|
ﺑﻌﺪ ﺍﻟﻄﻮﻓﺎﻥ ﻭﺇﻧﺘﺸﺎﺭ ﺍﻟﺒﺸﺮ ﻣﻦ ﺟﺪﻳﺪ ﻓﻲ ﺍﻷﺭﺽ
ﻭﺻﻠﺖ ﺫﺭﻳﺔ ( ﺇﺭﻡ ) -ﺍﺑﻦ ﺳﺎﻡ ﺑﻦ ﻧﻮﺡ - ﻟـ ﻣﻜﺎﻥ ﻗﺮﻳﺐ ﻣﻦ ﺍﻟﻴﻤﻦ ﺍﺳﻤﻪ
ﺍﻷﺣﻘﺎﻑ , ﻭﺍﻷﺣﻘﺎﻑ ﻣﻌﻨﺎﻫﺎ ﺗﻼﻝ ﺍﻟﺮﻣﻞ ﺍﻟﻤﺮﺗﻔﻌﺔ .. ﻭﺩﻩ ﻛﺎﻥ ﺣﺎﻝ ﺍﻟﻤﻜﺎﻥ
ﻛﻠﻮ ﺭﻣﺎﻝ ﻭﺍﻏﻠﺒﻬﺎ ﻣﺮﺗﻔﻌﺔ ﻋﺸﺎﻥ ﻛﺪﻩ ﺇﺗﺴﻤﻰ ﺑﺎﻷﺣﻘﺎﻑ
ﻫﻨﺎﻙ ﻋﺎﺵ ﻗﻮﻡ ﻋﺎﺩ
ﻗﻮﻡ ﻋﺎﺩ ﻣﻜﻨﻮﺵ ﻧﺎﺱ ﻋﺎﺩﻳﺔ .. ﻷ ﺩﻩ ﺭﺑﻨﺎ ﻣﻴّﺰﻫﻢ ﺑﺤﺎﺟﺎﺕ ﻛﺘﻴﺮ
ﺃﻭﻻ ﻓﻲ ﺍﻟﺸﻜﻞ ﻭﺍﻟﺒﻨﻴﺔ ﺍﻟﺠﺴﺪﻳﺔ .. ﻓﻜﺎﻧﻮﺍ ﻃﻮﺍﺍﺍﻝ ﺍﻟﻘﺎﻣﺔ ﻟﺪﺭﺟﺔ ﺍﻧﻪ ﻳُﻘﺎﻝ
ﻛﺎﻧﻮﺍ ﺑﻄﻮﻝ ﺍﻟﻨﺨﻞ ( ﻭ ﺯﺍﺩﻛﻢ ﻓﻲ ﺍﻟﺨﻠﻖ ﺑﺴﻄﺔ )
ﻏﻴﺮ ﺍﻟﻘﻮﺓ ﺍﻟﺠﺒﺎﺭﺓ ﺍﻟﻲ ﺭﺑﻨﺎ ﺇﺩﻫﺎﻟﻬﻢ ﻓﻲ ﺃﺟﺴﺎﺩﻫﻢ ,, ﻭﺍﻟﻲ ﻛﺎﻧﺖ ﺑﺘﺴﻬّﻞ
ﻋﻠﻴﻬﻢ ﺍﻟﺒﻨﺎﺀ ﻭﺍﻟﻌﻤﺮﺍﻥ
ﻭﻟﺬﻟﻚ ﺍﺷﺘﻬﺮﻭﺍ ﺑﺎﻟﺒﻴﻮﺕ ﺫﺍﺕ ﺍﻷﻋﻤﺪﺓ ﺍﻟﻀﺨﻤﺔ ﺟﺪﺍﺍﺍ (ﺇﺭﻡ ﺫﺍﺕ ﺍﻟﻌﻤﺎﺩ )
ﻓﺎﻟﻌﻤﺎﺩ ﻫﻲ ﺍﻷﻋﻤﺪﺓ ﺍﻟﻄﻮﻳﻠﺔ ﺍﻭﻱ
ﻛﺎﻧﻮﺍ ﺑﻴﺒﻨﻮﺍ ﺑﻴﻮﺗﻬﻢ ﻓﻮﻕ ﺍﻟﺠﺒﺎﻝ ﺍﻟﻤﺮﺗﻔﻌﺔ ﻭﺑﻴﻦ ﺍﻟﺠﺒﺎﻝ ﻭﻓﻲ ﺍﻻﻭﺩﻳﺔ ﻭﻓﻲ
ﺍﻟﻄﺮﻕ ﻭﻓﻲ ﻛﻞ ﻣﻜﺎﻥ . ﻭﻳﻌﻤﻠﻮﺍ ﺍﻟﺒﻴﺖ ﺃﻭ ﺍﻟﻘﺼﺮ ﺁﻳﺔ ﻓﻲ ﺍﻟﺠﻤﺎﻝ ﻭﺍﻹﺑﺪﺍﻉ
