موقع د. محمود صبيح

منتدى موقع د. محمود صبيح

جميع الأوقات تستخدم GMT + ساعتين



إرسال موضوع جديد الرد على الموضوع  [ 7 مشاركة ] 
الكاتب رسالة
 عنوان المشاركة: ليبيا – غزه – سوريا – كردستان – سيناء
مشاركة غير مقروءةمرسل: الثلاثاء أكتوبر 17, 2017 9:09 pm 
غير متصل

اشترك في: الاثنين مايو 07, 2012 3:24 pm
مشاركات: 5428
ليبيا – غزه – سوريا – كردستان – سيناء
ندعم أهالينا في رفح و العريش
ا---------------------------------------
.
بالأمس وعدناكم إننا حننشر مقال مفصل عن الأحداث الجاريه في سيناء .... و للأننا زي ما اتعودنا اننا دايما بنبص على الامور من فوق شويه .... و بنفك الصوره الملغبطة و نرجع نجمعها تاني زي البازل عشان نشوف الصوره الصح .... فاللى يركز في اللى بيحصل في مساحة 1% فقط من مساحة سيناء بس يبقي غلطان ... لان الموضوع اكبر من كده بكتيييييير .... و مع اننا شرحنا الكلام ده بالتفصيل الممل في مقالات سابقه حنستشهد بيها للى عايز يزود معلوماته ... لكن خلينا نعيد تاني لان في الاعاده إفاده ..... فمعلش ... المقال حيكون طويل شويه ... فتعالي على نفسك شويه و هات كوباية الشاي بتاعتنا ... و ركز معانا الله يخليك.
.
شوف يا سيدي ... عشان تريح و تستريح ... دائما و أبدا لما تحب تفهم موضوع .... لازم تركز على الهدف الاستراتيجي و ليس الهدف التكتيكى .... يعني ايه الكلام ده !!!! ... ... أقولك .... مثلا ..... لما حصلت الثوره الملونه في روسيا .... حضرتك انشغلت مع ما يبثه الاعلام من ثورة الشباب و احلام الديمقراطيه و الحريه ... ( ده التكتيك ) ... في حين ان النتائج كانت تدمير الكتله الشيوعيه و تفكيكها .... ( ده الهدف الاستراتيجي ) .
.
مثال تاني ..... ظهور القاعده الفجائي ثم اختفائها ... أو طالبان ثم إختفائها ... حضرتك ركزت في الارهاب و عملياته و الحروب و التدمير و كيفية مواجهتهم .... ( ده التكتيك ) ... في حين الهدف كان تمركز و بسط سيطرة الجيش الامريكي على الارض في افغانستان و منطقة الخليج العربي .... و مد خط الغاز اللى بيمر من اراضي افغانستان ( ده الهدف الاستراتيجي ) .
.
فعشان كده ... لما تيجي تسقط ده على ما نواجهه اليوم ... سيبك من الاهداف التكتيكيه بتاعتهم .... و شوف ايه هدفهم الاستراتيجي ... و هل حققوه على الارض و لا انت اللى حققت اهدافك الاستراتيجيه !!!!! .... يعني ايه !!!!!
.
بص بقي .... و مع اننا شرحنا قبل كده بالتفصيل الممل ... لكن حنختصر على قد ما نقدر ..... العركه الكبيره اللى شغاله في المنطقه بقالها 7 سنين عباره عن معركه بين فريقين .... حنسمي الاول أهل الشر ... و ده اللى قال عليه الرئيس قبل انه اخطر و اشرس تنظيم ارهابي عالمي في التاريخ الانساني في آخر 200 سنة ... و هو التنظيم اللى بيتحكم في اقتصاديات العالم و سياسات الدول و الحكومات و منظومة الاعلام اللى بتكلم الشعوب دي .... و الفريق التاني هو الحكومات الشعوب و الدول سواء الغربيه او الشرقيه .
.
