msobieh كتب:
يا رب اجعلنا في دائرة رعايتك وعنايتك ودوائر حفظك
منكنش بره أبدا
نكون جوه دايما
{مَنْ كَانَ يُرِيدُ ثَوَابَ الدُّنْيَا فَعِنْدَ اللَّهِ ثَوَابُ الدُّنْيَا وَالْآخِرَةِ وَكَانَ اللَّهُ سَمِيعًا بَصِيرًا} [النساء: 134]
{مَنْ كَانَ يُرِيدُ الْعَاجِلَةَ عَجَّلْنَا لَهُ فِيهَا مَا نَشَاءُ لِمَنْ نُرِيدُ ثُمَّ جَعَلْنَا لَهُ جَهَنَّمَ يَصْلَاهَا مَذْمُومًا مَدْحُورًا } [الإسراء: 18]
{اللَّهُ لَطِيفٌ بِعِبَادِهِ يَرْزُقُ مَنْ يَشَاءُ وَهُوَ الْقَوِيُّ الْعَزِيزُ (19) مَنْ كَانَ يُرِيدُ حَرْثَ الْآخِرَةِ نَزِدْ لَهُ فِي حَرْثِهِ وَمَنْ كَانَ يُرِيدُ حَرْثَ الدُّنْيَا نُؤْتِهِ مِنْهَا وَمَا لَهُ فِي الْآخِرَةِ مِنْ نَصِيبٍ} [الشورى: 19، 20]
............
molhma كتب:
اللهم صلِّ وسلم وبارك على سيدنا ومولانا محمد وعلى آل سيدنا محمد الذي قلت في حقه { من يطع الرسول فقد أطاع الله } ، وقلت { إن الذين يبايعونك إنما يبايعون الله } .
نسألك اللهم بصلاتنا على سيدنا محمد أن تجعلنا من أهل محبته ومحبة آل بيته الطاهرين مصابيح الأنام واجعلنا من أهل مرافقته في دار السلام ، وطيب أفواهنا بذكره ، وطهر قلوبنا بامتثال أمره ونهيه ، وحسن أخلاقنا بالصلاة عليه ، واسقنا من حوضه واجعل اللهم جوازنا على الصراط كالبرق الخاطف بفضلك وشفاعته ، وأدخلنا معه إلى جنات النعيم
****************************
في حلو الكلام
كتبت حبيبتي سكينة
******************
مرت مريم بنت عمران بموقف عصيب ومع ذلك قيل لها " كلي واشربي وقري عينا "
عش حياتك ولا ترهق نفسك بالتفكير فالله عنده حسن التدبير .
تذكر أن الله جل جلاله قال لعباده " لا تقنطوا " وقال يعقوب لأولاده " لاتيأسوا " وقال يوسف لأخيه " لا تبتئس " وقال شعيب لموسى " لا تخف " وقال نبينا صل الله عليه وسلم لأبي بكر " لا تحزن "
نشر الطمأنينة في النفوس في ساعات القلق منهج إلهي نبوي
انشروا الطمأنينة والثقة بالله فلا بد من فرج قريب
اللهم فرج هموماً أنت تعلمها على كل من ضاق به الحال "وفي السماء رزقكم وماتوعدون
**************
وشوية ضحك عن الناس الكووول
كتبت حبيبتي سكينة
**********************
How do you know ur cool
enough
ازاي تبقى كوووول ..
الدنيا اتغيرت اوي اوي اوي وعلشان تبقى "كوول
لازم تبقي "in"
لازم تعرف القواعد و الدنيا ماشية ازاي
الموضوع مش سبهللة كدة ..
شوف يا سيدي مبدئيا لو ساكن او رايح الساحل اعرف ان اي قرية هتروحها او تشتري فيها قبل هاسيندا تبقى مش WOWW بما في ذلك مارينا طبعا و لسان الوزرا
معاك من هاسيندا باي وطالع بس اوعى توصل مرسى مطروح اخرك الماظة او سيزر او سيدي حنيش بعد كدة هتبقى دخلت في الخطر تاني ..
و بعدين اللي يعملك الانتيريور ديزان بتاع البيت واللاندسكيب لازم لازم يبقى كريم ميختيجيان ولا ترضى عنه بديلا .. اي حد تاني الأيام دي غير كريم هتبقى مش "ان" و هيطلعك معاه "اوت" ..
