دائما و أبدا .... الإجابة في الخريطة

عمرو أبوشادى · **مرسل:** الأربعاء أكتوبر 25, 2017 10:05 pm

دائما و أبدا .... الإجابة في الخريطة
ا-----------------------------------

[size=50]

طوال اربع سنوات و عبر عشرات المقالات فنَّدنا و شرحنا ما نعيشه اليوم و ما سنواجهه غدا .... و ان البعض يرسل لنا رسائل من نوعية انكم منغمسون في افكار نظرية المؤامره او تقومون بالتهويل و اننا بنحلم افلام هندي ... لكن مع الوقت و مع الاحداث على الارض ... تأكد بنسبة كبيييره جدا كل السيناريوهات بتفاصيل احداثها التي كنا نتحدث عنها و نحاول ايصالها لكل أصدقاؤنا.
.
و بعد الاحداث اللى حصلت الكام يوم اللى فاتو ..... فنحب نقلكم اننا داخلين على المراحل النهائيه في الحرب العالميه الثالثه اللى شغاله بقالها 7 سنوات بلا رحمة و اللى حيتمخض من نتيجتها نظام عالمي جديد تماما يدير شئون العالم المائة سنة القادمه .... و علشان نخش في الموضوع من غير ما نضيع وقتكم ... و لان الموضوع كبير شوية ... فحنقول الجمله المكرره بتاعتنا في اي مقال هام ننشره ..... إننا بنعتذر عن طول المقال و معلش تعالي على نفسك و فضي نفسك خمس دقائق بس ... و هات كوباية الشاي بتاعتنا ... و متزهقش لو لقيت كلام مكرر ... لان اكيد الكتير من اللى حنقوله قريته معانا في مقالاتنا طوال الاربع سنوات اللى فاتو.... و لكن المقال النهارده حيكون على هيئة أسئله ... و أجوبه ... س .... ج.
.
س1:- ما هي الحرب العالميه الثالثه الدائره الآن ؟
.
ج1:- الحروب العالميه بتكون بين قوى عالميه ... بتبدأ لتدمير دول عديده للسيطره على مقدراتها و ثرواتها لحساب المنتصر ... و بتنتهي بتكوين نظام عالمي جديد يشكله الفريق المنتصر ليقود العالم بكل مقدراته فتره كبيره من الزمن لحين نشوب حرب اخرى ..... زي ما حصل بالظبط بعد الحرب العالميه الثانيه و اللى بعد عشرات الملايين من القتلي و تدمير دول بالكامل .... تشكل النظام العالمي وقتها على نظام القضبين ... كتله شرقيه و كتله غربيه.
.
الحرب الحاليه تطورت من حروب الجيل الثالث اللى كانت ايام الحرب العالميه الثانيه الى جيل جديد من الحروب و هي حروب الجيل الرابع و الخامس .... الجيل الرابع و هي حروب تعتمد على تفكيك الدول من داخلها باستهداف الوعي الجمعي للشعوب لتقوم بتفكيك نفسها بنفسها و تحويلها الى دوله فاشله ... ثم يطلقوا عليها حرب الجيل الخامس و هي حرب بالوكاله ... و هي ان تقوم الدول المهاجمه ... بتجنيد مرتزقه من الكلاب السعرانه و الصيع من ابناء هذه الدول و تقوم بتسليحهم و تدريبهم و حمايتهم و مدهم بكل الامكانيات العسكريه و اللوجيستيه و المعلوماتيه و الاقتصاديه و دعمهم سياسيا و اعلاميا ليقوموا بتدمير جيوش الدول الوطنيه اللى اصبحت مؤسساتها فاشله ليقوموا بعد ذلك بحملات تطهير عرقي وحشيه