ﻋﺸﺎﻥ ﻳﺒﻘﻰ ﻋﻼﻣﺔ ﺍﻟﻨﺎﺱ ﺗﺘﺤﺎﻛﻰ ﺑﻴﻬﺎ , ﺭﻏﻢ ﻋﺪﻡ ﺇﺣﺘﻴﺎﺟﻬﻢ ﻟﻴﻪ ﻫﻮ ﻛﺎﻥ
ﻣﺠﺮﺩ ﻟﻌﺐ ﻭﺍﻇﻬﺎﺭ ﻟﻠﻘﻮﺓ ﻭﺍﻟﺘﻔﺎﺧﺮ ,, ( ﺃﺗﺒﻨﻮﻥ ﺑﻜﻞ ﺭﻳﻊٍ ﺁﻳﺔً ﺗﻌﺒﺜﻮﻥ )
ﺩﻩ ﻏﻴﺮ ﺍﻥ ﺭﺑﻨﺎ ﺭﺯﻗﻬﻢ ﻭﺟﻮﺩ ﺍﻟﻤﺎﺀ ﺍﻟﻌﺬﺏ ﻋﻨﺪﻫﻢ ﺑﻜﺜﺮﺓ ﻓـ ﻛﺎﻧﻮﺍ ﺷﺎﻃﺮﻳﻦ
ﺃﻭﻱ ﻓﻲ ﺍﻟﺰﺭﺍﻋﺔ
ﻭﺑﺎﻟﺘﺎﻟﻲ ﺑﻘﻰ ﻋﻨﺪﻫﻢ ﺧﻴﺮ ﻛﺘﻴﺮ ﻣﻦ ﻣﺎﻝ ﻭﺃﻧﻌﺎﻡ ﻭﺑﺴﺎﺗﻴﻦ ,, ﻛﺎﻧﺖ
ﻣﻨﻄﻘﺘﻬﻢ ﻛﻠﻬﺎ ﺧﻀﺮﺓ ﻭ ﺯﺭﻉ ﻭﻋﻴﻮﻥ ﻣﻴّﺔ ( ﺃﻣﺪّﻛﻢ ﺑﺄﻧﻌﺎﻡ ﻭﺑﻨﻴﻦ ﻭﺟﻨﺎﺕ
ﻭﻋﻴﻮﻥ )
ﻭﺑﺴﺒﺐ ﺗﻤﻴﻴﺰ ﺭﺑﻨﺎ ﻟﻴﻬﻢ ﺑﺎﻟﺒﻨﻴﺔ ﺍﻟﺠﺴﺪﻳﺔ ﺍﻟﻘﻮﻳﺔ ,, ﻛﺎﻧﻮﺍ ﻟﻮ ﺩﺧﻠﻮﺍ ﻓﻲ
ﻣﻌﺮﻛﺔ ﻣﻊ ﺣﺪ ﺇﻧﺘﺼﺮﻭﺍ ﻭﺃﺧﺪﻭﺍ ﻣﻨﻪ ﺍﻟﻐﻨﺎﺋﻢ ﻭﺍﻟﺨﻴﺮﺍﺕ ﻭﻓﻮﻕ ﻛﺪﻩ ﺇﺳﺘﻘﻮﻭﺍ
ﻋﻠﻴﻪ ﻭﻇﻠﻤﻮﻩ ( ﻭﺇﺫﺍ ﺑﻄﺸﺘﻢ ﺑﻄﺸﺘﻢ ﺟﺒّﺎﺭﻳﻦ )
_
ﺑﺲ ﻛﻌﺎﺩﺓ ﻛﻞ ﻗﻮﻡ ﺇﺫﺍ ﺍﻏﺘﻨﻮﺍ ﻭﺣﺴﻮﺍ ﺍﻧﻬﻢ ﻣﻠَﻜﻮﺍ ﺍﻟﺪﻧﻴﺎ ﻧﺴﻴﻮﺍ ﺍﻵﺧﺮﺓ ,,
ﻓﺈﺑﺘﺪﺍ ﻳﻨﺘﺸﺮ ﺑﻴﻨﻬﻢ ﺍﻟﻔﺴﺎﺩ ﻭﺍﻟﻤﻌﺎﺻﻲ ﻭﺍﻵﺛﺎﻡ ﻟﺤــﺪ ﻣﺎ ﺍﺭﺗﻜﺒﻮﺍ ﺍﻛﺒﺮ
ﺍﻟﻜﺒﺎﺋﺮ ﻭﻋﺒﺪﻭﺍ ﺍﻷﺻﻨﺎﻡ
ﻓﻜﺎﻧﻮﺍ ﺃﻭﻝ ﻣﻦ ﻋﺒﺪ ﺍﻷﺻﻨﺎﻡ ﺑﻌﺪ ﺍﻟﻄﻮﻓﺎﻥ
ﺑﻌﺚ ﺍﻟﻠﻪ ﻓﻴﻬﻢ ﺳﻴﺪﻧﺎ ﻫﻮﺩ ,, ﻛﺎﻥ ﻭﺍﺣﺪ ﻣﻨﻬﻢ ﻭﻓﻲ ﺍﻟﻘﺮﺁﻥ ﺫُﻛﺮ ﺇﻧﻮ
ﺃﺧﻮﻫﻢ ..