(لكن لو قررت انك تكون عندك بيت في اليونان او سايبرس او برشلونة ساعتها هيبقى ممكن تعمل الانتيريور ديزاين بنفسك و تشتري الفرش من اي حتة ان شالله يارب من قاصد كريم بيومي لأنه يشفعلك انك طلعت برة اصلا فبقيت اوتومايكللي "ان" )..
دة بالنسبة للبيت ..
بالنسبة للعربية بقى فلازم تبقى يا عالية اوي يا واطية اوي اي حاجة ارتفاعها طبيعي مش هتبقى "إن" خالص يعني يا هامر مثلا او حاجة فور باي فور بس ايه لازم تبقى بنت ايه يعني ماحصلتش .. يا بقى حاجة سبور كدة واطية جدا ايدك تلمس منها الأرض .. ياحبذا لو بورش مثلا او فراري او لومبيرجيني او حاجة كدة يعني ..
اي حاجة هتجيبها ارتفاعها طبيعي هتبقى فلوس بتترمي في الأرض ..
خلصت البيت والعربية ..
لازم يبقى عندك كلب .. مش قطة ..
والكلب برضه زي العربية لازم يا يبقى كبير اوي يا صغير اوي اللي هو يعني يا بيجرجرك معاه او اللي هو ممكن تشيله في جيبك يعني أكبر من الفار شوية اي كلب حجمه طبيعي مالوش لازمة خالص اطلاقا مايجبش تعبه وهتبقي out
.. اهم من اخلاق الكلب وتربيته بقى لون الكلب و قصة شعره.. تيك كير أوي من الموضوع دة ولازم طبعا يبقى عنده "الفيت" بتاعه اللي ممكن تكلمه في اي وقت تستشيره في احوال الكلب ..
تيجي بعد كدة للأكل مبدئيا بالنسبة للجروسوري بتاعتك لازم لازم لازم تبقى متسجل عند جورميه دة اساسي وبيجيلك منه
ماسدجز طول النهار بالبروموشون ايتمز يعني انت والحاج جورميه سون فاسون طول الوقت تليفونات بينكم .. ممكن باردو تكمل مع بترو في شوية حاجات بس ماتزودش اوي يعني ممكن تستمر تجيب الجبن من هناك .. الأكل عموما لازم تبتدي تاكل حاجات غريبة يعني كلمة فطار الصبح دي انتهت وبقت بلدي جدا .. لازم تاخد "سموثي" الصبح علشان تبقى "الا مود" ودي حضرتك ممكن تبقى "هيلثي" يعني معلقتين تلاتة شوفان على موزة على كيوي على ناتس على معلقة هوني (عسل ابيض يعني بس مابنقولش عليه عسل ابيض خلاص عيب الكلام دة) كل دة عليه شوية سكيمد ميلك .. اوكي؟ اوكي .. ممكن بعد كدة بساعتين تلاتة تاخد سناك او برانش او ساعات اسمها "بايت" يعني موضوع انك تتغدى الساعة تلاتة دة بقى حاجة مقرفة وعيب وبلدي اوي .. مافيش حاجة اسمها "هاتغدى" دلوقتي .. لازم تاخد سناك او برانش وبعدين تاخد ايرلي دينر علطول .. طبعا ماتشربش اي حاجة في الدنيا طول اليوم غير مية او شاي اخضر او ابيض او فلافورد انفيوجين .. اتمرن عليها هتلاقيها سهلة ان-فيو-جن .. سهلة؟ .. اوكي؟ .. اوكي ..طبعا المية ماتتشربش كدة لازم تملاها حاجات وتبقى ملحوسة .. ماورد؟ لا يااي بلدي اوي يا حسين .. ماورد ايه ؟ انت لسة عايش عصر الماورد؟ الماورد دة دلوقتي حضرتك بيتحط في مية الحمام .. دلوقتي المية بيتحط فيها خيار و نعناع و ليمون ورمان وجزر مبشور علشان الديتوكس .. دي-توكس .. دي-توكس .. اوكي؟ .. اوكي .. كفاية كدة بقى النهاردة .. اكملكم بكرة علشان تعبت . نايتي نايتي اسمها دلوقتي .. حتى جود نايت بقت ديموديه ..
الله يلعن ابو المنظره
اللهم آمين اللهم آمين يارب العالمين ربنا يحفظك وينعم على حضرتك بالصحة والعافية والعمر المديد مولانا الكريم الفاضل ولا يحرمنا من حضرتك أبدا و لا يحرمنا الصحبة الطيبة اللهم آمين
وصلى الله على سيدنا محمد وعلى آله وصحبه وسلم