سهم النور كتب:
شاكر لـ”بلومبرج”: مصر تدرس بيع محطات سيمنز لـ “زارو” و”إدرا باور”
الإثنين 27 مايو 2019
تدرس مصر عروض من شركة “زارو” التابعة لمجموعة “بلاكستون”، وشركة “إدرا باور” الماليزية القابضة لشراء ثلاث محطات طاقة تم بناؤها بناء مشتركا مع شركة “سيمينز” الألمانية، وهو خطوة قد تخفض الديون وتجلب الاستثمارات الأجنبية التي تشتد الحاجة إليها.
المصدر :
https://alborsaanews.com/2019/05/27/120 ... J55nVoNS6c
أكرمكم الله أخي الكريم الفاضل سهم النور وكل عام وحضرتك بألف خير وهناك رد منقول يمكن يوضح لماذا تلجأ الدولة لهذا
منقول
عن الديون الخارجيه ل مصر..
حقك عليا بوست طويييل... بس طول بالك معايا كده واحده واحده
اكتر من صديق لي قلقان... من تفاقم حجم الدين الخارجي....
ولان دي دراستي وشغلتي واللي بفهم فيه
انا اسف اني حاقولك انا الفقير الي الله خبر صادم جدا :
ارتفاع حجم الدين علامه.. ايجابيه.. وصحيه جدا... وأمريكا القويه.. صاحبه أعلى دين خارجي في الكوكب.... عارف ليه الدين الخارجي الكبير في اي ميزانيه علامه صحيه ؟.
علامه صحيه ليه بقا.. .. لأنه بالبلدي.. و ببساطه شديده.. انت بتشتغل وبتكبر.. بفلوس غيرك.. يعني ببساطه شركه راس مالها مليون جنيه... بتشتغل وتكسب براسمال خمسين مليون جنيه... تدفع تكلفه الدين.. وباقي المكسب ليها هي... فتعمل أرباح وعوائد.. كان من المستحيل عمايله في ظل إمكانياتها وراسمالها البسيط ....
علامه صحيه ان غيرك ده.. واثق في اقتصادك وانك حتكسب وحتكسبه.. فبيستثمر عندك وفي اقتصادك.....
كمان فيه بعد سياسي.. انه حيحافظ عليك.. وعلى سلامتك.. و على خططك.. وعلى سلامه اقتصادك.. علشان تكسب.. وهو يكسب.. علشان فلوسه عندك... و مصلحته بقت معاك
كل ده جميل.. الدين الخارجي علامه صحيه... في المطلق ؟؟. لاء طبعا.. بشروط.... ايه هيا بقا؟
انها توضع في الاستثمار.. مش في الاستهلاك... انك تكون خططك ناجحه في اعاده السداد قسط الدين وتكلفته... إن اقتصادك يكون بينجح و موازنتك تحقق فائض... إنك متسددش ديونك من الاحتياطي.. بالعكس المفروض ان الاحتياطي يزيد أو خططك ناجحه... إن ثقه المؤسسات الماليه فيك وفي اقتصادك موجوده.. يعني تصنيفك الائتمانى يكون بيعلي.. أو على الأقل ثابت.... إن خططك في التنفيذ ماشيه مظبوط.. وبتبني وبتفتتح في المواعيد.. وفيه إنجاز بيحصل عالارض.. وان حجم الدين لايقترب من ٤٠٪ من الناتج القومي ليظل في الحدود الامنه.
طيب على السريع ومن بعيييد لان التفاصيل الفنيه كتيييره :
* مصر سددت 36.7 مليار دولار ديون خارجيه خلال ال24 شهر السابقين وبالرغم من ذلك ارتفع الاحتياطى النقدى المصرى الى 44 مليار دولار لاول مره فى تاريخها
* مصر حتسدد 14.7 مليار دولار ديون خارجيه فى 2019 حان وقت سدادها منهم 8.5 مليار دولار لدول الخليج العربى السعودية والكويت والامارات
* مصر حققت فائض (أولى) فى الموازنه يقدر ب 21 مليار جنيه فى الفتره بين (يونيو٢٠١٨ الى ديسمبر ٢٠١٨) لاول مره منذ 20 عام - (الفائض الاولى فى الميزانيه هو الفرق بين مصروفات الدوله وايرادتها لكن قبل زياده الديون المستحق سدادها على الموازنه بعدها يبدأ العجز فى الميزانيه يظهر)
*مصر افتتحت كل المشاريع الكبرى اللي تم الإعلان عنها في مواعيدها وقبل.. زي قناه السويس وامفاق سيناء و المحاور والكباري والكهرباء وغيره وغيره.. وده بيطمن جدا الدائنين والمؤسسات والدول والجهات المانحه
*رفعت مؤسسات الاقتصاد تصنيف مصر الائتمانى اكثر من مره خلال سنوات قليله ، تصنيف الوكالات هدفه تحديد مقدرة البلاد من حيث قابليتها على سداد ديونها.. ودي مؤسسات خبراء وعلم وتحليل... (مش الجهابذه على الفيسبوك اقسم بالله) مثلا :
-رفعت وكالة موديز تصنيف مصر الى B2 مع نظرة مستقبلية
-رفعت وكاله فيتش تصنيف مصر الى B+ مع نظره مستقبلية مستقرة
-رفعت وكالة استاندرز تصنيف مصر الى B مع نظره مستقبليه مستقرة
التصنيفات دي تعنى قدره مصر على سداد ديونها فى مواعيدها والوفاء بالتزامتها دون مواجهه اي مشكلات.
عندي بس طلب بسيط لأي حد عاوز يتناقش. مش بطلب منك انك تكون فاهم اقتصاد.. خاااالص.. بطلب منك بس انك متكلمش غير في اللي بتفهم فيه... بلاش فتاوى يعني وكلام منقول من سياق مختلف .
ابوس ايديك ياشيخ.. كلمني في الإطار العام اللي اتكلمت فيه ب المعلومه والرقم والتقرير والبيان.. مش بالهوى والرأي والكلام المرسل.. بلاش التعليقات عينه ماهي بتتسرق.. و مين قالك اننا حنسدد.. والاسراف.. وفتحه الكوبري ليه ٣٠٠ متر... والجو العالي ده...
https://m.facebook.com/groups/142247651 ... 3565803296