ﻓﻔﺴﺮﻫﺎ ﺑﻌﺾ ﺍﻟﻌﻠﻤﺎﺀ ﺑﺈﻧﻮﺍ ﻛﺎﻥ ﺃﺧﻮﻫﻢ ﻓﻲ ﺍﻟﻨﺴﺐ ﻓﻌﻼ ﻭﻣﻌﺮﻭﻑ ﻋﻨﻮ
ﺍﻟﺼﺪﻕ ﻭﺍﻷﻣﺎﻧﺔ ,, ﻓﺮﺑﻨﺎ ﺍﺧﺘﺎﺭ ﺍﻧﻮ ﻳﻜﻮﻥ ﺃﺧﻮﻫﻢ ﻷﻥ ﺍﻷﺥ ﻣﺶ ﻫﻴﻜﻮﻥ ﻋﺎﻳﺰ
ﻏﻴﺮ ﻣﺼﻠﺤﺔ ﺍﺧﻮﻩ
ﻭﺫﻛﺮ ﻋﻠﻤﺎﺀ ﺁﺧﺮﻳﻦ ﺇﻧﻮ ﻣﻜﻨﺶ ﺃﺧﻮﻫﻢ ﻧﺴﺒﺎً ﻭﺇﻧﻤﺎ ﻣﻦ ﻛﺘﺮ ﺭﺣﻤﺘﻪ ﺑﻴﻬﻢ ﻓﻲ
ﺍﻟﺪﻋﻮﺓ ﻭﺍﻟﺮﻓﻖ ﻭﺍﻟﻠﻴﻦ ﺍﻟﻲ ﻛﺎﻥ ﺑﻴﺪﻋﻮﻫﻢ ﺑﻴﻪ ﻓﻜﺎﻥ ﺯﻱ ﺍﻷﺥ ﺍﻟﻲ ﺑﻴﻨﺼﺢ
ﺇﺧﻮﺍﺗﻪ
ﻟﺪﺭﺟﺔ ﺇﻥ ﺑﻌﺾ ﺍﻟﻌﻠﻤﺎﺀ ﺑﻴﺘﺒﻨّﻮﺍ ﻓﻜﺮﺓ ﺍﻧﻪ ﺗﻢ ﺗﺴﻤﻴﺘﻪ ﻫﻮﺩ ﻣﻦ ﻛﺘﺮ ﺍﻟﻬﺪﻭﺀ
ﺍﻟﻲ ﺑﻴﺪﻋﻮ ﺑﻴﻪ , ﻣﻦ ﻛﺘﺮ ﺍﻟﺮﺣﻤﺔ ﻭﺍﻟﻠﻴﻦ ﻭﻋﺪﻡ ﺍﻟﻐﻠﻈﺔ
ﻭﻛﺄﻥ ﺭﺑﻨﺎ ﺑﻴﺒﻌﺘﻠﻨﺎ ﺩﺍﻳﻤﺎً ﺍﻷﻧﺒﻴﺎﺀ ﺍﻟﻲ ﻫﻢ ﺃﻛﺜﺮ ﺍﻟﻨﺎﺱ ﺻﻼﺣﺎ ﺗﻼﻗﻴﻬﻢ ﺑﻴﺪﻋﻮ
ﻏﻴﺮﻫﻢ ﺑـ ﺭﻓﻖ ﻭﻣﻮﺩﺓ ﻭﻳُﺴﺮ ﻋﺸﺎﻥ ﻳﻜﻮﻧﻮﺍ ﻗﺪﻭﺓ ﻟﻴﻨﺎ ﻭﻣﺎﻳﺒﻘﺎﺵ ﻓﻲ ﺍﻱ
ﺣﺠﺔ ﻷﻱ ﺣﺪ ﻣﻬﻤﺎ ﺑﻠﻎ ﻋﻠﻤﻪ ﻭﺗﺪﻳﻨﻪ ﺇﻧﻪ ﻳﺘﻌﺎﻟﻰ ﻋﻠﻰ ﺍﻟﻨﺎﺱ ﻭﻳﺪﻋﻮﻫﻢ
ﻛﺄﻧﻮﺍ ﺑﻴﺘﻤﻨﻦ ﻋﻠﻴﻬﻢ ﻭﻳﺤﺴﺴﻬﻢ ﺍﻧﻪ ﻫﻮ ﺍﻟﺼﺎﻟﺢ ﻭﻫﻤﺎ ﺍﻟﻜﻔﺮﺓ ﺍﻟﻌُﺼﺎﺓ ..