باستخدام ابشع صور القتل و التنكيل و الاغتصاب الممنهج حتي ينجحوا في تهجير سكان المناطق منطقه تلوا الاخرى لتغيير الديموغرافيا السكانيه و تجميع كل عرق او طائفه في كانتونات محدده سلفا تمهيدا لتقسيم هذه الدول على اساس طائفي و عرقي .... فالدوله تنقسم الى 4 او 5 دول صغيره ضعيفه لا جيوش لها مؤسساتها ناشئه و ضعيفه اقتصاديا ... فيسهل السيطره عليها و فرض الولاء التام عليهم ليدينوا لمن يدير الامور بالولاء و الطاعه العمياء.
.
س2:- من يدير هذه الحرب و ما هي ادواتهم؟
.
ج2:- القائد دائما و ابدا هى بريطانيا ... فهي رأس الافعي .... و إبنتها الشرعيه اسرائيل و تابعيها من اشرس و اقوي تنظيم ارهابي في التاريخ ... و هم من يتحكمون في اقتصاديات العالم و اعلامه و حكوماته .... في امريكا و تركيا دول الغرب ... و لهم أذرع في المنطقه تم زرعها من سنين عديده ... و على رأسهم .... جماعة الاخوان الارهابيه و نظام ملالي ايران ... اللى استخدموا الدين وسيله في الانتشار و تجنيد مجانين الدين لانشاء ميليشيات من الكلاب السعرانه اللى حتقوم بدور التنفيذ على الارض.
.
س3:- طب هي ايه أهدافهم من الحرب دي؟
.
ج3:- الاستيلاء على غاز و نفط الخليج و البحر المتوسط كمرحله اولي .. ثم تدمير روسيا و الصين كمرحلة ثانيه .... المرحله الاولي حتتم لما يتم تنفيذ خط غاز نابكو اللى طالع من آبار قطر عبر السعوديه فالعراق فسوريا فتركيا ثم أوكرانيا عبر إقليم القرم .... و خط تاني اللى حتكون اسرائيل هي المالكه بتاعته من البحر المتوسط الى سواحل سوريا فتركيا ثم الى اوروبا ... و ده طبعا مش حينفع يتم غير بتدميرجيوش دول مسار الخط ده بالكامل ثم تدمير شعوبهم ... فتقسيمهم الى دول صغيره تدين بالولاء الكامل الى حزب الشيطان ... و ده زي اللى حصل مع اول نجاح ليهم في اقليم كردستان اللى اعلن ولاؤه التام لاسرائيل زي ما شوفنا.
.
بعد كده و لما الكلاب السعرانه دي تنتهي من مهمتها ... و قبل ما يُفقد السيطره عليهم ... يتم اطلاقهم على شرق اسيا بحجة نصرة الاسلام هناك ليقوم مليار و نص مسلم بمحاربه حوالي 2 مليار صيني و روسي و كام بلد في السكه و معاهم ربنا بقي .
.
س4:- طيب هل نجحت هذه الخطه؟
.
ج4:- المرحلة الاولي نجحت في كل اجزاؤها ما عدا أخر جزء ... فتم تدمير العراق و سوريا و ليبيا و اليمن و استيلاء ذيول حزب الشيطان على السلطه في مصر .... و استدعاء عشرات الالاف من الارهابيين لتوطينهم في مصر استعدادا لاقتناص الجائزه الكبرى و هي مصر تمهيدا لتدميرها .... و اللى كان نتيجته الحتميه إنهيار الخليج العربي تماما و يخضع لحكم آل حمد اللى كان حينصب نفسه خليفه في الجنوب و تركيا خليفه في الشمال ...... لغاية ما حصل زلزال 30 يونيو ... و اللى أوقف تماما كرة الثلج اللى كان الروس و الصينيين بيحضروا نفسهم للحل العسكرى لمواجهة هذه الخطه على أراضيهم ... و ده أوجد لهم مساحه كبيره يستطيعون مهاجمة جيش الشيطان خارج أراضيهم .... فروسيا .... دخلت اقليم القرم و ضمته لها ... و سيطرت على تركيا بالعصا و الجزره ... و بدأت مصر تقاوم هذه الحرب العالميه بالمواجهه المباشره منفرده .
