السلام عليكم
شكرا اخى لاهتمامك رأيت تعليقاتك على المواضيع كلها وكلامك يحترم جدا وفوق راسى اخى واعذرنى لم استطع الرد فى مواضيع كثيرة لانى مرهق نفسياً..
ثانيا بخصوص تعليقك هنا اولا عرضت هذا النموذج فقط لاظهار ما هو التصوف..ولم اقصد اننى انضممت لهم...واعذرنى هتكلم بلغة عامة شوية لانى مجهد فعلا مش هقدر ازوق الكلام
الناس اللى فوق دول (القادرية النيازية) ناس محترمة بتحاول تلتزم بالشرع قدر الامكان والمكان ده فى الاسكندرية مكان عتيق من حوالى 1000 سنة..والحضرة هناك تقام من زمان جدا اول ما تدخل لهم تلاقى السيد فلان حاليا عمره 70 سنة...لا يسمح لاحد بتقبيل يده..
الحضرة منضبطة جدا ولها اسس ماشيين عليها من زمان ..ومقسمين ايام الاسبوع يوم حديث ويوم قران ويوم مجلس صلاة على سيدنا النبى صلى الله عليه وسلم ويوم حضرة ويوم كامل جلوس مع شيخهم والتحاور معه فى اى امر..
الراجل مش هامة يلم ناس حوله والعهد عنده غالى جدا جدا جدا..ومفيش حاجة اسمها اعطى اوراد لكل من يدخل الطريق ...لكن فيه انه ينظر فى المريد ويشوف هو مستعد لايه وهل مؤهل اصلا انه يدخل على الذكر...هل يحتاج استغفار هل وهل..
فى ناس قعدت بالسنوات مخدتش ورد...وفى ناس قعدت زمان زى ما اتحكى لى 20 سنة على استعفار بس...كل واحد غير التانى ..
تمام ناس محترمة عمرك ما تمسك عليهم شئ واحد مخالف للشرع المكان نفسه مريح جدا وده طبعا مش دعوة منى ولا ترويج بس فعلا الله يبارك لهم ويبارك فى الشيخ اللى ماسك حاليا ابن الشيخ ابراهيم حلمى النيازى راجل بجد ...
اما كلمة طريق نفسه فاسف...يعنى ايه طريق ؟؟ مش المفروض كلمة طريق دى يكون لها اسس..وثوابت ومنهج ...؟
مش المفروض يكون المربى ده جامعة يخرج من على يديه رجال زى ما حصل مع كل الاقطاب الكبار...؟؟ كل قطب كان له تلامذة تأثروا به واصبحوا هم كمان اقطاب..؟
هل عمرك شفت ولى او قطب قال انا انا ومفيش غيرى انا واحتكر طلابه ومريديه لنفسه طول العمر يحلب فيهم حلب الشاة وبعد ما تنفذ لبنها يذبحها ليستفيد بلحمها..
هل فى قطب كبير او ولى ملوش فتوحات واعمال واية ولاية واضحة؟؟
هل هو مركز شباب ندخل نشترك كلنا وناخد كرنية وخلاص كده والعهد يعطى هكذا بكل سهولة وشكل هرجلة وتهريج الفكرة ان ده مش طريق اصلا صدقنى ده مش طريق والمشكل الاكبر انى مش هينفع اتكلم خالص والله 60% قلته والباقى مش هينفع لما اشوفك باذن الله وجها لوجه لو الموضوع يهمك..
وعموما شكرا على نصيحتك اخى ولا تخف لن اتورط مرة ثانية ولن اتحرك الا بتوجيه واسالك الدعاء.. السلام عليكم
_________________ أشهد أن لا اله الا الله وحده لا شريك له وأشهد أن سيدنا محمد عبده ورسوله
|