ﺟﻤﺎﻝ ﺍﺧﻼﻕ ﺍﻟﺪﻳﻦ ﻳﺎﺟﻤﺎﻋﺔ
_
ﺇﺑﺘﺪﺍ ﺳﻴﺪﻧﺎ ﻫﻮﺩ ﻳﺪﻋﻮﻫﻢ ﻟﻠﺘﻮﺣﻴﺪ ﻭﺗﺮﻙ ﺍﻷﺻﻨﺎﻡ
ﻓﻜّﺮﻫﻢ ﺑﻨﻌﻢ ﺭﺑﻨﺎ ﻋﻠﻴﻬﻢ ﻭﺇﻥ ﻛﻞ ﺍﻟﻌﺰ ﺍﻟﻲ ﻫﻤﺎ ﻓﻴﻪ ﺩﻩ ﻭﺍﻟﺒﻨﻴﻦ ﻭﺍﻟﺨﻴﺮﺍﺕ
ﻣﻦ ﻋﻨﺪ ﺭﺑﻨﺎ
ﻗﺎﻟﻬﻢ ﺍﻧﺎ ﺧﺎﻳﻒ ﻋﻠﻴﻜﻢ ﻣﻦ ﻋﺬﺍﺏ ﻳﻮﻡ ﺍﻟﻘﻴﺎﻣﺔ
ﻗﺎﻟﻬﻢ ﺇﺳﻤﻌﻮﺍ ﻣﻨﻲ ﻭﺇﻋﺒﺪﻭﺍ ﺍﻟﻠﻪ ﻭﺇﺳﺘﻐﻔﺮﻭﻩ ﻫﻴﺴﺎﻣﺤﻜﻢ ﻭﻳﺰﻳﺪﻛﻢ ﻧﻌﻴﻢ
ﻋﻠﻰ ﻧﻌﻴﻤﻜﻢ ﻫﻴﺒﺎﺭﻙ ﻓﻲ ﺧَﻴﺮﺍﺗﻜﻢ ﻭﻳﺰﻳﺪﻛﻢ ﻗﻮﺓ ﻓﻮﻕ ﻗﻮﺗﻜﻢ
ﻟﻜﻦ ﺭﺩﻫﻢ ﻛﺎﻥ ﺑﺎﻟﺘﻜﺬﻳﺐ ﻭﺇﺗﻬﺎﻣﻪ ﺑﺎﻟﺴﻔﻪ ﻭﺍﻟﻀﻼﻝ
ﻗﺎﻟﻮﻟﻪ ﺍﻧﺖ ﻓﺎﻛﺮﻧﺎ ﻫﻨﺴﻴﺐ ﺁﻟﻬﺘﻨﺎ ﺑﺴﺒﺐ ﻛﻠﻤﺘﻴﻦ ﺍﻧﺖ ﻗﻮﻟﺘﻬﻢ ..
ﻷ ﺍﻧﺖ ﺃﻛﻴﺪ ﺍﻟﻀﻼﻝ ﺍﻟﻲ ﺍﻧﺖ ﻓﻴﻪ ﺩﻩ ﺑﺴﺒﺐ ﻏﻀﺐ ﺍﻵﻟﻬﺔ ﻋﻠﻴﻚ .. ( ﺇﻥ
ﻧﻘﻮﻝ ﺇﻻ ﺍﻋﺘﺮﺍﻙ ﺑﻌﺾ ﺁﻟﻬﺘﻨﺎ ﺑﺴﻮﺀ )
_
ﻟﻤﺎ ﻳﺄﺱ ﻣﻨﻬﻢ ﺣﺐ ﻳﺒﺮﺃ ﻧﻔﺴﻪ ﻗﺪﺍﻡ ﺭﺑﻨﺎ ﻓﻘﺎﻟﻬﻢ ﺇﺷﻬﺪﻭﺍ ﻭﻟﻴﺸﻬﺪ ﺍﻟﻠﻪ
ﺑﺈﻧﻲ ﺑﺮﻳﺊ ﻣﻨﻜﻢ ﻭﻣﻦ ﺁﻟﻬﺘﻜﻢ .. ( ﻗﺎﻝ ﺇﻧﻲ ﺃُﺷﻬﺪ ﺍﻟﻠﻪ ﻭﺍﺷﻬﺪﻭﺍ ﺃﻧﻲ
ﺑﺮﻱﺀٌ ﻣﻤﺎ ﺗﺸﺮﻛﻮﻥ ﻣﻦ ﺩﻭﻧﻪ )
ﻭﻓﻮﻕ ﻛﺪﻩ ﺗﺤﺪّﺍﻫﻢ ! ﻗﺎﻟﻬﻢ ﻟﻮ ﺗﻘﺪﺭﻭﺍ ﺗﻘﺘﻠﻮﻧﻲ ﺇﻗﺘﻠﻮﻧﻲ ﺩﻟﻮﻗﺘﻲ ﺣﺎﻻً
ﻭﺣﺘﻰ ﻣﺎﺗﺴﺘﻨﻮﺵ ﻟﺤﺪ ﺑﻜﺮﺓ ,, ( ﻓﻜﻴﺪﻭﻧﻲ ﺟﻤﻴﻌﺎً ﺛﻢ ﻻ ﺗﻨﻈﺮﻭﻥ ﺇﻧﻲ
ﺗﻮﻛﻠﺖ ﻋﻠﻰ ﺍﻟﻠﻪ ﺭﺑﻲ ﻭﺭﺑﻜﻢ ) ﻭﺧﺘﻢ ﺍﻟﺘﺤﺪﻱ ﺑﺎﻟﺘﻮﻛﻞ ﻋﻠﻰ ﺍﻟﻠﻪ ﻋﻠﺸﺎﻥ
ﻳﺒﻴّﻦ ﺍﻧﻮ ﻣﺶ ﺑﻴﺪّﻋﻲ ﺍﻟﻘﻮﺓ ﻓﻲ ﻏﻴﺮ ﻣﻮﺿﻌﻬﺎ ﻻ ﺩﻩ ﺑﻴﺘﺤﺎﻣﻰ ﻓﻲ ﺍﻟﻠﻪ !
