اليد من رائي شيء و اكثر الناس نيام

انا مثلا ببساطه رفاعي

اذهب اي حضرة او مولد رفاعي و قل لي بعدها هل رايت شيء من قبل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يتبع ان شاء الله

نتكلم عن خوارق العادات شوية

لاني الظاهر انه هو ده الناس بتفكر فيه
و عايزينه من غير ما يتكلم لسانهم به

خوارق من مشي علي الماء
طيران
لتب سكين او سيف في بطن الذاكر
او الخنجر في فم الذاكر
و بعدها ازالته بدون ما يكون في اثر

هل هذه الاشياء التي يسعي اليها طالب التنمية البشرية؟؟؟؟
نعم

من هم طلاب التنمية البشرية الحقة؟؟؟؟؟
من هو اول متور لها؟؟؟؟؟؟

من وضع اساسها في امريكا علي انه ديانه؟؟؟
اي الولايات التي تم فيها تجربة التنمية البشرية اولا لتكون تجربة عملية باسم ان هذا دين؟؟؟؟

لن اجاوب و اطلب من من يظن انه يعرف عنها المفيد ان يقول لي من هم هؤلاء؟؟؟؟
و ان لم تعلم فلقد جهلت مصدر علومك

و هذا تيه مثل تيه بني اسرائيل

والله لو عرفتم مين اللي طورها و اسمه ايه لتنازلتوا عنها تماما

كفاية اسمه والله و شكله

هل تعلم من طلاب التنمية البشرية الحقيقية في مصر؟؟؟؟
و اين هم؟؟؟
و من يعلمهم؟؟؟؟
و من من تعلم من يعلمهم؟؟؟؟

و صلتهم بامريكا
لبنان
الهند
باكيستان؟؟؟؟؟؟؟؟؟؟؟؟؟؟؟؟

يعني المهم المصدر
من اين اتاك مددك؟؟؟

و هل علوم الدجال مدد؟؟؟؟

من اراد معرفت العلوم ديه علي حقيقتها

ممكن يبحث في الجوجل باسم"ماهاريشي"

بكل بساطه و سهولة نعطي اجابة احد الاسئله الموجوده اعلي


ده اصل علوم التنمية البشرية

اول ولاية تم فيها هذا العلم علي انه دين

اول تجربه بشرية

نيو يورك
بالاخص اب تاون نيو يورك

منذ متي؟؟؟

منذ سنة 50

هل هناك مشاهير ساعده في انتشار العلوم؟؟؟؟


نعم

من هم ؟؟؟؟

من ابرزهم البيتلز

كانوا ممارسين لهذه العلوم و قاموا بالدعاية لها

ماذا كانت وظيفة البيتلز الحقيقية؟؟؟؟

لن اجاوب علي كل حاجه بهذه السهولة

صاحب الاعجاب بهذه العلوم لازم يذهب و يشوف بنفسه


لاكن اساعده لاننا صوفية

نريد الخير للناس

ابحث في هذه المجالات تعلم من اين اتي علمك هذا

"ماهاريشي"
"ترانس دينتال ميديتيشن"
"البيتلز و حقيقة عملهم"
"ملك اليهود المنتظر و كتابات العصر الجديد"
"الماسونية و المعماري الاعظم"
"الهندسة المعمارية المصحوبة بطاقات"
"ريكي"

هناك حوالي عشر مواضيع اخر ممكن البحث فيها عن اصول هذه العلوم
لاكن لا اعطيك المعلومات بسهولة
علشان مضركش
لازم تشوف و تبحث بنفسك لاني بحثك و ما تجد مددك من الله و رسوله

يعني ابحث عن المدد و لا تبحث عن علوم تحاول تجلب بها ما يجلب بالمدد

يعني العلوم ديه السر اللي مشغلها شياطين

المدد السر اللي مشغله الله و رسوله

رسول الله هو صاحب المدد و سر الاسرار و نور الانوار
كيف تترك ما هو من خير البرية لتذهب لتتعلم من علوم دجالية؟؟؟؟

كيف تترك المدد لتاخذ من الدجال سند
تسند حياتك عليه

مش مضيقك اني العلوم اللي بتشتغل بيها
دجالية؟؟؟؟؟؟

الواحد بيفرح بالمعلومة التي تاتي له بالمدد و يعزها كثير لانها من عند خير خلق الله
و بمثابة جواب محبة من صاحب المدد لك

كيف تنظر لما معك من علوم ان كانت من صنع او ترتيب دجالي؟؟؟؟؟

لو اتاك جواب من مزرعة بصل
اتاك الجواب محمل برائحة البصل

ان اتاك جواب من بسطان الزهور اتاك الجواب محمل بعبق الزهور و الريحة الطيبة الزكية

لو سلم عليك رجل من اعل الله
يدك تبيت و فيها رائحة عود و مسك
و تبيت منور نور يغذي من حولك و من يقابلك