و بإختصار ... فريق الشر ده جند حكومات في المنطقة زي حكومة قطر مثلا و استخدم الاسلام السياسي في المنطقه عشان يقدر يضع يده على مخزن الغاز الخليجي و يتم تنفيذ خط غاز نابكو عبر الاراضي السعوديه – العراقيه – السوريه – التركيه – فإقليم القرم ثم أوكرانيا و منها الى اوروبا ..... ثم السيطره على المخزن الهااااائل من حقول الطاقه في البحر المتوسط ... و كل ده مكنش حيحصل غير بتحويل الدول الشرق اوسطيه الى دول فاشله ثم تقسيمها الى دول صغيره بعد هدم جيوشها ... و ده كله بيصب في مصلحة اسرائيل بالطبع ... و اللى حتحل مشكلتها في الفلسطينيين بدفعهم الى سيناء كمرحله اولي ثم دفعهم مره اخرى الى الدلتا و تحقيق حلمهم من النيل الى الفرات ..... و كل ده مكنش حيحصل غير بتغيير الديموغرافيا السكانيه لشعوب المنطقة عن طريق عمليات تطهير عرقي ... يتم تجميع القوميات و الاقليات جغرافيا في اقاليم صغيره .... تمهيدا الى استقلال كل اقليم على حده .... و تصبح دول ناشئه جيشها ضعيف و مؤسساتها غير مكتمله يسهل السيطره عليها او فرض الولاء عليها. ..... و ده سبب ظهور داعش و ماعش ... فركزوا معايا الله يرضي عليكم في الجزئيه دي ..... فعمليات داعش و ماعش و النصره و خلافه كان الغرض الاساسي ليها هو التطهير العرقي اللى كانوا بيشتغلوا بكل تناغم مع بعض بعمل جرائم حرب وحشيه عشان يهجروا السكان و يدفعوا كل قوميه الى المكان اللى المفروض يكونوا فيه تمهيدا للتقسيم لاحقا ....
.
و ده اللى شوفنا باكورة انتاجهم في انشاء اول دوله في التاريخ في المنطقه تدين بالولاء التام الى اسرائيل سواء قوميا او حتي عسكريا.
.
و كل ده كان المرحله الاولي من الهدف الاستراتيجي بتاعهم ..... اما المرحله التانيه فكانت الدفع بالكلاب السعرانه دي اللى على الارض بعد انتهاء مهمتهم الى جنوب شرق اسيا بحجة تحرير مسلمين بورما اللى بدأ الفيلم بتاعهم بعمليات ممنهجه للقتل و التشريد عشان يحارب المليار و نص مسلم الصين و روسيا ... و ربنا معاهم بقي و نبقي نشوفهم بعد 200 او 300 سنه ... و نبقي ساعتها نشوف فضل منهم قد ايه و نتعامل معاهم .
.
اما الدول الاوروبيه .... فاللى مش حيوافق او يشترك في الخطه دي ... او يقاوم ... حيكون مصيره اطلاق الكلاب السعرانه دي عليه .... و محاربته بنفس سلاح التقسيم .... و ده اللى شوفناه مع فرنسا ... و بداية نغمة إستفتاء الانفصال ... لان اوروبا اصلا كل دولها مكونه من عرقيات مختلفه مش طايقين بعض اصلا ... و حروبهم بينهم و بين بعض بتكون قمة في الشراسه و الهمجيه ... و ده اللى كان موجود اثناء الحرب العالميه الاولي او التانيه او في حرب يوجوسلافيا و البوسنه و الهرسك.
.
اللى فات ده هو الهدف الاستراتيجي اللى لازم يكون في دماغك ..... اللى ادواته هي حروب الجيل الرابع ثم تحولت الى الجيل الخامس اللى هي الحرب بالوكاله عن طريق كلاب سعرانه و ميليشيات على الارض ..... و الكلام ده هو اللى خاللي روسيا تدخل تاخد اقليم القرم و تضمه لروسيا و تتدخل في اوكرانيا و تدخل سوريا عسكريا بمنتهي القوه ... و تدخل تركيا بالعصا و الجزره و تستحمل غباوة اردوغان عشان توقف خطة تنفيذ خط غاز نابكو اللى مينفعش يتم الا عن طريق اراضي سوريا و تركيا و اوكرانيا.
.
اما بقيت الدول الاوروبيه فكلها خنعت و خافت على نفسها و كانت بتتفرج او بتدعم الكلام ده على مضض عشان تنقذ نفسها .... و فيه دول تانيه حاولت تمشي على حد السيف و تحاول تنقذ نفوذها و استقلاليتها زي فرنسا و بالذات بعد 30 يونيو زي ما شرحنا في المقال ده