.
س5:- طب ايه كان دور دول اوروبا في مواجهة الخطه الشيطانيه دي؟
.
ج5:- الدول الاوروبيه كانت مرعوبه ... لانه اتقال لها ... الخطه بتاعتنا محدش يقدر يواجهها ... و اللى حيقف في طريقها حيكون مصيره التدمير تماما .... لانكم شعوب متقدرش تواجه ارهاب .... لان دولكم تتكون من اعراق مختلفه مش طايقين بعض اساسا .... و بينهم تارريخ طوييييل من الحروب و التار البايت .. و ما حيصدقوا يقوموا على بعض في حروب مدمره زي ما شفتم اللى حصل في يوجوسلافيا و صربيا قبل كده ... و اللى هــ يشاور عقله بس و مش هــ يتعاون معانا و يقبل انه يكون خاضع لينا ... هــ نورّيله العين الحمرا ... و كلنا شوفنا الكام حادثه اللى في اوروبا اللى كان 4 أنفار بس بيقفلوا مدن بكاملها و يفرضوا حظر التجول فيها .
.
س6:- طب اييه اللى كان مطلوب من الدول الاوروبيه ؟
.
ج6:- كان مطلوب الاتي:-
• تسهيل تجنيد الكلاب السعرانه من اراضيها
• تسهيل نقل التمويل و غسل اموال التنظيمات الارهابيه عبر بنوكها و منع تتبع حساباتهم
• اقامة علاقات تجاريه كامله مع التنظيمات الارهابيه اللى على الارض سواء في بيع الاسلحه او شراء البترول و الآثار و الرقيق الابيض و الاعضاء البشريه اللى كانت بتقوم التنظيمات دي بتصديرها بعشرات المليارات طوال السنين اللى فاتت
• الدعم السياسي لهذه التنظيمات و الاعلامي لهذه التنظيمات و عدم فضح ما يقومون به على الارض
• مواجهة الدولة الوحيده التي وقفت في وجه هذا المخطط الشيطاني و هي مصر ... فــ كان الأمر بمحاصرة مصر سياسيا و و اقتصاديا بمنع السياحه و منع الاستيراد و وقف بعض المنتجات لهذه الدول من التصدير لمصر لتركيعها و تركيع شعبها
.
س7:- طب ايه كان دول الدول العربيه ؟
.
ج7:- المغرب العربي وقف على الحياد لانه تصور انه بعيد جغرافيا عن ارض المعركه ... اما دول الخليج ... و لان يا روح ما بعدك روح ... وقفت مع مصر وقفه تااااريخيه ... سواء سياسيا او اقتصاديا .... و كانوا ماشيين على حافة السكين .... و بيعملوا مع مصر في تناغم كبير و حتي و إن ظهر في بعض الاوقات انه كان فيه خلاف في مناورات سياسه لكسب الوقت انتظارا للتحول اللى بنشوف دلوقتي و بالذات في السعوديه لتكوين تحالفات اقتصاديه و تحولات ايدولوجيه لطرد و تنظيف المجتمعات من قوي التخريب اللى اتزرعت من عشرات السنين في المنطقه ... و ده اللى كنّا شرحناه بالتفصيل في مقالات سابقه حتلاقوا اللينك بتاعها في آخر المقال ... و الله يرضي عليكم ادخلوا اقروا المقالات دي لانها مهمه جدا في فهم ما يحدث الان على الارض.
