شريف عليان كتب:
السلام عليكم ورحمة الله
...........................................................................
اخوتي هذه الايام أمر بفترة عصيبة جدا بخصوص ما يحدث في مصر ...فقدت شعوري وصرت أتحدث مثل الناس ...تملكني الغضب والتمرد ..لا أنكر تأثرت من الذي حدث ...
لكني لم أكن كذلك ...لم أكن اخالف شيخي الذي دعم بشكل واضح رئيس مصر وجمع له مليون مؤيد ...لم أكن اخالفه بعدما رأيت الكرامات بنفسي وشفاني الله عنده من مرض عضال كنت أعاني منه منذ طفولتي ...
...........................................................................
السلام عليكم ارجو تكبير الخط
مشاكسة
بداية نحن نقرا المواضيع فى المنتدى المبارك بطريقتين
الاولى اثناء الاحداث وبالتالى القارئ فاهم الموضوع بيتكلم عن ايه
والطريقة الثانية القراءة التاريخية اى بعد الحدث بسنين وبالتالى غالبا لو الموضوع غير مفصل يصعب على القارئ فهم الموضوع بيتكلم عن ايه
والفاضل شريف بقصد بالذى يحدث فى مصر هو ارتفاع الاسعار الجنونى الناشئ عن رفع الحكومة لاسعار الوقود والبنزين والكهرباء والمياه ضبطا لسد العجز فى الموازنة لديها استجابة لروشتة صندوق النقد فى ما يسميه بالاصلاح الاقتصادى ...هذا هو ما يتكلم عنه الفاضل شريف ...
الفاضل شريف
1 - فى الغالب عندما ترتفع الاسعار يقف كلنا مع نفسه فى اول الشهر وقفة ليرى تاثير هذا الغلاء عليه وفى الغالب ممكن ان يحدد مبلغ العجز فى مصاريف الشهر بصورة تقريبية وذلك حتى يتمكن من ضبط اموره لباقى الشهر(اما بزيادة موارد دخله او بتقليل بعض بنود مصروفاته) ...
وبرغم ان مثل هذه الامور الاساس فيها انها شخصية وسرية لكن لا مانع من طرح السؤال لتنبيه
وليس مهما الاجابة بالطبع
والسؤال
يا ترى تقديرك للعجز فى ميزانيتك طبقا لاسعار الجديدة كام جنيه اخى الفاضل شريف
باسال سؤالى علشان اعرف قيمة اليقين بتاعك ...
فما اعلمه ان اليقين دا حاجة غالية وغالية جدا عايز اشوف السعرعندك كام
اهالينا زمان قالوا ان سرقت اسرق جمل وان عشقت اعشق قمر
عارف قالوا كده ليه
قالوا اسرق جمل لان الشرف غالى واليوم اللى حتسرق فيه حتبيعه ..
فما ينفعش تبيعه بحاجة رخيصة ..
بيعه باعلى سعر بسرقة اغلى شئ
وعبر عن الغالى بالجمل كقيمة وكحجم طبقا لثقافتهم ايامها
وقالوا ايضا اعشق قمر
لان خلو البال وراحته غالية ..
والحب فيه العذاب والسهاد والدموع ..
فيوم تبيع راحة البال وتحب ..
شوف لك واحدة قمر علشان يبقى بعت راحة البال بثمن غالى ..
وعبروا عن كمال المراة فى جمالها بصورة القمر حسب ثقافتهم
اليقين ايضا غالى جدا جدا اكتر من كده ..
يوم تشك فيه يبقى بعته ..
باسالك عن العجز فى الاسعار الجديدة علشان اعرف قيمة يقينك
كام جنيه هما اللى خلخلوه من جواك