ﺩﻩ ﺑﻴﺜﺒﺘﻠﻬﻢ ﻗﻮﺓ ﺭﺑﻨﺎ ﺍﻟﻲ ﺃﻗﻮﻯ ﻣﻦ ﻛﻴﺪﻫﻢ ﻛﻠﻬﻢ ﻣﺠﺘﻤﻌﻴﻦ ! [ ﻛﻞ ﺩﻩ ﻣﻦ
ﺗﻮّﻛﻞ ! ﻭﻟﺴﻪ ﺟﺎﻳﻠﻨﺎ ﻗﻠﺐ ﻧﺨﺎﻑ ﻭﻣﺎﻧﺘﻮّﻛﻠﺶ ﻋﻠﻰ ﺭﺑﻨﺎ ﻭﻧﺴﻴﺐ ﺃﻣﻮﺭﻧﺎ
ﻭﻫﻤﻮﻣﻨﺎ ﻟﻴﻪ ؟!]
ﺩﻩ ﺳﻴﺪﻧﺎ ﻫﻮﺩ ﻣﺎﺧﺎﻓﺶ ﻣﻦ ﺇﺟﺘﻤﺎﻉ ﺃﺷﺪ ﺍﻟﻨﺎﺱ ﻋﻠﻴﻪ ﻭﺑﻜﻞ ﺑﺴﺎﻃﺔ ﻃﻤّﻦ
ﻧﻔﺴﻪ ﺇﻥ ﺭﺑﻨﺎ ﻫﻮ ﺍﻟﺤﺎﻓﻆ ( ﺇﻥ ﺭﺑﻲ ﻋﻠﻰ ﻛﻞ ﺷﻲﺀ ﺣﻔﻴﻆ )
ﻗﺎﻟﻬﻢ ﺩﻩ ﻣﻔﻴﺶ ﺩﺍﺑﺔ ﺇﻻ ﻭﺭﺑﻨﺎ ﻫﻮ ﺍﻟﻤُﺘﺤﻜﻢ ﺍﻟﻮﺣﻴﺪ ﻓﻲ ﻣﺼﻴﺮﻫﺎ ﻭﻛﻞ
ﺣﺎﺟﺔ ﺑـ ﺗﺪّﺏ ﻋﻠﻰ ﺍﻷﺭﺽ ﺫﻟﻴﻠﺔ ﻟﻴﻪ ( ﻣﺎ ﻣﻦ ﺩﺍﺑﺔ ﺇﻻ ﻫﻮ ﺁﺧﺬ ﺑﻨﺎﺻﻴﺘﻬﺎ )
[ ﻭﺇﺳﺘﺨﺪﺍﻣﻪ ﻟـ ﻛﻠﻤﺔ " ﺁﺧﺬٌ ﺑﻨﺎﺻﻴﺘﻬﺎ " ﺩﻟﻴﻞ ﻋﻠﻰ ﺫﻝ ﻛﻞ ﺍﻟﻤﺨﻠﻮﻗﺎﺕ
ﻭﺧﻀﻮﻋﻬﻢ ﻟﻠﻪ ,, ﺍﻟﻨﺎﺻﻴﺔ ﻫﻲ ﻣﻘﺪﻣﺔ ﺍﻟﺮﺃﺱ ﻭﺍﻟﻌﺮﺏ ﺯﻣﺎﻥ ﻟﻤﺎ ﻛﺎﻥ ﺣﺪ
ﻳﺤﺐ ﻳﺜﺒﺖ ﺳﻠﻄﺘﻪ ﻋﻠﻰ ﺣﺪ ﻛﺎﻥ ﺑﻴﺸﺪﻭﺍ ﻣﻦ ﻣﻘﺪﻣﺔ ﺭﺃﺳﻪ ﺩﻟﻴﻞ ﻋﻠﻰ
ﺧﻀﻮﻋﻪ ﻟﻴﻪ , ﺣﺘﻰ ﺇﺷﺘﻬﺮ ﺇﻥ ﻟﻮ ﻓﻲ ﺣﺪ ﺑﻴﺤﺮﺭ ﺃﺳﻴﺮ ﻭﻋﺎﻳﺰ ﻳﺘﻤﻨﻦ ﻋﻠﻴﻪ
ﻭﻳﺘﻔﺎﺧﺮ ﻗﺪﺍﻡ ﺍﻟﻨﺎﺱ ﺑﻴﺸﺪﻭﺍ ﻣﻦ ﻧﺎﺻﻴﺘﻪ ﺩﻟﻴﻞ ﻋﻠﻰ ﺍﻟﻤﻦّ ﻭﺍﻟﺬﻝ ﻭﺍﻟﺨﻀﻮﻉ
