موقع د. محمود صبيح http://msobieh.com/akhtaa/ |
|
كرامات ستنا المشيرة السيدة زينب http://msobieh.com/akhtaa/viewtopic.php?f=4&t=35014 |
صفحة 1 من 1 |
الكاتب: | سلافة الروح [ الأربعاء سبتمبر 29, 2021 1:38 am ] |
عنوان المشاركة: | كرامات ستنا المشيرة السيدة زينب |
من كرامات ستنا زينب عليها السلام ====================== كان لي صديق سلفي "بالمعنى المعاصر" مخالف للصوفية و كان دائماً يقول : شوف أنا ممكن أتقبل أي حاجه إلا الشرك بالله ، يعني إيه واحد يروح مثلاً للسيده زينب و يقولها أنا جايلك ، دا مش جهل بس .. دا شرك بالله كنت دايما برد عليه أقوله مقدرش ألومك لأن الحاجات ديه فهمها هو رزق من ربنا ، و ربنا له حكمه في توسيع أرزاقه و برضوا مكنش بيقتنع بردّي عليه لحد ما دارت الأيام و أصبح من المحبين و من الملتزمين بالزياره الإسبوعية للصالحين و خاصة السيدة زينب عليها السلام ، لما عرفت عنه الأمر ده قولتله إيه دا إيه اللي غيّر أحوالك كده قالي والله يا أخي من فترة سمعت بيتين شعر و عرفت أنهم مأخوذين عن السيده زينب بيقولوا : أيها المعرض عنا إنّ إعراضك منا ،،، فلو أردناك جعلنا كل ما فيك يُردنا و فضلت أفكر ليه حضرتها قالت البيتين دول من الشعر ، يا ترى إيه الموقف إللي حصل يخليها تقول كده ، بس قولت بس يمكن قالتهم بخصوص موقف خاص بحادثة معينة على أيامها لما كانت لسه عايشه ، إنما هي دلوقتي "ميّته" ، و بدأت أقتنع بالرأي ده أقول أكيد هو كده لحد ما حصلتلي مشكله مرّة في الشغل و كانوا متهمني زور بالسرقه من مخزن البضاعة ، و للأسف الكاميرات "مكنتش شغالة" فمكنش معايا دليل إن مش أنا اللي سرقتهم رغم أنهم كانوا في الورديّة بتاعتي دعيت ربنا و قولت يا رب إنت العالم بالحق ، أنا مش حمل أتسجن و لا أبهدل عيالي معايا ، أنا مظلوم و أنت شاهد و كنت كل يوم أنتظر الفرج من ربنا بس بالعكس كانت بتضيق عليا أكتر ، و في ليلة صحيت من النوم من كتر التفكير ، بكيت و أنا بصلّي الفجر و بقول إستعوضت أمري و فوضته إليك يا رب مسكت المصحف أكمل وِردي اليومي و بدأت أقرأ لحد ما وصلت لآية : {هُنَالِكَ دَعَا زَكَرِيَّا رَبَّهُ} توقفت عند الآيه و حسيت بشعور غريب ، أنا قريت الآيه دي كتير قبل كده ، بس عمري ما سألت نفسي هو ليه سيدنا زكريا راح دعا ربنا هناك في مكان ستنا مريم .. و لما قرأت الآيه اللي بعدها و إللي برضوا مش أول مرّة أقرأها لكن المرّة دي توقفت عندها {فَنَادَتْهُ الْمَلَائِكَةُ وَهُوَ قَائِمٌ يُصَلِّي فِي الْمِحْرَابِ أَنَّ اللَّهَ يُبَشِّرُكَ بِيَحْيَىٰ} فضلت باصص للآيه و ساكت ، مش عارف ليه جه في دماغي أكتر فكرة إستحاله كنت أفكر فيها ، إني أروح أدعي في مسجد السيده زينب ، رغم اني مكنتش بدخله لأن فيه قبر ، لكن حسيت إني عايز أروح أدعي هناك معرفتش انام طول الليل ، أول الصبح ما طلع قررت إني حارُوح و أدعي هناك رحت بالفعل .. دخلت المسجد و كان زحمه جداً ، مكنتش متخيل إنه هيبقى زحمه كده ، سألت على مكان الوضوء قالولي جوه في وشك ، أخدت بعضي و داخل لجوه و أنا شايف أوضة المقام على يميني و مش عايز أبص. و أول ما وصلت عند الباب لقيت واحد عمال