موقع د. محمود صبيح

حبيبي هو .. هو عليا .. الآمر الناهي
مهوش بايدي البعاد .. والقرب والله
اللي ملك هو .. واللي حكم هو
اللي ملك .. وحكم .. وامر .. وقدر .. هو

إذا أمرني حبيبي .. أمرُه يحييني
ولما ينهي .. الجميل نهيو على عيني
المحتكم هو .. والمقتدر هو
واللي الفؤاد يهواه .. هو

فتشتلو عن شبيه .. في الحسن يتعاين
في الأرض ولا السما .. يا ربي .. مش باين
هو الجميل هو .. هو اللطيف هو
واللي اثر وبهر .. هو

حبيبي كل المحاسن والجمال منه
واللطف والظرف كلو يتعرف عنه
عقلي أنا هو .. روحي أنا هو
هو الحياه هو .. هو




كلمات: بيرم التونسي
ألحان: محمود الشريف