.. ﻭﺩﻩ ﺣﺎﻝ ﻛﻞ ﺍﻟﻤﺨﻠﻮﻗﺎﺕ ﻣﻊ ﺭﺑﻨﺎ ﻓﻜﻠﻨﺎ ﺧﺎﺿﻌﻴﻦ ﻟﺴﻠﻄﺘﻪ ﻭﺟﺒﺮﻭﺗﻪ
ﻭﻋﺪﻟﻪ ﺳﺒﺤﺎﻧﻪ ﻓﻴﺸﺪ ﻧﺎﺻﻴﺔ ﺍﻟﻤﺆﻣﻦ ﺑﺮﻓﻖ ﻟﺪﺭﺟﺔ ﺍﻧﻮ ﻳﻜﻮﻥ ﺃﺣﻦ ﻋﻠﻴﻪ ﻣﻦ
ﺃﻫﻠﻪ ,, ﻭﻳﺸﺪ ﻧﺎﺻﻴﺔ ﺍﻟﻜﺎﻓﺮ ﻭﻳﻘﻮﻟﻮ ﻣﺎ ﻏﺮّﻙ ﺑﺮﺑﻚ ﺍﻟﻜﺮﻳﻢ ؟ ! ]
ﻭﺃﺿﺎﻑ ﺑﺘﺒﻠﻴﻐﻬﻢ ﺇﻧﻬﻢ ﻟﻮ ﺃﺻﺮّﻭﺍ ﻋﻠﻰ ﺇﻋﺮﺍﺿﻬﻢ ﻭﺗﻜﺬﻳﺒﻬﻢ ﻟﺮﺳﺎﻟﺘﻪ ﻓﻬﻮ
ﻋﻤﻞ ﺍﻟﻲ ﻋﻠﻴﻪ ﻭﺑﻠّﻎ ﻭﺭﺑﻨﺎ ﻫﻮ ﺍﻟﻲ ﻫﻴﺤﺎﺳﺒﻬﻢ ﺩﻩ ﻳﻘﺪﺭ ﻳﻐﻴّﺮﻫﻢ ﻑ ﻟﺤﻈﺔ
ﺑﻘﻮﻡ ﻏﻴﺮﻫﻢ ﻭﻻ ﻳﻔﺮﻗﻮﺍ ﻣﻌﺎﻩ ﻛﻠﻬﻢ ﻋﻠﻰ ﺑﻌﻀﻬﻢ ,, ( ﻓﺈﻥ ﺗﻮّﻟﻮﺍ ﻓﻘﺪ
ﺃﺑﻠﻐﺘﻜﻢ ﻣﺎ ﺃُﺭﺳﻠﺖ ﺑﻪ ﺇﻟﻴﻜﻢ ﻭﻳﺴﺘﺨﻠﻒ ﺭﺑﻲ ﻗﻮﻣﺎً ﻏﻴﺮﻛﻢ ﻭﻻ ﺗﻀﺮﻭﻧﻪ
ﺷﻴﺌﺎً )
ﻭﻟﻤﺎ ﻣﻘﺪﺭﻭﺵ ﻳﻌﻤﻠﻮﻟﻪ ﺣﺎﺟﺔ ﺭﻏﻢ ﺍﻟﺘﺤﺪﻱ ﺇﻋﺘﻤﺪ ﺑﻌﺾ ﺍﻟﻌﻠﻤﺎﺀ ﺍﻟﺘﺤﺪﻱ ﺩﻩ
ﻛـ ﻣﻌﺠﺰﺓ ﺳﻴﺪﻧﺎ ﻫﻮﺩ
_
ﻣﺎﻫﻤﻬﺶ ﻛﻼﻡ ﺳﻴﺪﻧﺎ ﻫﻮﺩ ﻭﺇﺳﺘﻜﺒﺮﻭﺍ ﻭﺇﻏﺘﺮّﻭﺍ ﺑﻤﺎ ﺁﺗﺎﻫﻢ ﺍﻟﻠﻪ ﻣﻦ ﻗﻮﺓ
ﻗﺎﻟﻮﺍ ( ﻣﻦ ﺃﺷﺪ ﻣﻨﺎ ﻗﻮﺓ )
ﻭﻓﻮﻕ ﻛﻞ ﺩﻩ ﺇﺗﺤﺪّﻭﻩ ﻭﺇﺳﺘﻌﺠﻠﻮﺍ ﺍﻟﻌﺬﺍﺏ ( ﻓﺄﺗِﻨﺎ ﺑﻤﺎ ﺗﻌِﺪُﻧﺎ ﺇﻥ ﻛﻨﺖ ﻣﻦ
ﺍﻟﺼﺎﺩﻗﻴﻦ )
ﻭﻗﺪ ﻛﺎﻥ ..