http://www.kalamfelsamim.com/b/b10/
.
الكلام اللى فات ده هو تلخيص الكلام اللى نشرناه في مقالات كتيييير طوال اربع سنوات الماضيه ... و اللى عايز يزود معلوماته يقدر يدخل على اللينك الاتي و يقرأ و يستزيد
http://www.kalamfelsamim.com/b/
.
نيجي بقي لمصر .... و ركز معايا كده الله يرضي عليك ..... دائما و ابدا كان الكل بيقول على مصر الجائزه الكبري .... طب ليه !!!!!! .... لان مصر في الماضي و الحاضر و المستقبل تأثيرها رهيييييب على المنطقه .... و اللى بيجري عليها ... بتكر وراه منطقه الشرق الاوسط و افريقيا بالكامل .... و حتي لو ركزنا في التاريخ الحديث ..... فحركات التحرر في الشرق الاوسط و افريقيا و حتي توجه العالم لحركة عدم الانحياز كان تابع للتحرك المصري ..... و حتي من سبع سنوات لما تخيل لهم ان مصر سقطت .... كر وراها ليبيا و سوريا و اليمن و التطهير العرقي بالعراق و تحركت ايران و قطر خطوات فعليه لالتهام الخليج ..... و كانت القوه البشريه الهاااائلة في مصر حتكون وقود لتزويد الكلاب السعرانه اللى على الارض بالجنود و السبايا و الصرف على المخطط ده كله من خلال تجارة الرقيق الابيض و تجارة الاعضاء البشريه و الاثار ... ده بخلاف المخزون الهاااااائل من الغاز سواء في البحر المتوسط او الاحمر.
.
بخلاف ان الدوله المصريه كانت حتدفع تمن حل القضيه الفلسطينيه باستقطاع جزء من سيناء كمرحلة اولى ثم سيناء كامله و بعدين لتامين قناة السويس حتتاخد كل مدن القناه حتي النيل و يتم دفع الفلسطينيين الى داخل مصر و ده اللى شفناه و كان بدأ الترتيب لتنفيذه فهمي نظمي رسمي في الاعلان الدستورى و مشاريع قوانين أول جاسوس مدني منتخب شرحناه بالتفصيل في مقال "كلم الجماعه تلهيك و اللى فيها تجيبه فيك"
http://www.kalamfelsamim.com/b/b21/
.
و زي ما بيحصل دايما على مر آلاف السنين ... بتيجي على المنطقه غزوات و تقسيم من أشر خلق الله .... و تيجي تتحطم على صخرة الشعب المصري .... تكرر الامر لأن الشعب الوحيد اللى وقف في وش جيش الشيطان اللى محدش قدر يقف قدامه سواء الدول الغربيه او حتي شعوب المنطقه و قدر يوقف المفرمه اللى كانت بتاكل المنطقه كلها هو حضرتك لما وقفت و اتحدت مع جيشك في 30 يونيو .... و عشان تعرف قيمتك .... اللى حضرتك بتواجهه بقالك 7 سنين كان كافي بمحو امم بكاملها من على وجه الارض .... ده يا مؤمن 3 ارهابيين قفلوا باريس يومين .... و اتنين بس قفلوا لندن 3 ايام 
.
و عشان منكررش الكلام تاني و اللى حتلاقوه في لينكات مقالاتنا القديمه ..... الخطه بتاعتهم وقفت و باظت خالص .... و اصبحت المشكله دلوقتي هي فين حيروح الكلاب السعرانه اللى شغالين على الارض ما دام مصر قفلت الزمبيل عليهم في مصر و ليبيا و سوريا و ده حنشرحه بالتفصيل .... فتم التحضير لاوروبا بانسحاب انجلترا من الاتحاد الاوروبي تمهيدا للتغيرات اللى حتكون مزلزله لاحقا ... و تهديد الدول الاوروبيه بدعم تسريع الهدف الاستراتيجي الثاني بدفع الكلاب دول الى جنوب شرق اسيا ... و ده شوفناه من شهر لما إذ فجأة لقينا مسلمين بورما طلع موضوعهم تاني .
.