لو سلم عليك دجال
لوجدت يدك بها ظلمة و سواد شديد
و نفسك مكروبة
و مكان ملمسه لك رائحة لا تليق الا به

شتان بين المدد الرحماني
و المدد الشيطاني

كل ما كثيره يسكر فهو حرام

النبيذ مفيد للقلب

و لاكن كثيره يسكر
فهو حرام

تخيل ان يسكرك النبيذ الذي فيه منفعه للقلب
ما يحل بك ان اخذت من دجال مشربك
؟؟؟؟؟؟؟؟؟؟؟

اكرمك الله اخي المواطن
ماكان لي ان اترك علوم ساداتنا
وصدقت حين قلت الدجال يسرق ومش يعدل وربنا يكرمنا بمدد سيدي الرفاعي
مااقصده من علوم التنمية هي
هندسةالتغير النفسي(NLP)
فن اتخاذ القرار
الذكاء الوجداني
الذكاء الاجتماعي
فن التفاوض
فن التواصل
فن الحوار
مهارات استخدام العقل الباطن
مهارات تنظيم الوقت
مهارات التركيز والتفكير وغيرها
هي اصلا من علوم ساداتنا بس اتقدمت للناس في شكل مختلف
طاب سادتنا الناس معرضةعنها ومنبهرة بغيرهم على الرغم انهم مزيفين
مثال صغير
الموقع الكريم اللي احنا فيه عددالمشتركين مايوصلوش ل2000
في حين في موقع عمروخالد وهو ماعندوش عشر اللي عند اصغر واحد من مريدي ساداتنا (وكلهم اكابر) فضلا عن ساداتنا عددالمشتركين وصل لاكتر من مليون
ليه لانه ببساطة اجاد استخدام هذه العلوم والناس في وهم
طبعا انا عارف ان سادتنا شأنهم اعظم وبنظرةكل حاجة تخلص
طاب نعمل ايه واحنا في زمان هم مش ظاهرين فيه ومش عاوز الناس تمشي في الوهم ده
نشتغل باللي الناس منجذبة ليه بس بمدد سادتنا وعلومهم ونفحاتهم نوصل المعنى بصورة مختلفة مش اكتر
وعامة زي ماقلت انا بتعلم منكم وربنا يجمعنا على خير

_________________
اللهم صل وسلم وبارك على سيدنا محمد وعلى آل سيدنا محمد قد ضاقت حيلتي ادركني اغثني يا رسول الله

الفاضل المصرى
أحييك على تواضعك, و أعتقد إن إحنا بنكمل مع بعض
و ربنا ياخد بإيدينا إلى ما يحب و يرضى

تعليقا على ان الدكتور على جمعة مدح التنمية البشرية

أقول لك يا أخى الكريم

اولا إن كان حدث هذا فعلا, فالدكتور على جمعة يقصد

علوم الإدارة
فن التسوق
فنون الدعاية
الخ

و هذا يا أخى هو ما تمارسه فى عملك و يمارسه أخرون

بل هذه الفنون و العلوم تدرس من قبل أن توضع تحت عنوان "التنمية البشرية"
هما حطوها تحت العنوان و مزجوها بحاجات الله بها عليم

لا أتكلم هنا عن انك لو عايز تبيع منتج

تضع له اسم مناسب
لون الإعلان بتاع المنتج يكون الوان هادئة
لو عايز كلمة تشد العين تلونها بلون فاقع شوية
لو عايز محدش يزهد فى المنتج, متقلش عليه رخيص و قول سعره مناسب
لو عايز تعرف المشترى حابب المنتج و لا لأ, تعرف من حجم بؤبؤ العين (الننى) لو واسع يبقى عاجبه المنتج
متقولش سعر المنتج رقم صحيح و لكن خليه بكسر, لو ب100 قول عليه ب99

و هكذا

لا أظن انك فى عملك يقولوا لك "بالتأمل" مثلا

دى ليست العلوم اللى تكلمت انت عنها فى مشاركاتك

انت تكلمت عن قوانين التوقع و الإنجذاب
و عن الوجدان الجمعى
و عن غيرها

هذه هى ما أنقدها و بشدة, و هى علوم دجالية صرف و الله و رسوله أعلم
و لا تستطيع ان تنسبها لأهل الله, لأنه ببساطة محدش من أهل الله قال إن العلوم دى بتاعتنا
لأنه ببساطة عند أهل الله الأمور ابسط من كده
مع إن أهل الله ممكن يسلكوا أى حد بأى طريقة مهما كانت!!!
و فى نفس الوقت أهل الله عندهم كل العلوم مكشوفة و معروفة

سؤال بسيط جدا جدا يبين لك فرق كبير جدا جدا : عمرك شفت واحد من مدربى التنمية البشرية قال لك إنك تبدأ بتسمية الله قبل ما تغير الفكرة السليبة إلى إيجابية,

