لطيف كتب:
الله يحفظ البلاد والعباد ….العدادات الذكية خطيرة
تجعل من صاحبها او بيته او شركته او مشروعه هدف سهل …للعالم الموحد …او غيرهم ممن يعرفون قراصنة
والله تعالى وأعلم
https://www.okaz.com.sa/ampArticle/2004671علشان تعرف حجم الكارثة اللي حصلت النهاردا بسبب حريق سنترال رمسيس.
لازم تعرف إيه هو أصلًا سنترال رمسيس.
سنترال رمسيس يا صديقي مبنى تابع للشركة المصرية للاتصالات "WE"، وبيتم استخدامه كنقطة ربط أساسية في توزيع خدمات الاتصالات على معظم مناطق القاهرة الكبرى ووجه بحري.
فيه أجهزة السيرفرات، والمحولات، والسنترالات الرقمية، ووحدات الفايبر، وأنظمة التحكم، وقاعدة بيانات المشتركين، وأجهزة إنذار وتحكم في الشبكة القومية كلها.
يعني؟
يعني هو العصب الرئيسي لخدمات الإنترنت الأرضي والموبايل، وفيه نقط ربط بتحول وتوجه الإنترنت لمعظم مستخدمين الخدمة في مصر زي TE Data و Vodafone وOrange وEtisalat.
دا غير إنه نقطة عبور دولية لكابلات الإنترنت، يعني بعض الخطوط الدولية اللي بتمر من خلال مصر بيتم توجيهها لسنترال رمسيس وبعدين تتحول لباقي السنترالات الفرعية.
دا غير إنه بيغذي أنظمة الدفع الإليكتروني، والشبكات البنكية، والمحافظ الإليكترونية زي إنستاباي وأجهزة الـPOS في المحلات والبنوك.
وهو السنترال الأم لعدد من السنترالات الفرعية زي العباسية وشبرا والعتبة والزمالك وسنترالات في الجيزة ودا بيخليه لو حصل أي عطل فيه باقي السنترالات تتاثر تلقائيًا.
دا غير إنه بيغذي شبكات مرتبطة بمستشفيات ومراكز شرطة وإسعاف وجهات سيادية في الدولة.
وعلشان تفهم ليه الحياة وقفت النهاردا فجأة في القاهرة، ومبقتش عارف تتصل بحد أو تفتح نت أو تحول فلوس من إنستاباي.
دا كله حصل بسبب ماس كهربائي في واحدة من غرف الأجهزة في الدور السابع بسنترال رمسيس، ودا تسبب في حريق ضخم جدًا.
وبسبب الحريق فصلوا التيار الكهربي بالكامل عن السنترال، وبدأت فرق الإطفاء في إنها تطفي الحريق اللي كان كارثة حرفيًا وقعد حوالي 3 ساعات كاملين وتسبب في ضرر ضخم في السنترال.
والكارثة الأكبر إن بعد ما سيطروا على الحريق، اندلع تاني بشكل مفاجئ ورجال الإطفاء بذلوا مجهود جبار في إطفاء الحريق.
اللي حصل إن تقريبًا 62% من مستخدمين شبكات التليفون المحمول في مصر حصل عندهم عطل في الشبكة، دا غير توقف النت والمحافظ الإليكترونية وإنستاباي ومكنات الـATM.
عدد المصابين تقريبًا 14 شخص ولكن مفيش أي وفيات الحمد لله.
اللي حصل دا كارثة، ماس كهربائي رجع مدينة كاملة لعصر ما قبل التكنولوجيا، والناس بقت ماشية تكلم نفسها ومش عارفين يتصلوا على أهاليهم واللي نازل يقابل حد معرفش يقابله.
كأن الزمن رجع لورا.
لحد اللحظة اللي بتشوف فيها البوست دا الشبكات لسه متأثرة، وفيه ناس كتير مش عارفة تستخدم التليفون وبقى كأنه حتة حديدة.
والدولة بتحاول تسيطر على الوضع وتتعامل مع الكارثة اللي حصلت دي.
مش عارفين ممكن تستمر لحد إمتى، بس الوضع سيء جدًا.
خطأ حصل، شل أحوال الناس والبنية بتاعة القاهرة والجيزة كلها تقريبًا اتأثرت.
لازم الدولة تتعلم من الخطأ دا، ويحصل تطور سريع للسنترال والموضوع ميبقاش بيقتصر على سنترال رمسيس بس، لأن اللي حصل دا طبيعي مع كم الضغط اللي بيتعرض له السنترال.
لازم يكون فيه بديل، وبديل بيواكب التكنولوجيا اللي العالم بقى فيها، والموضوع يحصل فيه تطور سريع ونتدارك حجم الخسارة الكبيرة اللي حصلت النهاردا.
تعديل:
فيه 4 توفاهم الله في الحادث.
الله يرحمهم ويغفر لهم ويصبر أهاليهم.
#محمد_صاوي!¡
https://www.facebook.com/10006883405248 ... tid=wwXIfr
المنتدى
التسجيل
الأسئلة المتكررة
بحث