ﺇﺑﺘﺪﺍ ﺍﻟﻌﺬﺁﺏ ﻋﻠﻰ ﻣﺮﺣﻠﺘﻴﻦ .. [ﺍﻩ ﻣﺎﻫﻢ ﻣﺶ ﺍﻱ ﺣﺪ ﺑﺮﺩﻭ. ﺩﻭﻝ ﻧﺎﺱ
ﺇﺳﺘﻌﺠﻠﻮﺍ ﺍﻟﻌﺬﺍﺏ ﻭﺗﻜﺒّﺮﻭﺍ ﻓﻲ ﺍﻻﺭﺽ ﻭﺇﺗﺤﺪﻭﺍ ﺍﻟﻠﻪ ]
ﺍﻟﻤﺮﺣﻠﺔ ﺍﻷﻭﻟﻰ ﻛﺎﻧﺖ ﺇﻥ ﺭﺑﻨﺎ ﺃﺭﺳﻞ ﺣﺮ ﺷﺪﻳﻴﻴﻴﺪ ﻋﻠﻴﻬﻢ ,, ﻣﻦ ﻛﺘﺮ
ﺍﻟﺤﺮﺍﺭﺓ ﺟﻔﺖ ﺍﻟﻌﻴﻮﻥ ﻭﺍﻵﺑﺎﺭ ﻭﻣﺎﺗﺖ ﺍﻟﻨﺒﺎﺗﺎﺕ ﻭﺇﺗﺤﻮﻟﺖ ﺍﻟﺒﺴﺎﺗﻴﻦ ﺍﻟﻲ ﻛﺎﻧﺖ
ﻛﻠﻬﺎ ﺧﻀﺮﺓ ﻭﺛﻤﺎﺭ ﻟﺬﺑﻮﻝ
ﺇﻧﻘﻄﻊ ﻋﻨﻬﻢ ﺍﻟﻤﻄﺮ ﻓﺘﺮﺓ ﻃﻮﻳﻠﺔ , ﻓﺈﻧﻘﻠﺐ ﺣﺎﻟﻬﻢ ﻭﺑﻘﻮﺍ ﻋﺎﻳﺸﻴﻦ ﺯﻱ
ﺍﻷﻣﻮﺍﺕ
ﻓﺠﺄﺓ ﻻﻗﻮﺍ ﺳﺤﺎﺏ ﻋﻈﻴﻢ ﺟﺎﻱ ﻋﻠﻴﻬﻢ
ﻓﺮﺣﻮﺍ ﻭﺇﺳﺘﺒﺸﺮﻭﺍ ﻭﺇﻓﺘﻜﺮﻭﺍ ﺍﻥ ﺍﻟﻔﺮﺝ ﺟﻴﻪ ﻭﺍﻧﻬﺎ ﻫﺘﻤﻄّﺮ ﺃﺧﻴﺮﺍً ﻓﻴﺸﺮﺑﻮﺍ
ﻭﻳﺴﻘﻮﺍ ﺣﻴﻮﺍﻧﺘﻬﻢ ﻭﻳﺮﺟﻌﻮﺍ ﻟﻌﺰﻫﻢ ,, ﻗﺎﻟﻮﺍ ( ﻫَﺬَﺍ ﻋَﺎﺭِﺽٌ ﻣُﻤْﻄِﺮُﻧَﺎ )
ﻟﻜﻦ ﺍﻟﺴﺤﺎﺏ ﻣﻜﻨﺶ ﺟﺎﻳﺐ ﻣﻄﺮ ﺩﻩ ﻛﺎﻥ ﺟﺎﻳﺐ ﺍﻟﻤﺮﺣﻠﺔ ﺍﻟﺘﺎﻧﻴﺔ ﻣﻦ ﺍﻟﻌﺬﺍﺏ
ﻫﺒّﺖ ﻋﻠﻴﻬﻢ ﺭﻳﺢ ﺷﺪﻳــﺪﺓ ﻟﻤﺪﺓ 7 ﻟﻴﺎﻟﻲ ﻭ 8 ﺃﻳﺎﻡ ﻣﻦ ﻏﻴﺮ ﺇﻧﻘﻄﺎﻉ ( ﺭﻳﺢٌ
ﻓﻴﻬﺎ ﻋﺬﺍﺏ ﺃﻟﻴﻢ ﺗُﺪﻣّﺮ ﻛﻞ ﺷﻲﺀ ﺑﺄﻣﺮ ﺭﺑﻬﺎ ﻓﺄﺻﺒﺤﻮﺍ ﻻ ﻳُﺮﻯ ﺇﻻ ﻣﺴﺎﻛﻨﻬﻢ
ﻛﺬﻟﻚ ﻧﺠﺰﻱ ﺍﻟﻘﻮﻡ ﺍﻟﻤﺠﺮﻣﻴﻦ )
ﻫﻮﺁ ! ﺃﻫﻠﻜﻬﻢ ﺍﻟﻠﻪ ﺑـ ﻫﻮﺁ ! .. ﺍﻟﻲ ﻛﺎﻧﻮﺍ ﻋﺎﻣﻠﻴﻦ ﻓﻴﻬﺎ ﺃﺷﺪ ﺃﻗﻮﺍﻡ ﺍﻷﺭﺽ
ﻭﻣﻔﻴﺶ ﺯﻳﻬﻢ ,, ﺷﻮﻳﺔ ﻫﻮﺍ ﺇﻧﺘﺰﻋﻮﻫﻢ ﻣﻦ ﺃﻣﺎﻛﻨﻬﻢ ﺯﻱ ﺍﻟﻨﺨﻞ ﺍﻟﻔﺎﺿﻲ ﺍﻟﻲ
ﺑﻴﻄﻴّﺮﻭﺍ ﺍﻟﻬﻮﺍ !