مع انهم بيتكلموا على انه الجانب الروحى من أهم الجوانب التى يجب ان تهتم بها لتحقيق التوازن و السعادة المنشودة

سؤال تانى: ايه حال مدربى التنمية البشرية الآن, و إلى أين أخذتهم

صلاح الراشد مثلا , ايه حاله دلوقتى , ما تيجى نبص فى وشه, مش أكتر
و قبل ما نبص فى وشه نسمى الله و نصلى على سيدنا رسول الله اللهم صل عليه و نقول مدد يا صاحب المدد اللهم صل عليه

أرجوك إقرأ كلام الفاضل "مواطن مصرى " مرة أخرى لأنى شايفه مفيد جدا

ربنا ينجينا و إياك من الفتن ما ظهر منها و ما بطن

الفاضل مواطن مصرى, كلامك زى الفل ربنا يزيدك بصيرة و نور آمين

_________________
ومن دخل حصن النبي صلى الله عليه وآله وسلم لا يضام

اخي محب مولانا الامام الحسين
اضحك الله سنك
ابص في وش الراشد واسمي واستنى المدد هي بصراحة حاجة صعبة اوي عليا لاني لما بعمل مراقبة او رابطة روحية بتكون على وجوه سادتنا او على الروضة الشريفة مش ممكن انزل اوي للراشد
بالنسبة للكلام فضيلة المفتي فلقد ذكرت يااخي المصدر وهو البيان الجزء الثاني في الشروط التي يجب توفرها في المفتي وذكر الشرط الثامن وهو جودة القريحة وهو حسن تصور المسئلة ويقابلها في العلوم الحديثة التصور الابداعي او الخيال الخلاق واوصى بضرورة تدريسها في الكليات الشرعية ليتدرب الطلبة على الابداع وتتكون عندهم جودة القريحة وهي ليها كذا استراتجية بخطوات محددة من الاسترخاء والوصول لمرحلة الالفا وبعدين تبدأ مرحلة التخيل وغيرها وهي اللي عندها بيبدأ الشخص في الابداع واتخاذ القرار
اما بالنسبة للتأمل والوصول لمرحلة الجسم النجمي والنيرفانا فهي صورة ممسوخة من الرابطة الروحية والمراقبة اعرف صديق ليا وصل للمرحلة دية بمجرد انه اخذ العهد ومرشده نبه من ضرورة الخروج من الحالة دية لان الضلال فيها امر وارد واعطاه ورد منعت عنه الحالة دية ولسيدي الدباغ كلام نفيس في الابريز بيحكي فعلا عن كل ده وفضيلة المفتي قال ان ده بيستوي فيه المؤمن والكافر المراد هو الله والله مقصود الكل بس الناس تعرف كدة لأ الوهابية والملحدين شوهو صورة التصوف وحرموا الرابطة الروحية وسموها بدعة وشرك وتخلف واجازوا التأمل وسموها علم وتقدم وسمو
طاب ده في مصلحة مين
اكيد الدجال هو عارف اهمية التأمل والسكون للانسان فعمل بديل مشوه
طاب المفروض نعمل ايه نتكلم باللغة اللي الناس مفتونة بيها نقول لهم التامل بس على وجوه سادتنا وبمددهم
لما اقارن بين كلامهم في التأمل وكلام سيدي الجيلي والسمان عن التوجه الروحي للحضرة النبوية الشريفة يظهر لي ضرورة العودة لكلام سادتنا بلغة زماننا
مولد السلوك وهندسة التغير يقابلها عندنا تجربة الامام المحاسبي في التوهم
في التامل بيقولوا ليهم لازم تسمع صوت السادة المعلمين وطبعا المعلمين عندهم هم بوذا وغاندي وغيرهم طاب عندنا المفروض تسمع صوت مين وتشوف مين الحضرة النبوية الشريفة لانك قبل كدة على خطر عظيم حتى تصل الى الله
المرحوم الفقي حاول يمزج ده بما يؤمن به في الاسلام ووصل لحد معقول
بس غيره استغل العلوم دية علشان ينشر علم مشوه والناس تبعد اكتر عن ربنا
وشوف مواقع الدعاة الجدد وتعرف احنا وصلنا لحد فين
في الحقيقة يااخي المحب لازم نطور من اسلوبنا اكتر علشان نقدر نشيل الوهم ده عن عيون الخلق ونحاول نتكلم بلغة زماننا
مجرد رأي شخصي وليكم رأيكم وهو محترم وانا عارف انه سليم في بعض النواحي واعتقد كما قلت يااخي ان احنا بنكمل بعض
وجزاكم الله خيرا على حسن ردكم انتم وباقي الاخوة

_________________
اللهم صل وسلم وبارك على سيدنا محمد وعلى آل سيدنا محمد قد ضاقت حيلتي ادركني اغثني يا رسول الله