.
س8:- طب مصر عملت ايه ؟
.
ج8:- بإختصار .... مصر هي الدوله الوحيده اللى واجت و صمدت في الحرب العسكريه و الاقتصاديه و الاعلاميه و المجتمعيه اللى كانت كفيله بتفكيك دول عظمي ..... و ده لسببن ... الاول هو تماسك الجبهه الداخليه و اتحاد الشعب و الجيش على قلب رجل واحد بالرغم من كل البروجابندا اللى بيحاول يعملها اصحاب الصوت العالي .... و السبب الثاني ... هو انتهاج مصر منهج الحلول الجذريه سياسيا او اقتصاديا سواء داخليا او خارجيا بغض النظر عن صعوبة آثار هذه الحلول على المواطن المصري اللى بيعاني بس فاهم و متحمل ده ... و انا بتكلم على المواطن العادي مش بتاع السوشيال ميديا و الفيسبوك.... و ده أدي الى نجاح كبيييير جدا في بقاء مصر دوله موحده ... لتصبح هي الدوله الناجيه في المنطقه .... و لتحجز مصر اول مقعد على مائدة النظام العالمي الجديد في المنطقه مع الكبار .... و تنتظر من سيفرض نفسه لاحقا.
.
س9:- طب اشمعني فرنسا هي اللى بنحس انها بتغرد خارج السرب الاوروبي .... حتي ماكرون اللى كان النوشتاء و الاخوان اكبر داعميه ... قلب عليهم ؟
.
ج9:- فرنسا دولة استعماريه مفتريه زيها زي باقي الدول الاوربيه بالظبط ... لكن ليها هي اكبر الخاسرين من نجاح خطة جيش الشيطان .... و ده اللى شرحناه بالتفصيل في مقال مهم جدا نشرناه من سنتين و نص اسماه " لمـاذا فرنسـا – عملية تأديب فرنسا – شارل إيبدو "
.
http://www.kalamfelsamim.com/b/b10/
.
و الله يرضي عليكم ... المقال ده مهم جدا جدا .... تعالي على نفسك و اقراه على رواقه و انت هــ تفهم ليه فرنسا بالذات ... و ليه اي رئيس مهم كانت خلفيته .... مالهوش اختيار تاني غير دعم مصر ... و ده مش حباً فيها و لا علشان سواد عيوننا .... لكن لغة المصالح تغلب .... لان مصالح مصر و فرنسا في افريقيا واحده .... و ده اللى خللي فرنسا تكون اكتر دوله ضربها ارهاب جيش الشيطان .... و اللى خللي فرانسوا هولاند يستنجد بالشعب الفرنسي امام جيش الشيطان لما دعي لنزول الشعب الفرنسي لتفويضه لمواجهة الارهاب ... و كانه بيقولهم .... لو هــ تواجهونا مواجهات مباشره ... يبقي واجهوا الشعب كله مش حكومتي بس.
و ده برضوا اللى خاللى ماكرون اللى كان الاخوان و النوشتاء حاطين عليه أمل كبيييير انه يقلب على مصر .... ينقلب عليهم .... لان مصالح الامبراطوريه الفرنسيه و الفرانكفونيه في افريقيا و العالم على المحك .... و البوابه الوحيده لسلامة هذه المصالح هي القاهره .... و عشان كده في المؤتمر الصحفي قالهم بالبلدي كده ... حقوق انسان مين يا حبيبي ... فوقوا بقي ... روح شوف اللى حصل في ليبيا و سوريا و العراق و بعدين ابقي تعالي كلمني ... مصر ادرى بشئونها .... و احنا واقفين معاها .... و نقول كمان ... ماتنساش تقرا المقال

