موقع د. محمود صبيح

جزاكم الله خيرا يامولانا الدكتور
وشكرا جزيلا

السلام عليكم ورحمة الله وبركاته
في الانتظار يامولانا الدكتور ولعل المانع خير
واسف علي الحاحي و كثرة طلبي
فهذا الالحاح بسبب حيرتي ومرضي
وجزاكم الله خيرا

وعليكم السلام ورحمة الله وبركاته

الفاضل الخلوتي:

كلما هممت حدثت لي أمور تعطلني كثيرا على غير المعتاد

مع أن الأمور سهلة ورؤياك واضحة في مجملها

على كل ..... نعدك خيرا فاصطبر

وشكرا

_________________
عَنْ عَلِيٍّ قَالَ كُنَّا إِذَا احْمَرَّ الْبَأْسُ وَلَقِيَ الْقَوْمُ الْقَوْمَ اتَّقَيْنَا بِرَسُولِ اللهِ صلى الله عليه وسلم فَمَا يَكُونُ مِنَّا أَحَدٌ أَدْنَى إِلَى الْعَدُوِّ مِنْهُ

شكراجزيلا يامولانا وكان الله في عونك وزادك علما وفضلا

السلام عليكم ورحمة الله وبركاته
كل عام وانت بخير يامولانا الدكتور محمود
معلش يامولانا لسه منتظر التأويل وسامحني علي الحاحي
مشكور يامولانا وجزاكم الله خيرا

الفاضل الخلوتي:

كل عام وأنت بخير

غبت عنا غيابا طويلا

ورؤياك كثيرة

إن شاء الله نقرأها من جديد وننظر ما فيها

فبرجاء المتابعة ولا تغيب

وشكرا

_________________
عَنْ عَلِيٍّ قَالَ كُنَّا إِذَا احْمَرَّ الْبَأْسُ وَلَقِيَ الْقَوْمُ الْقَوْمَ اتَّقَيْنَا بِرَسُولِ اللهِ صلى الله عليه وسلم فَمَا يَكُونُ مِنَّا أَحَدٌ أَدْنَى إِلَى الْعَدُوِّ مِنْهُ

كل عام وحضرتك بخير وعافيه يامولانا
معلش يامولانا كنت بتابع بس كنت محرج اني اطلب من حضرتك لانك مشغول كان الله في عونك
الشكر ليك يامولانا الدكتور هناك رؤيتان اخريان يامولانا واحده شوفتها في ٢٨ اكتوبر ٢٠١٤ قولت انتظر حضرتك لما تعبر الرؤي السابقه وبعد كدا اقصها علي حضرتك
استيقظت من النوم قبل المغرب احسست بخفه والصداع الدائم والالم في الراس خف شويه كنت مستغرب وانا قاعد لسه مقومتش من مكان نومي تذكرت الرؤيا وهي ان اخي احمد
وهو
يصغرني بثلاث اعوام يقوم بالقراءه عليا لينقل شئ مني لشخص اخر وكان هناك شخص نائم بالقرب مني تقريبا حجمه كبير
ولمحت اخي عبد الرحمن في المكان انا كنت قلق وسالت احمد ان كان يعرف طريقة ارجاع الشئ مره اخري قال ان استاذه او ابوه علمه نقلها بس ولكن ارجاعها قراء عنه قراءه دي الرؤيه الاولي وبعدها حاسس اني فوقت شويه بس بعد كدا تقريبا كل حاجه زي ما كانت الاول مفيش تغيير
والرؤيه الثانيه من سنوات لا اذكر كم بالظبط رائيت فيها لا اذكر بالظبط كنا نتحدث اننا يجب ان نساعد اخواننا لان الامريكان دخلوا بلدهم ولكن المشكله اننا هنتعرف علي طول عشان اختلاف لون البشره
وكاني في جنوب افريقيا وكنت امشي وكانت الطريق مليانه اقلام ملقاه في كل مكان وقابلت اناس هناك منهم من سلمت عليه باليد ومنهم من اعطيته التحيه العسكريه قالولي جيشكم اتباد او اتدمر بالكامل كلام بهذا المعني لا اعرف هل يقصد جيشنا عموما ولا قوات في البلد دا بس انا رديت عليه قولت تقريبا وانا مستغرب ازاي دا يحصل لجيشنا
بصراحه انا مش عارف اقول ايه يامولانا تقلت اوي علي حضرتك ربنا يخليك لينا ويجزيك عنا خير الجزاء

