[b]عنوان موضوع انا نفسى مش فاهمة بس معلش استحملونى منتو احبابى هو دا اللى انا حاسس بيه
وعذرا مرة تانية لان انا نفسى مبقتش طايق نفسى
اخش ف الموضوع
راجع البيت الساعة 8 معمى ومش شايف قدامى متر (متر ايه دا ولا ربع متر) وكالعادة من حوالى شهرين كدا عصبية زايدة ومش عاوز اتكلم ولا عاوز حد يكلمنى
سمعت صوت مش غريب على ودانى هو ايوا هوا جاى من ميكروفون الجامع اللى ورا البيت (بعد الثورة علو الصوت حوالى 10 مرات ) لقيت بقا الصوت اعلى من العشر مرات دول بعشر مرات فوقيهم صوت مين بقا ........(صاحب غزوة الصناديق) بيدى درس فى الجامع اسف مرة تالتة على التطويل وسوء الاسلوب والسخافة اللى فاتت دى كلها
ربنا يرحمنا بقا حسيت بصراحة انى عامل زى الكتكوت اللى واقف على صفيحة فرن مش عارف اقف فى مكان اخرج من اوضة اطلع من اوضة
بكلم نفسى وبصوت عالى جدا ايه بيحصل خلاص احنا وصلنا لكدة فين علمائنا فين شيوخنا فين وفين وفين. (خلاص هنسيب الميكروفون...نعمل زى الملاكم اللى نزل ايده وساب وشه مكشوف....او لاعب البنج اللى فتح زاوية المضرب) لا و الف لا للانهزامية واليأس طب انا جاهل ومش عاوز انجرف مع التيار مين يعلمنى مين يربينى (والله حالى وحال ناس كتير غيرى) طب فيه ناس ربنا بيهديها للناس الصالحين ويتحسسو الطريق (اجعلنا منهم يارب) ربنا يسترها علينا (فى يوم من الايام كنت بسمع للراجل دا لحد ما ودانى طفحت عشان كدا افرق صوته من وسط مليون صوت ومبيحسش بحلاوة التفاح اللا اللى داق الجميز ودا مكنش جميز ده كان علقم) ربما يعافينا يارب مقتنع ان العلم جزء منه يؤخذ بالتلقى انا مش فاهم اكيد فيه حاجة غلط
للمرة الرابعة اسف[/b]
_________________ ومَـن تَكُـن برسـولِ اللهِ نُصرَتُـهُ *** اِن تَلْقَـهُ الأُسْـدُ فــي آجامِـهَـا تَـجِـمِ
|