يزقّني لجوه و يقولي إدخل جوه إنت لسه هتبصلي و تبلّم ، قولتله أنا مش هدخل أنا رايح أتوضئ رد عليا قالي : لا و إنت قلبك سليم أوي علشان تتوضى ، يا عم خش و راح زاققني بكل قوته بشكل غريب علشان ألاقي نفسي في الممر إللي بيدخل لغرفة المقام بصيت للراجل اللي زقني و عايز أتخانق معاه ملقيتوش ، فص ملح و داب ، بصيت بعيني على المقام و هنا حسيت إن روحي إتسحبت مني ، رجليا مكنتش شيلاني ، وقعت من طولي و أنا مستنّي حد ييجي يقوّمني محدش إنتبهلي حتى ، سمعت صوت ناس داخله و عمالين ينشدوا و حرفياً كانوا بيدوسوا عليا برجليهم كإني مش موجود ، و بدأ واحد فيهم ينشد بيتين الشعر أيها المعرض عنا جسمي إتلبش ، الدم هرب مني ، حسيت إنه بيكلمني أنا ، بصيت لنفسي و للوضع إللي أنا فيه ، أنا إيه إللي جابني هنا؟!! إيه إللي بعمله في نفسي ده؟!! أنا مش قادر أتحرك ليه؟!! كنت خايف أوي كإني مش في بيت ربنا لقيت إيد بتمسكني من كتافي ، كان الراجل إللي زقّني ، سمعت صوته بيقولي قوم قوم دا إنت طلعت تعبان خالص ، قوم إرفع قضيتك لمحكمة الست و هي هتتصرف ، و إدعي ربنا أنها تقبلك عندها يا حزين لقيت نفسي بشكل تلقائي و كإن حد غيري إللي بيتكلم من لساني بقول : رفعت مظلمتي عندك يا ست الراجل قالي أخرج بقى خلاص جسمي بدأ يفك واحده واحده فعلاً و طلعت بجري من الغرفه و من باب المسجد ، مكنتش أتخيل إني أطلع أجري من بيت ربنا رحت البيت و أنا جسمي بيتنفض من الخوف فضلت طول اليوم لحد العصر و أنا خايف من مجهول معرفوش ، تليفوني رن لقيت زميلي في الشغل بيقولي خلاص يا كريم عرفوا مين إللي سرق المخزن ، إبسط يا عم لأ و جيّالك عالطبطاب كمان ، بقدرة قادر الكاميرات طلعت كانت شغالة لوحدها لأ و كمان كانت بتسجيل كل شئ و هي بايظه معرفش إزاي ، و طلع إبراهيم إللي سرق قفلت معاه المكالمه و أنا مش مصدق ، حمدت ربنا و نمت نوم عميق من التعب النفسي إللي كنت فيه ، صحيت من النوم على صوت كان في حلم مش فاكره ، بس إللي فاكره إن كان فيه واحده بتقولي : و إللي شغل الكاميرات برضوا "ميته"؟ - |
الكاتب: | molhma [ الأربعاء سبتمبر 29, 2021 3:07 am ] |
عنوان المشاركة: | Re: كرامات ستنا المشيرة السيدة زينب |
مددد يا سيتي زينب يا أم العواجز مددد يا كل آل بيت الحبيب صلى الله عليه وآله وسلّم |
الكاتب: | خلف الظلال [ الأربعاء سبتمبر 29, 2021 10:52 am ] |
عنوان المشاركة: | Re: كرامات ستنا المشيرة السيدة زينب |
جميلة أوي أوي أوي |
الكاتب: | المهاجرة [ الأربعاء أكتوبر 06, 2021 10:50 pm ] |
عنوان المشاركة: | Re: كرامات ستنا المشيرة السيدة زينب |
molhma كتب: مددد يا سيتي زينب يا أم العواجز
مددد يا كل آل بيت الحبيب صلى الله عليه وآله وسلّم |
الكاتب: | حامد الديب [ الأربعاء أكتوبر 06, 2021 11:38 pm ] |
عنوان المشاركة: | Re: كرامات ستنا المشيرة السيدة زينب |
المهاجرة كتب: molhma كتب: مددد يا سيتي زينب يا أم العواجز مددد يا كل آل بيت الحبيب صلى الله عليه وآله وسلّم |
صفحة 1 من 1 | جميع الأوقات تستخدم GMT + ساعتين |
Powered by phpBB © 2000, 2002, 2005, 2007 phpBB Group http://www.phpbb.com/ |