.
س10:- طب ايه بقي شكل المواجه دلوقتي عندنا؟
.
ج10:- مصر عملت المعجزه و نجحت في امتصاص الضربات اللى كانت كفيله بهدم دول عظمى و صمدت و سط دهشة العالم كله .... اللى كانوا بيقولوا علينا مجانين .... لان احنا بجلالة قدرنا كنا مرعوبين منهم .... و مفيش دولة تقدر تقف قدامهم ... و أصبحت مصر مثال حي و سابقه تاريخيه لدولة تقدر تقف امام الشيطان و جيشه .... مش كده و بس ... و تبعا لمقولة " لما هــ كبر هــ ضربكم " .... بدأت مصر في الهجوم المضاد ... و بالاسلوب الشرقي الثابت و الهادي .... أسلوب الصبر الاستراتيجي ..... و ليس اسلوب الكاوبوى المدمر و اللى كانوا و مازالوا يحاولون جرنا له ... طب عملنا ايه .
.
عملنا استقرار سياسي في مصر ... و اصلاح اقتصادي نااااجح جدا و اللى بشايره هــ تبان خلاص على الابواب ... و قمنا بالتمدد خارجيا سياسيا بتكوين شبكه مصالح سواء سياسيه او اقتصاديه مع حكومات دول العالم .... لصالح الامن القومي المصري .... و ده كان مع التمدد العسكري بعد اتمام صفقات تسليحيه استراتيجيه غير تقليديه... ليمتلك الجيش المصري القدره ليس على حماية حدوده دولته فقط ... و لكن لحماية المجال الحيوي للامن القومي المصري عسكريا و اللى ممتد من المحيط الاطلنطي الى الخليج العربي ....
.
لنقوم بضرب مخططاتهم في الداخل ببسط السيطره الامنيه على سيناء و حدود مصر ... و القضاء على الاذرع الارهابيه في الداخل .... و ياريت نرجع كده بالذاكره الى عام 2013 و نقارن بين العمليات الارهابيه و القنابل اليوميه اللى كانت في كل شارع ... و ما نشاهده اليوم .... ثم تقوم مصر بالهجوم عليهم خارجيا ... فتنجح في فرض الحل المصري على ليبيا .... لتهدئة الاوضاع سياسيا و عسكريا و بسط سيطرة الجيش الوطني الليبي على كامل اراضيه ... و ده تم بالذوق و العافيه في نفس الوقت سواء سياسيا او بقوات مجهوله بتدخل تفرم التجمعات الارهابيه في الداخل .... ثم محاصرة دولة التمويل الاولي و الراعي الرسمي للارهاب في المنطقه و هي قطر .... ثم النجاح في فرض المصالحه الفلسطينيه .... و نفاذ مصر الى سوريا .... و دخولها لفرض الحل السياسي هناك ... و دخولها كوسيط مقبول لدي الجميع لانهاء الميليشيات المسلحه هناك .... ده غير التواجد المصري السياسي الغير معلن داخل العراق لدعم الدوله العراقيه بكل السبل و الاشكال ..... يعني بالعربي كده ..... بعد هزيمة مخطط جيش الشيطان في مصر ..... قمنا ناطين ليهم في المنطقه و ماشيين ندمر في خططهم واحده واحده و داخل كل الدول اللى اشتغلوا عليها ... و ده أدي الى انهيار داعش و ميليشياتهم في مناطق عديده ..... و كل اللى بيحصل ده اول مرحلة فقط من الهجوم المصري الخارجي .... و ده اللى خلاّهم يتجننوا و يبعتوا مسؤول قطري ب 14 مليون دولار لغزه عشان يسلموها لمتطرفين داخل حماس عشان يفشلوا المصالحه الفلسطينيه باي ثمن و يفتحوا على مصر الجبهه الشرقيه تاني .... و عرض ايران على حماس بفتح سفاره داخل طهران و الدوحه و معاملتهم معاملة الدول المستقله .... بس التمن انهم ميتصالحوش مع السلطه الفلسطينيه و يفتحوا على مصر الجبهه الشرقيه.
.
س11:- طب الدواعش دول و الكلاب السعرانه دي ... لما القصه تخلص ... و لما مش حيكملوا على شرق اسيا ... اللى بــ يديرهم ، هــ يوديهم فين و هــ يتخلص منهم ازاي ؟
س11؟ طبعا لما مصر نجحت النجاح ده ... شجعت دول تانيه كتييير اوروبيه على انهم يبداو يشاوروا عقلهم ... و يبداوا يقاوموا اللى بيحصل .... و عشان كده انجلترا استبقت الكلام ده و خرجت من الاتحادالاوروبي ... عشان لما توريهم العين الحمرا تبقي بعيد عنهم ... و بدأ نشوف حركات الانفصال سواء في اسبانيا او ايطاليا ... و الكلام ده تهديد ليهم عشان يعملوا المطلوب منهم لمواجهة مصر لانها بالنسبه لانجلترا رأس الحيه التي يجب قطعها و معاقبتها و هو غض الطرف عن اختفاء عشرات الالاف من جيش الشيطان من سوريا و من العراق لنقلهم الى جنوب ليبيا عبر تشاد و السودان و النيجر .... و طبعا تشاد و النيجر مناطق نفوذ فرنسا اللى اصلا فيه شبه تحالف بينا و بينهم ....