طب إزاي مصرقفلت الزمبيل ..... مصر لم تكتفي بحماية نفسها من المخطط ده .... دي كمان حطت اديها على ليبيا .... في تحركات هادئه حاسمه ... عملت هناك برلمان منتخب ... و كونت جيش ليبي وطني .... و كانت فيه قوات مجهوله بتدعمه في بداية عملياته لتدمير كل استثمارات جيش الشيطان هناك سواء في المعدات الحديثه جدا او الافراد المدربين تدريب على اعلي مستوى .... و في الاخر كان الاعلان على النصر في ليبيا في كلمة الرئيس لما قال :-
" ان مصر لن تسمح بالعبث في مقدرات الشعب الليبي من قبل القوى الاجنبيه" .... و الكلام ده لما بيتقال باسم الدوله المصريه ... مش بيبقي تهديد ... لا .... ده بيبقي الاعلان ان مصر قطعت بالفعل يد ايطاليا و فرنسا و امريكا و انجلترا و كل الدول الطامعه هناك .... يعني اعلنت بعد ما خلصت .... و اكدت بالتجربه ان اي حل هناك لازم يعدي من خلال القاهره اللى بتعمل بمنتهي الشرف لصالح الشعب الليبي بالكامل بكل مكوناته.
.
و هو نفس اللى اتقال على سوريا اللى الناس صحت الصبح لقت التواجد المصري الفاعل على الاراضي السوريه سواء بالنجاح لادخال مساعدات لداخل مدن محاصره ... او بتوافق الحكومه السوريه و الحركات المسلحه هناك على الوساطه المصريه لوقف اطلاق النار و دعوة جميع الاطراف لمصر لحضور مؤتمر استانا لوضع اسس انهاء الصراع المسلح في سوريا.... ده غير تحجيم قطر دوليا و مراقبة تحويلاتها و تمويلها .
.
طب ايه بقي اللى بيحصل في العريش و رفح
----------------------------------------
.
اللى بيدير الامور لما شاف ان خطتة معظمها بوظته مصر ..... كانت الرساله لمصر واضحه و صريحه ..... حنعمل معاكم مقايضه .... الخطة بتاعتنا حتتنفذ يعني حتتنفذ غصب عنكم .... و انتم كل اللى عملتوه انكم عطلتوها مرحليا ... فممكن نسيبكم مرحليا بس تدونا العريش و رفح ..... و نسيبكم تشموا نفسكم شويه ..... عشان كده كان الرد المصري صريح و حاسم في رد الرئيس في 2014 لما قال " مش حنسيب سيناء لحد ... لو عايزين تاخدوا سينا يبقى موتونا الاول ... و لما تموتونا ... ابقوا تعالوا خدوها " ... فالرساله دي كانت مش لينا ... كانت ليهم .
.
فكان الرد طيب و مالوا ... يبقي مش حنسيبهالكم لغاية لما تقولوا حقنا برقبتنا و تسيبوها .... حنولعهالكم نار .... و حنبعتلكم منتخب العالم في الارهاب .... و حندعمه بكل ما أوتينا من قوه .... و الحدود حتتقفل .... و حنضرب هناك لغاية لما أهل العريش و رفح يسيبوها و يمشوا .... و نخش احنا فيها ... عشان كده كانت مصر عندها اصرار انها تفتح المعبر كل فتره .... إوعي تفكر ان المعبر لما كان بيفتح يقوم يعدي منه المسلحين و يعملوا عمليات .... العمليات كانت بتتعمل عقابا لمصر على اصرارها على فتحه كمتحكم في السياده المصريه على حدودها.
.
فكان الرد المصري انها لم تهجر اهل العريش و رفح ... و تحملت الخسائر البشريه لما قبلت انها تدير معارك عسكريه بين مدنيين عزل .... و بعدها قامت نطالهم في غزه ... و بعد ما كان فيه وزارة اسمها وزارة الانفاق ..... نجحت في المصالحه بين الفلسطينيين اللى قلبت ليهم الموازين و جننت اسرائيل اللى فوجئت بالموضوع و كلمت امريكا خليتها تبعت مبعوثها الى القاهره يستوضح ايه اللى بيحصل بالظبط .... لان المصالحه الفلسطينيه دي معناها ان المعبرحيتم فتحه كمعبر سيادي مصري دولي ... ده غير الالتزامات الامنيه اللى بقت حماس ملزمه بيها سواء في تسليم المطلوبين في مصر اللى عملوا عمليات سابقه .... او غلق الانفاق من ناحيتهم .