ﻧﺮﺟﻊ ﻭﻧﻘﻮﻝ ﺭﺑﻨﺎ ﺩﺍﻳﻤﺎ ﺑﻴﻬﻠﻚ ﺍﻟﺠﺒّﺎﺭﻳﻦ ﺑﺄﻫﻮﻥ ﺳﺒﺐ .. ﻋﺸﺎﻥ ﻣﺎﻧﻌﻈّﻤﺶ
ﺍﻻﺳﺒﺎﺏ ﻭﻧﻌﻈّﻢ ﺍﻟﻤُﺴﺒﺐ ﺳﺒﺤﺎﻧﻪ ﻭﺗﻌﺎﻟﻰ
_
ﻭﻓﻲ ﺍﻷﻭﻝ ﻭ ﻓﻲ ﺍﻻﺧﺮ ﺩﻱ ﻛﻠﻬﺎ ﺍﺟﺘﻬﺎﺩﺍﺕ ﺍﻟﻌﻠﻤﺎﺀ ﻓﻲ ﻣﺤﺎﻭﻟﺔ ﺗﻔﺴﻴﺮ
ﻛﺘﺎﺏ ﺍﻟﻠﻪ ﻭﺭﺑﻨﺎ ﻭﺣﺪﻭ ﺍﻷﻋﻠﻰ ﻭﺍﻷﻋﻠﻢ ﺑﻤﺎﻳﺼﻴﺐ ﻭﻳﺨﻄﺊ ﻣﻨﻬﺎ ﻗﺎﻝ
ﺗﻌﺎﻟﻰ " ﻭﻣﺎ ﻳﻌﻠﻢ ﺗﺄﻭﻳﻠﻪ ﺇﻻ ﺍﻟﻠﻪ ﻭﺍﻟﺮﺍﺳﺨﻮﻥ ﻓﻲ ﺍﻟﻌﻠﻢ ﻳﻘﻮﻟﻮﻥ ﺍﻣﻨﺎ ﺑﻪ
ﻛﻞ ﻣﻦ ﻋﻨﺪ ﺭﺑﻨﺎ "
_
- ﺳﻴﺪﻧﺎ ﺍﻟﻨﺒﻲ ﻣﻦ ﻋِﻈﻢ ﺳﻮﺭﺓ ﻫﻮﺩ ﻗﺎﻝ ﻋﻨﻬﺎ " ﺷﻴّﺒﺘﻨﻲ ﻫﻮﺩ "
- ﻗﺼﺔ ﺳﻴﺪﻧﺎ ﻫﻮﺩ ﻣﺶ ﻫﺘﻼﻗﻴﻬﺎ ﻻ ﻑ ﺍﻟﺘﻮﺭﺍﺓ ﻭﻻ ﻓﻲ ﺍﻻﻧﺠﻴﻞ ﺍﻟﻘﺮﺁﻥ
ﻫﻮ
ﺍﻟﻮﺣﻴﺪ ﺍﻟﻤﺘﻔﺮّﺩ ﺑﺬﻛﺮﻫﺎ
-ﺍﻷﻗﻤﺎﺭ ﺍﻟﺼﻨﺎﻋﻴﺔ ﻻﻗﺖ ﺁﺛﺎﺭ ﻗﻮﻡ ﻋﺎﺩ ﻓﻲ ﺍﻟﺮﺑﻊ ﺍﻟﺨﺎﻟﻲ ﻭﺍﺗﺄﻛﺪﻭﺍ ﺇﻥ ﻫﻲ
ﺩﻱ ﺍﻟﻤﺪﻳﻨﺔ ﺍﻟﻤﺬﻛﻮﺭﺓ ﻷﻧﻬﻢ ﻻﻗﻮﺍ ﺁﺛﺎﺭ ﺍﻷﻋﻤﺪﺓ ﺍﻟﻀﺨﻤﺔ ﺍﻟﻲ ﻣﻴّﺰﺗﻬﻢ ﻓﻲ
ﺍﻟﻘﺮﺁﻥ ﻭﻻﻗﻮﺍ ﻛﻤﺎﻥ ﺁﺛﺎﺭ ﻷﻧﻬﺎﺭ ﺟﺎﻓﺔ ﻗﺮﺏ ﻣﺴﺎﻛﻨﻬﻢ ,,
ﻳُﻌﺘﺒﺮ ﺍﻻﻛﺘﺸﺎﻑ ﺩﻩ ﻣﻦ ﺇﻋﺠﺎﺯ ﺍﻟﻘﺮﺁﻥ
|
المنتدى
التسجيل
الأسئلة المتكررة
بحث