عرفنا بقي ان الدنيا صغيره ازاي و ليه كان فيه زيارات مصريه كتير لتشاد السنتين اللى فاتوا

و ده حسب تخطيطهم تمهيد للهجوم الكاسح على مصر من الغرب و الجنوب بعد فشل اقامة الامارة الاسلاميه بتاعتهم في سيناء لاستمرار استنزاف مصر في حرب ارهابيه طويلة الامد .
.
س12:- طب احنا مستعدين للكلام ده ... و منين انت بتقول مصر نجحت في مواجهة الارهاب و لسه عندنا عمليات ارهابيه بيروح فيها شهداء من الجيش و الشرطه ؟
.
ج12:- الحرب اللى بتواجهها مصر محدش درسها قبل كده ... دي حرب من نوع جديد ... يعني من خارج المقرر ... و الحلول اللى بيعملها الجيش و الشرطه حلول بتتكتب دلوقتي في كتب العلوم العسكريه و العالم كله قاعد بيراقب و بيتعلم ازاي بيتم مواجهة هذا النوع من الحروب .... لانك مش بتواجه حرب تقليديه او شوية تجار مخدرات او حتي اراهبيين زي بتوع زمان .... انت بتواجه مرتزقه بيديرهم اعتي اجهزة المخابرات العالميه اللى بتسلحهم و تدربهم و عندهم الخبراء العسكريين ... اللى قاعدين موجهين ليك اقمارهم الصناعيه و بيستخدموا كل امكانياتهم العلميه و العسكريه في دراسة ثغراتك الامنيه ... و بعدين يوجهوا عليك مجموعه منهم يضربوا ضربتهم اليك ... و انت برضوا مش ساكت ... بتدرس اسلوبهم و بتخترقهم و بترد عليهم الصاع صاعين ... و بتواجههم بره و جوه ... و وسط 100 ضربه بتوجهها ليهم ... لازم ينولك من الحب جانب و تاخدلك ضربه على الماشي ... مهو دي الحرب ... و هي حرب فعليه مش هزار.... و اولادنا في الجيش و الشرطه فاهمين و عارفين الكلام ده و قابلين بيه ... و مستعدين للخساير دي بدلا من حضرتك ..... فالله يرضي عليك سيب الخبير الامني و الاستراتيجي كامن داخلك الفتره دي شويه ...... فالفتره الجايه ممكن جدا الضربات الارهابيه تزيد ... و حتزيد معاها الضربات المصريه في كل الاتجاهات سواء داخليا او خارجيا..... و إفتكر الكلمه اللى قالها الرئيس من سنة و شويه لما قال .... احنا قاعدين مستنينهم في القطاع الغربي ... هم ميعرفوش و لا يتخيلوا احنا محضرين ليهم ايه .
.
س13:- طب ليه الدوله متطلعش تقول الكلام ده و تنشر و تفضحهم ... و بالذات اننا متاكدين انها بتنشر 1% من نجاحاتها في ضرب الارهابيين و فيه عشرات الضربات الاستباقيه الناجحه سواء داخليه او خارجيا.
.
ج13- لان حضرتك مصر عندها معركه اخرى لا تقل ضراوة عن حربها على الارهاب و هي المعركه الاقتصاديه ... و لو تفتكر فضلة خيرك ... كان عندنا اول جاسوس مدني منتخب لما راح المانيا و قعد مع المستثمرين هناك عشان يشجعهم على الاستثمار .... كان بيحكيلهم على المدفع المضاد للطيارات اللى كان مع المواطنين اللى ضرب على طيارة هليكوبتر تابعه للجيش من فوق سطح بيت في بورسعيد ... و الناس هناك كانت بتضرب كف على كف ... انهي بلد اللى فيها مدافع على اسطح البيوت و عايزنا نيجي نستثمر فيها 
فــ ماينفعش الدوله المصريه تطلع اخبار و تقول اننا مسكنا و قتلنا آلاف الارهابيين و مسكنا اسلحه متقدمه معاهم بطول مصر و عرضها و على حدودها و خراج حدودها و تنشر الكثير من التفاصيل .... و بعدين تقولك ... تعالوا بقي شغلوا السياحه و اعملوا مصانع ... ده مش دور المسؤولين الرسميين و لا الاعلام الرسمي ... ده المفروض دور الاعلام الخاص و النخبه المثقفه اللى تشرح للناس ... و دول بالذات ... للاسف ... ايدك منهم و القبر
.
س14:- طب انا كمواطن عادي ... دورى اييه ؟
.
ج14:- انك تكون داعم لدولتك و جيشها و شرطتها و مؤسساتها حتي و انت كنت مختلف مع نظامها السياسي ... لان وجود حضرتك بقاله 7 سنين على المحك .... و احنا قربنا نخلص خلاص ..... و لما تكون دولتك بتحارب ... مفيش معارض و لا على الحياد ... فيه خائن ... و كلها اقل من 8 شهور و تقدر تنتخب حد تاني لو اللى موجود مش عاجبك و تجيب اللى نفسك فيه ...
بلاش نقل اشاعات او نقد المؤسسات الامنيه و هي بتحارب و اللى نفسه ينتقد ... ياريت يارجع المقال التالي " و مازال لوغاريتم الشعب المصري خارج التوقعات"
.
http://www.kalamfelsamim.com/ef/ef66/
.
أسفين جدا على المقال المطول و اللى اختصرنا فيه على قد ما قدرنا .... و عامة كل سؤال من اللى موجودين في المقال حتلاقي عليه مقالات مفصله بتشرح اجابته بالتفصيل على موقع الصفحه
.
http://www.kalamfelsamim.com/
.
آخر حاجه ... و نقول تاني .... متنسوش تقروا مقال فرنسا اللى اشرنا ليه فوق لانه فعلا مهم في فهم التحركات اللى هــ تحصل في ليبيا الفتره اللى جايه ..... نحن على الحق المبين .... و النصر قرب جدا ..
.
تحياتنا
.