.
و بكده قدرت مصر انها تبدأ في تأمين جبهتها الشرقيه و الغربيه معا .... فكان لازم يكون فيه رد سريع و عنيف .... و ده كويس على فكره ... لان الفيران المستخبيه حتبدى تطلع سواء على الجانب المصري او في غزه .... فالفتره القادمه حتكون فرض ارادات على اعلي مستوى .... و اللى الجيش حيحسمها في وقت قريب جدا .... مع انك مش بتواجه حبة مرتزقه وخلاص .... انت بتواجه منتخب العالم في الارهاب ... و صفوة الصفوه المدربه و المجهزه و المدعومه من دول كبرى ... و اللى لم تستطيع جيوش الدول العظمي في الوقوف امامه مع الرغم من التكلفه العااااليه للعمليات الجاريه هناك سواء الماديه او في المعدات. و ده اللى شرحناه بالتفصيل في مقال "عملية جبل الحلال ما بين اولاد الحلال و أولاد الحرام "
http://www.kalamfelsamim.com/a/a12/
.
اما موضوع الحرب النفسيه على أهالينا في رفح و العريش .... فالله يرضى عليكم بلاش ننساق ليها .... حضرتك قاعد في مدينتك و عيالك بتنزل المدارس و انت بتروح الكافيه بالليل و بتسيب اهل بيتك و تنزل و انت مطمن عليهم .... اما الناس دي فعادي جدا ان الكهربا يتم قطعها بالايام بسبب عمليات تخريبيه ... او قطع الاتصالات بالايام لما تبدأ العمليات و ممكن جدا يكون عيالك في المدرسه و انت مش عارف تتصل تطمن عليهم... و حظر التجول الليلي بقاله سنين .... و عربيات الخضار و الاكل بتروح ليهم كل كام يوم تحت حماية مدرعات الجيش .... فوإنت قاعد على الفوتيه في البيت بالش تضغط عليهم و توصفهم بالارهاب و الكلام الفارغ ده .... دول مسابوش بيوتهم و لا ارضهم و عايشين و متمسكين بتراب بلدهم .
.
و ايوه .... فيهم عائلات و جماعات بالكامل بتدعم و تحتضن الجماعات الارهابيه و تتستر عليهم .... بس ده زيه زي جيرانك اللى في الشارع بتاعك او في الشغل بتاعك .... يعني بلاش الكلام ده الله يرضي عليكم و لازم تدعمهم معنويا على الاقل.
.
اللى اتعمل في سيناء الفتره اللى فاتت ميخطرش على بال حد .... و هانت خالص ... العمليات الارهابيه الفتره اللى جايه حتزيد ... و مش في سيناء بس ... دي حتبقي في غزه كمان ... و الرد المصري شغال على الارض .... سواء في الداخل او الخارج ... المطلوب من حضرتك بس حاجه واحده .... دعم جيش بلدك و دولتك و اهاليك في العريش و رفح .
.
و عشان المراره خلاص جابت آخرها ...... نحب نقول للي بيسمع للخبراء الاستراتيجيين و العسكريين و بتوع العساكر الغلابه بتموت و هو فين الجيش و المخابرات و ال 777 و الصاعقه و الكلام الفاضي ده ... لما تشوف حد فيهم ابقي بوسه و حطه جنب الحيط ... لان مينفعش تتضيع وقت مع شخص جاهل و مش فاهم حاجه و ميعرفش الألف من كوز الدره في الامور العسكريه ... و لا يعرف طبيعة مسرح العمليات و لا نوعية الحرب الجاريه و لا أي حاجه عن اي حاجه غير شبق و نهم الفتاوى و الهري ... و لو بمبة اطفال فرقعت تحت بيته بنطلونه حينسلت منه في ساعتها مبلول ... و تلاقيه اصلا مش عارف يحل مشكلة تصليح الاسانسير مع اتحاد ملاك عمارته ... بس بيفتي في عمليات عسكريه و حرب مع دول عظمي ..... فاللى عايز يخش يفتي في أمور عسكريه مش بيفهم فيها ... بلاش احسن .
.
تحياتنا