السلام عليكم ورحمة الله وبركاته
في الانتظار يامولانا جزاكم الله خيرا
(ارجوا من الادراه تكبير الخط)

السلام عليكم ورحمة الله وبركاته
مازلت طمعان في كرم حضرتكم يامولانا ومنتظر تعبير الرؤي
وبعد اذن حضرتك فيه رؤيه النهارده يوم السبت انا بنام بالنهار وبشتغل بالليل صحيت بعد المغرب وقبل العشاء ورايت خيرا ان شاءالله ان هناك شخص يحادثني ان اقراء القران بالترتيب من فوق لتحت يعني من البدايه فانا قولتله القراءه بالترتيب دي لما اكون بختم القران
وكان اسنانه عليه طبقه قريبه من اللون الاصفر او البرتقالي طبقه مثل التي تحدث بسبب كثر شرب الشاي تقريبا
وتحدث مع عن ان الناس تشتكي من مشغوليات الحياه مش متذكر بالظبط قال ايه وقال الام هتعمل ايه هتقول ربنا يشفيك برضو مش متذكر الجزء دا من الرؤيه
وفي جزء اخر من الرؤيه وجدتي اجلس مع شخص اعرفه من قريتنا فوق الستين سنه كان متكئ امسكت برجله ادلكها من عند القدم وهو عدل من ملابسه كان يلبس جلباب وشد ( ملابسه الداخلية ) وكان زي بتاع اجدانا الكبير دا انا شوفت انه شده فظهر طرفه من الجلبيه كانه عشان مفيش حاجه تظهر من جشمه او عورته وكانت رجله صلبه جدا كما الحديد وكنت مستغرب من قوته وصلابة رجله علي الرغم من عمره وتقريبا في نفسي قارنت او تسائلت اني شباب وضعيف ابنه كان جالس معاه انا اعرف ولاده في الحقيقه ولكن في الرؤيه لم اتبين ملامح ابنه الجالس معه قال ابنه يجيب حاجه ساقعه ابنه هو بيقوم وقع منه او كان في الارض ورقه كانت تقريبا خمسين جنيه فانا قولتله ميجبش او مكلمتهوش مش فاكر راح قالي انه صايم وانا في الحقيقه كنت صايم فعلا في اليوم دا

الغريب اني لما استيقظت افتكرت اسم الرجل انه اسمه ممدوح ابودوح
وبعدها بساعات لما جلست افكر في الرؤيه تذكرت فجاه ان الرجل اسمه فراج ابو دوح وليس ممدوح ابودوح
معلش يامولانا تقلت جدا علي حضرتك بس ملناش بر امان وثقه غير فيك يامولانا
وجزاكم الله خيرا

تم تكبير الخط وتغيير الكلمات ما بين القوسين من قبل الإدارة

السلام عليكم ورحمة الله وبركاته
توضيح يامولانا
انا كنت بمسك رجله بايديا الاتنين وبدوس عليهم زي نظام المساج والتدليك كدا
وجزاكم الله خيرا يامولانا

السلام عليكم ورحمة الله وبركاته
في الانتظار يامولانا الدكتور وسامحني علي الحاحي وكثرة طلبي
وربنا يجزيك عنا خير الجزاء

وعليكم السلام ورحمة الله وبركاته

إنما يوفى الصابرون أجرهم بغير حساب

وربك يأذن

والله المستعان

_________________
عَنْ عَلِيٍّ قَالَ كُنَّا إِذَا احْمَرَّ الْبَأْسُ وَلَقِيَ الْقَوْمُ الْقَوْمَ اتَّقَيْنَا بِرَسُولِ اللهِ صلى الله عليه وسلم فَمَا يَكُونُ مِنَّا أَحَدٌ أَدْنَى إِلَى الْعَدُوِّ مِنْهُ

ونعم بالله
اهم حاجه اني اكون في بال حضرتك يامولانا واسالكم الدعاء
وربنا ميحرمناش من حضرتك ابدا ويزيدك كرم وفضل ورفعه