#تحيا_مصر
#لن_ينطفىء_نور_مصر
#تحيا_مصر_ماحدش_تانى
#الشعب_يدعم_الرئيس
#مصر_أم_الدنيا_وهتبقى_قد_الدنيا
#مصر_قلب_النظام_العالمى_الجديد
#كلام_في_الصميم
[/size]

msobieh · **مرسل:** الأربعاء أكتوبر 25, 2017 10:59 pm

مجهود عالي من صاحب المقال

طول نفس ..

ما شاء الله لا قوة إلا بالله ..

حامد الديب · **مرسل:** الأربعاء أكتوبر 25, 2017 11:01 pm

فعلا كلام فى الصميم

فى الصميم قوى وبريطانيا لها يوم مشهود هى ومن خدم معها فى خططها

كل كلمه لها وزنها فى المقاله دى خاصه ماتعلق بدور مصر وتأثبرها فى اقناع الغرب بمحاربه الارهاب

خطه الشيطان الى زوال ان شاء الله

والفرح قريب قريب ان شاء الله وان بدا غير ماهو ظاهر

جمى الله مصر

وجوزيتم خيرا على الكلام الهام اخى الفاضل

عمرو أبوشادى · **مرسل:** الأربعاء أكتوبر 25, 2017 11:02 pm

نعم سيدى الشريف المقال هذا مبدع

حامد الديب · **مرسل:** السبت فبراير 12, 2022 2:22 pm

يرفع

موقع د. محمود صبيح

دائما و أبدا .... الإجابة في الخريطة

الموجودون الآن