.
#تحيا_مصر
#لن_ينطفىء_نور_مصر
#تحيا_مصر_ماحدش_تانى
#الشعب_يدعم_الرئيس
#مصر_أم_الدنيا_وهتبقى_قد_الدنيا
#مصر_قلب_النظام_العالمى_الجديد
#كلام_في_الصميم
صفحة #كلام_فى_الصميم



https://www.facebook.com/kalamfelsamim/


أعلى
 يشاهد الملف الشخصي  
 
 عنوان المشاركة: Re: ليبيا – غزه – سوريا – كردستان – سيناء
مشاركة غير مقروءةمرسل: الثلاثاء أكتوبر 17, 2017 11:25 pm 
غير متصل
Site Admin

اشترك في: الاثنين فبراير 16, 2004 6:05 pm
مشاركات: 23595
الفاضل عمرو أبو الشادي

شكرا على هذا النقل القيم

وحقا هو كلام في الصميم ...



_________________
عَنْ عَلِيٍّ قَالَ كُنَّا إِذَا احْمَرَّ الْبَأْسُ وَلَقِيَ الْقَوْمُ الْقَوْمَ اتَّقَيْنَا بِرَسُولِ اللهِ صلى الله عليه وسلم فَمَا يَكُونُ مِنَّا أَحَدٌ أَدْنَى إِلَى الْعَدُوِّ مِنْهُ


أعلى
 يشاهد الملف الشخصي  
 
 عنوان المشاركة: Re: ليبيا – غزه – سوريا – كردستان – سيناء
مشاركة غير مقروءةمرسل: الأربعاء أكتوبر 18, 2017 12:10 am 
غير متصل

اشترك في: الخميس مارس 29, 2012 9:53 pm
مشاركات: 45682
msobieh كتب:
الفاضل عمرو أبو الشادي

شكرا على هذا النقل القيم

وحقا هو كلام في الصميم ...




والله عندك حق اخلى الفاضل عمرو - بارك الله فيكم وهو باعل فى الصميم جدا

_________________
أستغفر الله العلى العظيم الذى لا اله الاّ هو الحى القيوم وأتوب اليه
أستغفر الله العلى العظيم الذى لا اله الاّ هو الحى القيوم وأتوب اليه
أستغفر الله العلى العظيم الذى لا اله الاّ هو الحى القيوم وأتوب اليه


أعلى
 يشاهد الملف الشخصي  
 
 عنوان المشاركة: Re: ليبيا – غزه – سوريا – كردستان – سيناء
مشاركة غير مقروءةمرسل: الأربعاء أكتوبر 18, 2017 8:35 pm 
غير متصل

اشترك في: الاثنين مايو 07, 2012 3:24 pm
مشاركات: 5428
الشكر لحضرتك سيدى الشريف على المرور الكريم

والشكر موصول للدكتور حامد


أعلى
 يشاهد الملف الشخصي  
 
 عنوان المشاركة: Re: ليبيا – غزه – سوريا – كردستان – سيناء
مشاركة غير مقروءةمرسل: الجمعة أكتوبر 20, 2017 2:51 pm 
غير متصل

اشترك في: الاثنين أغسطس 17, 2015 8:25 pm
مشاركات: 2991
msobieh كتب:
الفاضل عمرو أبو الشادي

شكرا على هذا النقل القيم

وحقا هو كلام في الصميم ...



_________________
قال رسول الله صلى الله عليه وسلم النجوم أمان لأهل السماء ، وأهل بيتي أمان لأمتي


أعلى
 يشاهد الملف الشخصي  
 
 عنوان المشاركة: Re: ليبيا – غزه – سوريا – كردستان – سيناء
مشاركة غير مقروءةمرسل: السبت أكتوبر 21, 2017 12:31 am 
غير متصل

اشترك في: الخميس مارس 29, 2012 9:53 pm
مشاركات: 45682
يرفع للاهميه وللدعاء للبلاد بالحفظ وبالنصر للجيش والشرطه فى حربهما ضد الارهاب الاسود

ولطلب الرحمه لشهدائنا البواسل اليوم


_________________
أستغفر الله العلى العظيم الذى لا اله الاّ هو الحى القيوم وأتوب اليه
أستغفر الله العلى العظيم الذى لا اله الاّ هو الحى القيوم وأتوب اليه
أستغفر الله العلى العظيم الذى لا اله الاّ هو الحى القيوم وأتوب اليه


أعلى
 يشاهد الملف الشخصي  
 
 عنوان المشاركة: Re: ليبيا – غزه – سوريا – كردستان – سيناء
مشاركة غير مقروءةمرسل: السبت أكتوبر 21, 2017 3:04 am 
غير متصل

اشترك في: الاثنين مايو 07, 2012 3:24 pm
مشاركات: 5428

أنور عشقى





أعلى
 يشاهد الملف الشخصي  
 
عرض مشاركات سابقة منذ:  مرتبة بواسطة  
إرسال موضوع جديد الرد على الموضوع  [ 7 مشاركة ] 

جميع الأوقات تستخدم GMT + ساعتين


الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 36 زائر/زوار


لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع إرفاق ملف في هذا المنتدى

البحث عن:
الانتقال الى:  
© 2011 www.msobieh.com

جميع المواضيع والآراء والتعليقات والردود والصور المنشورة في المنتديات تعبر عن رأي أصحابها فقط